Enforcement Directorate
ശബരിമല സ്വർണ്ണക്കൊള്ള: ഇ.ഡി അന്വേഷണത്തിനൊരുങ്ങുന്നു, ഹൈക്കോടതിയിൽ ഹർജി
ശബരിമല സ്വർണ്ണക്കൊള്ള കേസിൽ എൻഫോഴ്സ്മെൻ്റ് ഡയറക്ടറേറ്റ് അന്വേഷണം ആരംഭിക്കുന്നു. ഇതിന്റെ ഭാഗമായി പ്രത്യേക അന്വേഷണസംഘം രജിസ്റ്റർ ചെയ്ത എഫ്.ഐ.ആർ ആവശ്യപ്പെട്ട് ഇ.ഡി ഹൈക്കോടതിയിൽ ഹർജി നൽകി. സ്വർണ്ണക്കൊള്ളയിലൂടെ വ്യക്തിപരമായ നേട്ടങ്ങൾ ഉണ്ടാക്കുകയും അതുവഴി കള്ളപ്പണം വെളുപ്പിക്കൽ നടത്തുകയും ചെയ്തുവെന്നാണ് ഇ.ഡിയുടെ പ്രാഥമിക വിലയിരുത്തൽ.
റെയ്നയുടെയും ധവാന്റെയും 11.14 കോടിയുടെ സ്വത്തുക്കൾ ഇഡി കണ്ടുകെട്ടി
മുൻ ക്രിക്കറ്റ് താരങ്ങളായ സുരേഷ് റെയ്നയുടെയും ശിഖർ ധവാന്റെയും 11.14 കോടി രൂപയുടെ സ്വത്തുക്കൾ ഇഡി കണ്ടുകെട്ടി. നിയമവിരുദ്ധ വാതുവെപ്പ് സൈറ്റിന്റെ പ്രവർത്തനങ്ങളുമായി ബന്ധപ്പെട്ട കള്ളപ്പണ വെളുപ്പിക്കൽ അന്വേഷണത്തിന്റെ ഭാഗമായാണ് നടപടി. കള്ളപ്പണം വെളുപ്പിക്കൽ കേസിൽ നേരത്തെ ഇ.ഡി, ശിഖർ ധവാന് സമൻസ് അയച്ചിരുന്നു.
17,000 കോടിയുടെ തട്ടിപ്പ് കേസ്; അനിൽ അംബാനി ഇ.ഡിക്ക് മുന്നിൽ ഹാജരായി
17,000 കോടി രൂപയുടെ ബാങ്ക് വായ്പാ തട്ടിപ്പുമായി ബന്ധപ്പെട്ട് റിലയൻസ് ഗ്രൂപ്പ് ചെയർമാൻ അനിൽ അംബാനി എൻഫോഴ്സ്മെന്റ് ഡയറക്ടറേറ്റിന് മുന്നിൽ ചോദ്യം ചെയ്യലിനായി ഹാജരായി. റിലയൻസ് ഗ്രൂപ്പുമായി ബന്ധപ്പെട്ട വിവിധ കമ്പനികളിൽ ഇ.ഡി. നടത്തിയ റെയ്ഡിന് പിന്നാലെയാണ് അനിൽ അംബാനിയെ ചോദ്യം ചെയ്യലിനായി വിളിച്ചു വരുത്തിയത്. 2017-നും 2019-നും ഇടയിൽ യെസ് ബാങ്കിൽ നിന്ന് ഏകദേശം 3,000 കോടി രൂപയുടെ അനധികൃത വായ്പ വഴിമാറ്റിയതായി ഇ.ഡി. കണ്ടെത്തിയിട്ടുണ്ട്.
മിന്ത്രയ്ക്കെതിരെ ഇ.ഡി കേസ്; 1,654 കോടിയുടെ എഫ്ഡിഐ നിയമലംഘനം
ഇ-കൊമേഴ്സ് പ്ലാറ്റ്ഫോമായ മിന്ത്രയ്ക്കെതിരെ ഇ.ഡി കേസ് രജിസ്റ്റർ ചെയ്തു. 1,654 കോടി രൂപയുടെ വിദേശനാണ്യ വിനിമയ നിയമലംഘനവുമായി ബന്ധപ്പെട്ടാണ് കേസ്. എഫ്ഡിഐ നിയമത്തിലെ വ്യവസ്ഥകൾ ലംഘിച്ച് മൊത്ത വ്യാപാരത്തിനുള്ള നിക്ഷേപം സ്വീകരിച്ച് റീട്ടെയിൽ വില്പന നടത്തിയെന്നാണ് ആരോപണം.
മുഡ ഭൂമി അഴിമതി: 100 കോടിയുടെ സ്വത്തുക്കൾ കണ്ടുകെട്ടി
മുഡ ഭൂമി അഴിമതിക്കേസിൽ കർണാടക മുഖ്യമന്ത്രി സിദ്ധരാമയ്യയും ഭാര്യയും പ്രതികളായിരിക്കെ, എൻഫോഴ്സ്മെൻ്റ് ഡയറക്ടറേറ്റ് 100 കോടി രൂപ വിലമതിക്കുന്ന 92 വസ്തുവകകൾ കണ്ടുകെട്ടി. ലോകായുക്ത പോലീസ് രജിസ്റ്റർ ചെയ്ത എഫ്ഐആറിൻ്റെ അടിസ്ഥാനത്തിൽ ഇ.ഡി നടത്തിയ അന്വേഷണത്തിലാണ് വലിയ സാമ്പത്തിക ക്രമക്കേടുകൾ കണ്ടെത്തിയത്. സിദ്ധരാമയ്യയുടെ ഭാര്യക്ക് ലഭിച്ച ഭൂമി 1998-ൽ സഹോദരൻ മല്ലികാർജുന സമ്മാനിച്ചതാണെന്നായിരുന്നു സിദ്ധരാമയ്യയുടെ വാദം.
കരുവന്നൂർ കേസിൽ പാർട്ടിയെയും പ്രതി ചേർത്തതിൽ പ്രതികരണവുമായി കെ. രാധാകൃഷ്ണൻ എം.പി
കരുവന്നൂർ ബാങ്ക് തട്ടിപ്പ് കേസിൽ എൻഫോഴ്സ്മെൻ്റ് ഡയറക്ടറേറ്റ് കുറ്റപത്രം സമർപ്പിച്ചു. സി.പി.ഐ.എം ജില്ലാ സെക്രട്ടറിമാരെ പ്രതികളാക്കിയതിനോടൊപ്പം പാർട്ടിയെയും പ്രതിപട്ടികയിൽ ഉൾപ്പെടുത്തിയിട്ടുണ്ട്. രാഷ്ട്രീയ ലക്ഷ്യത്തോടെയുള്ള ഇ.ഡിയുടെ അന്വേഷണമാണിതെന്നും ഈ വിഷയത്തെ രാഷ്ട്രീയമായി മാത്രമേ കാണാനാകൂ എന്നും കെ. രാധാകൃഷ്ണൻ എം.പി പ്രതികരിച്ചു.
ഇ.ഡി ഭരണഘടനാ പരിധികൾ ലംഘിക്കുന്നു; സുപ്രീം കോടതിയുടെ വിമർശനം
തമിഴ്നാട് സ്റ്റേറ്റ് മാർക്കറ്റിംഗ് കോർപ്പറേഷൻ ആസ്ഥാനത്ത് ഇ.ഡി. നടത്തിയ റെയ്ഡിനെ സുപ്രീം കോടതി വിമർശിച്ചു. ഇ.ഡി എല്ലാ പരിധികളും ലംഘിക്കുന്നുവെന്നും കോടതി നിരീക്ഷിച്ചു. തമിഴ്നാട് സർക്കാർ സമർപ്പിച്ച ഹർജിയിലാണ് സുപ്രീം കോടതിയുടെ ഈ നിരീക്ഷണം.
ഇ.ഡിയുടെ വിശ്വാസ്യത പ്രധാനമന്ത്രി ഉറപ്പാക്കണം; മുഖ്യമന്ത്രി പിണറായി വിജയൻ
ഇ.ഡിയുടെ കൈക്കൂലി വിഷയം ഗൗരവമുള്ളതാണെന്നും കേന്ദ്ര ഏജൻസിയുടെ വിശ്വാസ്യത തകരാതിരിക്കാൻ പ്രധാനമന്ത്രി ഇടപെടണമെന്നും മുഖ്യമന്ത്രി പിണറായി വിജയൻ ആവശ്യപ്പെട്ടു. പ്രതിസന്ധികളിൽ ഉലയാതെ നാടിനായി നിലകൊണ്ട സർക്കാരിൻ്റെ നിശ്ചയദാർഢ്യമാണ് ഈ നേട്ടങ്ങൾക്ക് പിന്നിലെന്നും അദ്ദേഹം പറഞ്ഞു. കേരളത്തിൽ ഒന്നും നടക്കില്ലെന്ന ധാരണ ഇല്ലാതായെന്നും മുഖ്യമന്ത്രി കൂട്ടിച്ചേർത്തു.
മഹേഷ് ബാബുവിന് ഇഡി നോട്ടീസ്
സാമ്പത്തിക ക്രമക്കേട് കേസിൽ തെലുങ്ക് നടൻ മഹേഷ് ബാബുവിന് എൻഫോഴ്സ്മെന്റ് ഡയറക്ടറേറ്റ് (ഇഡി) നോട്ടീസ് അയച്ചു. പരസ്യങ്ങളിൽ അഭിനയിച്ച രണ്ട് റിയൽ എസ്റ്റേറ്റ് കമ്പനികളുമായി ബന്ധപ്പെട്ടാണ് കേസ്. 5.9 കോടി രൂപയുടെ പരസ്യക്കരാർ തുകയിൽ 2.5 കോടി രൂപ പണമായി സ്വീകരിച്ചതിനെക്കുറിച്ചാണ് ഇഡിയുടെ ചോദ്യം ചെയ്യൽ.
കരുവന്നൂർ ബാങ്ക് തട്ടിപ്പ്: പോലീസിന്റെ വാദം തള്ളി ഇഡി
കരുവന്നൂർ സഹകരണ ബാങ്ക് തട്ടിപ്പ് കേസിൽ പോലീസിന്റെ വാദങ്ങളെ ഇഡി തള്ളി. തട്ടിപ്പുമായി ബന്ധപ്പെട്ട രേഖകൾ കൈമാറിയില്ലെന്ന ആരോപണം തെറ്റാണെന്ന് ഇഡി വ്യക്തമാക്കി. വിചാരണ കോടതി വഴി ക്രൈംബ്രാഞ്ചിന് മുഴുവൻ രേഖകളും കൈമാറിയിരുന്നുവെന്നും ഇഡി അറിയിച്ചു.
മാസപ്പടി കേസ്: വീണാ വിജയനൊപ്പം മറ്റ് രാഷ്ട്രീയ നേതാക്കളുടെയും ഇടപാടുകൾ ഇഡി പരിശോധിക്കും
മാസപ്പടി കേസിൽ വിപുലമായ അന്വേഷണത്തിന് ഇ ഡി ഒരുങ്ങുന്നു. വീണാ വിജയനെ ചോദ്യം ചെയ്യുന്നതിനൊപ്പം മറ്റ് രാഷ്ട്രീയ നേതാക്കളുടെ ഇടപാടുകളും പരിശോധിക്കും. 2024 മാർച്ചിൽ രജിസ്റ്റർ ചെയ്ത കള്ളപ്പണം വെളുപ്പിക്കൽ കേസിലാണ് ഇഡി നടപടികൾ പുനരാരംഭിക്കുന്നത്.
മാസപ്പടി കേസ്: വീണാ വിജയനെ ചോദ്യം ചെയ്യാൻ ഇഡി
മാസപ്പടി വിവാദത്തിൽ മുഖ്യമന്ത്രിയുടെ മകൾ വീണാ വിജയനെ ചോദ്യം ചെയ്യാൻ എൻഫോഴ്സ്മെന്റ് ഡയറക്ടറേറ്റ് ഒരുങ്ങുന്നു. എസ്എഫ്ഐഒ രേഖകൾ പരിശോധിച്ച ശേഷം ഹാജരാകാൻ വീണയോട് ആവശ്യപ്പെട്ട് സമൻസ് നൽകുമെന്നാണ് വിവരം. കള്ളപ്പണം വെളുപ്പിക്കൽ നിരോധന നിയമപ്രകാരമാണ് കേസ്.