BJP seeks Mohanlal's title revocation over 'Empuraan' controversy

എമ്പുരാൻ സിനിമയിലെ ദേശവിരുദ്ധ ആശയങ്ങളെ ചൊല്ലി വിവാദം ഉടലെടുത്തതിനെ തുടർന്ന് മോഹൻലാലിന്റെ ലെഫ്. കേണൽ പദവി തിരിച്ചെടുക്കണമെന്ന് ബിജെപി ദേശീയ കൗൺസിൽ അംഗം സി. രഘുനാഥ് ആവശ്യപ്പെട്ടു. ഭരണകൂടത്തെ അപകീർത്തിപ്പെടുത്തുന്ന തരത്തിലാണ് ചിത്രമെന്നും ലെഫ്. കേണൽ പദവി റദ്ദാക്കണമെന്നാവശ്യപ്പെട്ട് കോടതിയെ സമീപിക്കുമെന്നും അദ്ദേഹം പറഞ്ഞു. എമ്പുരാൻ സിനിമയുടെ നിർമ്മാണത്തിന് വിദേശ ഫണ്ട് ഉപയോഗിച്ചിട്ടുണ്ടോ എന്നും അന്വേഷിക്കണമെന്നും അദ്ദേഹം ആവശ്യപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സെൻസർ ബോർഡിന്റെ അനുമതി ലഭിച്ച ചിത്രമാണെങ്കിലും അതിലെ ഉള്ളടക്കം സൂക്ഷ്മമായി പരിശോധിക്കണമായിരുന്നുവെന്നും രഘുനാഥ് കൂട്ടിച്ചേർത്തു. ചിത്രത്തിന്റെ സംവിധായകനും നടനുമായ പൃഥ്വിരാജിന്റെ വിദേശ ബന്ധങ്ങളെക്കുറിച്ചും അന്വേഷണം വേണമെന്ന് യുവമോർച്ച സംസ്ഥാന ജനറൽ സെക്രട്ടറി കെ. ഗണേഷും ആവശ്യപ്പെട്ടു.

ആടുജീവിതം സിനിമയുടെ ചിത്രീകരണത്തിനു ശേഷം പൃഥ്വിരാജിന്റെ സിനിമകളിലൂടെ ദേശവിരുദ്ധ ആശയങ്ങൾ പ്രചരിപ്പിക്കപ്പെടുന്നുണ്ടെന്ന് കെ. ഗണേഷ് ആരോപിച്ചു. ആടുജീവിതം ചിത്രീകരണത്തിനിടെ ജോർദാനിൽ കുടുങ്ങിയ പൃഥ്വിരാജ് അവിടെ ആരൊക്കെയായി ബന്ധം പുലർത്തിയിരുന്നുവെന്ന് അന്വേഷിക്കണമെന്നും അദ്ദേഹം പറഞ്ഞു. കൊറോണക്കാലത്ത് ഐഎസ് പോലുള്ള ഭീകരവാദ സംഘടനകളുമായി ബന്ധം പുലർത്തിയതാണോ എന്ന് സംശയിക്കണമെന്നും അദ്ദേഹം പറഞ്ഞു.

ബില്ലുകളിൽ തീരുമാനമില്ല: ഗവർണർക്കും രാഷ്ട്രപതിക്കുമെതിരെ കേരളത്തിന്റെ ഹർജി ഇന്ന് സുപ്രീം കോടതിയിൽ

ദേശീയ അന്വേഷണ ഏജൻസികൾ ഈ വിഷയത്തിൽ അന്വേഷണം നടത്തണമെന്നും കെ. ഗണേഷ് ആവശ്യപ്പെട്ടു. എമ്പുരാൻ എന്ന സിനിമയിലൂടെ ദേശവിരുദ്ധ ആശയങ്ങൾ പ്രചരിപ്പിക്കപ്പെടുന്നുണ്ടെന്നും അദ്ദേഹം കൂട്ടിച്ചേർത്തു. കേന്ദ്രസർക്കാരിനെ അപകീർത്തിപ്പെടുത്തുന്ന തരത്തിലാണ് സിനിമയെന്നും മോഹൻലാൽ അറിയാതെ ഇത്തരമൊരു സിനിമയിൽ അഭിനയിച്ചുവെന്ന് താൻ കരുതുന്നില്ലെന്നും സി. രഘുനാഥ് പറഞ്ഞു. എമ്പുരാൻ സിനിമ ബഹിഷ്കരിക്കണമെന്നും അദ്ദേഹം ആവശ്യപ്പെട്ടു.

Story Highlights: BJP demands Mohanlal’s Lieutenant Colonel title be revoked over controversial film ‘Empuraan’.

എം വി ഗോവിന്ദൻ എമ്പുരാൻ ചിത്രത്തെ പ്രശംസിച്ചു