Ernakulam
എറണാകുളം ഭാരത് മാതാ കോളേജിൽ എസ്എഫ്ഐ പ്രവർത്തകർക്ക് നേരെ ആക്രമണം; നാലുപേർക്ക് പരിക്ക്
എറണാകുളം ഭാരത് മാതാ കോളേജിൽ എസ്എഫ്ഐ പ്രവർത്തകർക്ക് നേരെ കെഎസ്യു, യൂത്ത് കോൺഗ്രസ് പ്രവർത്തകരുടെ ആക്രമണം നടന്നു. നാല് എസ്എഫ്ഐ പ്രവർത്തകർക്ക് പരിക്കേറ്റു. തൃക്കാക്കര യൂത്ത് കോൺഗ്രസ് മണ്ഡലം പ്രസിഡന്റ് പി എം നവാസ് കമ്പി വടിയുമായി വിദ്യാർത്ഥികളെ ഭീഷണിപ്പെടുത്തുന്ന ദൃശ്യങ്ങളും പുറത്തുവന്നു.
രാജ്യത്തെ മികച്ച സ്വയംഭരണ കോളേജുകളില് രണ്ടാം സ്ഥാനം നേടി മഹാരാജാസ് കോളേജ്
എറണാകുളം മഹാരാജാസ് കോളേജ് രാജ്യത്തെ മികച്ച സര്ക്കാര് സ്വയംഭരണ കോളേജുകളുടെ പട്ടികയില് രണ്ടാം സ്ഥാനം നേടി. എഡ്യുക്കേഷന് വേള്ഡ് ഇന്ത്യയുടെ റാങ്കിങ്ങിലാണ് ഈ നേട്ടം. വിവിധ മാനദണ്ഡങ്ങളില് 70 ശതമാനത്തിനു മുകളില് പോയിന്റ് നേടിയാണ് മഹാരാജാസ് ഈ നേട്ടം കൈവരിച്ചത്.
എറണാകുളം ഇടപ്പള്ളിയിൽ യുവാവിനെ റോഡിൽ മരിച്ച നിലയിൽ കണ്ടെത്തി; കൊലപാതക സാധ്യത
എറണാകുളം ഇടപ്പള്ളിയിൽ യുവാവിനെ റോഡിൽ മരിച്ച നിലയിൽ കണ്ടെത്തി. ശരീരത്തിൽ മുറിവുകളുള്ളതിനാൽ കൊലപാതകമാണെന്ന് സംശയം. പൊലീസ് അന്വേഷണം ആരംഭിച്ചു.
താരനിബിഡമായ ചടങ്ങോടെ ‘പൊങ്കാല’ സിനിമയുടെ ലോഞ്ചിംഗ് നടന്നു
എറണാകുളം ടൗൺ ഹാളിൽ വച്ച് 'പൊങ്കാല' എന്ന ചിത്രത്തിന്റെ ലോഞ്ചിംഗ് ചടങ്ങുകൾ നടന്നു. എ.ബി. ബിനിൽ സംവിധാനം ചെയ്യുന്ന ഈ ചിത്രം ഗ്ലോബൽ പിക്ച്ചേഴ്സ് എൻ്റർടൈൻമെൻ്റിൻ്റെ ബാനറിൽ നിർമ്മിക്കുന്നു. രണ്ടായിരത്തിൽ വൈപ്പിൻകരയിൽ നടന്ന യഥാർത്ഥ സംഭവത്തെ ആസ്പദമാക്കിയാണ് ചിത്രം ഒരുക്കുന്നത്.
ഓണം സ്പെഷ്യൽ കുലുക്കി സർബത്ത് പേരിൽ വ്യാജ മദ്യ വിൽപന: രണ്ടുപേർ അറസ്റ്റിൽ
എറണാകുളത്ത് വ്യാജ മദ്യ വിൽപന നടത്തിയ രണ്ടുപേരെ എക്സൈസ് അറസ്റ്റ് ചെയ്തു. ഓണം സ്പെഷ്യൽ കുലുക്കി സർബത്ത് എന്ന പേരിലാണ് വിൽപന നടത്തിയത്. 20 ലിറ്റർ ചാരായവും 950 ലിറ്റർ വാഷും പിടിച്ചെടുത്തു.
ആലുവ എംഎൽഎയുടെ കുടുംബത്തെ ഭീഷണിപ്പെടുത്തി പണം തട്ടാൻ ശ്രമം; സൈബർ പൊലീസ് അന്വേഷണം തുടങ്ങി
ആലുവ എംഎൽഎ അൻവർ സാദത്തിന്റെ കുടുംബത്തെ ലക്ഷ്യമിട്ട് സൈബർ തട്ടിപ്പ് സംഘം ഭീഷണിപ്പെടുത്തി പണം തട്ടാൻ ശ്രമിച്ചു. എംഎൽഎയുടെ മകൾ ഡൽഹി പൊലീസിന്റെ പിടിയിലായെന്ന വ്യാജ സന്ദേശം അയച്ചു. എറണാകുളം സൈബർ പൊലീസ് അന്വേഷണം ആരംഭിച്ചു.
കടവന്ത്രയിൽ കാണാതായ വയോധികയുടെ മരണം ക്രൂര കൊലപാതകമെന്ന് പൊലീസ്
എറണാകുളം കടവന്ത്രയിൽ നിന്നും കാണാതായ സുഭദ്ര എന്ന വയോധികയുടെ മരണം ക്രൂര കൊലപാതകമാണെന്ന് പൊലീസ് സ്ഥിരീകരിച്ചു. മൃതദേഹത്തിൽ ഗുരുതരമായ പരിക്കുകൾ കണ്ടെത്തി. കഴുത്ത് ഞെരിച്ചാണ് കൊലപാതകം നടത്തിയതെന്ന സംശയമാണ് പൊലീസിന് ഉള്ളത്.
കടവന്ത്രയിൽ കാണാതായ വയോധികയുടെ പോസ്റ്റ്മോർട്ടം ഇന്ന്; കൊലപാതകത്തിന് പിന്നിൽ ദമ്പതികളെന്ന് സൂചന
എറണാകുളം കടവന്ത്രയിൽ നിന്നും കാണാതായ സുഭദ്ര എന്ന വയോധികയുടെ പോസ്റ്റ്മോർട്ടം ഇന്ന് ആലപ്പുഴ മെഡിക്കൽ കോളേജിൽ നടക്കും. കൊലപാതകത്തിന് പിന്നിൽ ദമ്പതികളാണെന്ന് സൂചനയുണ്ട്. സ്വർണത്തിന് വേണ്ടിയാണ് കൊലപാതകം നടത്തിയതെന്നാണ് നിഗമനം.
ലൈംഗിക പീഡനക്കേസില് എം മുകേഷിനും ഇടവേള ബാബുവിനും മുന്കൂര് ജാമ്യം
ലൈംഗിക പീഡനക്കേസില് നടനും എംഎല്എയുമായ എം മുകേഷിനും നടന് ഇടവേള ബാബുവിനും എറണാകുളം പ്രിന്സിപ്പല് സെഷന്സ് കോടതി മുന്കൂര് ജാമ്യം അനുവദിച്ചു. കൊച്ചിയിലെ നടിയുടെ പരാതിയില് നാല് സിനിമാ താരങ്ങള് ഉള്പ്പെടെ ഏഴ് പേര്ക്കെതിരെയാണ് കേസെടുത്തത്. കലണ്ടര് സിനിമ ചിത്രീകരണത്തിനിടെ ഹോട്ടലില് വച്ച് മുകേഷ് കടന്നുപിടിച്ചതായും നടി ആരോപിച്ചു.
മാവോയിസ്റ്റ് നേതാവ് മുരളി കണ്ണമ്പള്ളിയുടെ വീട്ടിൽ എൻഐഎ റെയ്ഡ്
എറണാകുളം തേവയ്ക്കലിലെ മാവോയിസ്റ്റ് നേതാവ് മുരളി കണ്ണമ്പള്ളിയുടെ വീട്ടിൽ എൻഐഎ റെയ്ഡ് നടത്തി. കേരളത്തിൽ അടുത്തിടെ നടന്ന മാവോയിസ്റ്റ് അറസ്റ്റുകളുമായി ബന്ധപ്പെട്ടാണ് പരിശോധന. മുരളി കതക് തുറക്കാതായതോടെ വീടിന്റെ പൂട്ട് തകർത്താണ് അകത്തേക്ക് കടന്നത്.
എറണാകുളം നെട്ടൂരിൽ പ്ലസ് വൺ വിദ്യാർത്ഥിനി കായലിൽ വീണു
എറണാകുളം നെട്ടൂരിൽ പ്രദേശവാസിയായ പ്ലസ് വൺ വിദ്യാർഥിനി മാലിന്യം കളയാൻ പോയപ്പോൾ കായലിൽ വീണു. പനങ്ങാട് സ്കൂളിലെ പ്ലസ് വൺ വിദ്യാർത്ഥിനി ഫിദ (16) ആണ് അപകടത്തിൽപ്പെട്ടത്. പൊലീസും ഫയർഫോഴ്സും തിരച്ചിൽ നടത്തുന്നു.
എറണാകുളത്ത് സർവീസ് ലിഫ്റ്റ് തകർന്ന് സിഐടിയു തൊഴിലാളി മരിച്ചു
എറണാകുളം ഉണിച്ചിറയിൽ സർവീസ് ലിഫ്റ്റ് തകർന്ന് സിഐടിയു തൊഴിലാളി നസീർ (42) മരണപ്പെട്ടു. ജിയോജിത് ബിൽഡിംഗിൽ ഐടി ഉൽപ്പന്നങ്ങൾ കയറ്റുന്നതിനിടെയാണ് അപകടം സംഭവിച്ചത്. ലിഫ്റ്റിന്റെ വയർ റോപ്പ് പൊട്ടി വീണാണ് അപകടം ഉണ്ടായത്.