Karunagappally
കരുനാഗപ്പള്ളിയിൽ ചികിത്സാ പിഴവിൽ യുവതി മരിച്ചെന്ന് ആരോപണം
കൊല്ലം കരുനാഗപ്പള്ളി താലൂക്ക് ആശുപത്രിയിൽ ചികിത്സാ പിഴവിനെ തുടർന്ന് യുവതി മരിച്ചെന്ന് ആരോപണം. പ്രസവ ശസ്ത്രക്രിയയ്ക്കിടെ ഗുരുതരാവസ്ഥയിലായ 22കാരി ജാരിയത്ത് മരിച്ച സംഭവത്തിലാണ് കുടുംബാംഗങ്ങൾ പരാതിയുമായെത്തിയത്. അനസ്തേഷ്യ നൽകിയതിലെ പിഴവാണ് യുവതി മരിക്കാൻ കാരണമെന്നും അനസ്തേഷ്യ ഡോക്ടർ 2500 രൂപ കൈക്കൂലി ചോദിച്ചുവെന്നും ആരോപണമുണ്ട്.
കൊല്ലത്ത് തിരുമ്മൽ ചികിത്സയുടെ മറവിൽ സ്ത്രീയെ പീഡിപ്പിക്കാൻ ശ്രമിച്ചയാൾ അറസ്റ്റിൽ
കൊല്ലം കരുനാഗപ്പള്ളിയിൽ തിരുമ്മൽ ചികിത്സയുടെ മറവിൽ സ്ത്രീയെ പീഡിപ്പിക്കാൻ ശ്രമിച്ച പ്രതി അറസ്റ്റിലായി. ചേർത്തല സ്വദേശി സഹലേഷ് കുമാറാണ് പിടിയിലായത്. നടുവേദന മാറ്റാമെന്ന പരസ്യം കണ്ട് ചികിത്സ തേടിയെത്തിയ കണ്ണൂർ സ്വദേശിനിയെ ഇയാൾ ലൈംഗികമായി പീഡിപ്പിക്കാൻ ശ്രമിച്ചു.
സിപിഐഎം കരുനാഗപ്പള്ളി ഏരിയ കമ്മിറ്റി പിരിച്ചുവിട്ടിട്ട് ഒൻപത് മാസം; പ്രതിഷേധം ശക്തം
സംഘടനാ പ്രശ്നങ്ങളെ തുടർന്ന് സിപിഐഎം കരുനാഗപ്പള്ളി ഏരിയ കമ്മിറ്റി പിരിച്ചുവിട്ട് ഒൻപത് മാസമായിട്ടും പുതിയ സമിതി രൂപീകരിക്കാത്തതിൽ പ്രതിഷേധം ശക്തമാകുന്നു. താഴെത്തട്ടിലുള്ള പാർട്ടിയുടെ പ്രവർത്തനം മന്ദഗതിയിലാണെന്ന് പ്രവർത്തകർ ആരോപിക്കുന്നു. വിഷയത്തിൽ സംസ്ഥാന നേതൃത്വത്തിന് പഴയകാല പ്രവർത്തകർ പരാതി അയച്ചിട്ടുണ്ട്.
അഞ്ച് കേസുകളിലെ പ്രതി ഒടുവിൽ പിടിയിൽ
വധശ്രമം അടക്കം അഞ്ച് കേസുകളിലെ പ്രതിയായ പ്രിൻസിനെ കരുനാഗപ്പള്ളി പോലീസ് തമിഴ്നാട്ടിൽ നിന്ന് പിടികൂടി. 2024 നവംബറിൽ നടന്ന ആക്രമണക്കേസിലെ പ്രതിയാണ് ഇയാൾ. ശാസ്താംകോട്ട, വടക്കഞ്ചേരി, ശൂരനാട്, ചവറ തെക്കുംഭാഗം സ്റ്റേഷനുകളിലും കേസുകളുണ്ട്.
വ്യാജരേഖയുമായി ബംഗ്ലാദേശ് പൗരൻ അറസ്റ്റിൽ; കഞ്ചാവ് കൃഷിയുമായി കേന്ദ്രസർക്കാർ ജീവനക്കാരനും
കരുനാഗപ്പള്ളിയിൽ വ്യാജരേഖയുമായി ബംഗ്ലാദേശ് പൗരൻ അറസ്റ്റിൽ. തിരുവനന്തപുരത്ത് കഞ്ചാവ് കൃഷിയുമായി കേന്ദ്രസർക്കാർ ജീവനക്കാരനും പിടിയിൽ. രണ്ട് കേസുകളിലും കൂടുതൽ അന്വേഷണം നടന്നുവരികയാണ്.
ജിം സന്തോഷ് കൊലക്കേസ്: മുഖ്യപ്രതി അലുവ അതുൽ പിടിയിൽ
കരുനാഗപ്പള്ളിയിലെ ഗുണ്ടാ നേതാവ് ജിം സന്തോഷ് കൊലക്കേസിലെ മുഖ്യപ്രതി അലുവ അതുൽ അറസ്റ്റിൽ. തിരുവള്ളൂരിൽ നിന്നാണ് പ്രതിയെ പിടികൂടിയത്. കൊലപാതകം നടന്ന് 21 ദിവസത്തിന് ശേഷമാണ് അറസ്റ്റ്.
യൂത്ത് കോൺഗ്രസ് നേതാവിന് കൊല്ലത്ത് കുത്തേറ്റു
കൊല്ലം കരുനാഗപ്പള്ളിയിൽ യൂത്ത് കോൺഗ്രസ് നേതാവിന് കുത്തേറ്റു. ഷാഫി മുരുകാലയത്തിന് നേരെയാണ് അയൽവാസി കുത്തിയത്. കുടുംബ പ്രശ്നങ്ങളാണ് കത്തിക്കുത്തിന് കാരണമെന്ന് പോലീസ് പറയുന്നു.
കരുനാഗപ്പള്ളി കൊലപാതകം: പ്രതി അലുവ അതുലിന്റെ വീട്ടിൽ നിന്ന് എയർ പിസ്റ്റൾ കണ്ടെത്തി
കരുനാഗപ്പള്ളിയിലെ കൊലപാതകക്കേസിലെ മുഖ്യപ്രതിയായ അലുവ അതുലിന്റെ വീട്ടിൽ നിന്ന് എയർ പിസ്റ്റളും മറ്റ് മാരകായുധങ്ങളും പോലീസ് കണ്ടെടുത്തു. കുതിരപ്പന്തി സ്വദേശിയായ സോനു എന്ന പ്രതിയെ ആലപ്പുഴയിൽ നിന്ന് പിടികൂടി. ഇതോടെ കേസിലെ നാല് പ്രതികൾ പിടിയിലായി.
ജിം സന്തോഷ് വധക്കേസ്: പ്രധാന പ്രതികൾ പിടിയിൽ
കരുനാഗപ്പള്ളിയിലെ ജിം സന്തോഷ് വധക്കേസിലെ പ്രധാന പ്രതികളായ മൈന ഹരിയും പ്യാരിയും പിടിയിലായി. മാവേലിക്കരയിലും തഴക്കരയിലും വച്ചാണ് ഇരുവരെയും പോലീസ് പിടികൂടിയത്. കൊലപാതകത്തിൽ നേരിട്ട് പങ്കാളികളായ മൂന്ന് പ്രതികളാണ് ഇതോടെ പിടിയിലായത്.
ജിം സന്തോഷ് കൊലപാതകം: ഒരാൾ കൂടി കസ്റ്റഡിയിൽ
കരുനാഗപ്പള്ളിയിൽ ജിം സന്തോഷിനെ കൊലപ്പെടുത്തിയ കേസിൽ ഒരാളെക്കൂടി പോലീസ് കസ്റ്റഡിയിലെടുത്തു. ക്വട്ടേഷൻ സംഘത്തിലെ അംഗമെന്ന് സംശയിക്കുന്ന അരുനല്ലൂർ സ്വദേശി അയ്യപ്പനാണ് പിടിയിലായത്. കൊലപാതകം നടന്ന ദിവസം രാത്രി കൊലയാളി സംഘം തന്റെ വീട്ടിലെത്തിയതായി അയ്യപ്പൻ പോലീസിന് മൊഴി നൽകി.
കരുനാഗപ്പള്ളി കൊലപാതകം: ഷിനു പീറ്ററിനെ ലക്ഷ്യമിട്ടിരുന്നെന്ന് പോലീസ്
കരുനാഗപ്പള്ളിയിൽ ജിം സന്തോഷ് കൊല്ലപ്പെട്ട കേസിൽ നിർണായക വിവരങ്ങൾ പുറത്ത്. ക്വട്ടേഷൻ സംഘാംഗമായ ഷിനു പീറ്ററിനെയായിരുന്നു പ്രതികൾ ആദ്യം ലക്ഷ്യമിട്ടിരുന്നത്. സന്തോഷിനെ വകവരുത്താൻ തീരുമാനിച്ചത് ഏറ്റവും ഒടുവിൽ.
ജിം സന്തോഷിന് അനുശോചന യോഗം ഇന്ന് കരുനാഗപ്പള്ളിയിൽ
കൊല്ലപ്പെട്ട ഗുണ്ടാ നേതാവ് ജിം സന്തോഷിന് ഇന്ന് കരുനാഗപ്പള്ളിയിൽ അനുശോചന യോഗം. സുഹൃത്തുക്കളുടെ നേതൃത്വത്തിലാണ് യോഗം സംഘടിപ്പിക്കുന്നത്. രാഷ്ട്രീയ, സാമൂഹിക, സാംസ്കാരിക മേഖലകളിലെ പ്രമുഖർ പങ്കെടുക്കും.