Crime News
സി.സദാനന്ദൻ എം.പി.യുടെ കാൽ വെട്ടിയ കേസിൽ 8 സി.പി.ഐ.എം. പ്രവർത്തകർ കീഴടങ്ങി
സി. സദാനന്ദൻ എം.പി.യുടെ കാൽ വെട്ടിയ കേസിൽ പ്രതികളായ എട്ട് സി.പി.ഐ.എം. പ്രവർത്തകർ തലശ്ശേരി കോടതിയിൽ കീഴടങ്ങി. സുപ്രീംകോടതിയിൽ അപ്പീൽ തള്ളിയതിനെ തുടർന്നാണ് പ്രതികൾ കീഴടങ്ങിയത്. ഇവരെ പിന്നീട് കണ്ണൂർ സെൻട്രൽ ജയിലിലേക്ക് മാറ്റും.
നിമിഷ പ്രിയയുടെ വധശിക്ഷ വേഗം നടപ്പാക്കണം; അറ്റോർണി ജനറലിന് കത്തയച്ച് തലാലിന്റെ സഹോദരൻ
നിമിഷ പ്രിയയുടെ വധശിക്ഷ എത്രയും പെട്ടെന്ന് നടപ്പാക്കണമെന്ന് ആവശ്യപ്പെട്ട് തലാലിന്റെ സഹോദരൻ അബ്ദുൽ ഫത്തെ മഹ്ദി, അറ്റോർണി ജനറൽ അബ്ദുൽ സലാം അൽ-ഹൂത്തിക്ക് കത്തയച്ചു. വധശിക്ഷ നീട്ടിവെച്ചതിലൂടെ നിയമപരമായ അവകാശം നിഷേധിക്കപ്പെട്ടെന്നും നീതിയും സത്യവും സംരക്ഷിക്കുന്നതിന് ശിക്ഷ നടപ്പാക്കാൻ പുതിയ തീയതി നിശ്ചയിക്കണമെന്നും കത്തിൽ ആവശ്യപ്പെട്ടിട്ടുണ്ട്. 2017 ജൂലൈയിലാണ് പാലക്കാട് ജില്ലയിലെ കൊല്ലങ്കോട് സ്വദേശിയായ നിമിഷ പ്രിയ യെമൻ പൗരനായ തലാലിനെ കൊലപ്പെടുത്തിയത്.
ചേർത്തല ദുരൂഹ മരണക്കേസ്: സെബാസ്റ്റ്യന്റെ വീട്ടിൽ നിർണായക പരിശോധന; കൂടുതൽ സിം കാർഡുകൾ കണ്ടെത്തി
ആലപ്പുഴ ചേർത്തലയിലെ ദുരൂഹ മരണങ്ങളിലും തിരോധാനക്കേസുകളിലും ഇന്ന് നിർണായക പരിശോധന നടക്കുകയാണ്. സെബാസ്റ്റ്യന്റെ വീട്ടിൽ നിന്ന് കണ്ടെത്തിയ അസ്ഥിഭാഗങ്ങളിൽ നിന്ന് പല്ലുകൾ ലഭിച്ചിട്ടുണ്ട്. വീട്ടുവളപ്പിലെ കുളം വറ്റിച്ചും, ഗ്രാനൈറ്റ് പാകിയ മുറിയുടെ തറ തുറന്നും പരിശോധന നടത്തും.
ബോബിയുടെ ദുരൂഹ മരണം: അയൽവാസി കസ്റ്റഡിയിൽ
കോഴിക്കോട് പശുക്കടവിൽ വീട്ടമ്മ ബോബിയുടെ ദുരൂഹ മരണത്തിൽ അയൽവാസിയെ പൊലീസ് കസ്റ്റഡിയിലെടുത്തു. പന്നികളെ പിടിക്കാൻ വെച്ച വൈദ്യുതിക്കെണിയിൽനിന്ന് ഷോക്കേറ്റാണ് ബോബി മരിച്ചതെന്നാണ് പൊലീസിന്റെ പ്രാഥമിക നിഗമനം. സംഭവത്തിൽ കൂടുതൽ അന്വേഷണം നടക്കുകയാണെന്നും പൊലീസ് അറിയിച്ചു.
വളാഞ്ചേരിയിൽ പ്ലസ് ടു വിദ്യാർത്ഥിക്ക് ക്രൂരമർദ്ദനം; 10 പേർക്കെതിരെ കേസ്
മലപ്പുറം വളാഞ്ചേരിയിൽ പ്ലസ് ടു വിദ്യാർത്ഥിക്ക് ക്രൂരമർദ്ദനമേറ്റു. പത്തോളം വിദ്യാർത്ഥികൾ ചേർന്ന് മർദ്ദിച്ചെന്നാണ് പരാതി. സംഭവത്തിൽ വളാഞ്ചേരി പോലീസ് കേസെടുത്ത് അന്വേഷണം ആരംഭിച്ചു.
ടിപി വധക്കേസ് പ്രതികളുടെ മദ്യപാനം: കൂടുതൽ നടപടികളുമായി പൊലീസ്
ടി.പി. ചന്ദ്രശേഖരൻ വധക്കേസിലെ പ്രതികൾ മദ്യപിച്ച സംഭവത്തിൽ പോലീസ് കൂടുതൽ നടപടികളിലേക്ക്. പ്രതികൾക്ക് എസ്കോർട്ട് നൽകുന്നതിന് സീനിയർ ഉദ്യോഗസ്ഥരെ നിയോഗിക്കും. കോടതി പരിസരത്തും യാത്രയിലും കൂടുതൽ ഉദ്യോഗസ്ഥരുടെ നിരീക്ഷണം ഉണ്ടാകും.
മീററ്റിൽ മദ്യലഹരിയിൽ സൈനികൻ കാർ റെയിൽവേ പ്ലാറ്റ്ഫോമിലേക്ക് ഓടിച്ചുകയറ്റി
ഉത്തർപ്രദേശിലെ മീററ്റ് കാൻ്റ് റെയിൽവേ സ്റ്റേഷനിൽ മദ്യലഹരിയിൽ സൈനികൻ കാർ റെയിൽവേ പ്ലാറ്റ്ഫോമിലേക്ക് ഓടിച്ചു കയറ്റി. സന്ദീപ് ദാക്ക എന്ന സൈനികനാണ് ഈ കൃത്യം ചെയ്തത്. സംഭവത്തിൽ ആർക്കും പരിക്കില്ല.
ചേർത്തല തിരോധാന കേസ്: സെബാസ്റ്റ്യന്റെ വീട്ടിൽ മൃതദേഹാവശിഷ്ടങ്ങൾ സംശയിക്കുന്നു, ഇന്ന് തെളിവെടുപ്പ്
ചേർത്തലയിലെ തിരോധാന കേസിൽ പ്രതി സെബാസ്റ്റ്യന്റെ വീടിനുള്ളിൽ മൃതദേഹാവശിഷ്ടങ്ങൾ സംശയിക്കുന്നു. ഗ്രാനൈറ്റ് പാകിയ മുറിയുടെ തറയിൽ ഗ്രൗണ്ട് പെനട്രേറ്റിംഗ് റഡാർ ഉപയോഗിച്ച് പരിശോധന നടത്തും. അഞ്ചുവർഷം മുമ്പ് കാണാതായ വീട്ടമ്മയുടെ കേസിൽ പുനരന്വേഷണം ആരംഭിച്ചു.
പ്രിൻസിപ്പലിനെ മാറ്റാൻ കുടിവെള്ള ടാങ്കിൽ വിഷം കലക്കി; ശ്രീരാമസേന നേതാവ് അറസ്റ്റിൽ
കർണാടകയിലെ ബെലഗാവിയിൽ പ്രിൻസിപ്പലിനെ മാറ്റാൻ സ്കൂൾ കുടിവെള്ള ടാങ്കിൽ വിഷം കലക്കിയ കേസിൽ ശ്രീരാമസേന നേതാവ് അറസ്റ്റിലായി. അഞ്ചാം ക്ലാസ് വിദ്യാർത്ഥിയെ ഉപയോഗിച്ചാണ് പ്രതികൾ കൃത്യം നടത്തിയത്. സംഭവത്തിൽ നിരവധി കുട്ടികൾക്ക് ആരോഗ്യ പ്രശ്നങ്ങളുണ്ടായി.
നവജാത ശിശുവിനെ കൈമാറിയ കേസിൽ അമ്മയുടെ ആൺസുഹൃത്ത് അറസ്റ്റിൽ
എറണാകുളത്ത് നവജാത ശിശുവിനെ മറ്റൊരു കുടുംബത്തിന് കൈമാറിയ കേസിൽ അമ്മയുടെ ആൺസുഹൃത്ത് അറസ്റ്റിലായി. നാല് ദിവസം പ്രായമുള്ള കുഞ്ഞിനെയാണ് കൈമാറിയത്. യുവതി കുട്ടിയെ ഉപേക്ഷിക്കുമെന്ന വിവരം കൂട്ടുകാരിയോട് പറഞ്ഞിരുന്നു. തുടർന്ന് പൊലീസ് നടത്തിയ അന്വേഷണത്തിൽ കുട്ടിയെ കണ്ടെത്തി.
പാലക്കാട്: മകളെ ശല്യം ചെയ്തത് ചോദ്യം ചെയ്ത പിതാവിന്റെ ഓട്ടോറിക്ഷ കത്തിച്ചു; യുവാവ് അറസ്റ്റിൽ
പാലക്കാട് മേപ്പറമ്പിൽ മകളെ ശല്യം ചെയ്തത് ചോദ്യം ചെയ്ത പിതാവിന്റെ ഓട്ടോറിക്ഷ യുവാവ് കത്തിച്ചു. സംഭവത്തിൽ പ്രതിയായ ആഷിഫിനെ പോലീസ് അറസ്റ്റ് ചെയ്തു. റഫീഖിന്റെ ഏക വരുമാന മാർഗ്ഗമായ ഓട്ടോറിക്ഷയാണ് പ്രതി തീയിട്ട് നശിപ്പിച്ചത്.
തൊട്ടിൽപ്പാലത്ത് വീട്ടമ്മയുടെ ദുരൂഹമരണം; പൊലീസിനെതിരെ വിമർശനവുമായി പഞ്ചായത്ത് പ്രസിഡന്റ്
തൊട്ടിൽപ്പാലം പശുക്കടവിലെ വീട്ടമ്മ ബോബിയുടെ മരണത്തിൽ ദുരൂഹതകൾ ഉയരുന്നു. തെളിവുകൾ നശിപ്പിക്കാൻ ശ്രമം നടന്നതായി മരുതോങ്കര പഞ്ചായത്ത് പ്രസിഡന്റ് കെ. സജിത്ത് ആരോപിച്ചു. ബോബിയുടെ മരണം വൈദ്യുത ഷോക്കേറ്റതാണെന്ന പോസ്റ്റ്മോർട്ടം റിപ്പോർട്ടിലെ പ്രാഥമിക നിഗമനത്തെ തുടർന്ന് പൊലീസ് നരഹത്യയ്ക്ക് കേസെടുത്തു.