Latest Malayalam News | Nivadaily
കേരളത്തിൽ കാലവർഷം നേരത്തെ; വിവിധ ജില്ലകളിൽ റെഡ്, ഓറഞ്ച് അലേർട്ടുകൾ
കേരളത്തിൽ കാലവർഷം എത്തിയതായി ഔദ്യോഗിക അറിയിപ്പ്. 2009-നു ശേഷം ഇതാദ്യമായിട്ടാണ് കാലവർഷം ഇത്രയും നേരത്തെ എത്തുന്നത്. സംസ്ഥാനത്ത് ഇന്ന് അതിതീവ്ര മഴയ്ക്ക് സാധ്യതയുണ്ട്.
നെടുമ്പാശ്ശേരി കൊലപാതകം: പ്രതികളെ കസ്റ്റഡിയിൽ വേണമെന്ന് പൊലീസ്
നെടുമ്പാശ്ശേരിയിൽ യുവാവിനെ കൊലപ്പെടുത്തിയ കേസിൽ പ്രതികളെ കസ്റ്റഡിയിൽ ആവശ്യപ്പെട്ട് പൊലീസ് കോടതിയെ സമീപിച്ചു. സിഐഎസ്എഫ് ഉദ്യോഗസ്ഥരായ വിനയ് കുമാർ, മോഹൻ കുമാർ എന്നിവരെ ചോദ്യം ചെയ്യലിനായി കസ്റ്റഡിയിൽ വേണമെന്നാണ് ആവശ്യം. അങ്കമാലി കോടതി ഇന്ന് കസ്റ്റഡി അപേക്ഷ പരിഗണിക്കും.
കേരളത്തിൽ സ്വർണവില കുതിച്ചുയരുന്നു; ഒരു പവൻ 71,920 രൂപയായി
സംസ്ഥാനത്ത് സ്വർണവില വീണ്ടും ഉയർന്നു. ഒരു ഗ്രാം സ്വർണത്തിന് 50 രൂപ വർധിച്ചു. ഒരു പവൻ സ്വർണത്തിന്റെ വില 71,920 രൂപയായി.
പിണറായി വിജയന് ജന്മദിനാശംസകളുമായി പ്രമുഖർ; ക്ലിഫ് ഹൗസിൽ ആഘോഷം
മുഖ്യമന്ത്രി പിണറായി വിജയന്റെ ജന്മദിനം ക്ലിഫ് ഹൗസിൽ ആഘോഷിച്ചു. ഗവർണർ രാജേന്ദ്ര വിശ്വനാഥ് അർലേക്കർ, പ്രധാനമന്ത്രി നരേന്ദ്ര മോദി, ചലച്ചിത്ര താരങ്ങളായ മോഹൻലാൽ, മമ്മൂട്ടി, കമലഹാസൻ തുടങ്ങിയവർ ആശംസകൾ അറിയിച്ചു. ചെറുമകൻ ഇഷാൻ കേക്ക് മുറിച്ച് മുഖ്യമന്ത്രിക്ക് മധുരം നൽകി.
കൊച്ചി കടവന്ത്രയിലെ ബാറിൽ ഗുണ്ടാ വിളയാട്ടം; ജീവനക്കാർക്ക് മർദ്ദനം, യുവതിയോട് അപമര്യാദ
കൊച്ചി കടവന്ത്രയിലെ ബാറിൽ ഡിജെ പാർട്ടിക്കിടെ ഗുണ്ടാസംഘം അക്രമം നടത്തി. യുവതിയോട് അപമര്യാദയായി പെരുമാറിയതിനെ ചോദ്യം ചെയ്ത ജീവനക്കാരെയും ബൗൺസർമാരെയും മർദിച്ചു. ലഹരി കേസിൽ ജയിലിൽ കഴിഞ്ഞിറങ്ങിയ കളമശ്ശേരി സ്വദേശികളാണ് അക്രമത്തിന് നേതൃത്വം നൽകിയത്.
‘അരികെ’ ഡേറ്റിംഗ് ആപ്പിലൂടെ പരിചയം; നിരവധി സ്ത്രീകളെ പീഡിപ്പിച്ച പ്രതി അറസ്റ്റിൽ
ഡേറ്റിംഗ് ആപ്ലിക്കേഷനായ 'അരികെ' വഴി സൗഹൃദം നടിച്ച് നിരവധി സ്ത്രീകളെ ലൈംഗികമായി ചൂഷണം ചെയ്ത കേസിൽ ഒരാൾ അറസ്റ്റിലായി. പാലക്കാട് സ്വദേശിനിയായ യുവതി നൽകിയ പരാതിയിലാണ് ചാവക്കാട് സ്വദേശിയായ ഹനീഫിനെ പോലീസ് അറസ്റ്റ് ചെയ്തത്. ഇയാൾക്കെതിരെ സാമ്പത്തിക തട്ടിപ്പിനും പരാതികളുണ്ട്.
മെഡിക്കൽ കോളേജിൽ ഓക്സിജൻ സിലിണ്ടർ പൊട്ടിത്തെറിച്ച് അപകടം; അനസ്തേഷ്യ ടെക്നീഷ്യന് ഗുരുതര പരിക്ക്
തിരുവനന്തപുരം മെഡിക്കൽ കോളേജിൽ ഓക്സിജൻ സിലിണ്ടറിലെ ഫ്ലോമീറ്റർ പൊട്ടിത്തെറിച്ച് അനസ്തേഷ്യ ടെക്നീഷ്യന് ഗുരുതര പരിക്ക്. പാലക്കാട് സ്വദേശി അഭിഷേകിനാണ് തലയ്ക്ക് പരിക്കേറ്റത്. രണ്ട് മാസം മുൻപ് തിരുവനന്തപുരം എസ്എടി ആശുപത്രിയിലും സമാനമായ സംഭവം നടന്നിരുന്നു.
ബേപ്പൂരിൽ കഴുത്തറുത്ത് കൊലപാതകം; നാല് പേർക്കെതിരെ അന്വേഷണം
കോഴിക്കോട് ബേപ്പൂരിൽ കഴുത്തറുത്ത നിലയിൽ മധ്യവയസ്കന്റെ മൃതദേഹം കണ്ടെത്തി. ഹാർബറിന് സമീപത്തെ ലോഡ്ജിലാണ് കൊല്ലം സ്വദേശിയായ സോളമന്റെ മൃതദേഹം കണ്ടെത്തിയത്. സംഭവത്തിൽ നാല് പേരെ കേന്ദ്രീകരിച്ച് പോലീസ് അന്വേഷണം ആരംഭിച്ചു.
പാക് ഷെല്ലാക്രമണത്തിൽ ജീവൻ നഷ്ടപ്പെട്ടവരുടെ കുടുംബങ്ങളെ സന്ദർശിച്ച് രാഹുൽ ഗാന്ധി
പാകിസ്താൻ ഷെല്ലാക്രമണത്തിൽ കൊല്ലപ്പെട്ടവരുടെ കുടുംബങ്ങളെ സന്ദർശിക്കാൻ രാഹുൽ ഗാന്ധി ജമ്മു കശ്മീരിൽ എത്തി. പൂഞ്ച് ജില്ലയിൽ എത്തുന്ന രാഹുൽ ഗാന്ധി അവിടെയുള്ള കുടുംബങ്ങളെ സന്ദർശിക്കും. പഹൽഗാം ഭീകരാക്രമണത്തിന് ശേഷം ഇത് രണ്ടാം തവണയാണ് രാഹുൽഗാന്ധി ജമ്മു കശ്മീർ സന്ദർശിക്കുന്നത്.
കടൽക്ഷോഭം രൂക്ഷം; ചെല്ലാനം പുത്തൻതോടിൽ നാട്ടുകാരുടെ പ്രതിഷേധം
ചെല്ലാനം പുത്തൻതോട് മേഖലയിൽ കടൽക്ഷോഭം രൂക്ഷമാകുന്നു. ടെട്രാപോഡുകളും പുലിമുട്ടുകളും സ്ഥാപിക്കാത്തതിനാൽ ശക്തമായ കടലാക്രമണം നേരിടുകയാണെന്ന് നാട്ടുകാർ ആരോപിക്കുന്നു. കല്ലില്ലെങ്കിൽ കടലിലേക്ക് എന്ന മുദ്രാവാക്യവുമായി നാട്ടുകാർ പ്രതിഷേധിച്ചു.
ബിജെപിയിൽ ചേർന്ന മറിയക്കുട്ടിയെ പരിഹസിച്ച് സണ്ണി ജോസഫ്
ബിജെപിയിൽ ചേർന്ന മറിയക്കുട്ടിക്കെതിരെ പരിഹാസവുമായി കെപിസിസി പ്രസിഡന്റ് സണ്ണി ജോസഫ്. കോൺഗ്രസ് പ്രവർത്തകർ ആപത്ഘട്ടത്തിൽ തിരിഞ്ഞുനോക്കാത്തതിനാലാണ് ബിജെപി അംഗത്വം സ്വീകരിച്ചതെന്ന മറിയക്കുട്ടിയുടെ വിമർശനത്തിനാണ് സണ്ണി ജോസഫിന്റെ മറുപടി. പേര് പറയാതെയായിരുന്നു സണ്ണി ജോസഫിന്റെ പ്രതികരണം.
സാമ്പത്തിക തർക്കം; റാപ്പർ ഡബ്സിയും സുഹൃത്തുക്കളും അറസ്റ്റിൽ
സാമ്പത്തിക തർക്കത്തെ തുടർന്ന് റാപ്പർ ഡബ്സി എന്ന മുഹമ്മദ് ഫാസിലിനെയും മൂന്ന് സുഹൃത്തുക്കളെയും ചങ്ങരംകുളം പോലീസ് അറസ്റ്റ് ചെയ്തു. കാഞ്ഞിയൂർ സ്വദേശി ബാസിലിന്റെ പിതാവിന്റെ പരാതിയിലാണ് പൊലീസ് നടപടി. ഡബ്സിയും സുഹൃത്തുക്കളും വീട്ടിലെത്തി ഭീഷണിപ്പെടുത്തുകയും അസഭ്യം പറയുകയും ചെയ്തുവെന്നാണ് പരാതി.