Digital India
2025 ജനുവരി മുതൽ പുതിയ ടെലികോം നിയമങ്ങൾ; രാജ്യത്തുടനീളം ഒപ്റ്റിക്കൽ ഫൈബർ ലൈനുകളും ടവറുകളും സ്ഥാപിക്കൽ എളുപ്പമാകും
2025 ജനുവരി ഒന്നു മുതൽ പുതിയ റൈറ്റ് ഓഫ് വേ നിയമങ്ങൾ പ്രാബല്യത്തിൽ വരും. ഇത് രാജ്യത്തുടനീളം ടെലികോം അടിസ്ഥാന സൗകര്യങ്ങൾ സ്ഥാപിക്കുന്നത് ലളിതമാക്കും. പുതിയ നിയമങ്ങൾ 5ജി വിന്യാസം ത്വരിതപ്പെടുത്തുമെന്ന് പ്രതീക്ഷിക്കപ്പെടുന്നു.
ബംഗളൂരു ഓട്ടോ ഡ്രൈവറുടെ ‘സ്മാർട്ട്’ യുപിഐ പേയ്മെന്റ് രീതി വൈറലാകുന്നു
ബംഗളൂരുവിലെ ഒരു ഓട്ടോ ഡ്രൈവർ സ്മാർട്ട് വാച്ചിലെ ക്യൂആർ കോഡ് വഴി യാത്രാക്കൂലി സ്വീകരിക്കുന്ന ചിത്രം സമൂഹമാധ്യമങ്ങളിൽ വൈറലായി. കേന്ദ്ര ഐടി മന്ത്രി അശ്വിനി വൈഷ്ണവ് ഈ ചിത്രം പങ്കുവച്ചു. യുപിഐ സംവിധാനം ദൈനംദിന ഇടപാടുകൾ അനായാസമാക്കിയതായി മന്ത്രി അഭിപ്രായപ്പെട്ടു.
സൈബർ കുറ്റകൃത്യങ്ങൾ തടയുന്നതിൽ കേരളത്തിന് കേന്ദ്ര അംഗീകാരം
കേരള സർക്കാരിന്റെ സൈബർ കുറ്റകൃത്യങ്ങൾ തടയുന്നതിനുള്ള പ്രവർത്തനങ്ങൾക്ക് കേന്ദ്ര സർക്കാരിന്റെ അംഗീകാരം ലഭിച്ചു. സ്ത്രീകൾക്കും കുട്ടികൾക്കുമെതിരായ ഓൺലൈൻ കുറ്റകൃത്യങ്ങളിൽ സജീവമായ ഇടപെടൽ എന്ന വിഭാഗത്തിലാണ് കേരളത്തെ പുരസ്കാരത്തിനായി തിരഞ്ഞെടുത്തത്. സെപ്റ്റംബർ 10 ന് ന്യൂഡൽഹിയിൽ നടക്കുന്ന ചടങ്ങിൽ കേന്ദ്ര ആഭ്യന്തര മന്ത്രി അമിത് ഷാ പുരസ്കാരം കൈമാറും.