Customs
ദുൽഖർ സൽമാന്റെ വാഹനം വിട്ടുനൽകാൻ വൈകും; കസ്റ്റംസ് പരിശോധന തുടരുന്നു
ഓപ്പറേഷൻ നംഖോറിൻ്റെ ഭാഗമായി കസ്റ്റംസ് പിടികൂടിയ നടൻ ദുൽഖർ സൽമാന്റെ വാഹനം ഉടൻ വിട്ടുനൽകാൻ സാധ്യതയില്ല. വാഹനത്തിന്റെ രേഖകളിൽ ചില സംശയങ്ങളുണ്ടെന്ന് കസ്റ്റംസ് വിലയിരുത്തുന്നു. ദുൽഖർ സൽമാനെ കസ്റ്റംസ് അധികൃതർ നേരിട്ട് വിളിച്ചുവരുത്തിയേക്കും.
ദുൽഖർ സൽമാന്റെ വാഹനം വിട്ടു കിട്ടുന്നതിനുള്ള അപേക്ഷയിൽ കസ്റ്റംസ് പരിശോധന ശക്തമാക്കി
ഓപ്പറേഷൻ നംഖോറിൽ പിടിച്ചെടുത്ത വാഹനം വിട്ടു കിട്ടാനായി ദുൽഖർ സൽമാൻ നൽകിയ അപേക്ഷയിൽ കസ്റ്റംസ് വിശദമായ പരിശോധന ആരംഭിച്ചു. വാഹനത്തിന്റെ ഇറക്കുമതി രേഖകൾ സൂക്ഷ്മമായി പരിശോധിച്ച ശേഷം മാത്രമേ അന്തിമ തീരുമാനമെടുക്കൂ എന്ന് അധികൃതർ അറിയിച്ചു. ഹൈക്കോടതി ഇടപെട്ടതിനെ തുടർന്നാണ് ദുൽഖർ സൽമാൻ കസ്റ്റംസിന് അപേക്ഷ നൽകിയത്.
തിരുവനന്തപുരം വിമാനത്താവളത്തിൽ 40 ലക്ഷം രൂപയുടെ സ്വർണം പിടികൂടി
തിരുവനന്തപുരം വിമാനത്താവളത്തിൽ 40 ലക്ഷം രൂപയുടെ സ്വർണം പിടികൂടി. തമിഴ്നാട് സ്വദേശി സെന്തിൽ രാജേന്ദ്രനാണ് സ്വർണം കടത്തിയത്. കസ്റ്റംസ് ഉദ്യോഗസ്ഥർ ഇയാളെ അറസ്റ്റ് ചെയ്തു, കൂടുതൽ അന്വേഷണങ്ങൾ നടക്കുന്നു.
ഓപ്പറേഷന് നംഖോര് കേസ്: ദുല്ഖറിന് ഹൈക്കോടതിയുടെ താൽക്കാലിക ആശ്വാസം
ഓപ്പറേഷൻ നംഖോറുമായി ബന്ധപ്പെട്ട കേസിൽ ദുൽഖർ സൽമാന് ഹൈക്കോടതിയുടെ താൽക്കാലിക ആശ്വാസം. കസ്റ്റഡിയിലെടുത്ത വാഹനം വിട്ടുനൽകുന്ന കാര്യം പരിഗണിക്കണമെന്ന് ഹൈക്കോടതി കസ്റ്റംസിനോട് നിർദ്ദേശിച്ചു. വാഹനത്തിന്റെ മൂല്യത്തിന് തുല്യമായ തുക ബാങ്ക് ഗാരൻ്റിയായി നൽകാമെന്ന് ദുൽഖർ സൽമാൻ കോടതിയെ അറിയിച്ചിട്ടുണ്ട്.
ഭൂട്ടാൻ വാഹനക്കടത്ത് കേസ്: മാഹിൻ അൻസാരിയെ വീണ്ടും ചോദ്യം ചെയ്യും
ഭൂട്ടാൻ വാഹനക്കടത്ത് കേസിൽ മൂവാറ്റുപുഴ സ്വദേശി മാഹിൻ അൻസാരിയെ കസ്റ്റംസ് വീണ്ടും ചോദ്യം ചെയ്യും. ഭൂട്ടാനിൽനിന്ന് ഇറക്കുമതിചെയ്ത ഇയാളുടെ ലാൻഡ് റോവർ കാർ പിടിച്ചെടുത്തിരുന്നു. പ്രാഥമിക ചോദ്യംചെയ്യലിൽ നിർണായക വിവരങ്ങൾ ലഭിച്ചതിനെ തുടർന്നാണ് കസ്റ്റംസിൻ്റെ ഈ നീക്കം.
ഓപ്പറേഷൻ നംഖോർ: ദുൽഖർ സൽമാന്റെ നിസ്സാൻ പട്രോൾ കാർ കസ്റ്റംസ് കണ്ടെത്തി
ഓപ്പറേഷൻ നംഖോറിൻ്റെ ഭാഗമായി ദുൽഖർ സൽമാന്റെ ഉടമസ്ഥതയിലുള്ള നിസ്സാൻ പട്രോൾ കാർ കസ്റ്റംസ് കണ്ടെത്തി. കൊച്ചിയിലെ ബന്ധുവിന്റെ ഫ്ലാറ്റിൽ നിന്നാണ് വാഹനം കണ്ടെത്തിയത്. കസ്റ്റംസ് നേരത്തെ ദുൽഖറിന്റെ ലാൻഡ് റോവർ ഡിഫൻഡർ വാഹനം പിടിച്ചെടുത്തിരുന്നു.
ഓപ്പറേഷൻ നംഖോർ: 150-ൽ അധികം കാറുകൾ നികുതി വെട്ടിച്ച് കടത്തിയെന്ന് കണ്ടെത്തൽ; കൂടുതൽ പേരിലേക്ക് അന്വേഷണം
ഓപ്പറേഷൻ നംഖോറുമായി ബന്ധപ്പെട്ട് കസ്റ്റംസ് നടത്തിയ അന്വേഷണത്തിൽ സംസ്ഥാനത്ത് 150-ൽ അധികം കാറുകൾ നികുതി വെട്ടിച്ച് കടത്തിയതായി കണ്ടെത്തി. മൂവാറ്റുപുഴ സ്വദേശി മാഹിൻ അൻസാരിയുടെ മൊഴിയിൽ നിന്നാണ് കേസിനാവശ്യമായ കൂടുതൽ വിവരങ്ങൾ ലഭിച്ചത്. കസ്റ്റംസ് നടപടിക്കെതിരെ ഹൈക്കോടതിയെ സമീപിച്ച നടൻ ദുൽഖർ സൽമാന് ഉടൻ സമൻസ് നൽകില്ല.
വീണ്ടും കസ്റ്റംസ് ചോദ്യം ചെയ്യൽ; ഇടനില നിന്നിട്ടില്ലെന്ന് അമിത് ചക്കാലക്കൽ
രേഖകൾ പരിശോധിക്കുന്നതിനായി കസ്റ്റംസ് വീണ്ടും അമിത് ചക്കാലക്കലിനെ ചോദ്യം ചെയ്തു. കൂടുതൽ രേഖകൾ ഹാജരാക്കാൻ എത്തിയതാണെന്നും താനാർക്കും ഇടനില നിന്നിട്ടില്ലെന്നും അമിത് ചക്കാലക്കൽ മാധ്യമങ്ങളോട് പറഞ്ഞു. പല ആരോപണങ്ങളും അടിസ്ഥാനരഹിതമാണെന്നും അദ്ദേഹം കൂട്ടിച്ചേർത്തു.
ഓപ്പറേഷൻ നംഖോർ: കസ്റ്റംസ് പരിശോധന ഇന്നും തുടരും; കൂടുതൽ കേന്ദ്ര ഏജൻസികൾ അന്വേഷണത്തിന്
ഓപ്പറേഷൻ നംഖോറിൻ്റെ ഭാഗമായി ഭൂട്ടാനിൽ നിന്ന് നിയമവിരുദ്ധമായി കടത്തിയ വാഹനങ്ങൾ കണ്ടെത്താനുള്ള കസ്റ്റംസിൻ്റെ പരിശോധന ഇന്നും തുടരും. വാഹനങ്ങളുടെ രേഖകൾ ഹാജരാക്കാൻ നടന്മാർ അടക്കമുള്ളവർക്ക് കസ്റ്റംസ് നോട്ടീസ് നൽകിയിട്ടുണ്ട്. വാഹന ഇടപാടുകൾക്ക് പിന്നിൽ സാമ്പത്തിക ക്രമക്കേടുണ്ടെന്ന വിലയിരുത്തലിന്റെ അടിസ്ഥാനത്തിൽ ഇ.ഡി. പരിശോധന ആരംഭിച്ചു.
ഓപ്പറേഷന് നംഖോർ: ഇടുക്കിയിൽ ഇൻസ്റ്റഗ്രാം താരത്തിന്റെ ആഢംബര കാർ കസ്റ്റഡിയിൽ
ഓപ്പറേഷന് നംഖോറില് ഇടുക്കിയില് നടത്തിയ പരിശോധനയില് തിരുവനന്തപുരം സ്വദേശിയുടെ കാര് കസ്റ്റംസ് കസ്റ്റഡിയിലെടുത്തു. തിരുവനന്തപുരം സ്വദേശിനിയും ഇൻസ്റ്റഗ്രാം ഇൻഫ്ലുവൻസറുമായ ശിൽപ സുരേന്ദ്രന്റെ ഉടമസ്ഥതയിലുള്ള ലാൻഡ് ക്രൂയിസർ കാറാണ് കസ്റ്റംസ് പരിശോധിക്കുന്നത്. കള്ളപ്പണം വെളുപ്പിക്കലുമായി ബന്ധപ്പെട്ട് ഇഡി വിവരങ്ങള് തേടിയതിനെ തുടർന്നാണ് കസ്റ്റംസ് അന്വേഷണം ശക്തമാക്കിയത്.
ഡ്യൂട്ടി വെട്ടിച്ച് ആഡംബര കാറുകൾ; പിടിച്ചെടുത്ത വാഹനങ്ങൾ ഉടമകൾക്ക് വിട്ടുനൽകും, ദുൽഖറിന്റെ നിസ്സാൻ പട്രോൾ പിടിച്ചെടുക്കും
കസ്റ്റംസ് പിടിച്ചെടുത്ത വാഹനങ്ങൾ ഉടമകൾക്ക് തിരികെ നൽകും. നിയമനടപടികൾ കഴിയുന്നത് വരെ വാഹനങ്ങൾ ഉപയോഗിക്കാൻ അനുമതിയില്ല. രേഖകൾ ഹാജരാക്കാൻ ദുൽഖർ സൽമാന് കസ്റ്റംസ് നോട്ടീസ് നൽകി.
നെടുമ്പാശ്ശേരിയിൽ സ്വർണ്ണവേട്ട: 1078 ഗ്രാം സ്വർണ്ണമിശ്രിതം പിടികൂടി, ഒരാൾ അറസ്റ്റിൽ
നെടുമ്പാശ്ശേരി വിമാനത്താവളത്തിൽ 1078 ഗ്രാം സ്വർണ്ണമിശ്രിതം പിടികൂടി. സ്വർണ്ണം ഗുളിക രൂപത്തിലാക്കി ശരീരത്തിൽ ഒളിപ്പിച്ച് കടത്താൻ ശ്രമിച്ച കോഴിക്കോട് സ്വദേശി കമറുദ്ദീനെ കസ്റ്റംസ് അറസ്റ്റ് ചെയ്തു. വിമാനത്താവളങ്ങളിലൂടെയുള്ള സ്വർണ്ണക്കടത്ത് തടയുന്നതിനുള്ള പരിശോധനകൾ ശക്തമാക്കുമെന്ന് കസ്റ്റംസ് അറിയിച്ചു.