Bevco
നാളെ മുതൽ മദ്യശാലകളിൽ പ്ലാസ്റ്റിക് കുപ്പികൾ ശേഖരിക്കും; കുപ്പിക്ക് 20 രൂപ ഡെപ്പോസിറ്റ്
സംസ്ഥാനത്ത് നാളെ മുതൽ മദ്യശാലകളിൽ പ്ലാസ്റ്റിക് കുപ്പികൾ ശേഖരിക്കുന്ന പദ്ധതി ആരംഭിക്കുന്നു. ആദ്യഘട്ടത്തിൽ തിരുവനന്തപുരം, കണ്ണൂർ ജില്ലകളിലെ 20 ഔട്ട്ലെറ്റുകളിൽ പരീക്ഷണാടിസ്ഥാനത്തിലാണ് പദ്ധതി നടപ്പാക്കുന്നത്. ഉപഭോക്താക്കളിൽ നിന്നും 20 രൂപ ഡെപ്പോസിറ്റായി ഈടാക്കുകയും കുപ്പി തിരിച്ചെത്തുമ്പോൾ തുക തിരികെ നൽകുകയും ചെയ്യുന്നതിനാൽ മദ്യത്തിന്റെ വിലയിൽ മാറ്റമുണ്ടാകില്ലെന്നും മന്ത്രി അറിയിച്ചു.
ബെവ്കോ ജീവനക്കാർക്ക് റെക്കോർഡ് ബോണസ്; 1,02,500 രൂപ നൽകും
ബെവ്കോയിലെ സ്ഥിരം ജീവനക്കാർക്ക് 1,02,500 രൂപ ബോണസായി നൽകാൻ തീരുമാനിച്ചു. ഈ വർഷത്തെ വിറ്റുവരവ് 19,700 കോടി രൂപയായതിനെ തുടർന്നാണ് ബോണസ് ഉയർത്താൻ തീരുമാനിച്ചത്. കൂടാതെ, സുരക്ഷാ ജീവനക്കാർക്ക് 12,500 രൂപ ബോണസ് ലഭിക്കും.
ഓൺലൈൻ മദ്യവിൽപന സർക്കാർ ആലോചിച്ചിട്ടില്ലെന്ന് മന്ത്രി എം.ബി. രാജേഷ്
ഓൺലൈൻ മദ്യവിൽപനയുമായി ബന്ധപ്പെട്ട് സർക്കാർ നിലപാട് ആവർത്തിച്ച് മന്ത്രി എം.ബി. രാജേഷ്. സർക്കാർ ഈ വിഷയം ആലോചിച്ചിട്ടില്ലെന്നും അദ്ദേഹം വ്യക്തമാക്കി. മദ്യനയം അനുസരിച്ചുള്ള ഒരു നിലപാടാണ് സർക്കാരിനുള്ളതെന്നും മന്ത്രി കൂട്ടിച്ചേർത്തു.
പാലക്കാട് ബെവ്കോയിൽ പ്രായപൂർത്തിയാകാത്ത കുട്ടിയെ ക്യൂവിൽ നിർത്തിയത് അച്ഛൻ
പാലക്കാട് പട്ടാമ്പിയിലെ ബെവ്കോ ഔട്ട്ലെറ്റിൽ പ്രായപൂർത്തിയാകാത്ത പെൺകുട്ടിയെ ക്യൂവിൽ നിർത്തിയ സംഭവത്തിൽ പിതാവിനെതിരെ പോലീസ് അന്വേഷണം. മാട്ടായ സ്വദേശിയാണ് കുട്ടിയുമായി ബെവ്കോയിൽ എത്തിയത്. കുട്ടി ഒറ്റക്കാകുമെന്ന് കരുതിയാണ് കൂടെ കൂട്ടിയതെന്നാണ് ഇയാൾ പൊലീസിനോട് വിശദീകരിച്ചത്.
പ്രായപൂർത്തിയാകാത്ത പെൺകുട്ടിയെ ബെവ്കോ ക്യൂവിൽ നിർത്തിയ സംഭവം; പോലീസ് അന്വേഷണം
പാലക്കാട് പട്ടാമ്പിയിലെ ബെവ്കോ ഔട്ട്ലെറ്റിൽ പ്രായപൂർത്തിയാകാത്ത പെൺകുട്ടിയെ ക്യൂവിൽ നിർത്തിയ സംഭവത്തിൽ പോലീസ് അന്വേഷണം ആരംഭിച്ചു. പത്ത് വയസ്സ് പ്രായം തോന്നിക്കുന്ന പെൺകുട്ടിയെയാണ് ബന്ധുവായ ഒരാൾ ക്യൂവിൽ നിർത്തിയത്. ക്യൂവിലുണ്ടായിരുന്നവർ ചോദ്യം ചെയ്തിട്ടും കുട്ടിയെ മാറ്റാൻ തയ്യാറായില്ലെന്നും റിപ്പോർട്ടുകൾ സൂചിപ്പിക്കുന്നു.
ഒമ്പത് മണിക്ക് ക്യൂവിൽ ഉള്ളവർക്ക് മദ്യം നൽകണം: ബിവറേജസ് സർക്കുലർ
ഒമ്പത് മണിക്ക് ക്യൂവിൽ നിൽക്കുന്ന എല്ലാവർക്കും മദ്യം നൽകണമെന്ന് ബിവറേജസ് കോർപ്പറേഷൻ പുതിയ സർക്കുലർ പുറത്തിറക്കി. ക്യൂവിൽ നിൽക്കുന്നവർക്ക് മദ്യം ലഭിക്കാത്ത സാഹചര്യം ഉണ്ടായാൽ നടപടി സ്വീകരിക്കുമെന്നും സർക്കുലറിൽ പറയുന്നു. എന്നാൽ ഈ സർക്കുലറിനെ അംഗീകരിക്കാൻ സാധിക്കില്ലെന്ന് ബിവറേജസ് ജീവനക്കാരുടെ സംഘടനകൾ അറിയിച്ചു.
കൊച്ചി മെട്രോ സ്റ്റേഷനുകളിൽ ബെവ്കോ ഔട്ട്ലെറ്റുകൾ
കൊച്ചി മെട്രോ സ്റ്റേഷനുകളിൽ ബെവ്കോ പ്രീമിയം ഔട്ട്ലെറ്റുകൾ തുറക്കുന്നു. വൈറ്റില, വടക്കേ കോട്ട സ്റ്റേഷനുകളിലാണ് ആദ്യഘട്ടം. വരുമാന വർദ്ധനവ് ലക്ഷ്യമിട്ടാണ് ഈ നീക്കം.
കേരളത്തിൽ മദ്യവില വർധനവ് ഇന്നുമുതൽ
കേരളത്തിൽ മദ്യവില വർധിച്ചു. പത്ത് രൂപ മുതൽ 50 രൂപ വരെയാണ് വില വർധനവ്. 62 കമ്പനികളുടെ 341 ബ്രാൻഡുകൾക്കാണ് വില വർധിപ്പിച്ചത്.
മദ്യവിലയിൽ 10% വർധനവ്
കേരളത്തിൽ മദ്യവില വർധിച്ചു. ഒരു കുപ്പി മദ്യത്തിന് ശരാശരി 10% വിലവർധനയാണ് ഉണ്ടായിരിക്കുന്നത്. ജവാൻ റമ്മിന് പത്ത് രൂപ കൂട്ടി.
ഓണക്കാലത്ത് മദ്യവില്പ്പന കുറഞ്ഞു; 14 കോടി രൂപയുടെ കുറവ്
സംസ്ഥാനത്ത് ഓണക്കാലത്ത് മദ്യവില്പ്പനയില് കുറവ് രേഖപ്പെടുത്തി. ഉത്രാടം വരെ 701 കോടി രൂപയുടെ കച്ചവടം നടന്നു, കഴിഞ്ഞ വര്ഷത്തേക്കാള് 14 കോടി രൂപ കുറവ്. എന്നാല് ഉത്രാട ദിവസം 124 കോടി രൂപയുടെ മദ്യം വിറ്റു, 4 കോടിയുടെ വര്ധനവ് ഉണ്ടായി.
ബെവ്കോ ജീവനക്കാർക്ക് 95,000 രൂപ ഓണം ബോണസ്; സർക്കാർ ജീവനക്കാർക്ക് 4000 രൂപ
ബെവ്കോ ജീവനക്കാർക്ക് ഈ വർഷം 95,000 രൂപ ഓണം ബോണസ് ലഭിക്കും. സർക്കാർ ജീവനക്കാർക്കും അധ്യാപകർക്കും 4000 രൂപയാണ് ബോണസ്. ബോണസിന് അർഹതയില്ലാത്തവർക്ക് 2750 രൂപ പ്രത്യേക ഉത്സവബത്ത നൽകും.