Kerala News
സുരേഷ് ഗോപി വ്യാജരേഖ ഉപയോഗിച്ച് വോട്ട് ചേർത്തെന്ന പരാതിയിൽ ടി എൻ പ്രതാപന്റെ മൊഴിയെടുക്കും
സുരേഷ് ഗോപി വ്യാജ രേഖകൾ ഉപയോഗിച്ച് തൃശ്ശൂരിൽ വോട്ട് ചേർത്തെന്ന പരാതിയിൽ ടി എൻ പ്രതാപന്റെ മൊഴിയെടുക്കാൻ പോലീസ് തീരുമാനിച്ചു. സിറ്റി പൊലീസ് കമ്മീഷണർ തിങ്കളാഴ്ച ടി എൻ പ്രതാപന് വിവരങ്ങൾ കൈമാറാൻ ആവശ്യപ്പെട്ട് നോട്ടീസ് നൽകി.വ്യാജ സത്യവാങ്മൂലം നൽകി വോട്ട് ചേർത്തതിൽ നടപടി എടുക്കണമെന്നാണ് ടി എൻ പ്രതാപൻ നൽകിയ പരാതിയിലെ പ്രധാന ആവശ്യം.
തൃശൂരിൽ സുരേഷ് ഗോപിക്ക് എതിരെ ഡിവൈഎഫ്ഐ മാർച്ച്; പോലീസ് ജലപീരങ്കി പ്രയോഗിച്ചു
തൃശൂരിൽ സുരേഷ് ഗോപി എം.പി.യുടെ ഓഫീസിലേക്ക് ഡിവൈഎഫ്ഐ നടത്തിയ മാർച്ചിൽ പോലീസ് ജലപീരങ്കി പ്രയോഗിച്ചു. വോട്ടർ പട്ടിക ക്രമക്കേടിൽ സുരേഷ് ഗോപി രാജിവെക്കണമെന്ന് ആവശ്യപ്പെട്ടായിരുന്നു പ്രതിഷേധം. കനത്ത പോലീസ് സുരക്ഷയിലാണ് പ്രതിഷേധം നടന്നത്, ബാരിക്കേഡ് മറിച്ചിടാൻ ശ്രമിച്ച പ്രവർത്തകർക്കെതിരെ പോലീസ് ജലപീരങ്കി പ്രയോഗിച്ചു.
ലഹരി കേസ്: യൂത്ത് ലീഗ് നേതാവിൻ്റെ സഹോദരൻ്റെ ജാമ്യഹർജി 18 ലേക്ക് മാറ്റി
ലഹരി പരിശോധനക്കിടെ പൊലീസിനെ ആക്രമിച്ച കേസിൽ യൂത്ത് ലീഗ് നേതാവ് പി.കെ. ഫിറോസിൻ്റെ സഹോദരൻ പി.കെ. ബുജൈറിൻ്റെ ജാമ്യഹർജി പരിഗണിക്കുന്നത് ഈ മാസം 18-ാം തീയതിയിലേക്ക് മാറ്റി. കുന്ദമംഗലം കോടതി ജാമ്യം നിഷേധിച്ചതിനെ തുടർന്നാണ് ജില്ലാ കോടതിയെ സമീപിച്ചത്. അന്വേഷണവുമായി പ്രതി സഹകരിക്കുന്നില്ലെന്ന് പൊലീസ് കോടതിയിൽ റിപ്പോർട്ട് നൽകിയിട്ടുണ്ട്.
നിലമ്പൂരിൽ യുവ ദമ്പതികളെ മരിച്ച നിലയിൽ കണ്ടെത്തി
മലപ്പുറം ജില്ലയിലെ നിലമ്പൂരിൽ യുവ ദമ്പതികളെ മരിച്ച നിലയിൽ കണ്ടെത്തി. രാജേഷിനെ വിഷം ഉള്ളിൽ ചെന്ന് മരിച്ച നിലയിലും അമൃതയെ തൂങ്ങി മരിച്ച നിലയിലുമാണ് കണ്ടെത്തിയത്. പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
പാംപ്ലാനിക്കെതിരായ ആക്രമണം അവസാനിപ്പിക്കണം; സിറോ മലബാർ സഭ
സിറോ മലബാർ സഭ മാർ ജോസഫ് പാംപ്ലാനിക്കെതിരായ ആക്രമണങ്ങൾ അവസാനിപ്പിക്കണമെന്ന് ആവശ്യപ്പെട്ടു. രാഷ്ട്രീയ പാർട്ടികളോട് സഭയ്ക്ക് പ്രത്യേക പ്രതിപത്തിയില്ലെന്നും വാർത്താക്കുറിപ്പിൽ അറിയിച്ചു. സി.പി.ഐ.എം സംസ്ഥാന സെക്രട്ടറിയുടെ പ്രസ്താവന തെറ്റിദ്ധാരണാജനകമാണെന്നും സഭ കുറ്റപ്പെടുത്തി.
ലൗ ജിഹാദ് ക്രിമിനൽ കുറ്റമായി പ്രഖ്യാപിക്കണം; സർക്കാരിന് രാഷ്ട്രീയ സംരക്ഷണമെന്നും ബിജെപി
ലൗ ജിഹാദ് ക്രിമിനൽ കുറ്റമായി പ്രഖ്യാപിക്കണമെന്ന് ബിജെപി ആവശ്യപ്പെട്ടു. കോതമംഗലത്ത് 23 കാരിയുടെ ആത്മഹത്യ കാരണം നിർബന്ധിത മതപരിവർത്തന ശ്രമമെന്ന് ബിജെപി നേതാവ് ഷോൺ ജോർജ് ആരോപിച്ചു. റമീസിൻ്റെ കസ്റ്റഡി അപേക്ഷ പരിഗണിക്കുന്നത് തിങ്കളാഴ്ചത്തേക്ക് മാറ്റി.
എം.ആർ. അജിത് കുമാറിനെ കുറ്റവിമുക്തനാക്കി വിജിലൻസ് റിപ്പോർട്ട്; സ്വർണക്കടത്ത്, മരംമുറി ആരോപണങ്ങളിൽ കഴമ്പില്ലെന്ന് കണ്ടെത്തൽ
എഡിജിപി എം.ആർ. അജിത് കുമാറിനെ കുറ്റവിമുക്തനാക്കി വിജിലൻസ് അന്വേഷണ റിപ്പോർട്ട്. പി.വി. അൻവർ ആരോപിച്ച മലപ്പുറം എസ്.പി. ക്യാമ്പ് ഓഫീസിലെ മരം മുറിയിലോ സ്വർണക്കടത്ത് ആരോപണത്തിലോ അജിത് കുമാറിനെതിരെ തെളിവുകൾ ഇല്ലെന്ന് റിപ്പോർട്ടിൽ പറയുന്നു. കവടിയാറിലെ ആഡംബര വീട് നിർമ്മാണവുമായി ബന്ധപ്പെട്ട് അജിത് കുമാർ എസ്.ബി.ഐ. ബാങ്കിൽ നിന്നും ഒന്നരക്കോടി രൂപ ലോണെടുത്തിട്ടുണ്ടെന്നും റിപ്പോർട്ടിൽ പറയുന്നു.
തിരഞ്ഞെടുപ്പിൽ വോട്ടിന് മദ്യം നൽകിയെന്ന് ആരോപണം; SKVHSS സ്കൂളിൽ പ്രതിഷേധം
തിരുവനന്തപുരം നന്ദിയോട് SKVHSS സ്കൂളിൽ തിരഞ്ഞെടുപ്പിൽ വോട്ടിന് മദ്യം നൽകിയെന്ന ആരോപണം. സംഭവത്തിൽ സ്കൂൾ അധികൃതരും എസ്എഫ്ഐയും ആരോപണം നിഷേധിച്ചിട്ടുണ്ട്. കെഎസ്യു ശക്തമായ പ്രതിഷേധവുമായി മുന്നോട്ട് പോവുകയാണ്.
ധൻബാദ് എക്സ്പ്രസ്സിൽ ഉപേക്ഷിച്ച നിലയിൽ ഭ്രൂണം; അന്വേഷണം ഊർജ്ജിതമാക്കി പോലീസ്
ധൻബാദ് എക്സ്പ്രസ്സിൽ ഉപേക്ഷിക്കപ്പെട്ട നിലയിൽ കണ്ടെത്തിയ ഗർഭസ്ഥ ശിശുവിന്റെ മൃതദേഹത്തെക്കുറിച്ചുള്ള അന്വേഷണം പോലീസ് ഊർജ്ജിതമാക്കി. ട്രെയിനിലെ ജീവനക്കാരിൽ നിന്ന് മൊഴിയെടുത്തതിൽ നിന്നും സൂചനകളൊന്നും ലഭിച്ചിട്ടില്ല. ഗർഭസ്ഥ ശിശുവിനെ ഉപേക്ഷിച്ചത് ആലുവയ്ക്കും ആലപ്പുഴയ്ക്കും ഇടയിലാണെന്നാണ് പ്രാഥമിക നിഗമനം.
വടകരയിൽ ഷോക്കേറ്റ് വീട്ടമ്മ മരിച്ചു
കോഴിക്കോട് വടകരയിൽ മുറ്റം അടിക്കുന്നതിനിടെ വൈദ്യുതാഘാതമേറ്റ് വീട്ടമ്മ മരിച്ചു. തോടന്നൂരിലെ ഉഷ ആശാരിക്കണ്ടി (51) ആണ് മരിച്ചത്. മരം പൊട്ടിവീണ് വൈദ്യുതി ലൈനിൽ തട്ടിയതിനെ തുടർന്ന് വീട്ടുമുറ്റത്തേക്ക് പതിച്ച മരക്കൊമ്പിൽ തട്ടിയതാണ് അപകട കാരണം.
ചാലക്കുടിയിൽ ഗതാഗതക്കുരുക്ക് രൂക്ഷം; മണിക്കൂറുകളായി കുടുങ്ങി യാത്രക്കാർ
തൃശ്ശൂർ മണ്ണുത്തി-ഇടപ്പള്ളി ദേശീയപാതയിൽ ചാലക്കുടി പട്ടണത്തിൽ ഗതാഗതക്കുരുക്ക് രൂക്ഷമായി തുടരുന്നു. പ്രധാന പാതയിൽ നിന്ന് മറ്റ് വഴികളിലേക്ക് വാഹനങ്ങൾ പ്രവേശിക്കുന്നതോടെ നഗരത്തിലെ റോഡുകളിലെല്ലാം ഗതാഗതം സ്തംഭിച്ചിരിക്കുകയാണ്. സർവീസ് റോഡുകളുടെ നിർമ്മാണം പൂർത്തിയാകാത്തതാണ് ഗതാഗതക്കുരുക്കിന് പ്രധാന കാരണം.
മാധ്യമങ്ങളെ പരിഹസിച്ച് പി.പി. ദിവ്യ; പേര് പോലും വാർത്തയെന്ന് പരിഹാസം
സിപിഐഎം നേതാവും കണ്ണൂർ ജില്ലാ പഞ്ചായത്ത് മുൻ പ്രസിഡന്റുമായ പി.പി. ദിവ്യ മാധ്യമങ്ങളെ വിമർശിച്ചു. ഡിവൈഎഫ്ഐ കുറ്റിക്കോലിൽ സംഘടിപ്പിച്ച സമര സംഗമത്തിലായിരുന്നു പി.പി. ദിവ്യയുടെ വിമർശനം. മാധ്യമങ്ങൾക്ക് ഇടതുപക്ഷ വിരുദ്ധത മാത്രമാണെന്നും ഇടതുപക്ഷ വിരുദ്ധത പ്രകടിപ്പിച്ചാൽ റേറ്റിംഗ് കൂടുമെന്ന് മാധ്യമങ്ങൾക്ക് മനസ്സിലായെന്നും അവർ പറഞ്ഞു.