Mar George Koovakkad to be elevated as Cardinal in Vatican ceremony

ഇന്ന് വത്തിക്കാനിൽ നടക്കുന്ന ചടങ്ങിൽ ആർച്ച് ബിഷപ്പ് മാർ ജോർജ് കൂവക്കാടിനെ കർദിനാൾ പദവിയിലേക്ക് ഉയർത്തും. ഇന്ത്യൻ സമയം രാത്രി 9 മണിക്ക് ആരംഭിക്കുന്ന ചടങ്ങിൽ ഫ്രാൻസിസ് മാർപാപ്പ മുഖ്യകാർമികത്വം വഹിക്കും. മാർ ജോർജ് കൂവക്കാട് ഉൾപ്പെടെ 21 പേരാണ് ഇന്ന് കർദിനാൾ പദവി സ്വീകരിക്കുന്നത്. ഇന്ത്യയെ പ്രതിനിധീകരിച്ച് ഏഴംഗ സംഘം ചടങ്ගിൽ പങ്കെടുക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സ്ഥാനാരോഹണ സമയത്ത് മാർ ജോർജ് കൂവക്കാടിന്റെ മാതൃ ഇടവകയായ മാമൂട് ലൂർദ് മാതാ പള്ളിയിലും ചങ്ങനാശ്ശേരി രൂപതയിലും പ്രത്യേക പ്രാർത്ഥനകൾ നടത്തും. കേരളത്തിൽ നിന്നും സീറോ മലബാർ സഭയുടെ മേജർ ആർച്ച് ബിഷപ്പ് മാർ റാഫേൽ തട്ടിൽ, കർദ്ദിനാൾ മാർ ജോർജ് ആലഞ്ചേരി, ആർച്ച് ബിഷപ്പ് മാർ തോമസ് തറയിൽ, ആർച്ച് ബിഷപ്പ് മാർ ജോസഫ് പെരുന്തോട്ടം, മാർ തോമസ് പാടിയത്ത്, മാർ സ്റ്റീഫൻ ചിറപ്പണത്ത് തുടങ്ങിയവർ തിരുക്കർമ്മങ്ങളിൽ സംബന്ധിക്കും.

കെ.എഫ്.സി.യുടെ കോടികളുടെ നഷ്ടം: വി.ഡി. സതീശൻ ഉന്നയിക്കുന്നത് ഗുരുതര ആരോപണങ്ങൾ

തിരുക്കർമ്മങ്ങൾക്കുശേഷം പുതിയ കർദ്ദിനാൾമാർ മാർപാപ്പയുമായി കൂടിക്കാഴ്ച നടത്തും. ഞായറാഴ്ച രാവിലെ 9:30ന് മാതാവിന്റെ അമലോത്ഭവ തിരുനാളിന്റെ ഭാഗമായി നടക്കുന്ന വിശുദ്ധ കുർബാനയിൽ മാർപാപ്പയോടൊപ്പം പുതിയ കർദ്ദിനാൾമാരും കാർമികത്വം വഹിക്കും. സിറോ മലബാർ സഭയിൽ നിന്നും പ്രത്യേകമായി ക്ഷണിക്കപ്പെട്ട വൈദികരും സഹകാർമികരാകും.

വൈകിട്ട് സാന്ത അനസ്താസിയ സീറോ മലബാർ ബസലിക്കയിൽ മാർ ജോർജ് കൂവക്കാടിന്റെ കാർമികത്വത്തിൽ മലയാളത്തിൽ കൃതജ്ഞതാ ബലിയർപ്പണവും തുടർന്ന് സ്വീകരണ സമ്മേളനവും സംഘടിപ്പിച്ചിട്ടുണ്ട്. സ്ഥാനാരോഹണത്തിനായി കേന്ദ്ര സർക്കാരിന്റെ പ്രത്യേക സംഘവും വത്തിക്കാനിലെത്തിയിട്ടുണ്ട്. കേന്ദ്ര ന്യൂനപക്ഷ വകുപ്പ് സഹമന്ത്രി ജോർജ് കുര്യൻ, മുൻ കേന്ദ്രമന്ത്രി രാജീവ് ചന്ദ്രശേഖർ, കൊടിക്കുന്നിൽ സുരേഷ് എം.പി, ബി.ജെ.പി ദേശീയ സെക്രട്ടറി അനിൽ ആന്റണി, ബി.ജെ.പി ദേശീയ വക്താവ് ടോം വടക്കൻ എന്നിവർ പ്രതിനിധി സംഘത്തിലുണ്ട്.

Story Highlights: Archbishop Mar George Koovakkad to be elevated as Cardinal in Vatican ceremony today

വത്തിക്കാനിൽ ആദ്യമായി വനിതയെ പ്രധാന ചുമതലയിൽ നിയമിച്ച് മാർപാപ്പ