Crime News
അമ്മായിയമ്മയുടെ പീഡനം; 41 ദിവസം പ്രായമുള്ള കുഞ്ഞിനെ കൊന്ന് അമ്മ
കന്യാകുമാരിയിൽ 41 ദിവസം പ്രായമുള്ള പെൺകുഞ്ഞിനെ കൊലപ്പെടുത്തിയ കേസിൽ അമ്മ അറസ്റ്റിലായി. അമ്മായിയമ്മയുടെ മാനസിക പീഡനം സഹിക്കാനാവാതെയാണ് യുവതി കുഞ്ഞിനെ കൊലപ്പെടുത്തിയത്. കുഞ്ഞിന്റെ വായിൽ ടിഷ്യു പേപ്പർ തിരുകിയും ഭിത്തിയിലെറിഞ്ഞും കൊലപ്പെടുത്തിയെന്നാണ് പോസ്റ്റ്മോർട്ടം റിപ്പോർട്ട്.
യുകെയിൽ സിഖ് യുവതിയെ ബലാത്സംഗം ചെയ്തു; “സ്വന്തം രാജ്യത്തേക്ക് മടങ്ങിപ്പോകൂ” എന്ന് ആക്രോശം
യുകെയിൽ 20 വയസ്സുള്ള സിഖ് യുവതി ലൈംഗികാതിക്രമത്തിന് ഇരയായി. ഓൾഡ്ബറി സിറ്റിയിലെ ടേം റോഡിന് സമീപം വെച്ച് "സ്വന്തം രാജ്യത്തേക്ക് മടങ്ങിപ്പോകൂ" എന്ന് ആക്രോശിച്ച് രണ്ട് പേർ ചേർന്ന് യുവതിയെ ആക്രമിക്കുകയായിരുന്നു. കേസിൽ പോലീസ് അന്വേഷണം ആരംഭിച്ചു.
വിവാഹാഭ്യർഥന നിരസിച്ചതിന് യുവതിയെ കുത്തിക്കൊന്ന് യുവാവ് ജീവനൊടുക്കി
മംഗളൂരുവിൽ വിവാഹാഭ്യർഥന നിരസിച്ചതിനെ തുടർന്ന് യുവതിയെ കുത്തിക്കൊലപ്പെടുത്തി. ശേഷം യുവാവ് ജീവനൊടുക്കി. ബ്രഹ്മാവർ കൊക്കർണെ പൂജാരിബെട്ടു സ്വദേശി രക്ഷിതയാണ് കൊല്ലപ്പെട്ടത്. കാർത്തിക് എന്ന യുവാവിനെ കിണറ്റിൽ മരിച്ച നിലയിൽ കണ്ടെത്തി.
നൈജീരിയൻ ലഹരി കേസ്: മലയാളി ലഹരി മാഫിയയുമായി നടത്തിയ ഫോൺ സംഭാഷണം കണ്ടെത്തി
നൈജീരിയൻ ലഹരി കേസിൽ നിർണ്ണായക നീക്കവുമായി പോലീസ്. ലഹരി മാഫിയയുമായി മലയാളി നടത്തിയ ഫോൺ സംഭാഷണം കണ്ടെത്തി. സിറാജിന്റെ ശബ്ദ സാമ്പിൾ ശേഖരിക്കാൻ കോടതിയിൽ അപേക്ഷ നൽകും.
മഞ്ഞുമ്മൽ ബോയ്സ് സാമ്പത്തിക തട്ടിപ്പ് കേസ്: അന്വേഷണത്തിന് പ്രത്യേക സംഘം
മഞ്ഞുമ്മൽ ബോയ്സ് സിനിമയുമായി ബന്ധപ്പെട്ട സാമ്പത്തിക തട്ടിപ്പ് കേസ് അന്വേഷിക്കാൻ പ്രത്യേക സംഘത്തെ നിയോഗിച്ചു. എറണാകുളം ഡി സി പി വിനോദ് പിള്ളയുടെ മേൽനോട്ടത്തിൽ ക്രൈംബ്രാഞ്ച് ഡിവൈഎസ്പി ലത്തീഫ് ആണ് കേസ് അന്വേഷിക്കുന്നത്. സിനിമയുടെ ലാഭവിഹിതം നൽകാതെ കബളിപ്പിച്ചുവെന്ന സിറാജിൻ്റെ പരാതിയിലാണ് കേസ്.
തൊട്ടിൽപാലത്ത് വ്യാജ തോക്ക് നിർമ്മാണ കേസിൽ ഒരാൾ പിടിയിൽ
കോഴിക്കോട് തൊട്ടിൽപാലത്ത് വ്യാജ തോക്ക് നിർമ്മാണം നടത്തിയ ഒരാളെ പോലീസ് അറസ്റ്റ് ചെയ്തു. തൊട്ടിൽപാലം പോലീസ് നടത്തിയ പരിശോധനയിലാണ് ഇയാളെ പിടികൂടിയത്. കുണ്ടുതോട്ടിൽ ആമ്പല്ലൂർ ബാബുവിന്റെ വീട്ടിൽ നിന്നാണ് ഈ വ്യാജ തോക്കുകൾ കണ്ടെത്തിയത്.
വിവാഹാഭ്യർഥന നിരസിച്ചു; നെന്മാറയിൽ യുവതിക്കും പിതാവിനും വെട്ടേറ്റു
പാലക്കാട് നെന്മാറയിൽ വിവാഹാഭ്യർഥന നിരസിച്ച പെൺസുഹൃത്തിനെയും അച്ഛനെയും വെട്ടിപ്പരുക്കേൽപ്പിച്ച് യുവാവ്. മേലാർക്കോട് സ്വദേശി ഗിരീഷ് ആണ് ആലത്തൂർ പൊലീസിന്റെ പിടിയിലായത്. ഇന്നലെ രാത്രിയായിരുന്നു ഇയാൾ മദ്യലഹരിയിൽ പെൺ സുഹൃത്തിനെയും പിതാവിനെയും ആക്രമിച്ചത്.
വിജിൽ കൊലക്കേസിൽ വഴിത്തിരിവ്; മൃതദേഹം കെട്ടിത്താഴ്ത്തിയ കല്ലും അസ്ഥിഭാഗങ്ങളും കണ്ടെത്തി
കോഴിക്കോട് വിജിൽ കൊലക്കേസിൽ നിർണായക വഴിത്തിരിവ്. സരോവരം പാർക്കിന് സമീപം നടത്തിയ തിരച്ചിലിൽ വിജിലിന്റേതെന്ന് കരുതുന്ന അസ്ഥിഭാഗങ്ങൾ കണ്ടെത്തി. മൃതശരീരം കെട്ടി താഴ്ത്തിയ കല്ലും കണ്ടെത്തി. തലയോട്ടിക്കായുള്ള തിരച്ചിൽ തുടരുകയാണ്.
ജോയലിന്റെ മരണം: സി.പി.ഐ.എം പ്രാദേശിക നേതാക്കൾക്കെതിരെ ആരോപണവുമായി കുടുംബം, ഹൈക്കോടതിയെ സമീപിക്കും
അടൂരിലെ ഡിവൈഎഫ്ഐ പ്രവർത്തകൻ ജോയലിന്റെ മരണത്തിൽ ദുരൂഹതയുണ്ടെന്ന് ആരോപിച്ച് കുടുംബം ഹൈക്കോടതിയെ സമീപിക്കാൻ ഒരുങ്ങുന്നു. പ്രാദേശിക തട്ടിപ്പ് വിവരങ്ങൾ പുറത്ത് വരാതിരിക്കാനാണ് ജോയലിനെ പൊലീസ് മർദിച്ചതെന്ന് പിതാവ് ആരോപിച്ചു. സി.പി.ഐ.എം നേതാക്കളുടെ നിർദേശപ്രകാരം സി ഐ ആയിരുന്ന യു ബിജുവും സംഘവും അതിക്രൂരമായി മർദ്ദിച്ചെന്നും ഇതേതുടർന്ന് അസുഖബാധിതനായി ജോയൽ മരിച്ചെന്നും കുടുംബം പറയുന്നു.
ഡിവൈഎസ്പി മധു ബാബുവിനെതിരെ വീണ്ടും പരാതിയുമായി നിർമ്മാതാവ് ഷീല കുര്യൻ
ഡിവൈഎസ്പി മധു ബാബുവിനെതിരെ വീണ്ടും പരാതിയുമായി നിർമ്മാതാവ് ഷീല കുര്യൻ. സാമ്പത്തിക താല്പര്യങ്ങൾക്ക് വഴങ്ങി മധു ബാബു പ്രവർത്തിച്ചുവെന്നും സ്ത്രീത്വത്തെ അപമാനിച്ചുവെന്നും ഷീല കുര്യൻ ആരോപിച്ചു. മധു ബാബുവിനെതിരെ കർശന നടപടി സ്വീകരിക്കണമെന്നും ഷീല കുര്യൻ പരാതിയിൽ ആവശ്യപ്പെടുന്നു.
കൊച്ചിയിൽ മുൻ കൗൺസിലർക്ക് നേരെ ആക്രമണം; മകൻ കുത്തി പരുക്കേൽപ്പിച്ചു
കൊച്ചി കോർപ്പറേഷൻ മുൻ കൗൺസിലർ ഗ്രേസി ജോസഫിനെ മകൻ കുത്തി പരുക്കേൽപ്പിച്ചു. ഗ്രേസി ജോസഫിന്റെ കൈയ്യിലും വയറിലുമാണ് കുത്തേറ്റിട്ടുള്ളത്. ആക്രമണം തടയാൻ ശ്രമിക്കുന്നതിനിടെ ഭർത്താവിനും മർദനമേറ്റു.
കല്ലക്കുറിച്ചിയിൽ ഭാര്യയെയും സുഹൃത്തിനെയും ഭർത്താവ് തലയറുത്ത് കൊലപ്പെടുത്തി
തമിഴ്നാട്ടിലെ കല്ലക്കുറിച്ചി ജില്ലയിൽ ഭർത്താവ് ഭാര്യയെയും സുഹൃത്തിനെയും തലയറുത്ത് കൊലപ്പെടുത്തി. 48 കാരനായ കൊളാഞ്ചിയാണ് 37കാരിയായ ഭാര്യ ലക്ഷ്മിയെയും തങ്കരസാവു എന്ന യുവാവിനെയും കൊലപ്പെടുത്തിയത്. കൃത്യം നടത്തിയ ശേഷം അറുത്തെടുത്ത തലകള് തന്റെ ഇരുചക്രവാഹനത്തില് കെട്ടി തൂക്കി പ്രതി വെല്ലൂര് സെന്ട്രല് ജയിലിലെത്തി കീഴടങ്ങുകയായിരുന്നു.