Latest Malayalam News | Nivadaily
മെസ്സിയും അർജന്റീന ടീമും കേരളത്തിലേക്ക് വരില്ലെന്ന് മുഖ്യമന്ത്രി
ലയണൽ മെസ്സിയും അർജന്റീന ടീമും കേരളത്തിലേക്ക് വരില്ലെന്ന് മുഖ്യമന്ത്രി പിണറായി വിജയൻ സ്ഥിരീകരിച്ചു. കലൂർ സ്റ്റേഡിയം നവീകരിക്കുന്നത് സ്പോൺസർമാരാണെന്നും സ്റ്റേഡിയത്തിന്റെ ഉടമസ്ഥാവകാശം ജി.സി.ഡി.എക്ക് തന്നെയായിരിക്കുമെന്നും മുഖ്യമന്ത്രി വ്യക്തമാക്കി. ജിസിഡിഎയും സ്പോൺസർ കമ്പനിയും തമ്മിലുള്ള കരാറിൻ്റെ പകർപ്പ് പുറത്തുവിടണമെന്ന് ഹൈബി ഈഡൻ എംപി ആവശ്യപ്പെട്ടു.
ക്ഷേമ പെൻഷൻ 2000 രൂപയാക്കി; ആശാ വർക്കർമാരുടെ ഓണറേറിയവും കൂട്ടി
സംസ്ഥാനത്ത് തദ്ദേശ, നിയമസഭാ തിരഞ്ഞെടുപ്പ് അടുത്തിരിക്കെ സുപ്രധാന പ്രഖ്യാപനങ്ങളുമായി സംസ്ഥാന സർക്കാർ. സാമൂഹ്യക്ഷേമ പെൻഷൻ 1,600 രൂപയിൽ നിന്ന് 2,000 രൂപയായി ഉയർത്തി. പാവപ്പെട്ട സ്ത്രീകൾക്ക് പ്രതിമാസം 1,000 രൂപയും ആശാ വർക്കർമാരുടെ ഓണറേറിയം 1,000 രൂപയും കൂട്ടി.
ഒയാസിസ് ബ്രൂവറിക്കെതിരെ നിയമനടപടി: ഹൈക്കോടതിയിലേക്ക് നീങ്ങി എലപ്പുള്ളി പഞ്ചായത്ത്
ഒയാസിസ് ബ്രൂവറി പദ്ധതിക്കെതിരെ എലപ്പുള്ളി പഞ്ചായത്ത് ഹൈക്കോടതിയിലേക്ക്. പദ്ധതിക്ക് അനുമതി നൽകുന്നതിനെതിരെയാണ് നിയമനടപടി. ഇതിനായി അടിയന്തര ഭരണസമിതി യോഗം ചേർന്ന് തീരുമാനമെടുത്തു. പഞ്ചായത്തിൻ്റെ അധികാരങ്ങളിൽ സർക്കാർ ഇടപെടുന്നുവെന്ന് പ്രസിഡൻ്റ് ആരോപിച്ചു.
പിഎം ശ്രീയിൽ നിന്ന് പിന്മാറിയാൽ ആത്മഹത്യപരമെന്ന് കെ. സുരേന്ദ്രൻ
പിഎം ശ്രീ പദ്ധതിയിൽ നിന്ന് പിന്മാറാനുള്ള സംസ്ഥാന സർക്കാരിന്റെ തീരുമാനം ആത്മഹത്യാപരമാണെന്ന് ബിജെപി നേതാവ് കെ. സുരേന്ദ്രൻ പറഞ്ഞു. കേരളത്തിലെ കുട്ടികൾക്ക് ലഭിക്കുന്ന ആനുകൂല്യങ്ങൾ നിഷേധിക്കുന്ന നിലപാടാണ് സംസ്ഥാന സർക്കാർ കൈക്കൊള്ളുന്നത്. അതേസമയം പിഎം ശ്രീ മന്ത്രിസഭ ഉപസമിതി പദ്ധതി പരിശോധിക്കുമെന്നും റിപ്പോർട്ട് വരുംവരെ പദ്ധതി മരവിപ്പിക്കുമെന്നും മുഖ്യമന്ത്രി അറിയിച്ചു.
ഓണറേറിയം വർദ്ധിപ്പിച്ചതിനെതിരെ ആശാവർക്കർമാർ; സമരം തുടരുമെന്ന് അറിയിപ്പ്
സംസ്ഥാന സർക്കാർ ആശാവർക്കർമാരുടെ ഓണറേറിയം 1000 രൂപ വർദ്ധിപ്പിച്ചതിൽ പ്രതിഷേധം അറിയിച്ച് ആശാവർക്കർമാർ. തങ്ങൾ ആവശ്യപ്പെട്ടത് 21000 രൂപയാണെന്നും, വർദ്ധനവ് തുച്ഛമാണെന്നും അവർ പറഞ്ഞു. ഈ സാഹചര്യത്തിൽ സമരം തുടരുമെന്ന് ആശാവർക്കർമാർ അറിയിച്ചു.
തീവ്ര വോട്ടര് പട്ടിക: അഞ്ചിന് സര്വകക്ഷിയോഗം വിളിച്ച് സര്ക്കാര്
തീവ്ര വോട്ടര്പട്ടിക പരിഷ്കരണത്തിനെതിരെ സംസ്ഥാന സര്ക്കാര് സര്വകക്ഷിയോഗം വിളിച്ചു. അടുത്ത മാസം അഞ്ചിനാണ് യോഗം. തിടുക്കപ്പെട്ട് എസ്ഐആർ നടപ്പാക്കാനുള്ള തീരുമാനം ജനാധിപത്യപ്രക്രിയയ്ക്ക് വെല്ലുവിളിയെന്ന് മുഖ്യമന്ത്രി പിണറായി വിജയന് പറഞ്ഞു.
പ്രവാസി ഇന്ത്യക്കാർക്ക് ഇനി അന്താരാഷ്ട്ര മൊബൈൽ നമ്പറുകൾ ഉപയോഗിച്ച് യുപിഐ പെയ്മെന്റുകൾ നടത്താം
ഇന്ത്യയിൽ താമസിക്കുന്ന പ്രവാസികൾക്ക് സന്തോഷകരമായ വാർത്ത. ഇനി അന്താരാഷ്ട്ര മൊബൈൽ നമ്പറുകൾ ഉപയോഗിച്ച് യുപിഐ പെയ്മെന്റുകൾ നടത്താൻ സാധിക്കും. സിംഗപ്പൂർ, ഓസ്ട്രേലിയ, കാനഡ, ഹോങ്കോംഗ്, ഒമാൻ, ഖത്തർ, അമേരിക്ക, സൗദി അറേബ്യ, യുഎഇ, യുകെ, ഫ്രാൻസ്, മലേഷ്യ തുടങ്ങിയ 12 ഓളം രാജ്യങ്ങളിൽ ഈ സേവനം ലഭ്യമാകും.
മോദി വോട്ടിനു വേണ്ടി എന്തും ചെയ്യും, പരിഹാസവുമായി രാഹുൽ ഗാന്ധി
ബിഹാർ തെരഞ്ഞെടുപ്പ് പ്രചാരണത്തിന് തുടക്കം കുറിച്ച കോൺഗ്രസ് നേതാവ് രാഹുൽ ഗാന്ധി പ്രധാനമന്ത്രി നരേന്ദ്ര മോദിക്കെതിരെ രംഗത്തെത്തി. നിങ്ങളുടെ വോട്ടിന് പകരമായി നരേന്ദ്ര മോദിയോട് നൃത്തം ചെയ്യാൻ പറഞ്ഞാൽ അദ്ദേഹം വേദിയിൽ നൃത്തം ചെയ്യും എന്ന് രാഹുൽ ഗാന്ധി പരിഹസിച്ചു. ബിഹാറിനെ ബിജെപി നിയന്ത്രിക്കുകയാണെന്നും നിതീഷ് കുമാറിനെ രാഹുൽ വിമർശിച്ചു.
പി.എം. ശ്രീ പദ്ധതിയില് പുനഃപരിശോധന; പദ്ധതി മരവിപ്പിച്ച് സര്ക്കാര്
പി.എം. ശ്രീ പദ്ധതിയുമായി ബന്ധപ്പെട്ട് സര്ക്കാര് പുനഃപരിശോധന നടത്തും. ഇതുമായി ബന്ധപ്പെട്ട് മുഖ്യമന്ത്രി നടത്തിയ വാര്ത്താസമ്മേളനത്തിലാണ് ഇക്കാര്യം വ്യക്തമാക്കിയത്. റിപ്പോർട്ട് ലഭിക്കുന്നതുവരെ പദ്ധതി മരവിപ്പിക്കുമെന്നും അദ്ദേഹം അറിയിച്ചു.
കലൂർ സ്റ്റേഡിയം വിവാദം: ജി.സി.ഡി.എ ഓഫീസിൽ യൂത്ത് കോൺഗ്രസ് പ്രതിഷേധം
കലൂർ സ്റ്റേഡിയം വിവാദത്തിൽ യൂത്ത് കോൺഗ്രസ് ജി.സി.ഡി.എ ഓഫീസിൽ പ്രതിഷേധം നടത്തി. അർജന്റീനയുടെ ജേഴ്സി ധരിച്ചെത്തിയ പ്രവർത്തകർ ഫുട്ബോൾ കളിച്ചാണ് പ്രതിഷേധിച്ചത്. സ്റ്റേഡിയം നവീകരണത്തിന്റെ മറവിൽ അഴിമതി നടക്കുന്നുവെന്ന് പ്രതിഷേധക്കാർ ആരോപിച്ചു.
പി.എം. ശ്രീ പദ്ധതി പഠിക്കാൻ മന്ത്രിസഭാ ഉപസമിതി രൂപീകരിച്ചു
പി.എം. ശ്രീ പദ്ധതിയെക്കുറിച്ച് പഠിക്കാൻ മന്ത്രിസഭാ ഉപസമിതി രൂപീകരിക്കാൻ മന്ത്രിസഭാ യോഗം തീരുമാനിച്ചു. സി.പി.ഐയിൽ നിന്നുള്ള ഒരംഗത്തെക്കൂടി ഉൾപ്പെടുത്തി ഉപസമിതി രൂപീകരിക്കും. ധാരണാപത്രം മരവിപ്പിക്കുന്നുവെന്ന് അറിയിച്ച് കേന്ദ്രത്തിന് കത്ത് നൽകാനാണ് നിലവിൽ സർക്കാർ തീരുമാനം.
കർണാടകയിൽ യൂത്ത് കോൺഗ്രസ് നേതാവിനെതിരെ ലൈംഗികാതിക്രമ കേസ്; അറസ്റ്റ്
കർണാടകയിൽ യൂത്ത് കോൺഗ്രസ് നേതാവിനെതിരെ ലൈംഗികാതിക്രമ കേസ്. യുവതികൾക്ക് അശ്ലീല സന്ദേശമയക്കുകയും എഡിറ്റ് ചെയ്ത ഫോട്ടോകൾ പ്രചരിപ്പിക്കുകയും ചെയ്ത യൂത്ത് കോൺഗ്രസ് നേതാവിനെതിരെയാണ് കേസ്. ചിക്കമഗളൂരു നഗരത്തിലെ ആൽദൂർ ഹോബ്ലിയിലെ മുൻ യൂത്ത് കോൺഗ്രസ് വൈസ് പ്രസിഡന്റായിരുന്ന ആദിത്യയാണ് അറസ്റ്റിലായത്. ഇയാൾക്കെതിരെ ഭാരതീയ ന്യായ സംഹിതയിലെ വിവിധ വകുപ്പുകൾ ചുമത്തിയിട്ടുണ്ട്.