Accident
കെഎസ്ആർടിസി ബസ് മാങ്ങ ശേഖരിക്കുന്നവരുടെ നേരെ പാഞ്ഞുകയറി; മൂന്ന് പേർക്ക് പരിക്ക്
കോഴിക്കോട് താമരശ്ശേരിയിൽ ഇന്ന് പുലർച്ചെ കെഎസ്ആർടിസി സ്വിഫ്റ്റ് ബസ് മാങ്ങ ശേഖരിക്കുന്നവരുടെ നേരെ പാഞ്ഞുകയറി. മൂന്ന് പേർക്ക് ഗുരുതരമായി പരിക്കേറ്റു. ബംഗളൂരുവിൽ നിന്ന് കോഴിക്കോട്ടേക്ക് വരികയായിരുന്ന ബസാണ് അപകടത്തിൽപ്പെട്ടത്.
പിരപ്പൻകോടിൽ ബസ്-കാർ കൂട്ടിയിടി: നാല് പേർക്ക് പരിക്ക്
തിരുവനന്തപുരം പിരപ്പൻകോട് എംസി റോഡിൽ കെഎസ്ആർടിസി ബസും കാറും കൂട്ടിയിടിച്ച് നാല് പേർക്ക് പരിക്കേറ്റു. കാറിലുണ്ടായിരുന്നവരെ നാട്ടുകാർ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ആലുവയിൽ നിന്നും തിരുവനന്തപുരത്തേക്ക് വരികയായിരുന്ന ബസും എതിരെ വന്ന കാറുമാണ് കൂട്ടിയിടിച്ചത്.
ചെന്നൈയിൽ ഇ-സ്കൂട്ടർ തീപിടിത്തം: ഒമ്പത് മാസം പ്രായമുള്ള കുഞ്ഞ് മരിച്ചു
ചെന്നൈയിൽ ഇലക്ട്രിക് സ്കൂട്ടറിന് തീപിടിച്ച് ഒൻപത് മാസം പ്രായമുള്ള കുഞ്ഞ് മരിച്ചു. സ്കൂട്ടർ ചാർജ് ചെയ്യുന്നതിനിടെയാണ് അപകടം. കുഞ്ഞിന്റെ മാതാപിതാക്കൾക്ക് ഗുരുതരമായി പൊള്ളലേറ്റു.
പതിമൂന്നുകാരൻ ആയൂരിൽ മുങ്ങിമരിച്ചു
കൊല്ലം ആയൂരിൽ ക്രഷറിലെ പാറക്കുളത്തിൽ കുളിക്കവെ പതിമൂന്നുകാരൻ മുങ്ങിമരിച്ചു. റോഡുവിള വിപി ഹൗസിൽ നവാസിന്റെ മകൻ മുഹ്സിനാണ് മരിച്ചത്. ചെറിയവെളിനല്ലൂർ കെ.പി.എം. എച്ച്.എസിലെ ഏഴാം ക്ലാസ് വിദ്യാർഥിയായിരുന്നു മുഹ്സിൻ.
മഹാകുംഭമേള അപകടം: സിബിഐ അന്വേഷണം ആവശ്യപ്പെട്ട ഹർജി ഹൈക്കോടതി തള്ളി
മഹാകുംഭമേളയിൽ ഉണ്ടായ അപകടത്തിൽ സിബിഐ അന്വേഷണം ആവശ്യപ്പെട്ടുള്ള പൊതു താൽപര്യ ഹർജി അലഹബാദ് ഹൈക്കോടതി തള്ളി. ഹർജിയിൽ വ്യക്തതയില്ലെന്ന് കോടതി ചൂണ്ടിക്കാട്ടി. മുപ്പത് പേർ മരിക്കാനും തൊണ്ണൂറോളം പേർക്ക് പരിക്കേൽക്കാനും ഇടയാക്കിയ സംഭവത്തിൽ ക്രമീകരണങ്ങളിലെ വീഴ്ചയ്ക്ക് വിഐപി സന്ദർശനമാണ് കാരണമെന്ന് ആരോപണമുയർന്നിരുന്നു.
എസ്എടി ആശുപത്രിയിൽ ഓക്സിജൻ ട്യൂബ് പൊട്ടിത്തെറി; നഴ്സിന് പരിക്ക്
തിരുവനന്തപുരം എസ്എടി ആശുപത്രിയിൽ ഓക്സിജൻ ട്യൂബ് പൊട്ടിത്തെറിച്ച് നഴ്സിംഗ് അസിസ്റ്റന്റ് ഷൈലയ്ക്ക് പരിക്ക് പറ്റി. ഫ്ലോ മീറ്ററിലെ അമിത മർദ്ദമാണ് പൊട്ടിത്തെറിക്ക് കാരണമെന്ന് സംശയിക്കുന്നു. ഷൈലയെ മെഡിക്കൽ കോളേജ് ആശുപത്രിയിലേക്ക് മാറ്റി.
കോഴിക്കോട് അഴുക്കുചാലിൽ വീണ് ഒരാൾ കാണാതായി
കോഴിക്കോട് കോവൂർ എംഎൽഎ റോഡിൽ അഴുക്കുചാലിൽ വീണ് ശശി എന്നയാളെ കാണാതായി. ശക്തമായ മഴയ്ക്കിടെയാണ് സംഭവം. ഫയർഫോഴ്സും പോലീസും തിരച്ചിൽ തുടരുന്നു.
ഗൂഗിൾ മാപ്പ് ദുരന്തം: തൃശൂരിൽ കാർ പുഴയിൽ; കുടുംബം രക്ഷപ്പെട്ടു
തൃശൂർ തിരുവില്വാമലയിൽ ഗൂഗിൾ മാപ്പ് ഉപയോഗിച്ച് സഞ്ചരിച്ചിരുന്ന കാർ പുഴയിൽ വീണു. കാറിലുണ്ടായിരുന്ന അഞ്ചംഗ കുടുംബം അത്ഭുതകരമായി രക്ഷപ്പെട്ടു. മലപ്പുറം സ്വദേശികളായ ബാലകൃഷ്ണനും കുടുംബവുമാണ് അപകടത്തിൽപ്പെട്ടത്.
റീൽസ് താരം ജുനൈദ് വാഹനാപകടത്തിൽ മരിച്ചു
മലപ്പുറം വഴിക്കടവ് സ്വദേശിയായ റീൽസ് താരം ജുനൈദ് (30) വാഹനാപകടത്തിൽ മരണപ്പെട്ടു. മഞ്ചേരിയിൽ വെച്ച് ബൈക്ക് നിയന്ത്രണം വിട്ട് മറിഞ്ഞാണ് അപകടം. മഞ്ചേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
കൊച്ചിയിൽ ബസ് മത്സരയോട്ടം: ബൈക്ക് യാത്രിക മരിച്ചു
കൊച്ചി മേനകയിൽ മത്സരയോട്ടത്തിനിടെ ബസ് ഇടിച്ച് ബൈക്ക് യാത്രക്കാരി മരിച്ചു. തോപ്പുംപടി സ്വദേശിനി സനില (36) ആണ് മരിച്ചത്. ബസിന്റെ പിന്നിലെ ടയറിൽ കുടുങ്ങിയ യുവതിയെ നൂറ് മീറ്ററോളം വലിച്ചിഴച്ചു.
ആറ്റുകാൽ പൊങ്കാല: ഓട്ടോറിക്ഷ അപകടത്തിൽപ്പെട്ട് രണ്ട് സ്ത്രീകൾക്ക് പരിക്ക്
ആറ്റുകാൽ പൊങ്കാല കഴിഞ്ഞ് മടങ്ങിയ സ്ത്രീകൾ സഞ്ചരിച്ച ഓട്ടോറിക്ഷ കാറുമായി കൂട്ടിയിടിച്ചു. തട്ടത്തുമല സ്വദേശികളായ രണ്ട് സ്ത്രീകൾക്ക് ഗുരുതരമായി പരിക്കേറ്റു. ഇവരെ തിരുവനന്തപുരം മെഡിക്കൽ കോളജിൽ പ്രവേശിപ്പിച്ചു.
മാനന്തവാടിയിൽ പോലീസ് ജീപ്പ് മറിഞ്ഞ് അപകടം: ഒരാൾ മരിച്ചു
മാനന്തവാടിയിൽ പോലീസ് ജീപ്പ് മറിഞ്ഞ് വഴിയോര കച്ചവടക്കാരൻ മരിച്ചു. ബത്തേരി കോടതിയിൽ ഹാജരാക്കേണ്ട പ്രതിയുമായി പോകുന്നതിനിടെയായിരുന്നു അപകടം. മഴയെ തുടർന്ന് റോഡ് നനഞ്ഞിരുന്നതാണ് അപകട കാരണമെന്ന് പ്രാഥമിക നിഗമനം.