Kerala High Court
തോമസ് ഐസക്കിനെതിരായ ഹർജി ഹൈക്കോടതി തള്ളി
മുൻ ധനമന്ത്രിയും സിപിഐഎം നേതാവുമായ ടി.എം. തോമസ് ഐസക്കിനെ നോളജ് മിഷൻ ഉപദേശകനായി നിയമിച്ചതിനെതിരായ ഹർജി ഹൈക്കോടതി തള്ളി. നിയമനത്തിൽ തെറ്റില്ലെന്ന് കോടതി ചൂണ്ടിക്കാട്ടി. ഹർജി നൽകിയ പായിച്ചിറ നവാസിനെ കോടതി വിമർശിച്ചു.
വേടന്റെ അറസ്റ്റ് ഹൈക്കോടതി തടഞ്ഞു; ഉഭയകക്ഷി ബന്ധം എങ്ങനെ ബലാത്സംഗമാകും എന്ന് കോടതി.
റാപ്പർ വേടനെതിരായ ബലാത്സംഗ കേസിൽ ഹൈക്കോടതി അറസ്റ്റ് തടഞ്ഞു. അന്തിമ തീരുമാനമുണ്ടാകുന്നതുവരെ അറസ്റ്റ് പാടില്ലെന്ന് കോടതി വ്യക്തമാക്കി. ഉഭയകക്ഷി സമ്മതപ്രകാരമുള്ള ശാരീരിക ബന്ധം എങ്ങനെ ബലാത്സംഗമാകുമെന്നും കോടതി ചോദിച്ചു.
ശ്രീനിവാസൻ വധക്കേസിൽ നാല് പ്രതികൾക്ക് കൂടി ഹൈക്കോടതി ജാമ്യം
പാലക്കാട് ശ്രീനിവാസൻ വധക്കേസിൽ നാല് പ്രതികൾക്ക് ഹൈക്കോടതി ജാമ്യം അനുവദിച്ചു. പോപ്പുലർ ഫ്രണ്ട് പ്രവർത്തകരായ അൻസാർ, ബിലാൽ, റിയാസ്, സഹീർ എന്നിവർക്കാണ് ജാമ്യം ലഭിച്ചത്. സുബൈറിൻ്റെ കൊലപാതകത്തിന് പ്രതികാരമായിട്ടാണ് ശ്രീനിവാസനെ കൊലപ്പെടുത്തിയതെന്നാണ് എൻഐഎയുടെ കണ്ടെത്തൽ.
വേടന്റെ മുൻകൂർ ജാമ്യാപേക്ഷ: ഹൈക്കോടതിയിൽ നാളെ വാദം തുടരും
റാപ്പർ വേടൻ എന്ന ഹിരൺദാസ് മുരളിയുടെ മുൻകൂർ ജാമ്യാപേക്ഷ ഹൈക്കോടതി നാളെ പരിഗണിക്കും. തൃക്കാക്കര പൊലീസ് രജിസ്റ്റർ ചെയ്ത ബലാത്സംഗ കേസിലാണ് വേടൻ ജാമ്യം തേടിയിരിക്കുന്നത്. വേടൻ സ്ഥിരം കുറ്റവാളിയാണെന്ന് പരാതിക്കാരി ആരോപിച്ചു.
പി.പി. ദിവ്യക്കെതിരായ കേസിൽ ഹൈക്കോടതിയുടെ ഇടപെടൽ; വിജിലൻസിന് നോട്ടീസ് അയച്ചു
പി.പി. ദിവ്യക്കെതിരായ അഴിമതി ആരോപണത്തിൽ ഹൈക്കോടതി വിജിലൻസിന് നോട്ടീസ് അയച്ചു. കെ.എസ്.യു സംസ്ഥാന വൈസ് പ്രസിഡന്റ് നൽകിയ ഹർജിയിലാണ് നടപടി. അധികാര ദുർവിനിയോഗം നടത്തി പണം തട്ടിയെന്ന ഹർജിക്കാരന്റെ ആരോപണത്തിൽ കഴമ്പുണ്ടെന്ന് കോടതി വിലയിരുത്തി.
ബലാത്സംഗ കേസിൽ റാപ്പർ വേടന്റെ മുൻകൂർ ജാമ്യാപേക്ഷ ഇന്ന് ഹൈക്കോടതിയിൽ
റാപ്പർ വേടന്റെ മുൻകൂർ ജാമ്യാപേക്ഷ ഹൈക്കോടതി ഇന്ന് പരിഗണിക്കും. ജസ്റ്റിസ് കുര്യൻ തോമസിന്റെ ബെഞ്ചാണ് കേസ് പരിഗണിക്കുന്നത്. പൊലീസ് ജാമ്യഹർജിയെ എതിർക്കും. 2021 മുതൽ 2023 വരെ വിവാഹ വാഗ്ദാനം നൽകി പീഡിപ്പിച്ചു എന്നാണ് യുവതിയുടെ പരാതി.
ദേശീയപാതയിലെ പെട്രോൾ പമ്പുകളിലെ ശുചിമുറികൾ പൊതുജനങ്ങൾക്ക് തുറക്കാം: ഹൈക്കോടതി
ദേശീയപാതയോരത്തെ പെട്രോൾ പമ്പുകളിലെ ശുചിമുറികൾ ഇനി പൊതുജനങ്ങൾക്കും ഉപയോഗിക്കാം. സുരക്ഷാ പ്രശ്നങ്ങളുണ്ടെങ്കിൽ മാത്രമേ പൊതുജനങ്ങളെ തടയേണ്ടതുള്ളൂ എന്ന് ഹൈക്കോടതി അറിയിച്ചു. നേരത്തെ ഉപഭോക്താക്കൾക്ക് മാത്രമായി പമ്പുകളിലെ ശുചിമുറികൾ പരിമിതപ്പെടുത്തിയിരുന്നു, ഈ ഉത്തരവിലാണ് ഇപ്പോൾ ഭേദഗതി വരുത്തിയിരിക്കുന്നത്.
മാസപ്പടി കേസിൽ ഷോൺ ജോർജിന് തിരിച്ചടി; രേഖകൾ ആവശ്യപ്പെട്ടുള്ള ഹർജി ഹൈക്കോടതി തള്ളി
മാസപ്പടി കേസിൽ സിഎംആർഎല്ലിൽ നിന്ന് എസ്എഫ്ഐഒ കസ്റ്റഡിയിലെടുത്ത ഡയറിയുടെ പകർപ്പും അനുബന്ധ രേഖകളും ആവശ്യപ്പെട്ടുള്ള ഷോൺ ജോർജിന്റെ ഹർജി ഹൈക്കോടതി തള്ളി. സിഎംആർഎൽ മാസപ്പടി കേസിൽ നിർണായക വിവരങ്ങൾ അടങ്ങിയ ഡയറിയുണ്ടെന്നായിരുന്നു ഹർജിക്കാരൻ വാദിച്ചത്. നേരത്തെ രേഖകള് കൈമാറാന് കീഴ്ക്കോടതി നിര്ദേശിച്ചിരുന്നു.
വഞ്ചനാ കേസിൽ നിവിൻ പോളിക്ക് ഹൈക്കോടതിയുടെ താത്ക്കാലിക സ്റ്റേ
നടൻ നിവിൻ പോളിക്കും സംവിധായകൻ എബ്രിഡ് ഷൈനും എതിരായ വഞ്ചനാ കേസിൽ ഹൈക്കോടതി താത്ക്കാലിക സ്റ്റേ അനുവദിച്ചു. യുവതിയിൽ നിന്നും രണ്ട് കോടി രൂപ തട്ടിയെടുത്തുവെന്ന പരാതിയിലാണ് ഇവർക്കെതിരെ കേസ് രജിസ്റ്റർ ചെയ്തത്. സബ് കോടതി കേസ് തീർപ്പാക്കുന്നതിന് മുൻപ് പൊലീസ് അനാവശ്യമായി കേസ് അന്വേഷിക്കുന്നു എന്ന ഇവരുടെ വാദം അംഗീകരിച്ചാണ് ഹൈക്കോടതി സ്റ്റേ അനുവദിച്ചത്.
എംഎസ്സി ഷിപ്പിംഗ് കപ്പല് വീണ്ടും തടഞ്ഞ് ഹൈക്കോടതി ഉത്തരവ്
എംഎസ്സി ഷിപ്പിംഗ് കമ്പനിയുടെ കപ്പല് വീണ്ടും തടഞ്ഞുവെക്കാന് ഹൈക്കോടതി ഉത്തരവിട്ടു. എംഎസ്സി എല്സ ത്രീ കപ്പല് അപകടത്തില് നഷ്ടപരിഹാരം ആവശ്യപ്പെട്ട് നല്കിയ ഹര്ജിയിലാണ് കോടതിയുടെ ഈ ഇടപെടല്. പാല്മറെ കപ്പലാണ് തടഞ്ഞുവെക്കാന് കോടതി നിര്ദ്ദേശം നല്കിയത്.
നടിയെ ആക്രമിച്ച കേസ്: വിചാരണ വൈകുന്നതിൽ ഹൈക്കോടതി റിപ്പോർട്ട് തേടി
നടിയെ ആക്രമിച്ച കേസിൽ വിചാരണ വൈകുന്നതിനെതിരെ ഹൈക്കോടതി റിപ്പോർട്ട് തേടി. വിചാരണ കോടതിയിൽ നിന്നാണ് ഹൈക്കോടതി റിപ്പോർട്ട് ആവശ്യപ്പെട്ടിരിക്കുന്നത്. മാധ്യമപ്രവർത്തകൻ എം.ആർ. അജയൻ നൽകിയ പരാതിയിലാണ് ഹൈക്കോടതിയുടെ ഈ നടപടി.
മുണ്ടക്കൈ ദുരന്തം: വായ്പ എഴുതി തള്ളുന്നതിൽ തീരുമാനമായില്ലെന്ന് കേന്ദ്രം, ഹൈക്കോടതി വിമർശനം
വയനാട് മുണ്ടക്കൈ-ചൂരൽമല ദുരന്തബാധിതരുടെ വായ്പ എഴുതി തള്ളുന്ന വിഷയത്തിൽ കേന്ദ്രസർക്കാർ ഇതുവരെ തീരുമാനമെടുത്തിട്ടില്ലെന്ന് ഹൈക്കോടതിയിൽ അറിയിച്ചു. ദുരന്തം നടന്ന് ഒരു വർഷം കഴിഞ്ഞിട്ടും തീരുമാനമെടുക്കാത്തതിൽ കോടതി അതൃപ്തി അറിയിച്ചു. എത്രയും പെട്ടെന്ന് തീരുമാനമെടുക്കാൻ സംസ്ഥാന സർക്കാർ കേന്ദ്രത്തോട് ആവശ്യപ്പെട്ടിട്ടുണ്ട്.