Congress
വയനാട്ടിൽ കോൺഗ്രസ് നേതാവിന്റെ മരുമകൾ ആത്മഹത്യക്ക് ശ്രമിച്ചു
വയനാട്ടിൽ കോൺഗ്രസ് നേതാവ് എൻ.എം. വിജയന്റെ മരുമകൾ പത്മജ ആത്മഹത്യക്ക് ശ്രമിച്ചു. കൈഞരമ്പ് മുറിച്ച് ജീവനൊടുക്കാൻ ശ്രമിച്ച ഇവരെ ആശുപത്രിയിൽ പ്രവേശിപ്പിച്ചു. കോൺഗ്രസ് പാർട്ടി വഞ്ചിച്ചെന്ന് ഇന്നലെ പത്മജ പറഞ്ഞിരുന്നു.
ജോസ് നെല്ലേടത്തിന്റെ മരണത്തിന് തൊട്ടുമുന്പുള്ള വീഡിയോ പുറത്ത്; നിര്ണ്ണായക വെളിപ്പെടുത്തലുകളുമായി കോണ്ഗ്രസ് നേതാവ്
വയനാട് പുല്പ്പള്ളിയില് കോണ്ഗ്രസ് നേതാവ് ജോസ് നെല്ലേടത്ത് ജീവനൊടുക്കിയ സംഭവത്തില് നിര്ണായക വിവരങ്ങള് പുറത്ത്. മരിക്കുന്നതിന് തൊട്ടുമുന്പായി ജോസ് നെല്ലേടത്ത് ഷൂട്ട് ചെയ്ത വീഡിയോ ട്വന്റിഫോറിന് ലഭിച്ചു. സോഷ്യല് മീഡിയയില് അഴിമതിക്കാരനെന്ന തരത്തില് തനിക്കെതിരെ പ്രചാരണം നടക്കുന്നതായും കുടുംബത്തെ തകര്ക്കാന് ശ്രമം നടക്കുന്നതായും അദ്ദേഹം ആരോപിച്ചു.
രാഹുൽ മാങ്കൂട്ടത്തിലിനെതിരായ ആരോപണം: കോൺഗ്രസിൽ ഭിന്നത രൂക്ഷം
രാഹുൽ മാങ്കൂട്ടത്തിലിനെതിരായ ആരോപണങ്ങളിൽ കോൺഗ്രസിൽ ഉൾപാർട്ടി കലഹം രൂക്ഷമാകുന്നു. രാഹുലിനെ തിരിച്ചുകൊണ്ടുവരുന്നതിൽ കോൺഗ്രസിനുള്ളിൽ തന്നെ ഭിന്നാഭിപ്രായങ്ങളുണ്ട്. യൂത്ത് കോൺഗ്രസ് നേതാവായ യുവതി ക്രൈം ബ്രാഞ്ചിൽ പരാതി നൽകിയതിനെ തുടർന്ന് പ്രതിപക്ഷ നേതാവിനെതിരെ സൈബർ ആക്രമണവും ശക്തമായി നടക്കുന്നു.
ഡിജിറ്റൽ മീഡിയ സെൽ വിവാദം: വി.ഡി സതീശനെതിരെ വിമർശനവുമായി കോൺഗ്രസ് നേതാക്കൾ
കോൺഗ്രസിൽ ഡിജിറ്റൽ മീഡിയ സെല്ലിനെ ചൊല്ലി വിവാദം പുകയുന്നു. വി.ഡി സതീശൻ ഡിജിറ്റൽ മീഡിയ സെൽ ഇല്ലെന്ന് പറഞ്ഞതിന് പിന്നാലെ കെപിസിസി അധ്യക്ഷൻ സണ്ണി ജോസഫ് ഡിജിറ്റൽ മീഡിയ സെൽ പ്രവർത്തിക്കുന്നുണ്ടെന്ന് അറിയിച്ചത് വിവാദമായി. വി.ടി ബൽറാമിനെ സോഷ്യൽ മീഡിയ സെല്ലിൽ നിന്ന് ആരും പുറത്താക്കിയിട്ടില്ലെന്ന് രമേശ് ചെന്നിത്തല പ്രതികരിച്ചു.
കോൺഗ്രസ് വിട്ട് സിപിഐഎമ്മിൽ ചേർന്ന റിയാസ് തച്ചമ്പാറ 24 മണിക്കൂറിനകം തിരിച്ചെത്തി
കോൺഗ്രസ് വിട്ട് സി.പി.ഐ.എമ്മിൽ ചേർന്ന റിയാസ് തച്ചമ്പാറ 24 മണിക്കൂറിനുള്ളിൽ കോൺഗ്രസിലേക്ക് തന്നെ തിരിച്ചെത്തി. ഡി.സി.സി പ്രസിഡന്റ് എ. തങ്കപ്പനെതിരെ ഉന്നയിച്ച ആരോപണങ്ങൾ ബാഹ്യശക്തികളുടെ ഇടപെടൽ മൂലമാണെന്നും, ഇതിൽ എ. തങ്കപ്പനോട് ക്ഷമാപണം നടത്തുന്നുവെന്നും റിയാസ് തച്ചമ്പാറ പറഞ്ഞു. താൻ ഒരു കോൺഗ്രസുകാരനായി തന്നെ തുടരുമെന്ന് റിയാസ് തച്ചമ്പാറ അറിയിച്ചു.
തങ്കച്ചന്റെ കേസ്: കോൺഗ്രസ് നേതാക്കൾക്കെതിരെ ഗുരുതര ആരോപണവുമായി സിപിഐഎം
വയനാട് മുള്ളന്കൊല്ലിയിലെ തങ്കച്ചനെ കള്ളക്കേസിൽ കുടുക്കിയ സംഭവത്തിൽ കോൺഗ്രസ് പ്രവർത്തകർക്കെതിരെ സി.പി.ഐ.എം രംഗത്ത്. കോൺഗ്രസ് ഗ്രൂപ്പ് വൈരം തീർക്കാൻ ഉന്നത നേതാക്കൾ അടങ്ങിയ സംഘം നീചമായ പ്രവർത്തിയാണ് ചെയ്തതെന്ന് സി.പി.ഐ.എം വിമർശിച്ചു. തങ്കച്ചനെ കേസിൽ കുടുക്കാൻ കോൺഗ്രസ് നേതാക്കൾ ക്വട്ടേഷൻ നൽകി സ്ഫോടക വസ്തുക്കളും കർണാടകയിൽ നിർമ്മിച്ച ചാരായവും വീട്ടിൽ കൊണ്ടു വെപ്പിച്ചെന്നും സി.പി.ഐ.എം ആരോപിച്ചു.
ബീഡി-ബിഹാർ വിവാദം: വി.ടി. ബൽറാം സ്ഥാനമൊഴിയും; കോൺഗ്രസ് സോഷ്യൽ മീഡിയ വിങ് പുനഃസംഘടിപ്പിക്കും
വിവാദമായ ബീഡി-ബിഹാർ പരാമർശത്തെ തുടർന്ന് വി.ടി. ബൽറാം കോൺഗ്രസ് സോഷ്യൽ മീഡിയ വിങ് സ്ഥാനമൊഴിയും. കെ.പി.സി.സി സോഷ്യൽ മീഡിയ വിങ് പുനഃസംഘടിപ്പിക്കാൻ തീരുമാനിച്ചു. കോൺഗ്രസ് കേരളയുടെ എക്സിൽ വന്ന പോസ്റ്റ് പിൻവലിക്കുകയും ഖേദം പ്രകടിപ്പിക്കുകയും ചെയ്തു.
രാഹുൽ മാങ്കൂട്ടത്തിലിന്റെ നിയമസഭാ സമ്മേളനത്തിലെ പങ്കാളിത്തം: കോൺഗ്രസിൽ ഭിന്നത
രാഹുൽ മാങ്കൂട്ടത്തിലിന്റെ നിയമസഭാ സമ്മേളനത്തിലെ പങ്കാളിത്തം കോൺഗ്രസിൽ തർക്കത്തിന് ഇടയാക്കുന്നു. രാഹുൽ പങ്കെടുക്കണമെന്ന അഭിപ്രായവുമായി ഒരു വിഭാഗം നേതാക്കൾ രംഗത്തെത്തിയിട്ടുണ്ട്. എന്നാൽ പ്രതിപക്ഷ നേതാവ് വി.ഡി. സതീശൻ ഇതിനെ എതിർക്കുന്നു.
രാഹുൽ വിഷയത്തിൽ നിലപാട് മയപ്പെടുത്തി കോൺഗ്രസ്; രാജി വേണ്ടെന്ന് കൂടുതൽ നേതാക്കൾ
രാഹുൽ മാങ്കൂട്ടത്തിലിനെതിരായ വിഷയത്തിൽ കോൺഗ്രസ് തങ്ങളുടെ നിലപാട് മയപ്പെടുത്തുന്നു. രാഹുൽ എം.എൽ.എ. സ്ഥാനം രാജിവെക്കേണ്ടതില്ലെന്ന് കൂടുതൽ നേതാക്കൾ അഭിപ്രായപ്പെടുന്നു. രാഹുലിന് നിയമസഭയിൽ വരാൻ തടസ്സമില്ലെന്ന് കെ. മുരളീധരൻ പറഞ്ഞു.
ഗൽവാൻ സംഘർഷത്തിൽ മോദി ചൈനയ്ക്ക് ക്ലീൻ ചിറ്റ് നൽകിയെന്ന് കോൺഗ്രസ്
പ്രധാനമന്ത്രി നരേന്ദ്ര മോദിയുടെ ചൈന സന്ദർശനത്തെ കോൺഗ്രസ് വിമർശിച്ചു. ഗൽവാൻ സംഘർഷത്തിൽ ചൈനയ്ക്ക് പ്രധാനമന്ത്രി ക്ലീൻ ചിറ്റ് നൽകിയെന്ന് ജയറാം രമേശ് ആരോപിച്ചു. ഓപ്പറേഷൻ സിന്ദൂറിനിടെ പാകിസ്താനെ സഹായിച്ച ചൈനയോട് പ്രതികരിക്കുന്നതിന് പകരം മോദി സർക്കാർ നിശബ്ദമായിരുന്നെന്നും അദ്ദേഹം കുറ്റപ്പെടുത്തി.
കെപിസിസി പുനഃസംഘടന വൈകുന്നു; നേതൃത്വത്തിനെതിരെ കോൺഗ്രസ്സിൽ അതൃപ്തി.
കെപിസിസി പുനഃസംഘടന വൈകുന്നതിൽ കോൺഗ്രസ്സിൽ അതൃപ്തി ശക്തമാകുന്നു. ഭാരവാഹികളെ നിയമിക്കാതെ പാർട്ടിയെ നിയന്ത്രണത്തിൽ നിർത്താനുള്ള ശ്രമമാണ് നടക്കുന്നതെന്നാണ് പ്രധാന വിമർശനം. ഈ കാലതാമസം പാർട്ടിയുടെ താഴെത്തട്ടിലുള്ള പ്രവർത്തനങ്ങളെ പ്രതികൂലമായി ബാധിക്കുന്നതിനാൽ എത്രയും വേഗം പുനഃസംഘടന പൂർത്തിയാക്കണമെന്നാണ് പ്രവർത്തകരുടെ ആവശ്യം.
രാഹുൽ മാങ്കൂട്ടത്തിൽ വിഷയം ചർച്ച ചെയ്യാതെ കെപിസിസി നേതൃയോഗം പിരിഞ്ഞു
രാഹുൽ മാങ്കൂട്ടത്തിൽ വിഷയം ചർച്ച ചെയ്യേണ്ടതില്ലെന്ന് കെപിസിസി നേതൃയോഗത്തിൽ നിർദ്ദേശം. രാഹുലിനെതിരെ പാര്ട്ടി ശക്തമായ നടപടിയെടുത്തെന്നും സി.പി.ഐ.എമ്മിനോ ബി.ജെ.പിക്കോ ഇത് സാധ്യമല്ലെന്നും കോണ്ഗ്രസ്. വിമർശനം ഉന്നയിച്ചതിൻ്റെ പേരിൽ സൈബർ ആക്രമണം നടത്തിയവർക്കെതിരെ താരാ ടോജോ അലക്സ് രംഗത്ത്.