Latest Malayalam News | Nivadaily
ബിഹാറിലെ തോൽവി: കോൺഗ്രസിനെതിരെ വിമർശനവുമായി പത്മജ വേണുഗോപാൽ
ബിഹാറിലെ കോൺഗ്രസിൻ്റെ തോൽവിക്ക് പിന്നാലെ വിമർശനവുമായി ബിജെപി നേതാവ് പത്മജ വേണുഗോപാൽ. കോൺഗ്രസ് ഇന്ന് കാണുന്ന ഈ ദുരവസ്ഥയിലേക്ക് എത്തിയത് നല്ലൊരു നേതൃത്വമില്ലാത്തതുകൊണ്ടാണ്. മോദിജിയെ കുറ്റം പറയുന്നത് നിർത്തി ജനങ്ങളുടെ പ്രശ്നങ്ങളെക്കുറിച്ച് സംസാരിക്കാൻ കോൺഗ്രസ് നേതാക്കൾ തയ്യാറാകണമെന്നും അവർ കൂട്ടിച്ചേർത്തു.
തമിഴ്നാട് വാൽപ്പാറയിൽ കാട്ടാന വീട് ആക്രമിച്ചു; തോട്ടം തൊഴിലാളിയുടെ വീട് തകർത്തു
തമിഴ്നാട് വാൽപ്പാറയിൽ കാട്ടാന ഒരു വീട് ആക്രമിച്ചു. സ്റ്റാൻമോർ എസ്റ്റേറ്റിന് സമീപം തോട്ടം തൊഴിലാളികൾ താമസിക്കുന്ന പാടിയാണ് കാട്ടാന ആക്രമിച്ചത്. പാർവതി എന്ന യുവതിയുടെ വീടാണ് ആക്രമിച്ചത്.
രാത്രി ഡ്യൂട്ടിയിലുണ്ടായിരുന്ന പോലീസുകാരിയെ ലൈംഗികമായി ഉപദ്രവിച്ച കേസിൽ കോൺഗ്രസ് നേതാവിനെതിരെ കേസ്
കൊല്ലത്ത് രാത്രി ഡ്യൂട്ടിയിലുണ്ടായിരുന്ന പോലീസുകരിയെ ലൈംഗികമായി ഉപദ്രവിച്ചെന്ന പരാതിയിൽ കോൺഗ്രസ് നേതാവിനെതിരെ കേസ്. ചവറ സ്വദേശി നവാസിനെതിരെയാണ് കേസ് എടുത്തിരിക്കുന്നത്. സിസിടിവി ദൃശ്യങ്ങൾ പരിശോധിച്ചതിൽ നിന്നും നവാസ് സംഭവസ്ഥലത്ത് ഉണ്ടായിരുന്നെന്ന് കണ്ടെത്തി.
അരൂർ-തുറവൂർ ഉയരപ്പാത: സുരക്ഷാ ഓഡിറ്റിങ്ങിന് ഉത്തരവിട്ട് ദേശീയപാത അതോറിറ്റി
അരൂർ-തുറവൂർ ഉയരപ്പാത നിർമ്മാണത്തിനിടെയുണ്ടായ അപകടത്തെ തുടർന്ന് ദേശീയപാത അതോറിറ്റി അടിയന്തര സുരക്ഷാ ഓഡിറ്റിംഗിന് ഉത്തരവിട്ടു. റൈറ്റ്സ് ലിമിറ്റഡിനാണ് ഓഡിറ്റിങ് ചുമതല. നിർമ്മാണത്തിൽ ഐആർസി മാനദണ്ഡങ്ങൾ പാലിക്കുന്നില്ലെന്ന് വിദഗ്ദ്ധ സമിതി കണ്ടെത്തിയിരുന്നു.
നിലമ്പൂരിൽ ലീഗിൽ പൊട്ടിത്തെറി; വിമത സ്ഥാനാർത്ഥികളെ നിർത്താൻ ആലോചന
നിലമ്പൂരിൽ മുസ്ലീം ലീഗിൽ ഭിന്നത രൂക്ഷമായി. അഞ്ച് ഡിവിഷനുകളിൽ വിമത സ്ഥാനാർത്ഥികളെ നിർത്താൻ ഒരു വിഭാഗം തീരുമാനിച്ചു. മുൻസിപ്പൽ സെക്രട്ടറി സ്ഥാനത്തേക്ക് ലീഗ് പരിഗണിക്കുന്ന നാണികുട്ടി കൂമഞ്ചേരിയെ ചൊല്ലിയാണ് തർക്കം ഉടലെടുത്തത്. കഴിഞ്ഞ തവണ മത്സരിച്ച എല്ലാ സീറ്റുകളിലും ലീഗ് പരാജയപ്പെട്ടിരുന്നു.
ആലുവയിൽ സ്വത്ത് തർക്കം; പിതാവിനെ മർദിച്ച മകൻ അറസ്റ്റിൽ
ആലുവയിൽ സ്വത്ത് തർക്കത്തെ തുടർന്ന് 84-കാരനായ പിതാവിനെ മകൻ ക്രൂരമായി മർദിച്ചു. സംഭവത്തിൽ മകൻ ഹുസൈനെ പോലീസ് അറസ്റ്റ് ചെയ്തു. ഇരുവരും തമ്മിൽ സ്വത്തിനെ ചൊല്ലി നേരത്തെയും തർക്കങ്ങൾ ഉണ്ടായിട്ടുണ്ട്.
കൊല്ലത്ത് ആഭിചാരക്രിയക്കിടെ 11കാരിയെ പീഡിപ്പിക്കാൻ ശ്രമം; സ്വാമി അറസ്റ്റിൽ
കൊല്ലത്ത് ആഭിചാരക്രിയയുടെ മറവിൽ 11 വയസ്സുകാരിയെ പീഡിപ്പിക്കാൻ ശ്രമിച്ച സ്വാമി അറസ്റ്റിലായി. മുണ്ടയ്ക്കൽ സ്വദേശി ഷിനുവാണ് അറസ്റ്റിലായത്. പൂജക്ക് എത്തിയപ്പോൾ പീഡിപ്പിച്ചെന്ന് നിരവധി സ്ത്രീകൾ വെളിപ്പെടുത്തി. പോക്സോ കേസിൽ അറസ്റ്റിലായ ഷിനു നിലവിൽ റിമാൻഡിലാണ്.
കോഴിക്കോട് ഹൈബ്രിഡ് കഞ്ചാവുമായി യുവാവ് പിടിയിൽ; പിടികൂടിയത് 10 ലക്ഷം രൂപയുടെ കഞ്ചാവ്
കോഴിക്കോട് വിപണിയിൽ വൻ വിലയുള്ള ഹൈബ്രിഡ് കഞ്ചാവുമായി യുവാവിനെ പേരാമ്പ്ര പൊലീസ് പിടികൂടി. കൊയിലാണ്ടി നടേരി സ്വദേശി അമാൻ അബ്ദുള്ള (23) ആണ് പിടിയിലായത്. ജില്ലാ പൊലീസ് മേധാവിയുടെ ഡാൻസാഫ് ടീമും പേരാമ്പ്ര പൊലീസും ചേർന്നാണ് ഇയാളെ പിടികൂടിയത്. ലഹരി വിരുദ്ധ നിയമപ്രകാരം ഇയാളെ അറസ്റ്റ് ചെയ്തു.
ബിഹാറിൽ ജനാധിപത്യ സുനാമിയെന്ന് കേന്ദ്രമന്ത്രി ഗജേന്ദ്ര സിംഗ് ഷെഖാവത്ത്
ബിഹാറിൽ ജനാധിപത്യത്തിന്റെ സുനാമിയാണ് ഉണ്ടായതെന്ന് കേന്ദ്ര ടൂറിസം മന്ത്രി ഗജേന്ദ്ര സിംഗ് ഷെഖാവത്ത് ട്വന്റിഫോറിനോട് പറഞ്ഞു. ബിഹാർ ജനത ജംഗിൾ രാജിനെ ഇല്ലാതാക്കി എന്നും ജനം വികസനത്തിനായി വോട്ട് ചെയ്തുവെന്നും അദ്ദേഹം കൂട്ടിച്ചേർത്തു. അതേസമയം, ബിഹാറിലെ കനത്ത പരാജയം ദേശീയ തലത്തിൽ ഇന്ത്യ സഖ്യത്തിന് വലിയ തിരിച്ചടിയായിരിക്കുകയാണ്.
എളമക്കരയിൽ 12 വയസ്സുകാരനെ ക്രൂരമായി മർദിച്ചു; അമ്മയും കാമുകനും അറസ്റ്റിൽ
എറണാകുളം എളമക്കരയിൽ 12 വയസ്സുകാരനെ ക്രൂരമായി മർദിച്ച കേസിൽ അമ്മയും ആൺസുഹൃത്തും അറസ്റ്റിലായി. കുട്ടി അമ്മയോടൊപ്പം കിടന്നതിലുള്ള വിരോധം മൂലം കുട്ടിയുടെ തല ചുവരിൽ ഇടിപ്പിക്കുകയും നെഞ്ചിൽ നഖം കൊണ്ട് മുറി ഉണ്ടാക്കുകയും ചെയ്തു. ആശുപത്രി അധികൃതർ വിവരം അറിയിച്ചതിനെ തുടർന്ന് സ്ഥലത്തെത്തിയ പോലീസ് കുട്ടിയുടെ മൊഴി രേഖപ്പെടുത്തി കേസ് രജിസ്റ്റർ ചെയ്തു.
തിരുവനന്തപുരം കോർപ്പറേഷനിൽ കോൺഗ്രസ് സ്ഥാനാർത്ഥികൾക്കായി ശശി തരൂർ പ്രചാരണത്തിനിറങ്ങി
തിരുവനന്തപുരം കോർപ്പറേഷനിലെ കോൺഗ്രസ് സ്ഥാനാർത്ഥികൾക്ക് വേണ്ടി ശശി തരൂർ എംപി പ്രചാരണത്തിനിറങ്ങി. എൽഡിഎഫ് ഭരണം തലസ്ഥാനത്തിന് മടുത്തു കഴിഞ്ഞെന്ന് തരൂർ പറഞ്ഞു. ഡിസംബർ 9, 11 തീയതികളിൽ സംസ്ഥാനത്ത് തദ്ദേശ തിരഞ്ഞെടുപ്പ് നടക്കും.
എസ്എടിയിൽ യുവതി മരിച്ച സംഭവം: വിദഗ്ധ റിപ്പോർട്ട് തള്ളി, മനുഷ്യാവകാശ കമ്മീഷനെ സമീപിക്കാനൊരുങ്ങി കുടുംബം
തിരുവനന്തപുരം എസ്.എ.ടി ആശുപത്രിയിൽ പ്രസവ ശസ്ത്രക്രിയയെ തുടർന്ന് യുവതി മരിച്ച സംഭവത്തിൽ ആശുപത്രിക്ക് പിഴവില്ലെന്ന വിദഗ്ധ സമിതിയുടെ കണ്ടെത്തൽ കുടുംബം തള്ളി. എസ്.എ.ടി ആശുപത്രിയിൽ നിന്നാണ് അണുബാധ ഉണ്ടായതെന്ന നിലപാടിൽ ഉറച്ചുനിൽക്കുന്ന ബന്ധുക്കൾ ദേശീയ മനുഷ്യാവകാശ കമ്മീഷന് പരാതി നൽകും. ആശുപത്രി എല്ലാ മാനദണ്ഡങ്ങളും പാലിച്ചിട്ടുണ്ടെന്നും അണുബാധക്ക് കാരണം സ്റ്റെഫൈലോകോക്കസ് ബാക്ടീരിയ ആണെന്നുമാണ് വിദഗ്ധസമിതിയുടെ കണ്ടെത്തൽ.