Kerala News
തൃശ്ശൂർ എഞ്ചിനീയറിംഗ് കോളേജിൽ വിദ്യാർത്ഥിയെ മരിച്ച നിലയിൽ കണ്ടെത്തി
തൃശ്ശൂർ എഞ്ചിനീയറിംഗ് കോളേജിലെ ഹോസ്റ്റലിൽ വിദ്യാർത്ഥിയെ മരിച്ച നിലയിൽ കണ്ടെത്തി. കോഴിക്കോട് സ്വദേശി അക്ഷയ് ചന്ദ്രനാണ് മരിച്ചത്. മുറിയിലെ ഫാനിൽ കെട്ടിത്തൂങ്ങിയ നിലയിൽ കണ്ടെത്തുകയായിരുന്നു.
രാഹുൽ ഈശ്വർ നിരാഹാര സമരം അവസാനിപ്പിച്ചു; കസ്റ്റഡി അപേക്ഷ 10-ന് പരിഗണിക്കും
രാഹുൽ ഈശ്വർ ജയിലിലെ നിരാഹാര സമരം അവസാനിപ്പിച്ചു. ജാമ്യം നിഷേധിച്ചതിനെ തുടർന്നാണ് രാഹുൽ ഈശ്വർ തന്റെ തീരുമാനത്തിൽ നിന്നും പിന്മാറിയത്. ഭക്ഷണം കഴിക്കാമെന്ന് രാഹുൽ ജയിൽ അധികൃതരെ അറിയിച്ചു.
രാഹുൽ ഈശ്വറിന് ജാമ്യമില്ല; കസ്റ്റഡി അപേക്ഷ 10-ന് പരിഗണിക്കും
രാഹുൽ ഈശ്വറിന് തിരുവനന്തപുരം സി.ജെ.എം കോടതി ജാമ്യം നിഷേധിച്ചു. അതിജീവിതകൾക്കെതിരായ പോസ്റ്റുകൾ നീക്കം ചെയ്യാമെന്ന് രാഹുൽ അറിയിച്ചു. ആരോഗ്യനില മോശമായതിനെ തുടർന്ന് രാഹുലിനെ മെഡിക്കൽ കോളേജിൽ പ്രവേശിപ്പിച്ചു.
മൈലക്കാട് ദേശീയപാത തകർച്ച: ഉത്തരവാദിത്തം NHAI-ക്ക് എന്ന് മന്ത്രി കെ.എൻ.ബാലഗോപാൽ
മൈലക്കാട് ദേശീയപാത ഇടിഞ്ഞ സംഭവത്തിൽ ദേശീയപാത അതോറിറ്റിക്കെതിരെ മന്ത്രി കെ.എൻ.ബാലഗോപാൽ രംഗത്ത്. മണ്ണിന്റെ ഘടന പരിശോധിക്കുന്നതിൽ പോരായ്മ സംഭവിച്ചോ എന്ന് പരിശോധിക്കണമെന്ന് മന്ത്രി ആവശ്യപ്പെട്ടു. നിർമ്മാണ കമ്പനിയോ ദേശീയ പാത അതോറിറ്റിയോ അപകടകാരണം സംബന്ധിച്ച് വിശദീകരണം നൽകിയിട്ടില്ല.
രണ്ടാമത്തെ പീഡന കേസ്: അറസ്റ്റ് തടയാൻ രാഹുൽ മാങ്കൂട്ടത്തിൽ മുൻകൂർ ജാമ്യാപേക്ഷ നൽകി
രണ്ടാമത്തെ ലൈംഗിക പീഡനക്കേസിലും അറസ്റ്റ് തടയുന്നതിനുള്ള ശ്രമങ്ങളുമായി രാഹുൽ മാങ്കൂട്ടത്തിൽ എംഎൽഎ. തിരുവനന്തപുരം സെഷൻസ് കോടതിയിൽ അദ്ദേഹം മുൻകൂർ ജാമ്യാപേക്ഷ സമർപ്പിച്ചു. ലൈംഗിക പീഡനവും ഭ്രൂണഹത്യയും ആരോപിക്കപ്പെടുന്ന കേസിൽ ഹൈക്കോടതി അറസ്റ്റ് തടഞ്ഞതിന് പിന്നാലെയാണ് രണ്ടാമത്തെ കേസിൽ ജാമ്യം തേടി കോടതിയെ സമീപിച്ചത്. അറസ്റ്റ് തടയണമെന്നുള്ള അപേക്ഷയാണ് രാഹുൽ ഈ ഹർജിയിലൂടെ പ്രധാനമായും ആവശ്യപ്പെടുന്നത്.
ദേശീയപാത നിർമ്മാണം അഴിമതി കൂത്തരങ്ങ്; മന്ത്രി റിയാസ് റീൽസ് എടുക്കണം: ഒ.ജെ.ജനീഷ്
കൊല്ലത്തെ ദേശീയപാത അപകടത്തിൽ യൂത്ത് കോൺഗ്രസ് സംസ്ഥാന അധ്യക്ഷൻ ഒ.ജെ.ജനീഷിന്റെ പ്രതികരണം. ദേശീയപാത നിർമ്മാണം അഴിമതിയുടെ കൂത്തരങ്ങായി മാറിയെന്നും എൻ.എച്ച്.എ.ഐ വെള്ളാനയായി മാറിയെന്നും അദ്ദേഹം കുറ്റപ്പെടുത്തി. ശബരിമല സ്വർണ്ണക്കൊള്ളയിൽ സർക്കാരിന് ഒളിച്ചോടാൻ കഴിയില്ലെന്നും രാഹുൽ വിഷയത്തിൽ അറസ്റ്റ് വൈകുന്നതിന്റെ ഉത്തരവാദിത്വം സംസ്ഥാന സർക്കാരിനാണെന്നും ജനീഷ് ആരോപിച്ചു.
രാഹുൽ മാങ്കൂട്ടത്തിലിന്റെ അറസ്റ്റ് ഹൈക്കോടതി തടഞ്ഞു; പരാതി രാഷ്ട്രീയപ്രേരിതമെന്ന് രാഹുൽ
ലൈംഗിക പീഡനക്കേസിൽ രാഹുൽ മാങ്കൂട്ടത്തിലിന്റെ അറസ്റ്റ് ഹൈക്കോടതി തടഞ്ഞു. രാഹുലിനെതിരെ അതിജീവിത നൽകിയ പരാതി രാഷ്ട്രീയപ്രേരിതമാണെന്നും അറസ്റ്റ് തടയണമെന്നും രാഹുൽ വാദിച്ചു. രാഹുൽ മംഗലാപുരം കേന്ദ്രീകരിച്ച് ഒളിവിൽ കഴിയുകയാണെന്ന് അന്വേഷണസംഘം കരുതുന്നു.
ശബരിമല സ്വർണ്ണക്കൊള്ള: തന്ത്രിമാരുടെ മൊഴി വീണ്ടും രേഖപ്പെടുത്തും, എൻ. വാസുവിന്റെ ജാമ്യഹർജി ഇന്ന് പരിഗണിക്കും
ശബരിമല സ്വർണ്ണക്കൊള്ള കേസിൽ തന്ത്രിമാരുടെ മൊഴി വീണ്ടും രേഖപ്പെടുത്തും. ഉന്നതരിലേക്ക് അന്വേഷണം നീങ്ങണമെന്ന ഹൈക്കോടതി നിർദേശത്തെത്തുടർന്നാണ് എസ് ഐ ടിയുടെ നീക്കം. തിരുവിതാംകൂർ ദേവസ്വം ബോർഡ് മുൻ പ്രസിഡന്റ് എൻ. വാസുവിന്റെ ജാമ്യഹർജി ഹൈക്കോടതി ഇന്ന് പരിഗണിക്കും.
കുസാറ്റ് വിദ്യാർത്ഥി യൂണിയൻ തിരഞ്ഞെടുപ്പിൽ എസ്എഫ്ഐക്ക് വിജയം; അഭിനന്ദനവുമായി മന്ത്രി പി. രാജീവ്
കൊച്ചിൻ ശാസ്ത്ര സാങ്കേതിക സർവ്വകലാശാല (കുസാറ്റ്) വിദ്യാർത്ഥി യൂണിയൻ തിരഞ്ഞെടുപ്പിൽ എസ്എഫ്ഐയുടെ ഉജ്ജ്വല വിജയം. യൂണിവേഴ്സിറ്റി യൂണിയൻ കൗൺസിലർമാരുടെ തിരഞ്ഞെടുപ്പിൽ 190 സീറ്റിൽ 104 സീറ്റുകൾ നേടി എസ്എഫ്ഐ യൂണിയൻ തിരിച്ചുപിടിച്ചു. മന്ത്രി പി. രാജീവ് എസ്എഫ്ഐയെ അഭിനന്ദിച്ചു.
ദേശീയപാത 66-ലെ നിർമ്മാണ പാളിച്ചകൾ പാർലമെന്റിൽ ഉന്നയിച്ച് ശശി തരൂർ
ദേശീയപാത 66-ലെ നിർമ്മാണത്തിലെ സുരക്ഷാ വീഴ്ചകൾ ശശി തരൂർ എം.പി. ലോക്സഭയിൽ ഉന്നയിച്ചു. അരൂർ - തുറവൂർ എലിവേറ്റഡ് ഹൈവേ ആസൂത്രണമില്ലാതെയാണ് പൂർത്തിയാക്കിയതെന്നും അദ്ദേഹം കുറ്റപ്പെടുത്തി. അപാകതകളുടെ ഉത്തരവാദിത്തം ദേശീയപാത അതോറിറ്റി ഏറ്റെടുക്കണമെന്നും തരൂർ ആവശ്യപ്പെട്ടു.
രാഹുൽ ഈശ്വറിനെ ആശുപത്രിയിൽ പ്രവേശിപ്പിച്ചു; ആരോഗ്യനില മോശമായതിനെ തുടർന്ന്
ആരോഗ്യനില മോശമായതിനെ തുടർന്ന് രാഹുൽ ഈശ്വറിനെ തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു. ജയിലിൽ നിരാഹാരം തുടരുന്നതിനാൽ ആരോഗ്യനില വഷളായതിനെ തുടർന്നാണ് ആശുപത്രിയിൽ പ്രവേശിപ്പിച്ചത്. ആരോഗ്യനിലയിൽ മാറ്റമുണ്ടാകുന്ന മുറയ്ക്ക് രാഹുലിനെ തിരികെ ജയിലിലേയ്ക്ക് മാറ്റും.
വിസി നിയമനം: സര്ക്കാരിനും ഗവര്ണര്ക്കും സുപ്രീം കോടതിയുടെ അന്ത്യശാസനം
ഡിജിറ്റൽ സാങ്കേതിക സർവ്വകലാശാലകളിലെ വിസി നിയമനത്തിൽ സർക്കാരും ഗവർണറും ഉടൻ സമവായത്തിലെത്തണമെന്ന് സുപ്രീം കോടതി. അല്ലെങ്കിൽ കോടതി ഇടപെട്ട് നിയമനം നടത്തും. സർക്കാർ നൽകിയ മുൻഗണനാ പട്ടികയിൽ നിന്ന് നിയമനം നടത്താൻ കഴിയില്ലെന്ന് ഗവർണർ അറിയിച്ചു. സിസ തോമസിനെ നിയമിക്കാനുള്ള ഗവർണറുടെ നീക്കം സുപ്രീം കോടതി നിർദ്ദേശങ്ങളുടെ ലംഘനമാണെന്ന് മുഖ്യമന്ത്രി വിമർശിച്ചു.