Crime News
ഭാര്യയുടെ തലയുമായി സ്കൂട്ടറിൽ കറങ്ങിയ ഭർത്താവ് പിടിയിൽ
ബംഗളൂരുവിൽ ഭാര്യയെ കൊലപ്പെടുത്തിയ ശേഷം വെട്ടിമാറ്റിയ തലയുമായി സ്കൂട്ടറിൽ സഞ്ചരിച്ച യുവാവിനെ പോലീസ് അറസ്റ്റ് ചെയ്തു. ഹെബ്ബഗോഡി സ്വദേശിയായ മാനസ (26) ആണ് കൊല്ലപ്പെട്ടത്. ഭാര്യയ്ക്ക് അവിഹിത ബന്ധമുണ്ടെന്ന സംശയമാണ് കൊലപാതകത്തിലേക്ക് നയിച്ചതെന്ന് പ്രതി പോലീസിനോട് സമ്മതിച്ചു.
കൃഷ്ണകുമാറിനും മകൾ ദിയ കൃഷ്ണനുമെതിരെ ഗുരുതര ആരോപണവുമായി ജീവനക്കാർ
ബിജെപി നേതാവും നടനുമായ കൃഷ്ണകുമാറിനും മകൾ ദിയ കൃഷ്ണനുമെതിരെ ദിയയുടെ സ്ഥാപനത്തിലെ ജീവനക്കാർ രംഗത്ത്. തങ്ങളെ ജാതീയമായി അധിക്ഷേപിച്ചെന്നും ഭീഷണിപ്പെടുത്തി പണം തട്ടിയെടുത്തുവെന്നും ജീവനക്കാർ ആരോപിച്ചു. സംഭവത്തിൽ നിയമപരമായി മുന്നോട്ട് പോകാൻ തന്നെയാണ് ജീവനക്കാരുടെ തീരുമാനം.
യൂത്ത് കോൺഗ്രസ് മണ്ഡലം പ്രസിഡന്റ് വ്യാജ വാറ്റുമായി പിടിയിൽ
കോഴിക്കോട് എക്സൈസ് നടത്തിയ പരിശോധനയിൽ യൂത്ത് കോൺഗ്രസ് പയ്യോളി മണ്ഡലം പ്രസിഡന്റ് രഞ്ജിത് ലാൽ വ്യാജ വാറ്റുമായി പിടിയിലായി. ഇയാളുടെ സഹായി അഭിലാഷിനെയും എക്സൈസ് പിടികൂടി. മൂന്നര ലിറ്റർ ചാരായം, 50 ലിറ്റർ വാഷ്, വാറ്റുപകരണങ്ങൾ എന്നിവയും എക്സൈസ് പിടിച്ചെടുത്തു.
കൊല്ലത്ത് വൻ എംഡിഎംഎ വേട്ട; 61.5 ഗ്രാം എംഡിഎംഎയുമായി അഞ്ചുപേർ പിടിയിൽ
കൊല്ലത്ത് 61.5 ഗ്രാം എംഡിഎംഎയുമായി അഞ്ചുപേരെ എക്സൈസ് സംഘം പിടികൂടി. ബാംഗ്ലൂരിൽ നിന്ന് കാറിൽ കൊണ്ടുവരുമ്പോളാണ് പ്രതികളെ പിടികൂടിയത്. കൊല്ലം ഇടപ്പള്ളികോട്ട സ്വദേശികളാണ് പിടിയിലായത്.
വിവാഹ തട്ടിപ്പ് കേസിൽ യുവതി അറസ്റ്റിൽ; വിവിധ ജില്ലകളിലായി പത്തിലധികം പേരെ കബളിപ്പിച്ചു
വിവിധ ജില്ലകളിലായി പത്തിലധികം പേരെ വിവാഹം കഴിച്ച് കബളിപ്പിച്ച കോട്ടയം സ്വദേശി രേഷ്മ അറസ്റ്റിലായി. ഓൺലൈനിൽ വിവാഹ പരസ്യം നൽകിയാണ് ഇവർ തട്ടിപ്പ് നടത്തിയിരുന്നത്. തിരുവനന്തപുരം ആര്യനാട് പൊലീസാണ് ഇവരെ അറസ്റ്റ് ചെയ്തത്.
കാസർഗോഡ് ലഹരി കടത്ത്: 19,185 പാക്കറ്റ് ലഹരി വസ്തുക്കളുമായി 2 പേർ പിടിയിൽ
കാസർഗോഡ് വില്പനക്കായി കാറിൽ കടത്തുകയായിരുന്ന നിരോധിത ലഹരിവസ്തുക്കളുമായി രണ്ട് പേരെ പോലീസ് അറസ്റ്റ് ചെയ്തു. 19,185 പാക്കറ്റ് ലഹരി വസ്തുക്കളാണ് ഇവരില് നിന്നും പിടികൂടിയത്. കാസർഗോഡ് ഡിവൈഎസ്പി സുനിൽ കുമാറിൻ്റെ മേൽനോട്ടത്തിൽ നടത്തിയ പരിശോധനയിലാണ് അറസ്റ്റ്.
ഷൈൻ ടോം ചാക്കോയുടെ പിതാവ് മരിച്ച അപകടം: ഡ്രൈവർക്കെതിരെ കേസ്
ഷൈൻ ടോം ചാക്കോയുടെ പിതാവ് മരിച്ച വാഹനാപകടത്തിൽ ഡ്രൈവർക്കെതിരെ നരഹത്യക്ക് കേസെടുത്തു. തമിഴ്നാട് ദേശീയപാതയിൽ ധർമ്മപുരി പിന്നിട്ട് പാലാക്കോട് വെച്ചായിരുന്നു അപകടം. പരുക്കേറ്റ ഷൈൻ ടോമിനെയും അമ്മയെയും തൃശ്ശൂരിലെ ആശുപത്രിയിൽ പ്രവേശിപ്പിച്ചു.
അമേരിക്കയിൽ ജോലി വാഗ്ദാനം ചെയ്ത് തട്ടിപ്പ്; ബിഷപ്പ് അറസ്റ്റിൽ
അമേരിക്കയിൽ ജോലി വാഗ്ദാനം ചെയ്ത് രണ്ടര ലക്ഷം രൂപ തട്ടിയെടുത്ത കേസിൽ ബിഷപ്പ് അറസ്റ്റിലായി. മണിമല കേന്ദ്രീകരിച്ച് പ്രവർത്തിക്കുന്ന ഇവാഞ്ചലിക്കൽ സഭയുടെ ബിഷപ്പ് സന്തോഷ് പി. ചാക്കോയെയാണ് ചിങ്ങവനം പൊലീസ് അറസ്റ്റ് ചെയ്തത്. കുറിച്ചി സ്വദേശികളിൽ നിന്ന് രണ്ടരലക്ഷം രൂപ തട്ടിയെടുത്തതാണ് കേസ്.
ഷിബിൻ വധക്കേസ്: ഒന്നാം പ്രതിക്കെതിരെ റെഡ് കോർണർ നോട്ടീസ്
ഡിവൈഎഫ്ഐ പ്രവർത്തകൻ സി.കെ. ഷിബിൻ കൊല്ലപ്പെട്ട കേസിൽ ഒന്നാം പ്രതി തെയ്യമ്പാടി ഇസ്മായിലിനെതിരെ റെഡ് കോർണർ നോട്ടീസ്. വിദേശത്ത് ഒളിവിൽ കഴിയുന്ന ഇയാളെ പിടികൂടാനുള്ള ശ്രമത്തിന്റെ ഭാഗമായാണ് നടപടി. ഷിബിന്റെ കുടുംബം മുഖ്യമന്ത്രിക്ക് നൽകിയ പരാതിയുടെ അടിസ്ഥാനത്തിലാണ് തീരുമാനം.
ഭാര്യയെ കുത്തിക്കൊലപ്പെടുത്തിയ കേസിൽ ഭർത്താവ് കുറ്റം സമ്മതിച്ചു
ഭാര്യയെ കുത്തിക്കൊലപ്പെടുത്തിയ കേസിൽ ഭർത്താവ് കുറ്റം സമ്മതിച്ചു. കുൽസുമ അക്തർ കൊല്ലപ്പെട്ട സംഭവത്തിൽ ഭർത്താവ് ഹബീബുർ മാസ് കുറ്റം സമ്മതിച്ചു. ഇയാളെ കോടതി കസ്റ്റഡിയിൽ വിട്ടു.
വാഹന ക്വട്ടേഷൻ കേസിൽ ബിജെപി ജില്ലാ പ്രസിഡന്റ് മകനടക്കം അഞ്ചുപേർ അറസ്റ്റിൽ
ഇടുക്കി നെടുങ്കണ്ടത്ത് വാഹന ക്വട്ടേഷൻ കേസിൽ ബിജെപി നേതാവിൻ്റെ മകൻ അറസ്റ്റിൽ. എറണാകുളം നോർത്ത് ജില്ലാ പ്രസിഡൻ്റ് എം എ ബ്രഹ്മരാജിൻ്റെ മകൻ അഭിജിത്താണ് അറസ്റ്റിലായത്. തിരിച്ചടവ് മുടങ്ങിയതിനെ തുടർന്ന് ഫിനാൻസ് കമ്പനി പിടിച്ചെടുത്ത ജീപ്പ് ക്വട്ടേഷൻ സംഘം തട്ടിക്കൊണ്ടുപോയതാണ് കേസിനാധാരം.
തൃശ്ശൂരിൽ അമ്മയെയും മകളെയും കൊലപ്പെടുത്തിയ സംഭവം; പ്രതിക്കായി ലുക്ക് ഔട്ട് നോട്ടീസ്
തൃശ്ശൂർ പടിയൂരിൽ അമ്മയെയും മകളെയും മരിച്ച നിലയിൽ കണ്ടെത്തിയ സംഭവത്തിൽ പോലീസ് അന്വേഷണം ഊർജ്ജിതമാക്കി. കൊല്ലപ്പെട്ട രേഖയുടെ ഭർത്താവ് പ്രേംകുമാറിനായി ലുക്ക് ഔട്ട് നോട്ടീസ് പുറത്തിറക്കി. 2019 ൽ ആദ്യ ഭാര്യയെ കൊലപ്പെടുത്തിയ കേസിലെ പ്രതിയാണ് ഇയാൾ. രേഖയുടെ സൗഹൃദങ്ങളെചൊല്ലിയുള്ള തർക്കമാണ് കൊലപാതകത്തിലേക്ക് നയിച്ചതെന്നാണ് പോലീസ് നിഗമനം.