Excise Department
പെരുമ്പാവൂരിൽ പണം തട്ടിയ സംഭവം; രണ്ട് എക്സൈസ് ഉദ്യോഗസ്ഥർക്ക് സസ്പെൻഷൻ
പെരുമ്പാവൂരിൽ ഇതര സംസ്ഥാന തൊഴിലാളികളിൽ നിന്ന് പണം തട്ടിയ സംഭവത്തിൽ രണ്ട് എക്സൈസ് ഉദ്യോഗസ്ഥരെ സസ്പെൻഡ് ചെയ്തു. പെരുമ്പാവൂർ എക്സൈസ് ഓഫീസിലെ ഉദ്യോഗസ്ഥൻ സലീം യൂസഫ്, ആലുവയിലെ എക്സൈസ് ഉദ്യോഗസ്ഥൻ സിദ്ധാർത്ഥൻ എന്നിവരെയാണ് സസ്പെൻഡ് ചെയ്തത്. പൊലീസാണെന്ന് തെറ്റിദ്ധരിപ്പിച്ച് ഇതര സംസ്ഥാന തൊഴിലാളികളിൽ നിന്ന് 56,000 രൂപയാണ് തട്ടിയെടുത്തത്.
വാടക കെട്ടിടങ്ങളിൽ ലഹരി ഉപയോഗം നടക്കുന്നത് ഉടമകൾ അറിഞ്ഞിരിക്കണം; മുന്നറിയിപ്പുമായി എക്സൈസ് വകുപ്പ്
വാടക കെട്ടിടങ്ങളിൽ ലഹരി ഉപയോഗവും വ്യാപാരവും നടക്കുന്നത് ഉടമകൾ അറിഞ്ഞിരിക്കണമെന്ന് എക്സൈസ് വകുപ്പ് അറിയിച്ചു. കെട്ടിടത്തിൽ ലഹരി കണ്ടെത്തിയാൽ ഉടമകളും പ്രതികളാകും. ഭവന ഉടമകൾക്ക് നിയമങ്ങളെയും ഉത്തരവാദിത്തങ്ങളെയും കുറിച്ച് ബോധവത്കരണം നൽകുന്നതിന് പ്രത്യേക നടപടികൾ ആരംഭിക്കുമെന്നും അറിയിച്ചു.
കാസർഗോഡ് എക്സൈസ് ചെക്ക് പോസ്റ്റിൽ 60 പവൻ സ്വർണം പിടികൂടി
കാസർഗോഡ് മഞ്ചേശ്വരം എക്സൈസ് ചെക്ക്പോസ്റ്റിൽ 60 പവൻ സ്വർണം പിടികൂടി. രാജസ്ഥാൻ സ്വദേശിയിൽ നിന്നാണ് സ്വർണം കണ്ടെടുത്തത്. കെഎസ്ആർടിസി ബസിൽ കടത്താൻ ശ്രമിച്ച സ്വർണം ജിഎസ്ടി വകുപ്പിന് കൈമാറി.
എക്സൈസിനെതിരെ യു പ്രതിഭ എംഎൽഎ
ലഹരിമരുന്ന് കേസുകളിലെ അന്വേഷണ രീതികളെ വിമർശിച്ച് യു. പ്രതിഭ എംഎൽഎ. തെറ്റിദ്ധാരണയുടെ പേരിൽ നിരപരാധികളെ കുടുക്കരുതെന്ന് എംഎൽഎ. കൃത്യമായ തെളിവുകളുടെ അടിസ്ഥാനത്തിൽ മാത്രം നടപടിയെന്നും ആവശ്യം.
എക്സൈസ് മന്ത്രിയുടെ ഇരട്ടത്താപ്പിനെതിരെ രാഹുൽ മാങ്കൂട്ടത്തിൽ എംഎൽഎയുടെ രൂക്ഷവിമർശനം
ലഹരിവിരുദ്ധ പോരാട്ടത്തിൽ സർക്കാർ ഇരട്ടത്താപ്പ് സ്വീകരിക്കുന്നുവെന്ന് രാഹുൽ മാങ്കൂട്ടത്തിൽ എംഎൽഎ ആരോപിച്ചു. എക്സൈസ് വകുപ്പിന് ആവശ്യത്തിന് ഉദ്യോഗസ്ഥരില്ലെന്നും സജ്ജീകരണങ്ങളില്ലെന്നും അദ്ദേഹം ചൂണ്ടിക്കാട്ടി. പാലക്കാട് ജില്ലയിലെ എക്സൈസ് വകുപ്പിന്റെ പ്രവർത്തനം വളരെ പരിമിതമാണെന്നും അദ്ദേഹം പറഞ്ഞു.
മകരവിളക്കിന് മുന്നോടിയായി ശബരിമലയിൽ എക്സൈസ് പരിശോധന കർശനമാക്കി; 195 കേസുകൾ രജിസ്റ്റർ ചെയ്തു
മകരവിളക്കിന് മുന്നോടിയായി ശബരിമലയിലും പരിസര പ്രദേശങ്ങളിലും എക്സൈസ് വകുപ്പ് കർശന പരിശോധനകൾ നടത്തി. 65 പരിശോധനകളിലായി 195 കേസുകൾ രജിസ്റ്റർ ചെയ്തു. ഹോട്ടലുകൾ, ലേബർ ക്യാമ്പുകൾ എന്നിവിടങ്ങളിലും പരിശോധന തുടരുമെന്ന് അധികൃതർ അറിയിച്ചു.
തൃശൂരിൽ വൻ സ്പിരിറ്റ് വേട്ട; മുന്തിരിക്കടിയിൽ ഒളിപ്പിച്ച് കടത്തിയ 2,600 ലിറ്റർ പിടികൂടി
തൃശൂർ മണ്ണുത്തിയിൽ എക്സൈസ് വകുപ്പ് നടത്തിയ പരിശോധനയിൽ 2,600 ലിറ്റർ സ്പിരിറ്റ് പിടികൂടി. മുന്തിരിക്കടിയിൽ ഒളിപ്പിച്ച് കടത്താൻ ശ്രമിച്ചതാണ് പിടിച്ചെടുത്തത്. 79 കന്നാസുകളിലായി സൂക്ഷിച്ചിരുന്ന സ്പിരിറ്റ് ബെംഗളൂരുവിൽ നിന്ന് കേരളത്തിലേക്ക് കടത്താനുള്ള ശ്രമമായിരുന്നു.
ശബരിമല മണ്ഡലകാലം: കാനനപാത വഴി 6598 തീർത്ഥാടകർ; എക്സൈസ് പരിശോധന കർശനമാക്കി
ശബരിമലയിൽ പരമ്പരാഗത കാനനപാത വഴി 6598 തീർത്ഥാടകർ ദർശനം നടത്തി. എക്സൈസ് വകുപ്പ് പരിശോധന ശക്തമാക്കി, 238 കോട്പ കേസുകൾ രജിസ്റ്റർ ചെയ്തു. ലഹരിമുക്തമായ മണ്ഡലകാലം ലക്ഷ്യമിട്ട് കൂടുതൽ പരിശോധനകൾ നടത്തും.
തിരുവല്ലയിൽ ബ്രൗൺ ഷുഗറുമായി ഇതര സംസ്ഥാന തൊഴിലാളി പിടിയിൽ
തിരുവല്ല ബസ്സ്റ്റാൻഡിൽ നിന്ന് ബ്രൗൺ ഷുഗറും കഞ്ചാവുമായി ആസാം സ്വദേശി പിടിയിലായി. ശബരിമല തീർത്ഥാടനവുമായി ബന്ധപ്പെട്ട് എക്സൈസ് നടത്തിയ പരിശോധനയിലാണ് അറസ്റ്റ്. നാർക്കോട്ടിക് നിയമപ്രകാരം 20 വർഷം വരെ തടവു ശിക്ഷ ലഭിക്കാവുന്ന കുറ്റമാണ് ചുമത്തിയിരിക്കുന്നത്.
തിരുവനന്തപുരത്ത് എക്സൈസ് ഉദ്യോഗസ്ഥർക്ക് മർദനം; നാട്ടുകാർ ആക്രമിച്ചു
തിരുവനന്തപുരത്തെ നെയ്യാറ്റിൻകരയിൽ എക്സൈസ് ഉദ്യോഗസ്ഥർക്ക് മർദനമേറ്റു. നിരോധിത പുകയില ഉൽപ്പന്നവുമായി പിടികൂടിയവരെ പിഴ നൽകി വിട്ടയച്ചതിനെ ചോദ്യം ചെയ്താണ് നാട്ടുകാർ ആക്രമിച്ചത്. മൂന്ന് ഉദ്യോഗസ്ഥർക്ക് പരിക്കേറ്റു, പൊലീസിൽ പരാതി നൽകി.
കോട്ടയം തെങ്ങണയിൽ വൻ ലഹരിമരുന്ന് വേട്ട; ഇതര സംസ്ഥാന തൊഴിലാളി പിടിയിൽ
കോട്ടയം തെങ്ങണയിൽ എക്സൈസ് വകുപ്പ് നടത്തിയ റെയ്ഡിൽ ഇതര സംസ്ഥാന തൊഴിലാളിയിൽ നിന്ന് ഹെറോയിനും കഞ്ചാവും പിടികൂടി. പശ്ചിമ ബംഗാൾ സ്വദേശി മുബാറക് അലിയാണ് അറസ്റ്റിലായത്. ബംഗാളിൽ നിന്ന് എത്തിച്ച ലഹരി വസ്തുക്കൾ ചെറു പൊതികളിലാക്കി വിൽപ്പന നടത്തുകയായിരുന്നു പ്രതിയുടെ രീതി.
തിരുവനന്തപുരത്ത് എക്സൈസ് ഉദ്യോഗസ്ഥർക്ക് നേരെ ആക്രമണം; രണ്ടുപേർക്ക് പരിക്ക്
തിരുവനന്തപുരത്ത് മദ്യക്കച്ചവടം അന്വേഷിക്കാനെത്തിയ എക്സൈസ് ഉദ്യോഗസ്ഥർക്ക് നേരെ ആക്രമണമുണ്ടായി. നെടുമങ്ങാട് എക്സൈസ് സർക്കിൾ ഓഫീസിലെ രണ്ട് ഉദ്യോഗസ്ഥർക്ക് പരിക്കേറ്റു. ആക്രമണകാരികൾ ഇറച്ചിക്കത്തി ഉപയോഗിച്ച് ഉദ്യോഗസ്ഥരെ വെട്ടി പരിക്കേൽപ്പിക്കാൻ ശ്രമിച്ചു.