Food safety
സംസ്ഥാനത്ത് 16,565 ലിറ്റർ വ്യാജ വെളിച്ചെണ്ണ പിടികൂടി
സംസ്ഥാനത്ത് ഓപ്പറേഷന് ലൈഫിന്റെ ഭാഗമായി ഭക്ഷ്യ സുരക്ഷാ വകുപ്പ് നടത്തിയ മിന്നൽ പരിശോധനയിൽ 16,565 ലിറ്റർ വ്യാജ വെളിച്ചെണ്ണ പിടികൂടി. 7 ജില്ലകളിൽ നിന്നായി പിടിച്ചെടുത്ത ഈ വെളിച്ചെണ്ണയിൽ കേര സൂര്യ, കേര ഹരിതം തുടങ്ങിയ ബ്രാൻഡുകളും ഉൾപ്പെടുന്നു. ഗുണനിലവാരത്തെക്കുറിച്ചുള്ള പരാതികളെത്തുടർന്ന് പരിശോധനകൾ ശക്തമാക്കുമെന്ന് ആരോഗ്യ മന്ത്രി അറിയിച്ചു.
എണ്ണ-മധുര പലഹാരങ്ങൾക്കും മുന്നറിയിപ്പ് ബോർഡ്; കേന്ദ്ര ആരോഗ്യ മന്ത്രാലയത്തിന്റെ നിർദ്ദേശം
പൊതുസ്ഥലങ്ങളിൽ എണ്ണ-മധുര പലഹാരങ്ങൾക്കെതിരെ മുന്നറിയിപ്പ് ബോർഡുകൾ സ്ഥാപിക്കാൻ കേന്ദ്ര ആരോഗ്യ മന്ത്രാലയം നിർദ്ദേശം. പുകയില ഉത്പന്നങ്ങൾക്ക് സമാനമായ രീതിയിൽ ലഘുഭക്ഷണങ്ങളിലെ കൊഴുപ്പ്, എണ്ണ, പഞ്ചസാര എന്നിവയുടെ അളവ് വ്യക്തമാക്കുന്ന ബോർഡുകളാണ് സ്ഥാപിക്കുക. അമിതവണ്ണം കുറച്ച് ആരോഗ്യകരമായ ജീവിതശൈലിയിലേക്ക് ജനങ്ങളെ പ്രേരിപ്പിക്കുകയാണ് ഇതിലൂടെ ലക്ഷ്യമിടുന്നത്.
കൊല്ലം ചിതറയിൽ ഹോട്ടൽ ബിരിയാണിയിൽ കുപ്പിച്ചില്ല്; ചികിത്സ തേടി യുവാവ്
കൊല്ലം ചിതറയിൽ ഹോട്ടലിൽ നിന്നും വാങ്ങിയ ബിരിയാണിയിൽ കുപ്പിച്ചില്ല് കണ്ടെത്തി. ചിതറ എൻആർ ഹോട്ടലിൽ നിന്നും വാങ്ങിയ ബിരിയാണിയിലാണ് കുപ്പിച്ചില്ല് കണ്ടെത്തിയത്. കുപ്പിച്ചില്ല് കഴിച്ച് തൊണ്ട മുറിഞ്ഞ കിളിത്തട്ട് സ്വദേശി ആശുപത്രിയിൽ ചികിത്സ തേടി.
മഴക്കാലത്ത് സംസ്ഥാനത്ത് ഭക്ഷ്യസുരക്ഷാ പരിശോധന ശക്തമാക്കി
മഴക്കാലത്ത് ഭക്ഷ്യസുരക്ഷാ വകുപ്പിന്റെ നേതൃത്വത്തില് സംസ്ഥാന വ്യാപകമായി 4451 സ്ഥാപനങ്ങളില് പരിശോധനകള് നടത്തി. മേയ് 2 മുതല് ആരംഭിച്ച ഡ്രൈവിനെത്തുടര്ന്ന് ഭക്ഷ്യ സുരക്ഷാ ഗുണനിലവാര മാനദണ്ഡങ്ങള് പാലിക്കാത്ത 80 കടകളുടെ പ്രവര്ത്തനം നിര്ത്തിവയ്പ്പിച്ചു. രാത്രികാലങ്ങളില് പ്രവര്ത്തിക്കുന്ന തട്ടുകടകള് പോലുള്ള സ്ഥാപനങ്ങള് കൂടുതല് ശ്രദ്ധ നല്കി ഭക്ഷണം വിതരണം ചെയ്യണമെന്ന് മന്ത്രി അറിയിച്ചു.
സംസ്ഥാനത്ത് ഭക്ഷ്യ സുരക്ഷാ പരിശോധന ശക്തമാക്കി; നിരവധി സ്ഥാപനങ്ങൾക്ക് നോട്ടീസ്
സംസ്ഥാനത്തെ ഹോട്ടലുകൾ, റെസ്റ്റോറന്റുകൾ, വഴിയോര കടകൾ എന്നിവിടങ്ങളിലെ ഭക്ഷ്യവസ്തുക്കളുടെ ഗുണനിലവാരം ഉറപ്പുവരുത്തുന്നതിനായി ഭക്ഷ്യ സുരക്ഷാ വകുപ്പ് സംസ്ഥാന വ്യാപകമായി പരിശോധനകൾ നടത്തി. നിയമപരമായ ലൈസൻസില്ലാതെയും ഭക്ഷ്യസുരക്ഷാ മാനദണ്ഡങ്ങൾക്ക് വിരുദ്ധമായും പ്രവർത്തിച്ച 82 സ്ഥാപനങ്ങളുടെ പ്രവർത്തനം നിർത്തിവയ്പ്പിച്ചു. പരിശോധനകൾ ശക്തമായി തുടരുമെന്ന് മന്ത്രി വീണാ ജോർജ് വ്യക്തമാക്കി.
സെപ്റ്റോ ആപ്പിലൂടെ വാങ്ങിയ ചിക്കൻ പഴകിയതെന്ന് പരാതി
കാക്കനാട് സ്വദേശി സെപ്റ്റോ ഓൺലൈൻ ആപ്പ് വഴി വാങ്ങിയ ചിക്കൻ പഴകിയതാണെന്ന് പരാതിപ്പെട്ടു. മൂന്ന് ദിവസം മുൻപത്തെ എക്സ്പെയറി ഡേറ്റ് ആയിരുന്നു ചിക്കനിലുണ്ടായിരുന്നത്. തുടർന്ന് കമ്പനി പണം തിരികെ നൽകി.
കല്ലാച്ചിയിൽ അൽഫാമിൽ പുഴു; ഹോട്ടൽ അടച്ചു
കോഴിക്കോട് കല്ലാച്ചിയിലെ ഹോട്ടലിൽ നിന്ന് വാങ്ങിയ അൽഫാമിൽ പുഴു കണ്ടെത്തി. ആരോഗ്യ വകുപ്പിന്റെ പരിശോധനയിൽ പഴകിയ ഭക്ഷണവും കണ്ടെത്തി. ഹോട്ടൽ അടച്ചുപൂട്ടി പിഴ ഈടാക്കി.
സമൂസയിൽ നിന്ന് പല്ലി; ഇരിങ്ങാലക്കുടയിൽ ഞെട്ടിത്തരിച്ച് കുടുംബം
ഇരിങ്ങാലക്കുടയിലെ ബബിൾ ടീ എന്ന കടയിൽ നിന്ന് വാങ്ങിയ സമൂസയിൽ നിന്ന് പല്ലിയെ കണ്ടെത്തി. ആനന്ദപുരം സ്വദേശിനിയായ സിനി രാജേഷ് മകൾക്കായി വാങ്ങിയ സമൂസയിലാണ് പല്ലിയെ കണ്ടത്. തുടർന്ന് ആരോഗ്യ വിഭാഗത്തിൽ പരാതി നൽകി.
മലപ്പുറം: ബിരിയാണിയിൽ ചത്ത പല്ലി; ഹോട്ടൽ അടച്ചുപൂട്ടി
മലപ്പുറം നിലമ്പൂരിലെ ഹോട്ടലിൽ നിന്ന് വാങ്ങിയ ബിരിയാണിയിൽ ചത്ത പല്ലിയെ കണ്ടെത്തി. ഫുഡ് സേഫ്റ്റി ഓഫീസർ ഹോട്ടൽ അടപ്പിച്ചു. തിരുവനന്തപുരത്ത് അങ്കണവാടിയിൽ നിന്ന് ലഭിച്ച അമൃതം പൊടിയിലും ചത്ത പല്ലിയെ കണ്ടെത്തി.
തിരുവനന്തപുരത്ത് അങ്കണവാടിയിൽ നിന്ന് വിതരണം ചെയ്ത അമൃതം പൊടിയിൽ ചത്ത പല്ലി
തിരുവനന്തപുരം ജില്ലയിലെ കുന്നത്തുകാൽ ഗ്രാമപഞ്ചായത്തിലെ അങ്കണവാടിയിൽ നിന്ന് വിതരണം ചെയ്ത അമൃതം പൊടിയിൽ ചത്ത പല്ലിയെ കണ്ടെത്തി. പാലിയോട് വാർഡിലെ ഒരു കുടുംബമാണ് ഈ സംഭവം റിപ്പോർട്ട് ചെയ്തത്. സംഭവത്തിൽ അന്വേഷണം ആവശ്യപ്പെട്ട് പരാതി നൽകാനാണ് കുടുംബത്തിന്റെ തീരുമാനം.
വ്യാജ പ്രോട്ടീൻ പൗഡർ ഫാക്ടറി പിടികൂടി; യുവാവിന് ഗുരുതര ആരോഗ്യപ്രശ്നങ്ങൾ
നോയിഡയിൽ വ്യാജ പ്രോട്ടീൻ പൗഡർ നിർമ്മാണ ഫാക്ടറി പിടികൂടി. ഓൺലൈനിൽ നിന്ന് വാങ്ങിയ പ്രോട്ടീൻ പൗഡർ കഴിച്ച യുവാവിന് ഗുരുതര ആരോഗ്യപ്രശ്നങ്ങൾ ഉണ്ടായി. 50 ലക്ഷം രൂപയുടെ വ്യാജ ഉൽപ്പന്നങ്ങൾ പിടിച്ചെടുത്തു.
നിലവാരമില്ലാത്ത ഉപ്പ് വിറ്റതിന് മൂന്ന് സ്ഥാപനങ്ങൾക്ക് 1.85 ലക്ഷം രൂപ പിഴ
ആലപ്പുഴയിൽ നിലവാരമില്ലാത്ത ഉപ്പ് വിറ്റതിന് മൂന്ന് സ്ഥാപനങ്ങൾക്ക് 1,85,000 രൂപ പിഴ ചുമത്തി. ഉപ്പ് നിർമ്മാതാക്കൾക്ക് 1,50,000 രൂപയും വിതരണക്കാർക്ക് 25,000 രൂപയും വിൽപ്പനക്കാർക്ക് 10,000 രൂപയുമാണ് പിഴ. ഭക്ഷ്യസുരക്ഷാ നിലവാര നിയമം അനുസരിച്ചാണ് നടപടി.