Crime News
കഴക്കൂട്ടം ഹോസ്റ്റൽ പീഡനക്കേസ്: പ്രതി ബെഞ്ചമിനെ സ്ഥലത്തെത്തിച്ച് തെളിവെടുപ്പ് നടത്തി
തിരുവനന്തപുരം കഴക്കൂട്ടത്ത് ഹോസ്റ്റലിൽ അതിക്രമിച്ചു കയറി യുവതിയെ പീഡിപ്പിച്ച കേസിലെ പ്രതി ബെഞ്ചമിനെ സംഭവസ്ഥലത്ത് എത്തിച്ച് പോലീസ് തെളിവെടുപ്പ് നടത്തി. മോഷണം നടത്തിയ വീടുകൾ, ട്രക്ക് പാർക്ക് ചെയ്ത സ്ഥലം, ഭക്ഷണം കഴിച്ച തട്ടുകട എന്നിവിടങ്ങളിലും തെളിവെടുപ്പ് നടത്തി. തമിഴ്നാട്ടിൽ ഇയാൾക്കെതിരെ 20 ഓളം മോഷണ കേസുകൾ നിലവിലുണ്ട്.
കോട്ടയം കുമ്മനത്ത് കുഞ്ഞിനെ വിൽക്കാൻ ശ്രമം; അച്ഛനും ഇടനിലക്കാരനും കസ്റ്റഡിയിൽ
കോട്ടയം കുമ്മനത്ത് രണ്ടര മാസം പ്രായമുള്ള കുഞ്ഞിനെ വിൽക്കാൻ ശ്രമിച്ച സംഭവത്തിൽ കുട്ടിയുടെ അച്ഛനും ഇടനിലക്കാരനും കസ്റ്റഡിയിൽ. കുഞ്ഞിനെ വാങ്ങാൻ വന്ന ആളെ കണ്ടെത്താനുള്ള ശ്രമം പോലീസ് ആരംഭിച്ചു. അമ്മയുടെ എതിർപ്പിനെ തുടർന്ന് നാട്ടുകാർ വിവരമറിയിച്ചതിനെ തുടർന്നാണ് സംഭവം പുറത്തറിഞ്ഞത്.
കോട്ടയം കുമ്മനത്ത് കുഞ്ഞിനെ വിൽക്കാൻ ശ്രമം; പിതാവ് ഉൾപ്പെടെ മൂന്ന് പേർ കസ്റ്റഡിയിൽ
കോട്ടയം കുമ്മനത്ത് മൂന്ന് മാസം പ്രായമുള്ള കുഞ്ഞിനെ വിൽക്കാൻ ശ്രമിച്ച സംഭവത്തിൽ അസം സ്വദേശിയായ പിതാവ് ഉൾപ്പെടെ മൂന്ന് പേരെ കുമരകം പൊലീസ് കസ്റ്റഡിയിലെടുത്തു. ഈരാറ്റുപേട്ടയിൽ താമസിക്കുന്ന യു.പി സ്വദേശിക്കാണ് കുഞ്ഞിനെ വിൽക്കാൻ ശ്രമിച്ചത്. അൻപതിനായിരം രൂപയ്ക്കാണ് വിൽപ്പന നടത്താൻ തീരുമാനിച്ചതെന്ന് പൊലീസ് പറഞ്ഞു.
കുട ചൂടിയെത്തിയ കള്ളൻ സൂപ്പർമാർക്കറ്റിൽ നിന്ന് കവർന്നത് ലക്ഷങ്ങൾ
പെരുമ്പാവൂരിലെ സൂപ്പർമാർക്കറ്റിൽ കുട ചൂടിയെത്തിയ കള്ളൻ ഒരു ലക്ഷത്തി നാൽപ്പതിനായിരം രൂപ കവർന്നു. മേൽക്കൂരയും സീലിംഗും പൊളിച്ചാണ് കള്ളൻ അകത്ത് കടന്നത്. കള്ളന്റെ സിസിടിവി ദൃശ്യങ്ങൾ പോലീസിന് ലഭിച്ചു, അന്വേഷണം പുരോഗമിക്കുന്നു.
ശബരിമല സ്വര്ണക്കൊള്ള: ഉണ്ണികൃഷ്ണന് പോറ്റിയുമായി എസ് ഐ ടി ചെന്നൈയിലെത്തി പരിശോധന നടത്തി
ശബരിമല സ്വർണക്കൊള്ള കേസ് അന്വേഷിക്കുന്ന എസ് ഐ ടി ഉണ്ണികൃഷ്ണൻ പോറ്റിയുമായി ചെന്നൈയിലെ സ്മാർട്ടിൽ എത്തി പരിശോധന നടത്തി. പണിക്കൂലിയായി നൽകിയ 109 ഗ്രാം സ്വർണം തിരിച്ചെടുക്കുന്നതിന്റെ ഭാഗമായാണ് സ്മാർട്ടിൽ പരിശോധന നടത്തിയത്. പോറ്റിയുടെ ബെംഗളൂരുവിലെ ഫ്ലാറ്റിൽ നടത്തിയ പരിശോധനയിൽ 176 ഗ്രാം സ്വർണം കണ്ടെത്തിയിരുന്നു.
ചാക്കോച്ചൻ വധക്കേസിൽ ഭാര്യ റോസമ്മയ്ക്ക് ജീവപര്യന്തം; ഒരു ലക്ഷം രൂപ പിഴ
കണ്ണൂർ പെരിങ്ങോം മുളപ്രയിലെ ചാക്കോച്ചൻ വധക്കേസിൽ ഭാര്യ റോസമ്മയ്ക്ക് ജീവപര്യന്തം തടവ് ശിക്ഷ വിധിച്ചു. തളിപ്പറമ്പ് സെഷൻസ് കോടതിയാണ് ശിക്ഷ വിധിച്ചത്. 2013 ജൂലൈയിലാണ് റോസമ്മ ഭർത്താവിനെ തലക്കടിച്ച് കൊലപ്പെടുത്തിയത്.
ദിലീപിന്റെ വീട്ടിൽ അതിക്രമിച്ചു കയറാൻ ശ്രമം; ഒരാൾ അറസ്റ്റിൽ
നടൻ ദിലീപിന്റെ ആലുവയിലെ വസതിയിൽ അതിക്രമിച്ചു കടക്കാൻ ശ്രമിച്ച ഒരാളെ പോലീസ് അറസ്റ്റ് ചെയ്തു. മലപ്പുറം സ്വദേശിയായ ബാബുരാജിനെയാണ് ഈ സംഭവത്തിൽ പോലീസ് പിടികൂടിയത്. ഇയാൾ മദ്യലഹരിയിലായിരുന്നുവെന്ന് പോലീസ് അറിയിച്ചു.
ശബരിമല സ്വർണ്ണക്കൊള്ള: ഉണ്ണികൃഷ്ണൻ പോറ്റി വിറ്റ സ്വർണം കണ്ടെത്തി
ശബരിമല സ്വർണ്ണക്കൊള്ളക്കേസിൽ ഉണ്ണികൃഷ്ണൻ പോറ്റി കർണാടകയിലെ വ്യാപാരി ഗോവർധന് വിറ്റ സ്വർണം കണ്ടെത്തി. ബെല്ലാരിയിൽ നിന്നാണ് 400 ഗ്രാമോളം സ്വർണം പ്രത്യേക അന്വേഷണ സംഘം കണ്ടെത്തിയത്. ഇതിനിടെ ശബരിമല സ്വർണ്ണക്കൊള്ളയിലെ രണ്ടാം പ്രതി മുരാരി ബാബുവിന്റെ വീട്ടിൽ നിന്ന് സാമ്പത്തിക ഇടപാടുകളുമായി ബന്ധപ്പെട്ട രേഖകൾ കണ്ടെത്തി.
ശബരിമല സ്വർണക്കൊള്ള: സ്വർണം വാങ്ങിയ ജ്വല്ലറി പൂട്ടിയ നിലയിൽ
ശബരിമല സ്വർണക്കൊള്ളക്കേസിൽ സ്വർണം വാങ്ങിയ ജ്വല്ലറി പൂട്ടിയ നിലയിൽ കണ്ടെത്തി. കർണാടകയിലെ ബെല്ലാരിയിലുള്ള ഗോവർധന്റെ ഉടമസ്ഥതയിലുള്ള 'റൊദ്ദം' ജ്വല്ലറിയാണ് പൂട്ടിയ നിലയിൽ കണ്ടെത്തിയത്. കേസിൽ പ്രതി ചേർക്കപ്പെട്ട ദേവസ്വം ബോർഡിലെ കൂടുതൽ ഉദ്യോഗസ്ഥരെ അന്വേഷണസംഘം ഉടൻ ചോദ്യം ചെയ്യും.
ഇടുക്കിയിൽ മദ്യലഹരിയിൽ പൊലീസുകാരൻ ഓടിച്ച കാറിടിച്ച് അപകടം; കാൽനടയാത്രക്കാരന് പരിക്ക്, നാട്ടുകാരുടെ പ്രതിഷേധം
ഇടുക്കി കാഞ്ചിയാറിൽ മദ്യലഹരിയിൽ പൊലീസുകാരൻ ഓടിച്ച വാഹനം അപകടമുണ്ടാക്കി. അപകടത്തിൽ കാൽനടയാത്രക്കാരന് പരുക്കേറ്റതിനെ തുടർന്ന് നാട്ടുകാർ പ്രതിഷേധിച്ചു. മദ്യപിച്ച് വാഹനമോടിച്ച ഇടുക്കി ഡിസിആർബി ഗ്രേഡ് എസ് ഐ ബിജുമോനെതിരെ കേസ് എടുത്ത് അന്വേഷണം ആരംഭിച്ചു.
പഠിക്കാത്തതിന് ശകാരിച്ചതിന് അമ്മയെ കൊന്ന് 14കാരൻ; സംഭവം കള്ളക്കുറിച്ചിയിൽ
തമിഴ്നാട്ടിലെ കള്ളക്കുറിച്ചിയിൽ പഠിക്കാത്തതിന് വഴക്കുപറഞ്ഞതിനെ തുടർന്ന് 14 വയസ്സുകാരൻ അമ്മയെ കൊലപ്പെടുത്തി. കന്നുകാലികൾക്ക് പുല്ല് വെട്ടാൻ പോയ മഹേശ്വരിയെ വയലിൽ മരിച്ച നിലയിൽ കണ്ടെത്തുകയായിരുന്നു. പോസ്റ്റ്മോർട്ടത്തിൽ കൊലപാതകമാണെന്ന് തെളിഞ്ഞതോടെ പോലീസ് നടത്തിയ അന്വേഷണത്തിൽ മകൻ കുറ്റം സമ്മതിച്ചു.
വിദേശ കലാകാരിയുടെ ചിത്രങ്ങൾ നശിപ്പിച്ച സംഭവം; പ്രതികൾക്കെതിരെ കേസ്
എറണാകുളം ദർബാർ ഹാൾ ആർട്ട് ഗാലറിയിൽ വിദേശ കലാകാരിയുടെ ചിത്രങ്ങൾ നശിപ്പിച്ച സംഭവത്തിൽ പോലീസ് കേസ് രജിസ്റ്റർ ചെയ്തു. കേരള ലളിതകലാ അക്കാദമി ചെയർമാന്റെ പരാതിയിലാണ് എറണാകുളം സെൻട്രൽ പോലീസ് കേസ് എടുത്തത്. ഹോചിമിൻ പി.എച്ച്, സുധാംശു എന്നിവർക്കെതിരെയാണ് കേസ് എടുത്തിരിക്കുന്നത്.