Latest Malayalam News | Nivadaily
നെഹ്റു കുടുംബത്തിനെതിരായ തരൂരിന്റെ പരാമർശം തള്ളി പി.ജെ. കുര്യൻ
നെഹ്റു കുടുംബത്തിനെതിരെ ശശി തരൂർ നടത്തിയ പരാമർശത്തെ തള്ളി മുതിർന്ന കോൺഗ്രസ് നേതാവ് പി.ജെ. കുര്യൻ. കോൺഗ്രസ് ഒരു ജനാധിപത്യ പാർട്ടിയാണെന്നും വ്യത്യസ്ത അഭിപ്രായങ്ങളെ മാനിക്കുന്ന പാർട്ടിയാണ് ഇതെന്നും അദ്ദേഹം കൂട്ടിച്ചേർത്തു. രാഹുൽ ഗാന്ധിയുടെ വോട്ട് കൊള്ള ആരോപണം ഗൗരവമുള്ളതാണെന്നും പി.ജെ. കുര്യൻ അഭിപ്രായപ്പെട്ടു.
എറണാകുളം-ബെംഗളൂരു വന്ദേഭാരത് എക്സ്പ്രസ് പ്രധാനമന്ത്രി ഫ്ലാഗ് ഓഫ് ചെയ്തു
എറണാകുളം-ബെംഗളൂരു വന്ദേഭാരത് എക്സ്പ്രസ് അടക്കം നാല് പുതിയ വന്ദേഭാരത് എക്സ്പ്രസുകൾക്ക് പ്രധാനമന്ത്രി നരേന്ദ്രമോദി ഫ്ളാഗ് ഓഫ് ചെയ്തു. വാരണാസിയിൽ നടന്ന ചടങ്ങിൽ വീഡിയോ കോൺഫറൻസിങ് വഴിയാണ് പ്രധാനമന്ത്രി ഫ്ളാഗ് ഓഫ് നിർവഹിച്ചത്. ട്രെയിൻ സർവീസ് ഈ മാസം 11-ന് ആരംഭിക്കും.
ശബരിമല സ്വർണ്ണക്കൊള്ള: മൂന്നാം പ്രതി എൻ. വാസുവിനെ വീണ്ടും ചോദ്യം ചെയ്യും; അറസ്റ്റിന് സാധ്യത
ശബരിമല സ്വർണ്ണക്കൊള്ളക്കേസിൽ മൂന്നാം പ്രതിയായ എൻ. വാസുവിനെ വീണ്ടും ചോദ്യം ചെയ്യും. അറസ്റ്റിലേക്ക് കടക്കാനും സാധ്യതയുണ്ട്. ദേവസ്വം സെക്രട്ടറി ജയശ്രീയെ അറസ്റ്റ് ചെയ്യാൻ എസ് ഐ ടി നീക്കം തുടങ്ങി.
അമേരിക്കൻ വിസക്ക് പുതിയ നിബന്ധനകൾ; ഹൃദ്രോഗവും പ്രമേഹവും വിനയാകും
അമേരിക്കൻ വിസ നിയമങ്ങളിൽ ട്രംപ് ഭരണകൂടം പുതിയ നിയന്ത്രണങ്ങൾ ഏർപ്പെടുത്തി. ഹൃദ്രോഗം, പ്രമേഹം, അമിതവണ്ണം തുടങ്ങിയ രോഗങ്ങളുള്ളവർക്ക് വിസ നിഷേധിക്കാൻ സാധ്യതയുണ്ട്. യുഎസ് കോൺസുലേറ്റുകൾക്കും എംബസികൾക്കും ഇത് സംബന്ധിച്ചുള്ള മാർഗ്ഗനിർദ്ദേശങ്ങൾ നൽകി കഴിഞ്ഞു.
മലപ്പുറത്ത് വൻ തീപിടുത്തം; ആളുകളെ രക്ഷപ്പെടുത്തി
മലപ്പുറം കോട്ടക്കലിലെ വ്യാപാര സ്ഥാപനത്തിൽ വൻ തീപിടുത്തം. പുലർച്ചെ 5:30 ഓടെയായിരുന്നു സംഭവം. കടയിൽ കുടുങ്ങിയ മൂന്ന് പേരെ രക്ഷപ്പെടുത്തി.
ഡിഎൻഎയുടെ രഹസ്യം തേടിയ ജെയിംസ് വാട്സൺ അന്തരിച്ചു
ഡിഎൻഎ ഡബിൾ ഹീലിക്സ് കണ്ടെത്തിയ അമേരിക്കൻ ശാസ്ത്രജ്ഞൻ ജെയിംസ് വാട്സൺ 97-ാം വയസ്സിൽ അന്തരിച്ചു. ഫ്രാൻസിസ് ക്രിക്കിനോടൊപ്പം ചേർന്ന് നടത്തിയ ഈ കണ്ടെത്തൽ ലോകമെമ്പാടുമുള്ള ഗവേഷകർക്ക് ഒരു മുതൽക്കൂട്ടായി. 1962-ൽ വൈദ്യശാസ്ത്രത്തിനുള്ള നോബൽ സമ്മാനം അദ്ദേഹത്തിന് ലഭിച്ചു.
മഹാരാഷ്ട്രയിൽ വോട്ട് ചെയ്തയാൾ ബിഹാറിലും? അഭിഭാഷകയുടെ ചിത്രം പങ്കുവെച്ച് കോൺഗ്രസ് ആരോപണം
പൂനെയിലെ അഭിഭാഷക സോഷ്യൽ മീഡിയയിൽ ചിത്രം പങ്കുവെച്ചതിനെ തുടർന്ന് വിവാദത്തിൽ. മഹാരാഷ്ട്രയിൽ വോട്ടുള്ള ഒരാൾ എങ്ങനെ ബിഹാറിൽ വോട്ട് ചെയ്തുവെന്നാണ് കോൺഗ്രസിന്റെ ചോദ്യം. താൻ വോട്ട് ചെയ്തിട്ടില്ലെന്നും പ്രചോദനത്തിനുവേണ്ടി മാത്രമാണ് ചിത്രം പങ്കുവെച്ചതെന്നുമാണ് അഭിഭാഷകയുടെ വിശദീകരണം.
സംസ്ഥാന വികസനത്തിന് കിഫ്ബി സഹായകമായി; മുഖ്യമന്ത്രി പിണറായി വിജയൻ
സംസ്ഥാനത്ത് വികസനം അതിവേഗത്തിൽ സാധ്യമാക്കുന്നതിന് കിഫ്ബി സഹായകമായി എന്ന് മുഖ്യമന്ത്രി പിണറായി വിജയന്. എല്ലാ മേഖലയിലും ഒരുപോലെ മാറ്റം വരുത്താൻ സർക്കാരിന് കഴിഞ്ഞെന്നും മുഖ്യമന്ത്രി കൂട്ടിച്ചേർത്തു. 2021 ആയപ്പോഴേക്കും 62000 കോടി രൂപയുടെ പദ്ധതികൾ നടപ്പാക്കിയെന്നും അദ്ദേഹം പറഞ്ഞു.
പൊതു വിദ്യാഭ്യാസ പരിപാടികളിൽ പൊതു സ്വാഗതഗാനം; ആലോചനയില്ലെന്ന് മന്ത്രി വി. ശിവൻകുട്ടി
സംസ്ഥാനത്തെ പൊതുവിദ്യാഭ്യാസ വകുപ്പ് സംഘടിപ്പിക്കുന്ന പരിപാടികളിൽ പൊതുവായ സ്വാഗതഗാനം വേണ്ടെന്ന നിലപാടുമായി മന്ത്രി വി. ശിവൻകുട്ടി. ഭരണഘടനാ മൂല്യങ്ങളും ശാസ്ത്രബോധവും ഉൾക്കൊള്ളുന്ന പാട്ടുകളാണ് വേണ്ടതെന്നും മന്ത്രി അഭിപ്രായപ്പെട്ടു. ഇതുമായി ബന്ധപ്പെട്ട് മന്ത്രി ഫേസ്ബുക്കിൽ പോസ്റ്റിടുകയും പൊതുജനങ്ങളുടെ അഭിപ്രായം തേടുകയും ചെയ്തു.
കേരള സർവകലാശാലയിൽ ജാതി അധിക്ഷേപം; എസ്സി-എസ്ടി കമ്മീഷന് പരാതി
കേരള സർവകലാശാലയിലെ പിഎച്ച്ഡി വിവാദത്തിൽ സംസ്കൃത വിഭാഗം മേധാവിക്കെതിരെ ഗവേഷണ വിദ്യാർത്ഥി പരാതി നൽകി. ഡീൻ ജാതി അധിക്ഷേപം നടത്തിയെന്ന് ആരോപിച്ചാണ് വിപിൻ വിജയൻ കമ്മീഷനെ സമീപിച്ചത്. അധ്യാപകരുടെ ഭാഗത്തുനിന്ന് ഇത്തരം നടപടികൾ ഉണ്ടാകാൻ പാടില്ലെന്ന് ഉന്നത വിദ്യാഭ്യാസ മന്ത്രി പ്രതികരിച്ചു.
വിളപ്പിൽ രാധാകൃഷ്ണനെ മാറ്റാൻ സിപിഐ; ദേവസ്വം ബോർഡ് പ്രസിഡന്റായി കെ ജയകുമാർ നിയമിതനായേക്കും
തിരുവിതാംകൂർ ദേവസ്വം ബോർഡ് അംഗമായി പരിഗണിച്ചിരുന്ന വിളപ്പിൽ രാധാകൃഷ്ണനെ മാറ്റാൻ സി.പി.ഐ തീരുമാനിച്ചു. കെ. ജയകുമാർ ഐ.എ.എസിനെ ദേവസ്വം ബോർഡ് പ്രസിഡന്റായി നിയമിക്കുന്ന സാഹചര്യത്തിലാണ് മാറ്റം. ബോർഡിലെ സാമുദായിക സമവാക്യം പാലിക്കുന്നതിനു വേണ്ടിയാണ് വിളപ്പിൽ രാധാകൃഷ്ണന് പകരം പുതിയ പേര് പരിഗണിക്കുന്നത്.
‘പാവങ്ങ’ളുടെ പരിഭാഷാ ശതാബ്ദി; സാഹിതി ഗ്രാമികയില് ആഘോഷം
വിക്ടർ യൂഗോയുടെ 'പാവങ്ങൾ' എന്ന നോവലിന് നാലപ്പാട്ട് നാരായണ മേനോൻ നിർവഹിച്ച മലയാളം പരിഭാഷയുടെ നൂറാം വാർഷികം സാഹിതി ഗ്രാമിക ആഘോഷിക്കുന്നു. ചാലക്കുടി പനമ്പിള്ളി കോളേജ് മലയാളം വിഭാഗത്തിന്റെ സഹകരണത്തോടെ കുഴിക്കാട്ടുശ്ശേരി സാഹിതി ഗ്രാമികയിലാണ് പരിപാടി. കാലടി സർവ്വകലാശാല മുൻ വൈസ് ചാൻസലർ ഡോ. എം.വി. നാരായണൻ മുഖ്യപ്രഭാഷണം നടത്തും.