Gautam Gambhir
പരിശീലക സ്ഥാനത്ത് എന്റെ ഭാവി ബിസിസിഐ തീരുമാനിക്കട്ടെ; ഗൗതം ഗംഭീറിൻ്റെ പ്രതികരണം
ദക്ഷിണാഫ്രിക്കയോട് ടെസ്റ്റ് പരമ്പര അടിയറവ് വെച്ചതിന് പിന്നാലെ ഗൗതം ഗംഭീറിനെതിരെ വിമർശനങ്ങൾ ഉയരുന്നു. പരിശീലക സ്ഥാനത്ത് തന്റെ ഭാവി ബിസിസിഐ തീരുമാനിക്കുമെന്ന നിലപാടാണ് ഗംഭീർ സ്വീകരിച്ചിരിക്കുന്നത്. ഇന്ത്യൻ ക്രിക്കറ്റിന്റെ ഭാവി പ്രധാനമാണെന്നും താനല്ലെന്നും ഗംഭീർ വ്യക്തമാക്കി.
ഗംഭീറിനെ പുറത്താക്കൂ; സമൂഹമാധ്യമങ്ങളിൽ ആരാധകരുടെ പ്രതിഷേധം
ദക്ഷിണാഫ്രിക്കയ്ക്കെതിരായ മോശം പ്രകടനത്തെ തുടർന്ന് ഇന്ത്യൻ ടീമിന്റെ പരിശീലകൻ ഗൗതം ഗംഭീറിനെതിരെ സമൂഹമാധ്യമങ്ങളിൽ പ്രതിഷേധം ശക്തമാകുന്നു. ഗംഭീറിനെ പരിശീലക സ്ഥാനത്തുനിന്ന് പുറത്താക്കണമെന്ന ആവശ്യവുമായി ഹാഷ്ടാഗ് ക്യാമ്പയിനുകളും ട്രെൻഡിംഗായിട്ടുണ്ട്. രഞ്ജി ട്രോഫിയിൽ മികച്ച പ്രകടനം കാഴ്ചവെക്കുന്ന താരങ്ങളെ ഗംഭീർ അവഗണിക്കുന്നുവെന്നും ആരാധകർ ആരോപിക്കുന്നു.
ദക്ഷിണാഫ്രിക്കയ്ക്കെതിരെ ഷമിയെ തഴഞ്ഞതിൽ ഗംഭീറിന് പങ്കുണ്ടോ? കാരണം ഇതാണ്
ഇന്ത്യൻ പേസർ മുഹമ്മദ് ഷമി ദക്ഷിണാഫ്രിക്കയ്ക്കെതിരായ ടെസ്റ്റ് പരമ്പരയിൽ നിന്ന് പുറത്തായി. പരിക്ക് മാറി തിരിച്ചെത്തി മികച്ച ഫോമിൽ കളിച്ചിട്ടും ടീമിൽ ഇടം നേടാൻ സാധിക്കാത്തത് ആരാധകരെ നിരാശരാക്കിയിട്ടുണ്ട്. ഗൗതം ഗംഭീറിൻ്റെ ഇടപെടൽ കാരണമാണ് ഷമിക്ക് ടീമിൽ അവസരം ലഭിക്കാത്തതെന്നാണ് പുതിയ റിപ്പോർട്ടുകൾ.
ഗംഭീറിന്റെ അത്താഴവിരുന്ന് റദ്ദാക്കിയേക്കും; കാരണം ഇതാണ്
ഇന്ത്യൻ ടീമിന്റെ ഹെഡ് കോച്ച് ഗൗതം ഗംഭീർ തന്റെ വസതിയിൽ ഒരുക്കാൻ തീരുമാനിച്ച അത്താഴവിരുന്ന് റദ്ദാക്കിയേക്കും. ഒക്ടോബർ 10 മുതൽ ഡൽഹിയിലെ അരുൺ ജെയ്റ്റ്ലി സ്റ്റേഡിയത്തിൽ വെസ്റ്റ് ഇൻഡീസിനെതിരായ രണ്ടാം ടെസ്റ്റിന് മുന്നോടിയായി നാളെയാണ് വിരുന്ന് നൽകാൻ തീരുമാനിച്ചിരുന്നത്. നഗരത്തിൽ മഴ പെയ്താൽ ഇത് റദ്ദാക്കും.
ഏഷ്യാ കപ്പ് വിവാദം: ഗംഭീറും യുവതാരങ്ങളും പാക് ടീമിന് മറുപടി നൽകിയത് ഇങ്ങനെ
ഏഷ്യാ കപ്പ് സൂപ്പർ ഫോറിലെ ഇന്ത്യ-പാക് മത്സരത്തിനിടെയുണ്ടായ വിവാദങ്ങൾക്ക് മറുപടിയുമായി ഗൗതം ഗംഭീറും യുവതാരങ്ങളും രംഗത്ത്. സോഷ്യൽ മീഡിയയിൽ താരം പങ്കുവെച്ച വാക്കുകളും ചിത്രങ്ങളും ഇതിനോടകം വൈറലായി കഴിഞ്ഞു. "നിങ്ങൾ സംസാരിക്കുന്നു, ഞങ്ങൾ ജയിക്കുന്നു," എന്നാണ് അഭിഷേക് ശർമ്മ എക്സിൽ കുറിച്ചത്.
രോഹിത്, കോലിയുടെ വിരമിക്കൽ ആരുടേയും അടിച്ചേൽപ്പിക്കലല്ല; ഗംഭീർ പ്രതികരിക്കുന്നു
വിരാട് കോലിയുടെയും രോഹിത് ശർമയുടെയും ടെസ്റ്റ് വിരമിക്കൽ വിഷയത്തിൽ പ്രതികരണവുമായി ഗൗതം ഗംഭീർ. താരങ്ങളുടെ വിരമിക്കൽ തീരുമാനം വ്യക്തിപരമാണെന്നും ആർക്കും അവരെ നിർബന്ധിക്കാൻ കഴിയില്ലെന്നും ഗംഭീർ വ്യക്തമാക്കി. ഇംഗ്ലണ്ട് പര്യടനത്തിൽ മുതിർന്ന താരങ്ങളുടെ അഭാവം യുവതാരങ്ങൾക്ക് അവസരമാകുമെന്നും അദ്ദേഹം കൂട്ടിച്ചേർത്തു.
രോഹിതും കോഹ്ലിയുമില്ല; ഗംഭീറിന് ഇനി കാര്യങ്ങൾ എളുപ്പമാവുമോ?
ഇന്ത്യൻ ടീമിലെ സീനിയർ താരങ്ങളായ രോഹിത് ശർമ്മയും വിരാട് കോഹ്ലിയും കളമൊഴിഞ്ഞതോടെ ഗൗതം ഗംഭീറിന് ടീമിൽ കൂടുതൽ സ്വാധീനമുണ്ടാകാൻ സാധ്യത. ഗംഭീറിന് മുന്നിലുള്ള വെല്ലുവിളികളും അവസരങ്ങളും എന്തൊക്കെയാണെന്ന് പരിശോധിക്കുന്നു. ഇംഗ്ലണ്ട് പരമ്പരയിൽ ടീമിന്റെ പ്രകടനം ഗംഭീറിന്റെ കരിയർ നിർണ്ണയിക്കും.
ഗൗതം ഗംഭീറിന് വധഭീഷണി: 21കാരൻ ഡൽഹിയിൽ അറസ്റ്റിൽ
ബിജെപി നേതാവ് ഗൗതം ഗംഭീറിന് വധഭീഷണി മുഴക്കിയ 21കാരൻ ഡൽഹിയിൽ അറസ്റ്റിൽ. ഗുജറാത്ത് സ്വദേശിയായ എൻജിനീയറിങ് വിദ്യാർത്ഥിയാണ് പിടിയിലായത്. കശ്മീരിൽ ഭീകരാക്രമണം നടന്ന ഏപ്രിൽ 22നാണ് ഭീഷണി സന്ദേശം അയച്ചത്.
ഗൗതം ഗംഭീറിന് വധഭീഷണി; ഐഎസ്ഐഎസ് കശ്മീരിന്റെ പേരിൽ
ഐഎസ്ഐഎസ് കശ്മീരിന്റെ പേരിൽ ഗൗതം ഗംഭീറിന് വധഭീഷണി. 'ഐ കിൽ യൂ' എന്ന സന്ദേശം ലഭിച്ചതിനെ തുടർന്ന് ഡൽഹി പോലീസിൽ പരാതി നൽകി. തനിക്കും കുടുംബത്തിനും സുരക്ഷ ആവശ്യപ്പെട്ടാണ് പരാതി.
ഗൗതം ഗംഭീറിന് വധഭീഷണി
ഐഎസ്ഐഎസ് കശ്മീർ എന്ന സംഘടനയുടെ പേരിൽ ഗൗതം ഗംഭീറിന് വധഭീഷണി. ഏപ്രിൽ 22ന് ഇമെയിൽ വഴിയാണ് ഭീഷണി സന്ദേശം ലഭിച്ചത്. ദില്ലി പോലീസിൽ ഗംഭീർ പരാതി നൽകി.
ഗംഭീറിന്റെ റെക്കോർഡ് തകർക്കാൻ സഞ്ജുവിന് 92 റൺസ് മതി
ഇംഗ്ലണ്ടിനെതിരായ ടി20 പരമ്പരയിൽ സഞ്ജു സാംസണിന് ഗംഭീറിന്റെ റെക്കോർഡ് തകർക്കാനുള്ള അവസരം. രാജ്യാന്തര ടി20 റൺവേട്ടക്കാരുടെ പട്ടികയിൽ ഗംഭീറിനെ മറികടക്കാൻ സഞ്ജുവിന് വെറും 92 റൺസ് മതി. സെഞ്ച്വറികളുടെ കാര്യത്തിൽ രാജ്യാന്തര ട്വന്റി 20 യിൽ മൂന്നാം സ്ഥാനത്താണ് സഞ്ജു.
മെൽബൺ തോൽവി: ടീമിലെ അസ്വാരസ്യം നിഷേധിച്ച് ഗൗതം ഗംഭീർ
മെൽബൺ ടെസ്റ്റിലെ തോൽവിക്ക് ശേഷം ഇന്ത്യൻ ടീമിൽ അസ്വാരസ്യമുണ്ടെന്ന റിപ്പോർട്ടുകൾ കോച്ച് ഗൗതം ഗംഭീർ നിഷേധിച്ചു. ഡ്രസിംഗ് റൂം സംഭാഷണങ്ങൾ പൊതുചർച്ചയാകരുതെന്ന് അദ്ദേഹം പറഞ്ഞു. രോഹിത് ശർമയുടെ ടീമിലെ സ്ഥാനത്തെക്കുറിച്ചുള്ള ചോദ്യങ്ങളിൽ നിന്ന് ഗംഭീർ ഒഴിഞ്ഞുമാറി.