Cyber Attack
കെ ജെ ഷൈനിനെതിരായ സൈബർ ആക്രമണം: പ്രത്യേക സംഘം അന്വേഷണം ആരംഭിച്ചു
സിപിഐഎം വനിതാ നേതാവ് കെ ജെ ഷൈനിനെതിരായ സൈബർ ആക്രമണത്തിൽ പ്രത്യേക സംഘം അന്വേഷണം ആരംഭിച്ചു. വൈപ്പിൻ എംഎൽഎ കെ എൻ ഉണ്ണികൃഷ്ണനും കെ ജെ ഷൈനും നൽകിയ പരാതികളിലാണ് അന്വേഷണം നടക്കുന്നത്. അപവാദ പ്രചാരണത്തിന് പിന്നിൽ കോൺഗ്രസ് ആണെന്ന് കെ എൻ ഉണ്ണികൃഷ്ണൻ ആരോപിച്ചു.
കെ ജെ ഷൈനെതിരായ അപവാദ പ്രചരണം സിപിഐഎമ്മിൽ നിന്നെന്ന് വി ഡി സതീശൻ
സിപിഐഎം നേതാവ് കെ ജെ ഷൈനുമായി ബന്ധപ്പെട്ട് നടന്ന അപവാദ പ്രചാരണം സിപിഐഎമ്മിൽ നിന്നാണ് ഉണ്ടായതെന്ന വാദവുമായി വി ഡി സതീശൻ. ആഗോള അയ്യപ്പ സംഗമത്തിലെ മുഖ്യമന്ത്രിയുടെ പ്രസംഗത്തെയും അദ്ദേഹം വിമർശിച്ചു. സൈബർ ആക്രമണ പരാതികളിൽ സർക്കാർ ഇരട്ടനീതിയാണ് കാണിക്കുന്നതെന്നും സതീശൻ ആരോപിച്ചു.
കെ.എം. ഷാജഹാനെതിരെ മുഖ്യമന്ത്രിക്ക് പരാതി നൽകി മൂന്ന് എംഎൽഎമാർ
വിവാദ യൂട്യൂബ് വീഡിയോയുമായി ബന്ധപ്പെട്ട് കെ.എം. ഷാജഹാനെതിരെ മുഖ്യമന്ത്രിയ്ക്കും ഡി.ജി.പിക്കും മൂന്ന് എം.എൽ.എമാർ പരാതി നൽകി. എറണാകുളത്തെ ഇടത് എംഎൽഎമാരെ സംശയനിഴലിലാക്കുന്ന തരത്തിൽ വാർത്ത നൽകിയെന്നാണ് പ്രധാന ആരോപണം. കോതമംഗലം, കൊച്ചി, കുന്നത്തുനാട് എം.എൽ.എമാരാണ് പരാതി നൽകിയത്.
വി.ഡി. സതീശന്റെ പ്രതികരണം നിരാശാജനകമെന്ന് കെ.ജെ. ഷൈൻ; രാഹുലിനെ രക്ഷിക്കാൻ ശ്രമമെന്നും ആരോപണം
സൈബർ ആക്രമണവുമായി ബന്ധപ്പെട്ട് വി.ഡി. സതീശന്റെ പ്രതികരണത്തിനെതിരെ കെ.ജെ. ഷൈൻ രംഗത്ത്. കോൺഗ്രസ് പ്രവർത്തകർ നടത്തുന്ന സൈബർ ആക്രമണത്തെക്കുറിച്ച് ചോദിക്കുന്നത് അദ്ദേഹം ഉത്തരവാദിത്തപ്പെട്ട സ്ഥാനത്തിരിക്കുന്നതുകൊണ്ടാണെന്ന് ഷൈൻ വ്യക്തമാക്കി. രാഹുൽ മാങ്കൂട്ടത്തിലിനെ രക്ഷിക്കാനാണ് തനിക്കെതിരെ വ്യാജ ആരോപണം ഉന്നയിക്കുന്നതെന്നും ഷൈൻ ആരോപിച്ചു.
കെ.ജെ. ഷൈനിക്കെതിരായ സൈബർ ആക്രമണം; പിന്തുണയുമായി കെ.കെ. ശൈലജ
സിപിഐഎം നേതാവ് കെ ജെ ഷൈനിതിരായ സൈബർ ആക്രമണത്തിൽ പ്രതികരിച്ച് കെ കെ ശൈലജ. പൊതുമണ്ഡലത്തില് സജീവമായ സ്ത്രീകള്ക്കെതിരെ നടക്കുന്ന വ്യാജപ്രചാരണങ്ങൾക്കെതിരെ സമൂഹം ഒറ്റക്കെട്ടായി പ്രതികരിക്കേണ്ടത് അനിവാര്യമാണെന്ന് കെ.കെ. ശൈലജ അഭിപ്രായപ്പെട്ടു. കെ.ജെ. ഷൈനി ടീച്ചർക്കെതിരെ നടക്കുന്ന സൈബർ ആക്രമണങ്ങളെ ശക്തമായി അപലപിക്കുന്നുവെന്നും അവർ കൂട്ടിച്ചേർത്തു.
കെ ജെ ഷൈനിനെതിരായ സൈബർ ആക്രമണം; സിപിഐഎമ്മിനെതിരെ ആഞ്ഞടിച്ച് മുഹമ്മദ് ഷിയാസ്
കെ ജെ ഷൈനിനെതിരായ സൈബർ ആക്രമണത്തിന് പിന്നിൽ സിപിഐഎം ആണെന്ന് എറണാകുളം ഡിസിസി പ്രസിഡന്റ് മുഹമ്മദ് ഷിയാസ് ആരോപിച്ചു. എല്ലാ കാലത്തും എല്ലാം ഒളിപ്പിച്ചു വയ്ക്കാൻ സാധിക്കില്ലെന്നും അദ്ദേഹം കൂട്ടിച്ചേർത്തു. സംഭവത്തിൽ പ്രതികരണവുമായി പ്രതിപക്ഷ നേതാവ് വി.ഡി. സതീശനും രംഗത്തെത്തിയിട്ടുണ്ട്.
നടി റിനി ആൻ ജോർജിനെതിരായ സൈബർ ആക്രമണം; പോലീസ് കേസ് രജിസ്റ്റർ ചെയ്തു
യുവനടി റിനി ആൻ ജോർജിന് നേരെ സാമൂഹ്യ മാധ്യമങ്ങളിലൂടെ നടന്ന സൈബർ ആക്രമണത്തിൽ എറണാകുളം റൂറൽ സൈബർ പൊലീസ് കേസെടുത്തു. രാഹുൽ മാങ്കൂട്ടത്തിലിനെതിരെ റിനി ആൻ ജോർജ് ആരോപണങ്ങൾ ഉന്നയിച്ചതിനെത്തുടർന്നാണ് അവർക്കെതിരെ വ്യാപകമായ സൈബർ ആക്രമണം ഉണ്ടായത്. പരാതിയിൽ ജാമ്യമില്ലാ വകുപ്പുകൾ ഉൾപ്പെടെ ചുമത്താവുന്ന കുറ്റങ്ങളുണ്ടെന്ന് പൊലീസ് വ്യക്തമാക്കി.
നടി റിനിക്കെതിരായ സൈബർ ആക്രമണം; കർശന നടപടിക്ക് ഡി.ജി.പി
നടി റിനി ആൻ ജോർജിനെ സാമൂഹ്യമാധ്യമങ്ങളിൽ അധിക്ഷേപിച്ച കേസിൽ കർശന നടപടിയെടുക്കാൻ ഡി.ജി.പി നിർദ്ദേശം നൽകി. രാഹുൽ ഈശ്വർ, ഷാജൻ സ്കറിയ, ക്രൈം നന്ദകുമാർ എന്നിവർക്കെതിരെ കേസ് രജിസ്റ്റർ ചെയ്യാൻ സാധ്യത. രാഹുൽ മാങ്കുട്ടത്തിലിനെതിരെ വെളിപ്പെടുത്തൽ നടത്തിയതിന് പിന്നാലെ റിനിക്കെതിരെ സൈബർ ആക്രമണം ശക്തമായിരുന്നു.
സൈബർ ആക്രമണത്തിനെതിരെ റിനി ആൻ ജോർജ് മുഖ്യമന്ത്രിക്ക് പരാതി നൽകി
നടി റിനി ആൻ ജോർജ് സൈബർ ആക്രമണങ്ങൾക്കെതിരെ മുഖ്യമന്ത്രിക്ക് പരാതി നൽകി. സമൂഹമാധ്യമങ്ങളിലെ പരാമർശങ്ങൾക്കെതിരെ കേസെടുക്കണമെന്ന് അവർ ആവശ്യപ്പെട്ടു. രാഹുൽ ഈശ്വർ അടക്കമുള്ളവർക്കെതിരെയാണ് പരാതി നൽകിയിരിക്കുന്നത്.
രാഹുലിനെതിരായ നടപടിയിൽ സൈബർ ആക്രമണം; വി.ഡി. സതീശനെ പിന്തുണച്ച് കോൺഗ്രസ്
രാഹുൽ മാങ്കൂട്ടത്തിലിനെതിരായ നടപടിയിൽ തനിക്കെതിരെ സൈബർ ആക്രമണം നടക്കുന്നതായി വി.ഡി. സതീശൻ ആരോപിച്ചു. വിഷയത്തിൽ പാർട്ടിയുടെ കൂട്ടായ തീരുമാനമാണ് എടുത്തതെന്നും അദ്ദേഹം വ്യക്തമാക്കി. എ ഗ്രൂപ്പ് നേതാക്കൾക്ക് അതൃപ്തിയുണ്ടെങ്കിലും, വി.ഡി. സതീശനെ പിന്തുണക്കുന്നവർ അദ്ദേഹത്തിന്റെ നിലപാടിൽ ഉറച്ചുനിൽക്കുന്നു.
ജിമെയിൽ ഉപയോക്താക്കൾക്ക് മുന്നറിയിപ്പുമായി ഗൂഗിൾ; പാസ്വേഡ് ഉടൻ മാറ്റുക
ജിമെയിൽ അക്കൗണ്ടുകൾ കൂടുതൽ സുരക്ഷിതമാക്കാൻ പാസ്വേഡുകൾക്ക് പകരം പാസ്കീകൾ ഉപയോഗിക്കാൻ ഗൂഗിൾ നിർദ്ദേശിക്കുന്നു. ഹാക്കിങ് സാധ്യതകൾ വർധിക്കുന്ന സാഹചര്യത്തിൽ ജിമെയിൽ പാസ്വേഡ് അപ്ഡേറ്റ് ചെയ്യാനും ഗൂഗിൾ അറിയിച്ചു. ഗൂഗിളിന്റെ സെയിൽസ്ഫോഴ്സ് ഡാറ്റാബേസ് ഹാക്ക് ചെയ്യപ്പെട്ടതിനെത്തുടർന്ന് 2.5 ബില്യൺ ജിമെയിൽ ഉപയോക്താക്കൾ ഇപ്പോൾ അപകടത്തിലാണെന്നും മുന്നറിയിപ്പുണ്ട്.
രാഹുൽ മാങ്കൂട്ടത്തിനെതിരെ നിലപാടെടുത്തതിന് യൂത്ത് കോൺഗ്രസ് നേതാവിനെതിരെ സൈബർ ആക്രമണം
യൂത്ത് കോൺഗ്രസ് നേതാവ് സ്നേഹ ഹരിപ്പാടിനെതിരെ സൈബർ ആക്രമണം. രാഹുൽ മാങ്കൂട്ടത്തിനെതിരെ നിലപാടെടുത്തതിനാണ് ആക്രമണം. സൈബർ ആക്രമണത്തിൽ മനംനൊന്ത് സ്നേഹ ഫേസ്ബുക്കിൽ പ്രതികരിച്ചു.