Congress Leaders
പ്രധാനമന്ത്രിക്കും അമ്മയ്ക്കുമെതിരായ ഡീപ് ഫേക്ക് വീഡിയോ: കോൺഗ്രസ് നേതാക്കൾക്കെതിരെ കേസ്
പ്രധാനമന്ത്രിക്കും മാതാവിനുമെതിരെ കോൺഗ്രസ് നിർമ്മിച്ച ഡീപ് ഫേക്ക് വീഡിയോയിൽ പോലീസ് കേസ് രജിസ്റ്റർ ചെയ്തു. ബിഹാർ കോൺഗ്രസിന്റെ സമൂഹമാധ്യമ അക്കൗണ്ടിലാണ് ഈ വീഡിയോ ആദ്യമായി പ്രത്യക്ഷപ്പെട്ടത്. വ്യാജ വീഡിയോ നിർമ്മിക്കൽ, സ്ത്രീത്വത്തെ അപമാനിക്കൽ, ഗൂഢാലോചന എന്നീ വകുപ്പുകൾ ചുമത്തിയാണ് കേസ് എടുത്തിരിക്കുന്നത്.
യൂത്ത് കോൺഗ്രസ് അധ്യക്ഷ സ്ഥാനത്തേക്ക് മത്സരം; ഉടൻ പ്രഖ്യാപനം ഉണ്ടാകും
രാഹുൽ മാങ്കൂട്ടത്തിൽ പദവി ഒഴിഞ്ഞതോടെ യൂത്ത് കോൺഗ്രസിൽ പുതിയ അധ്യക്ഷനായി നേതാക്കളുടെ പിടിവലി. കെസി വേണുഗോപാലും, രമേശ് ചെന്നിത്തലയും എം.കെ രാഘവനും നോമിനികളെ മുന്നോട്ടു വച്ചിട്ടുണ്ട്. രണ്ടുദിവസത്തിനുള്ളില് പുതിയ അധ്യക്ഷനെ പ്രഖ്യാപിക്കാനാണ് ദേശീയ നേതൃത്വത്തിന്റെ ആലോചന.
യൂത്ത് കോൺഗ്രസ്, കെ.എസ്.യു നേതാക്കളെ ആക്ഷേപിക്കരുത്; ചെറിയാൻ ഫിലിപ്പ്
യൂത്ത് കോൺഗ്രസ്, കെ.എസ്.യു നേതാക്കളെ മുതിർന്ന നേതാക്കൾ ആക്ഷേപിക്കരുതെന്ന് ചെറിയാൻ ഫിലിപ്പ്. അധികാര കുത്തകക്കാർ ഇന്നത്തെ യുവാക്കളെ ഉപദേശിക്കേണ്ടതില്ല. കെ.എസ്.യു, യൂത്ത് കോൺഗ്രസ് എന്നിവയിലൂടെ വളർന്നു വന്ന പല നേതാക്കളും പുതിയ തലമുറയുടെ ശത്രുക്കളായി മാറി എന്നും അദ്ദേഹം കുറ്റപ്പെടുത്തി.
ആലപ്പുഴയിൽ കടൽ മണൽ ഖനന വിരുദ്ധ പ്രതിഷേധത്തിനിടെ കോൺഗ്രസ് നേതാക്കൾ കടലിൽ വീണു
ആലപ്പുഴയിൽ കടൽ മണൽ ഖനനത്തിനെതിരെ നടന്ന പ്രതിഷേധത്തിനിടെ രണ്ട് കോൺഗ്രസ് നേതാക്കൾ കടലിൽ വീണു. കെ സി വേണുഗോപാൽ എംപിയുടെ സാന്നിധ്യത്തിൽ നടന്ന പ്രതിഷേധത്തിനിടെയാണ് സംഭവം. മത്സ്യത്തൊഴിലാളികളുടെയും പോലീസിന്റെയും സഹായത്തോടെ ഇരുവരെയും രക്ഷപ്പെടുത്തി.
വയനാട് ഡിസിസി ട്രഷറർ ആത്മഹത്യ കേസ്: കോൺഗ്രസ് നേതാക്കൾക്ക് മുൻകൂർ ജാമ്യം
വയനാട് ഡിസിസി ട്രഷറർ എൻ.എം. വിജയന്റെയും മകന്റെയും ആത്മഹത്യ കേസിൽ മൂന്ന് കോൺഗ്രസ് നേതാക്കൾക്ക് മുൻകൂർ ജാമ്യം ലഭിച്ചു. കൽപ്പറ്റ പ്രിൻസിപ്പൽ സെഷൻസ് കോടതിയാണ് ജാമ്യം അനുവദിച്ചത്. ഐ.സി. ബാലകൃഷ്ണൻ എംഎൽഎ, എൻ.ഡി. അപ്പച്ചൻ, കെ.കെ. ഗോപിനാഥൻ എന്നിവരാണ് ജാമ്യം ലഭിച്ച നേതാക്കൾ.