Assault
മെക്സിക്കൻ പ്രസിഡന്റിനെ ആക്രമിക്കാൻ ശ്രമിച്ചയാൾ അറസ്റ്റിൽ; വീഡിയോ വൈറൽ
മെക്സിക്കൻ പ്രസിഡന്റ് ക്ലൗഡിയ ഷെയ്ൻബോമിനെ പൊതുസ്ഥലത്ത് അതിക്രമിക്കാൻ ശ്രമിച്ചയാൾ അറസ്റ്റിലായി. മദ്യലഹരിയിൽ പ്രസിഡന്റിനെ കെട്ടിപ്പിടിക്കുകയും ചുംബിക്കാൻ ശ്രമിക്കുകയും ചെയ്തു. ഈ സംഭവം മെക്സിക്കോയിലെ സ്ത്രീ സുരക്ഷയെക്കുറിച്ചുള്ള ചർച്ചകൾക്ക് വീണ്ടും തുടക്കമിട്ടു.
പാലക്കാട് സി.പി.ഐ.എം നേതാക്കൾ കടയിൽ കയറി കോൺഗ്രസ് പ്രവർത്തകനെ മർദ്ദിച്ചെന്ന് പരാതി
പാലക്കാട് പെരിങ്ങോട്ടുകുർശ്ശിയിൽ സി.പി.ഐ.എം നേതാക്കൾ കോൺഗ്രസ് പ്രവർത്തകനെ കടയിൽ കയറി മർദ്ദിച്ചതായി പരാതി. സി.പി.ഐ.എം കുഴൽമന്ദം ഏരിയ സെക്രട്ടറിയും ബ്ലോക്ക് പഞ്ചായത്ത് വൈസ് പ്രസിഡൻ്റ് സജിതയും തമ്മിൽ ബന്ധമുണ്ടെന്ന് ആരോപിച്ച് സുജിത്ത് ചന്ദ്രൻ കത്തയച്ചതാണ് മർദ്ദനത്തിന് കാരണം. സംഭവത്തിൽ സതീഷ്, സജിത ഉൾപ്പെടെ 6 പേർക്കെതിരെ കോട്ടായി പൊലീസ് കേസെടുത്തിട്ടുണ്ട്.
കൊച്ചി വാഴക്കാലയിൽ ട്രാഫിക് വാർഡൻമാരുടെ ക്രൂര മർദ്ദനം; യുവാവിന് പരിക്ക്, ദൃശ്യങ്ങൾ പുറത്ത്
കൊച്ചി വാഴക്കാലയിൽ ട്രാഫിക് വാർഡൻമാർ യുവാവിനെ മർദിച്ചതായി പരാതി. റോഡിന്റെ ഒരുവശത്തെ ഗതാഗതം നിയന്ത്രിച്ചത് ചോദ്യം ചെയ്തതിനാണ് മർദനമുണ്ടായതെന്ന് യുവാവ് പറയുന്നു. സംഭവത്തിൽ പോലീസ് അന്വേഷണം ആരംഭിച്ചു.
കിളിമാനൂർ: എസ്എച്ച്ഒയ്ക്കെതിരെ മർദ്ദന പരാതിയുമായി യുവാവ്
കിളിമാനൂർ സ്റ്റേഷനിൽ എസ്എച്ച്ഒ ബി. ജയനെതിരെ യുവാവിനെ മർദ്ദിച്ചെന്ന് പരാതി. ബസ് സ്റ്റാൻഡിന് മുന്നിൽ വെച്ച് എസ്എച്ച്ഒ അസഭ്യം പറഞ്ഞത് ചോദ്യം ചെയ്തതിനാണ് മർദ്ദിച്ചതെന്ന് ആരോപണം. സംഭവത്തിൽ സംസ്ഥാന പോലീസ് മേധാവിക്കും റൂറൽ എസ്.പിക്കും അർജുൻ പരാതി നൽകി.
കൊല്ലം പരവൂരിൽ ബസ് ഡ്രൈവർക്ക് മർദ്ദനം; പ്രതിക്കെതിരെ കേസ്
കൊല്ലം പരവൂരിൽ സ്വകാര്യ ബസ് ഡ്രൈവർക്ക് ബസിനുള്ളിൽ വെച്ച് മർദ്ദനമേറ്റു. സാമിയ ബസ് ഡ്രൈവറായ പരവൂർ സ്വദേശി സുരേഷ് ബാബുവിനാണ് മർദനമേറ്റത്. എസ്കെവി ബസിലെ ക്ലീനർ പ്രണവിനെതിരെ പരവൂർ പൊലീസ് കേസെടുത്തു.
കടയ്ക്കലിൽ പണമിടപാട് തർക്കം; മധ്യവയസ്കക്ക് മർദ്ദനം, പാലോട് പൊലീസ് കേസ് രജിസ്റ്റർ ചെയ്തു
കൊല്ലം കടയ്ക്കലിൽ പണമിടപാട് തർക്കത്തെ തുടർന്ന് മധ്യവയസ്കക്ക് മർദ്ദനമേറ്റു. 55 വയസ്സുള്ള ജലീലാ ബീവിക്കാണ് മർദ്ദനമേറ്റത്. കല്ലറ- കുളമാൻകുഴി സ്വദേശി ഷാജി എന്നറിയപ്പെടുന്ന ഷാജഹാനാണ് അക്രമം നടത്തിയത്. സംഭവത്തിൽ പാലോട് പൊലീസ് കേസെടുത്തു.
പാസ് നിഷേധിച്ചു; കോഴിക്കോട് പെരിങ്ങത്തൂരിൽ സ്വകാര്യ ബസ് കണ്ടക്ടർക്ക് ക്രൂരമർദ്ദനം
കോഴിക്കോട് പെരിങ്ങത്തൂരിൽ സ്വകാര്യ ബസ് കണ്ടക്ടർക്ക് ക്രൂരമായ മർദ്ദനമേറ്റു. തലശ്ശേരി - തൊട്ടിൽപ്പാലം റൂട്ടിലോടുന്ന ജഗനാഥ് ബസ്സിലെ കണ്ടക്ടറായ വിഷ്ണുവിനാണ് മർദ്ദനമേറ്റത്. കുറ്റ്യാടിയിൽ നിന്ന് തലശ്ശേരിയിലേക്ക് പോവുകയായിരുന്ന ബസ്സിൽ വെച്ചാണ് ഒരു സംഘം ആളുകൾ കണ്ടക്ടറെ ആക്രമിച്ചത്. സ്വകാര്യ സ്ഥാപനത്തിൽ പഠിക്കുന്ന യുവതിക്ക് പാസ് അനുവദിക്കാത്തതിനെ തുടർന്നുള്ള തർക്കമാണ് അക്രമത്തിൽ കലാശിച്ചത്.
ജയസൂര്യയുടെ ചിത്രം എടുക്കാൻ ശ്രമിച്ച ഫോട്ടോഗ്രാഫർക്ക് മർദ്ദനം; പരാതി നൽകി
നടൻ ജയസൂര്യയുടെ ചിത്രമെടുക്കാൻ ശ്രമിച്ച ഫോട്ടോഗ്രാഫർക്ക് മർദ്ദനമേറ്റതായി പരാതി. ഫോട്ടോഗ്രാഫർ സജീവ് നായരെയാണ് മർദ്ദിച്ചത്. സംഭവത്തിൽ ഇദ്ദേഹം പൊലീസിൽ പരാതി നൽകിയിട്ടുണ്ട്.
ലഡുവിനൊപ്പം സോസ് കിട്ടിയില്ല; തമിഴ്നാട്ടിൽ മലയാളി ജീവനക്കാർക്ക് ക്രൂരമർദ്ദനം
തമിഴ്നാട്ടിലെ കടലൂരിൽ ലഡുവിനൊപ്പം ടൊമാറ്റോ സോസ് കിട്ടാത്തതിനെ തുടർന്ന് മലയാളി ഹോട്ടൽ ജീവനക്കാർക്ക് മർദ്ദനമേറ്റു. മലപ്പുറം തിരൂരങ്ങാടി സ്വദേശികളായ നിസാർ, താജുദ്ധീൻ, വേങ്ങര സ്വദേശി സാജിദ് എന്നിവർക്കാണ് പരിക്കേറ്റത്. സംഭവത്തിൽ പോലീസ് അന്വേഷണം ആരംഭിച്ചു.
കുന്നംകുളത്ത് അതിഥി തൊഴിലാളി മർദ്ദനമേറ്റ് മരിച്ചു
കുന്നംകുളത്ത് സഹപ്രവർത്തകരുടെ മർദ്ദനമേറ്റ അതിഥി തൊഴിലാളി മരിച്ചു. മധ്യപ്രദേശ് സ്വദേശി പ്രഹ്ലാദ് സിംഗാണ് മരിച്ചത്. സംഭവവുമായി ബന്ധപ്പെട്ട് രണ്ട് പേരെ പോലീസ് അറസ്റ്റ് ചെയ്തു.
കോഴിക്കോട് വിദ്യാർത്ഥിനി ആക്രമണശ്രമം: പ്രതികളുടെ ചെരുപ്പ് നിർണായക തെളിവ്
കോഴിക്കോട് വിദ്യാർത്ഥിനിയെ പീഡിപ്പിക്കാൻ ശ്രമിച്ച കേസിൽ പ്രതിയുടെ ചെരുപ്പ് നിർണായക തെളിവായി. ബിഹാർ സ്വദേശികളായ രണ്ട് പേരെ പോലീസ് അറസ്റ്റ് ചെയ്തു. പെൺകുട്ടി ഓടി രക്ഷപ്പെടുന്നതിന്റെ സിസിടിവി ദൃശ്യങ്ങൾ പുറത്തുവന്നു.
കൊച്ചിയിൽ യുവാവിനെ തട്ടിക്കൊണ്ടുപോയി മർദിച്ചു; നാലുപേർക്കെതിരെ കേസ്
കൊച്ചിയിൽ ബർത്ത് ഡേ പാർട്ടിയിൽ ലഹരി ഉപയോഗിച്ചത് പൊലീസിനെ അറിയിച്ചെന്ന് ആരോപിച്ച് യുവാവിനെ തട്ടിക്കൊണ്ടുപോയി മർദിച്ചു. കർണാടക സ്വദേശിയായ ചന്ദ്രനെയാണ് ഗുണ്ടാസംഘം തട്ടിക്കൊണ്ടുപോയി കൈ തല്ലിയൊടിച്ചത്. യുവാവിന്റെ കൈവശമുണ്ടായിരുന്ന 34000 രൂപയും തട്ടിയെടുത്തു.