Kerala News
ഓപ്പറേഷന് ഡി-ഹണ്ട്: സംസ്ഥാനത്ത് 104 പേര് അറസ്റ്റില്, ലഹരിവസ്തുക്കള് പിടികൂടി
സംസ്ഥാനത്ത് ഓപ്പറേഷന് ഡി-ഹണ്ടിന്റെ ഭാഗമായി നടത്തിയ പ്രത്യേക പരിശോധനയില് 104 പേരെ അറസ്റ്റ് ചെയ്തു. മയക്കുമരുന്ന് വില്പ്പനയില് ഏര്പ്പെടുന്നതായി സംശയിക്കുന്ന 2,000 പേരെയാണ് പരിശോധനയ്ക്ക് വിധേയമാക്കിയത്. ഈ പരിശോധനയില് വിവിധതരം മയക്കുമരുന്നുകളും പിടിച്ചെടുത്തു.
ഇഡി അസിസ്റ്റന്റ് ഡയറക്ടർ കോഴക്കേസ്: വിജിലൻസ് വിശദമായ അന്വേഷണം ആരംഭിച്ചു
എൻഫോഴ്സ്മെന്റ് ഡയറക്ടറേറ്റ് അസിസ്റ്റന്റ് ഡയറക്ടർ പ്രതിയായ കോഴക്കേസിൽ വിജിലൻസ് അന്വേഷണം തുടങ്ങി. അറസ്റ്റിലായ വിൽസൺ, മുകേഷ്, രഞ്ജിത്ത് വാര്യർ എന്നിവരെ വിജിലൻസ് കസ്റ്റഡിയിൽ വാങ്ങി. ഒന്നാം പ്രതിയായ ഇ.ഡി ഉദ്യോഗസ്ഥൻ ശേഖർ കുമാറുമായി ചേർന്ന് പ്രതികൾ ഗൂഢാലോചന നടത്തിയെന്നാണ് കണ്ടെത്തൽ.
വനംവകുപ്പ് ഉദ്യോഗസ്ഥരെ ഭീഷണിപ്പെടുത്തിയെന്ന കേസിൽ പ്രതികരണവുമായി കെ.യു. ജനീഷ് കുമാർ എംഎൽഎ
വനംവകുപ്പ് ഉദ്യോഗസ്ഥരെ ഭീഷണിപ്പെടുത്തിയെന്ന കേസിൽ കോന്നി എംഎൽഎ കെ.യു. ജനീഷ് കുമാർ പ്രതികരിച്ചു. അനീതിക്കെതിരെ തന്റെ ശബ്ദം ഇനിയും ഉയരുമെന്ന് എംഎൽഎ വ്യക്തമാക്കി. കേസ് നിയമപരമായി നേരിടുമെന്നും അദ്ദേഹം കൂട്ടിച്ചേർത്തു.
കാസർഗോഡ് പെൺകുട്ടി കൊലക്കേസ്: 15 വർഷത്തിനു ശേഷം പ്രതി പിടിയിൽ
കാസർഗോഡ് എണ്ണപ്പാറയിലെ 17 വയസ്സുകാരിയുടെ തിരോധാനവുമായി ബന്ധപ്പെട്ട കേസിൽ 15 വർഷത്തിനു ശേഷം പ്രതി പിടിയിലായി. പാണത്തൂർ സ്വദേശി ബിജു പൗലോസ് ആണ് ക്രൈം ബ്രാഞ്ചിന്റെ പിടിയിലായത്. പ്രതി പെൺകുട്ടിയെ ബലാത്സംഗം ചെയ്തെന്നും, കുട്ടി മരിച്ചെന്നും ഇയാൾ അന്വേഷണസംഘത്തോട് സമ്മതിച്ചു.
യുവ അഭിഭാഷകയെ മർദിച്ച കേസ്: ബെയ്ലിൻ ദാസിൻ്റെ ജാമ്യാപേക്ഷയിൽ വിധി തിങ്കളാഴ്ച
വഞ്ചിയൂരിൽ യുവ അഭിഭാഷകയെ മർദിച്ച കേസിൽ അറസ്റ്റിലായ സീനിയർ അഭിഭാഷകൻ ബെയ്ലിൻ ദാസിൻ്റെ ജാമ്യാപേക്ഷയിൽ വിധി പറയുന്നത് തിങ്കളാഴ്ചത്തേക്ക് മാറ്റി. മജിസ്ട്രേറ്റ് കോടതി 12 ആണ് ജാമ്യ ഹർജി പരിഗണിച്ചത്. പ്രോസിക്യൂഷനും പ്രതിഭാഗവും ശക്തമായ വാദങ്ങൾ ഉന്നയിച്ചു.
ദുരന്തബാധിതർക്കായി ലീഗ് വീട് നൽകുന്നത് തെറ്റായ സന്ദേശം നൽകുന്നു; വിമർശനവുമായി മുഖ്യമന്ത്രി
മുണ്ടക്കൈ-ചൂരൽമല ദുരന്തബാധിതർക്കായി സർക്കാർ ടൗൺഷിപ്പിന് പുറത്ത് താമസം ഒരുക്കുന്ന മുസ്ലീം ലീഗിനെ മുഖ്യമന്ത്രി വിമർശിച്ചു. ലീഗിന്റെ നടപടി സമൂഹത്തിന് തെറ്റായ സന്ദേശമാണ് നൽകുന്നതെന്ന് മുഖ്യമന്ത്രി തുറന്നടിച്ചു. യഥാർത്ഥ അതിജീവിതർക്ക് തന്നെയാണോ വീടുകൾ നൽകുന്നതെന്ന് ഉറപ്പില്ലെന്നും മുഖ്യമന്ത്രി പറഞ്ഞു.
തിരുവനന്തപുരം കിഴക്കേകോട്ടയിൽ സ്വകാര്യ ബസ് ജീവനക്കാരുടെ ഗുണ്ടാ വിളയാട്ടം; ദൃശ്യങ്ങൾ പുറത്ത്
തിരുവനന്തപുരം കിഴക്കേകോട്ടയിൽ സ്വകാര്യ ബസ് ജീവനക്കാർ തമ്മിൽ ഗുണ്ടാ വിളയാട്ടം. ബസുകളുടെ സമയക്രമത്തെച്ചൊല്ലിയുണ്ടായ തർക്കം കത്തിക്കുത്തിലും സംഘർഷത്തിലുമെത്തി. സംഭവവുമായി ബന്ധപ്പെട്ട രണ്ട് അക്രമണങ്ങളുടെ ദൃശ്യങ്ങൾ പുറത്ത് വന്നു.
സ്വർണവിലയിൽ മാറ്റമില്ല; ഒരു പവൻ 76104 രൂപ
സ്വർണവിലയിൽ ഇന്ന് മാറ്റമില്ല. ഒരു ഗ്രാം സ്വർണത്തിന് 8720 രൂപയും ഒരു പവന് 76104 രൂപയുമാണ് വില. ആഗോള വിപണിയിലെ മാറ്റങ്ങൾക്കനുസരിച്ച് വിലയിൽ വ്യത്യാസം വരാമെങ്കിലും, രൂപയുടെ മൂല്യവും ഇറക്കുമതി തീരുവയും പ്രാദേശിക ആവശ്യകതയുമെല്ലാം വില നിർണയത്തിൽ പ്രധാന പങ്കുവഹിക്കുന്നു.
തപാൽ വോട്ട് വിവാദം: ജി. സുധാകരനെതിരെ കേസ്
തപാൽ വോട്ട് തിരുത്തിയെന്ന വിവാദ പ്രസ്താവനയിൽ ജി. സുധാകരനെതിരെ കേസ് എടുത്തു. ആലപ്പുഴ സൗത്ത് പോലീസ് ആണ് കേസ് രജിസ്റ്റർ ചെയ്തത്. തെളിവ് ശേഖരണത്തിന് ശേഷം അറസ്റ്റ് ഉണ്ടാകും.
കൊട്ടാരക്കരയിൽ എക്സൈസ് റെയ്ഡ്; 5 ലിറ്റർ ചാരായവും 35 ലിറ്റർ കോടയും പിടികൂടി, ഒരാൾ അറസ്റ്റിൽ
കൊട്ടാരക്കരയിൽ എക്സൈസ് നടത്തിയ റെയ്ഡിൽ 5 ലിറ്റർ ചാരായവും 35 ലിറ്റർ കോടയും പിടിച്ചെടുത്തു. കലയപുരം വില്ലേജിൽ പൂവറ്റൂരിൽ നടത്തിയ റെയ്ഡിലാണ് ചാരായവും കോടയും പിടിച്ചെടുത്തത്. സംഭവത്തിൽ ഒരാൾ അറസ്റ്റിലായിട്ടുണ്ട്.
വയനാട് റിസോർട്ടിൽ അപകടം: മാനേജരും സൂപ്പർവൈസറും അറസ്റ്റിൽ
വയനാട് 900 കണ്ടിയിലെ റിസോർട്ടിൽ അപകടത്തിൽ യുവതി മരിച്ച സംഭവത്തിൽ റിസോർട്ട് മാനേജരും സൂപ്പർവൈസറും അറസ്റ്റിലായി. മലപ്പുറം സ്വദേശിനിയായ നിഷ്മയാണ് മരിച്ചത്. റിസോർട്ടിന് അനുമതിയില്ലെന്ന് പഞ്ചായത്ത് അധികൃതർ അറിയിച്ചു.
നെടുമ്പാശ്ശേരിയിൽ യുവാവിനെ കാറിടിച്ച് കൊലപ്പെടുത്തിയ സംഭവം: സിഐഎസ്എഫ് ഉദ്യോഗസ്ഥർക്ക് സസ്പെൻഷൻ
നെടുമ്പാശ്ശേരിയിൽ സിഐഎസ്എഫ് ഉദ്യോഗസ്ഥർ കാറിടിച്ച് കൊലപ്പെടുത്തിയ കേസിൽ പ്രാഥമിക പോസ്റ്റ്മോർട്ടം റിപ്പോർട്ട് പുറത്ത് വന്നു. ഐവിന്റെ മരണകാരണം തലക്കേറ്റ പരുക്കാണെന്ന് റിപ്പോർട്ടിൽ പറയുന്നു. കേസിൽ പ്രതികളായ സിഐഎസ്എഫ് ഉദ്യോഗസ്ഥരെ സസ്പെൻഡ് ചെയ്തു.