Electric Shock
കണ്ണൂരിൽ ഷോക്കേറ്റ് അഞ്ചുവയസ്സുകാരൻ മരിച്ചു
കണ്ണൂർ മട്ടന്നൂരിൽ അഞ്ചുവയസ്സുകാരൻ ഷോക്കേറ്റ് മരിച്ചു. വീട്ടുവരാന്തയിലെ മിനിയേച്ചർ ലൈറ്റിന്റെ വയറിൽ നിന്നാണ് ഷോക്കേറ്റത്. ആരോഗ്യനില ഗുരുതരമായതിനെ തുടർന്ന് കൂത്തുപറമ്പിലെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
വടക്കാഞ്ചേരിയിൽ ട്രാൻസ്ഫോർമർ അറ്റകുറ്റപ്പണിക്കിടെ കെഎസ്ഇബി ജീവനക്കാരന് ഷോക്കേറ്റു
വടക്കാഞ്ചേരിയിൽ ട്രാൻസ്ഫോർമർ അറ്റകുറ്റപ്പണിക്കിടെ കെഎസ്ഇബി ജീവനക്കാരന് ഷോക്കേറ്റു. കാഞ്ഞിരക്കോട് കൊടുമ്പ് സ്വദേശിയായ 39 വയസ്സുള്ള പ്രസാദിനാണ് പരിക്കേറ്റത്. ട്രാൻസ്ഫോർമറിൻ്റെ ഗ്രില്ലുകൾ മാറ്റി സ്ഥാപിക്കുന്നതുമായി ബന്ധപ്പെട്ട ജോലിക്കിടെയാണ് അപകടം സംഭവിച്ചത്.
ആഴിമല ക്ഷേത്രത്തിൽ ജീവനക്കാരൻ ഷോക്കേറ്റ് മരിച്ചു
ആഴിമല ക്ഷേത്രത്തിൽ ക്ഷേത്ര ജീവനക്കാരൻ ഷോക്കേറ്റ് മരിച്ചു. നെയ്യാറ്റിൻകര സ്വദേശി രാഹുൽ വിജയൻ (26) ആണ് മരിച്ചത്. ക്ഷേത്ര പരിസരം വൃത്തിയാക്കുന്നതിനിടെയാണ് ഷോക്കേറ്റത്.
ചെരുപ്പെടുക്കാൻ ശ്രമിക്കുമ്പോൾ ഷോക്കേറ്റു; വിളന്തറയിൽ ഏഴുവയസ്സുകാരൻ മരിച്ചു
കൊല്ലം ജില്ലയിലെ വിളന്തറയിൽ കളിക്കുന്നതിനിടെ സൈക്കിൾ ഷെഡിന് മുകളിൽ വീണ ചെരുപ്പെടുക്കാൻ ശ്രമിച്ച ഏഴ് വയസ്സുകാരൻ ഷോക്കേറ്റ് മരിച്ചു. താഴ്ന്നുകിടന്ന വൈദ്യുതി ലൈനിൽ പിടിച്ചപ്പോഴാണ് അപകടം സംഭവിച്ചത്. മിഥുന്റെ അമ്മ തുർക്കിയിൽ നിന്നുമെത്തിയ ശേഷം സംസ്കാരം നടക്കും.
കൊല്ലത്ത് വിദ്യാർത്ഥി ഷോക്കേറ്റ് മരിച്ച സംഭവം; അന്വേഷണത്തിന് ഉത്തരവിട്ട് മന്ത്രി വി ശിവൻകുട്ടി
കൊല്ലം തേവലക്കര ബോയ്സ് ഹൈസ്കൂളിൽ എട്ടാം ക്ലാസ് വിദ്യാർത്ഥി ഷോക്കേറ്റ് മരിച്ച സംഭവത്തിൽ വിദ്യാഭ്യാസ മന്ത്രി വി. ശിവൻകുട്ടി അന്വേഷണത്തിന് ഉത്തരവിട്ടു. സ്കൂൾ കെട്ടിടത്തിന് മുകളിൽ ചെരുപ്പെടുക്കാൻ കയറിയ വിദ്യാർത്ഥിക്ക് ഷോക്കേറ്റതാണ് അപകടകാരണമായത്. സംഭവത്തെക്കുറിച്ച് അടിയന്തരമായി അന്വേഷിച്ച് റിപ്പോർട്ട് നൽകാൻ പൊതു വിദ്യാഭ്യാസ ഡയറക്ടർക്ക് മന്ത്രി നിർദ്ദേശം നൽകി.
കൊല്ലം തേവലക്കരയിൽ വിദ്യാർത്ഥി ഷോക്കേറ്റ് മരിച്ചു; സ്കൂളിന് മുകളിലെ ലൈനിൽ തട്ടി അപകടം
കൊല്ലം തേവലക്കര ബോയ്സ് ഹൈസ്കൂളിലെ എട്ടാം ക്ലാസ് വിദ്യാർത്ഥി മിഥുൻ ഷോക്കേറ്റ് മരിച്ചു. സ്കൂൾ കെട്ടിടത്തിന് മുകളിൽ വീണ ചെരുപ്പ് എടുക്കാൻ കയറിയപ്പോഴാണ് അപകടം സംഭവിച്ചത്. സ്കൂളിന് മുകളിലൂടെയുള്ള വൈദ്യുത ലൈൻ അപകടകരമായ രീതിയിലാണ് കടന്നുപോകുന്നതെന്ന് നാട്ടുകാർ ആരോപിക്കുന്നു.
ശബരിമല ദർശനത്തിന് ശേഷം മടങ്ങിയ സ്ത്രീ ഷോക്കേറ്റ് മരിച്ചു
ശബരിമല ദർശനം കഴിഞ്ഞ് മടങ്ങിയ തെലങ്കാന സ്വദേശിനി പമ്പയിൽ ഷോക്കേറ്റ് മരിച്ചു. കുടിവെള്ളം ക്രമീകരിക്കുന്ന പൈപ്പ് കണക്ഷനിൽ നിന്നാണ് ഷോക്കേറ്റത്. ദേവസ്വം ബോർഡ് സ്ഥാപിച്ച ഇരുമ്പ് പോസ്റ്റിൽ നിന്ന് വൈദ്യുതി പ്രവഹിച്ചതാണ് അപകടകാരണമെന്നാണ് നിഗമനം.
പാലക്കാട് വാളയാറിൽ വൈദ്യുതാഘാതമേറ്റ് അച്ഛനും മകനും മരിച്ചു
പാലക്കാട് വാളയാറിൽ കൃഷിയിടത്തിൽ വൈദ്യുതാഘാതമേറ്റ് അച്ഛനും മകനും മരിച്ചു. വാളയാർ അട്ടപ്പള്ളം സ്വദേശികളായ മോഹനും മകൻ അനിരുദ്ധുമാണ് മരിച്ചത്. പോലീസ് അന്വേഷണം ആരംഭിച്ചു.
തൃശൂരിൽ വൈദ്യുതാഘാതം: സഹോദരങ്ങൾ മരണത്തിന് കീഴടങ്ങി
തൃശൂരിൽ വൈദ്യുതി കെണിയിൽ നിന്ന് ഷോക്കേറ്റ് രണ്ട് സഹോദരങ്ങൾ മരിച്ചു. തളി സ്വദേശികളായ രവീന്ദ്രനും അരവിന്ദാക്ഷനുമാണ് മരിച്ചത്. അനധികൃത വൈദ്യുതി വേലിയിൽ നിന്നാണ് അപകടം സംഭവിച്ചത്.
പത്തനംതിട്ടയിൽ ഇലക്ട്രിക് ഷോക്കേറ്റ് രണ്ടുപേർ മരിച്ചു
പത്തനംതിട്ട കുരമ്പാല തോട്ടുകര പാലത്തിന് സമീപം രണ്ടുപേർ ഷോക്കേറ്റ് മരിച്ചു. പാറവിളക്കിഴക്കേതിൽ പിജിഗോപാലപിള്ള, ചന്ദ്രശേഖരൻ എന്നിവരാണ് മരിച്ചത്. കൃഷിയിടത്തിൽ പന്നികൾ കയറാതിരിക്കാൻ സ്ഥാപിച്ച ഇലക്ട്രിക് കമ്പികളിൽ നിന്നാണ് ഷോക്കേറ്റതെന്ന് നിഗമനം.