Latest Malayalam News | Nivadaily
കേരളത്തിൽ വീണ്ടും കാലവർഷം ശക്തം; എല്ലാ ജില്ലകളിലും മഴ മുന്നറിയിപ്പ്
കേരളത്തിൽ കാലവർഷം വീണ്ടും ശക്തമാകുന്നു. എല്ലാ ജില്ലകൾക്കും കേന്ദ്ര കാലാവസ്ഥാ വകുപ്പ് മഴ മുന്നറിയിപ്പ് നൽകി. എറണാകുളം, ഇടുക്കി, തൃശൂർ, കണ്ണൂർ, കാസർഗോഡ് എന്നീ ജില്ലകളിൽ ഓറഞ്ച് അലർട്ട് പ്രഖ്യാപിച്ചു.
താമരശ്ശേരിയിൽ അമീബിക് മസ്തിഷ്ക ജ്വരം: ജലാശയങ്ങളിൽ കുളിക്കുന്നതിന് വിലക്ക്
കോഴിക്കോട് താമരശ്ശേരിയിൽ അമീബിക് മസ്തിഷ്ക ജ്വരം ബാധിച്ച് നാലാം ക്ലാസ്സുകാരി മരിച്ചതിനെ തുടർന്ന് പഞ്ചായത്തിലെ ജലാശയങ്ങളിൽ കുളിക്കുന്നതിന് ആരോഗ്യ വകുപ്പ് വിലക്ക് ഏർപ്പെടുത്തി. കുട്ടി കുളത്തിൽ കുളിച്ചതിനെ തുടർന്നാണ് രോഗം ബാധിച്ചതെന്ന് കരുതുന്നു. കൂടുതൽ പേരിലേക്ക് രോഗം പടരുന്നത് തടയുന്നതിനുള്ള മുൻകരുതൽ നടപടികൾ ആരോഗ്യവകുപ്പ് സ്വീകരിച്ചു വരികയാണ്.
നവീൻ ബാബുവിന്റെ മരണത്തിൽ തുടരന്വേഷണം വേണ്ടെന്ന് പ്രതിഭാഗം; കേസ് 23-ലേക്ക് മാറ്റി
കണ്ണൂർ എഡിഎം ആയിരുന്ന നവീൻ ബാബുവിന്റെ മരണത്തിൽ തുടരന്വേഷണം ആവശ്യപ്പെട്ട് കുടുംബം നൽകിയ ഹർജിയെ പ്രതിഭാഗം എതിർക്കുന്നു. എല്ലാ തെളിവുകളും പോലീസ് ശേഖരിച്ചതാണെന്നും പ്രതിഭാഗം കോടതിയിൽ വാദിച്ചു. കേസ് കൂടുതൽ വാദത്തിനായി ഈ മാസം 23-ലേക്ക് മാറ്റി.
വിഭജന ഭീതി ദിനാചരണം: മന്ത്രിയുടെ നിർദേശം കൈമാറിയ ഉദ്യോഗസ്ഥന് കാരണം കാണിക്കൽ നോട്ടീസ്
വിഭജന ഭീതി ദിനാചരണം വേണ്ടെന്ന് കോളേജുകൾക്ക് നിർദ്ദേശം നൽകിയ ഉദ്യോഗസ്ഥർക്കെതിരെ നടപടിയെടുക്കാൻ സാങ്കേതിക സർവകലാശാല വിസി ഒരുങ്ങുന്നു. ഉന്നത വിദ്യാഭ്യാസ മന്ത്രിയുടെ നിർദ്ദേശം കോളേജുകൾക്ക് കൈമാറിയ സംഭവത്തിൽ ഡീൻ-അക്കാഡമിക്സിനോട് താൽക്കാലിക വിസി വിശദീകരണം തേടി. അഞ്ചു ദിവസത്തിനകം ഇതിന് മറുപടി നൽകണമെന്നും ആവശ്യപ്പെട്ടിട്ടുണ്ട്.
‘ഞാൻ ഈ സിനിമയിലെ നായികയാണ്’; കൂലി കാണാനെത്തിയ ശ്രുതി ഹാസനെ തടഞ്ഞ് സെക്യൂരിറ്റി, വീഡിയോ വൈറൽ
ലോകേഷ് കനകരാജ് സംവിധാനം ചെയ്ത കൂലി സിനിമയുടെ ആദ്യ ദിവസത്തെ ആദ്യ ഷോ കാണാനെത്തിയ നടി ശ്രുതി ഹാസന്റെ കാർ സുരക്ഷാ ജീവനക്കാരൻ തടഞ്ഞ സംഭവം വൈറലാകുന്നു. ചെന്നൈയിലെ തിയേറ്ററിലാണ് സംഭവം നടന്നത്. ചിത്രത്തിലെ നായികയാണെന്ന് പറയേണ്ടി വന്ന നടിയുടെ വീഡിയോ സമൂഹമാധ്യമങ്ങളിൽ ശ്രദ്ധ നേടുന്നു.
ഒഡീഷയിൽ ഭാര്യവീട്ടുകാർ യുവാവിനെ മരത്തിൽ കെട്ടിയിട്ട് മർദിച്ചു
ഒഡീഷയിലെ ഗജപതി ജില്ലയിൽ ഭാര്യവീട്ടുകാർ യുവാവിനെ മരത്തിൽ കെട്ടിയിട്ട് മർദിച്ചു. ഗാർഹിക പീഡനത്തെ തുടർന്നുള്ള കേസിൽ വിചാരണ നടക്കവേയാണ് സംഭവം. വീഡിയോ വൈറലായതോടെ പോലീസ് സ്ഥലത്തെത്തി യുവാവിനെ രക്ഷിച്ചു.
സുഭാഷ് ചന്ദ്രബോസ് ബ്രിട്ടീഷുകാരെ ഭയന്ന് രാജ്യം വിട്ടെന്ന പരാമർശം; എസ്സിഇആർടി കൈപ്പുസ്തകം തിരുത്തി
സുഭാഷ് ചന്ദ്രബോസ് ബ്രിട്ടീഷുകാരെ ഭയന്ന് രാജ്യം വിട്ടെന്ന് എസ്സിഇആർടി കരട് കൈപ്പുസ്തകത്തിൽ പരാമർശം. പിഴവ് ശ്രദ്ധയിൽപ്പെട്ടതിനെ തുടർന്ന് രണ്ടുതവണ തിരുത്തി വീണ്ടും കൈപ്പുസ്തകം പ്രസിദ്ധീകരിച്ചു. രണ്ടാം ലോകമഹായുദ്ധകാലത്തുണ്ടായ രാഷ്ട്രീയ സാഹചര്യങ്ങളാൽ ജർമ്മനിയിലേക്ക് എത്തി എന്നായിരുന്നു അവസാനത്തെ തിരുത്ത്.
പാട്നയിൽ കാറിനുള്ളിൽ കുട്ടികൾ മരിച്ച സംഭവം കൊലപാതകമെന്ന് ആരോപണം; പോലീസ് അന്വേഷണം തുടങ്ങി
ബിഹാറിലെ പാട്നയിൽ നിർത്തിയിട്ടിരുന്ന കാറിനുള്ളിൽ രണ്ട് കുട്ടികളെ മരിച്ച നിലയിൽ കണ്ടെത്തി. ട്യൂഷൻ ക്ലാസ്സിലേക്ക് പോയ കുട്ടികളെയാണ് മരിച്ച നിലയിൽ കണ്ടെത്തിയത്. കുട്ടികളുടെ മരണത്തിൽ ദുരൂഹതയുണ്ടെന്നും ഇതൊരു കൊലപാതകമാണെന്നും കുടുംബം ആരോപിച്ചു.
വർക്കലയിൽ സ്വാതന്ത്ര്യ ദിനത്തിൽ അങ്കണവാടി കുട്ടികൾക്ക് നിർബന്ധിത രാഖി; DYFI പ്രതിഷേധം
വർക്കലയിൽ സ്വാതന്ത്ര്യ ദിനത്തിൽ അങ്കണവാടിയിലെ കുട്ടികൾക്ക് നിർബന്ധിതമായി രാഖി കെട്ടിയെന്ന ആരോപണം ഉയർന്നിട്ടുണ്ട്. കുട്ടികൾക്ക് രാഖി കെട്ടണമെന്ന് ടീച്ചേഴ്സിനോട് ചൈൽഡ് ഡെവലപ്മെൻ്റ് പ്രോജക്ട് ഓഫീസർ നിർദ്ദേശിക്കുന്ന ശബ്ദ സംഭാഷണവും പുറത്തുവന്നിട്ടുണ്ട്. ഇതിനെത്തുടർന്ന് ഡിവൈഎഫ്ഐ പ്രതിഷേധം ശക്തമാക്കിയിരിക്കുകയാണ്.
ഓസ്ട്രേലിയന് ഇതിഹാസ താരം ബോബ് സിംപ്സണ് അന്തരിച്ചു
ഓസ്ട്രേലിയയുടെ മുന് ക്രിക്കറ്റ് താരവും പരിശീലകനുമായിരുന്ന ബോബ് സിംപ്സണ് 89-ാം വയസ്സില് സിഡ്നിയില് അന്തരിച്ചു. ഓസ്ട്രേലിയന് ടീമിന്റെ വളര്ച്ചയില് നിര്ണായക പങ്കുവഹിച്ച വ്യക്തിയാണ് സിംപ്സണ്. 62 ടെസ്റ്റുകളിലും രണ്ട് ഏകദിനങ്ങളിലും ഓസ്ട്രേലിയയ്ക്ക് വേണ്ടി കളിച്ചിട്ടുണ്ട്.
സവർക്കർക്ക് സ്വാതന്ത്ര്യത്തിന്റെ പിതൃത്വം ചാർത്തിക്കൊടുക്കുന്നത് ചരിത്രനിഷേധം: മുഖ്യമന്ത്രി
സവർക്കർക്ക് സ്വാതന്ത്ര്യത്തിന്റെ പിതൃത്വം നൽകുന്നത് ചരിത്ര നിഷേധമാണെന്ന് മുഖ്യമന്ത്രി പിണറായി വിജയൻ പറഞ്ഞു. ബ്രിട്ടീഷുകാർക്ക് പാദസേവ ചെയ്തവരെ മഹത്വവത്കരിക്കുന്നത് സ്വാതന്ത്ര്യ സമരത്തെ അപമാനിക്കലാണ്. പ്രധാനമന്ത്രിയുടെ സ്വാതന്ത്ര്യദിന പ്രസംഗം ആർഎസ്എസിനെ മഹത്വപ്പെടുത്താൻ ഉപയോഗിച്ചത് ആ ദിനത്തെ അവഹേളിക്കുന്നതിന് തുല്യമാണെന്നും മുഖ്യമന്ത്രി കൂട്ടിച്ചേർത്തു.
കോഴിക്കോട് നാദാപുരത്ത് ക്ഷേത്രങ്ങളിൽ വ്യാപക മോഷണം; പോലീസ് അന്വേഷണം ആരംഭിച്ചു
കോഴിക്കോട് നാദാപുരം മേഖലയിൽ ക്ഷേത്രങ്ങൾ കേന്ദ്രീകരിച്ച് വ്യാപക മോഷണം. പുറമേരിയിലെ രണ്ട് ക്ഷേത്രങ്ങളിൽ ഭണ്ഡാരം കുത്തിത്തുറന്ന് പണം കവർന്നു. സംഭവത്തിൽ നാദാപുരം പൊലീസ് അന്വേഷണം ആരംഭിച്ചു.