HMPV
അസമിൽ പത്തുമാസം പ്രായമുള്ള കുഞ്ഞിന് HMPV സ്ഥിരീകരിച്ചു
അസമിലെ ദിബ്രുഗ്രാഹിലുള്ള അസം മെഡിക്കൽ കോളജ് ആശുപത്രിയിൽ പത്തുമാസം പ്രായമുള്ള ഒരു കുഞ്ഞിന് HMPV സ്ഥിരീകരിച്ചു. ജലദോഷ ലക്ഷണങ്ങളുമായാണ് കുഞ്ഞിനെ ആശുപത്രിയിൽ പ്രവേശിപ്പിച്ചത്. കുഞ്ഞിന്റെ ആരോഗ്യനില തൃപ്തികരമാണെന്ന് ആശുപത്രി അധികൃതർ അറിയിച്ചു.
എച്ച്എംപിവി വ്യാപനം: നീലഗിരി ജില്ലയിൽ മാസ്ക് നിർബന്ധമാക്കി
എച്ച്എംപിവി വ്യാപനത്തെ തുടർന്ന് നീലഗിരി ജില്ലയിൽ മാസ്ക് നിർബന്ധമാക്കി. തമിഴ്നാട്ടിൽ രണ്ട് കുട്ടികൾക്ക് രോഗം സ്ഥിരീകരിച്ചു. ആശങ്കപ്പെടേണ്ടതില്ലെന്ന് ആരോഗ്യവിദഗ്ധർ അറിയിച്ചു.
എച്ച്എംപിവി: ഭയപ്പെടേണ്ടതില്ലെന്ന് കേന്ദ്ര-സംസ്ഥാന സർക്കാരുകൾ
എച്ച്എംപിവി വൈറസ് ഇന്ത്യയിൽ പുതിയതല്ലെന്നും ഭയപ്പെടേണ്ട സാഹചര്യമില്ലെന്നും കേന്ദ്ര ആരോഗ്യമന്ത്രി ജെ.പി. നദ്ദ വ്യക്തമാക്കി. സംസ്ഥാന ആരോഗ്യമന്ത്രി വീണാ ജോർജും ആശങ്കപ്പെടേണ്ടതില്ലെന്ന് അറിയിച്ചു. രാജ്യത്തെ ആരോഗ്യ സംവിധാനങ്ങൾ ജാഗ്രതയോടെ പ്രവർത്തിക്കുന്നുണ്ടെന്നും അധികൃതർ ഉറപ്പുനൽകി.
എച്ച്.എം.പി.വി. റിപ്പോർട്ടിൽ ആശങ്കയ്ക്ക് വകയില്ല; മുൻകരുതൽ നടപടികൾ സ്വീകരിച്ചതായി മന്ത്രി വീണാ ജോർജ്
കേരളത്തിൽ എച്ച്.എം.പി.വി. റിപ്പോർട്ട് ചെയ്തതിൽ ആശങ്കപ്പെടേണ്ടതില്ലെന്ന് ആരോഗ്യ മന്ത്രി വീണാ ജോർജ് അറിയിച്ചു. സംസ്ഥാനം സ്ഥിതിഗതികൾ സൂക്ഷ്മമായി നിരീക്ഷിക്കുകയും പ്രതിരോധ നടപടികൾ ശക്തമാക്കുകയും ചെയ്തിട്ടുണ്ട്. വൈറസിൽ കാര്യമായ ജനിതക വ്യതിയാനങ്ങൾ റിപ്പോർട്ട് ചെയ്തിട്ടില്ലെന്നും മന്ത്രി വ്യക്തമാക്കി.