ലഹരിവിരുദ്ധ, അക്രമവിരുദ്ധ പ്രചാരണവുമായി ട്വന്റിഫോര്‍ ചീഫ് എഡിറ്റര്‍ ആര്‍. ശ്രീകണ്ഠന്‍ നായര്‍ നയിക്കുന്ന കേരള യാത്രയ്ക്ക് പത്തനംതിട്ടയില്‍ വന്‍ വരവേല്‍പ്പ് ലഭിച്ചു. ജില്ലയിലെ വിവിധ ഗ്രാമങ്ങളിലൂടെയും കലാലയങ്ങളിലൂടെയും കടന്നുപോയ യാത്രയില്‍ അധ്യാപകരും വിദ്യാര്‍ത്ഥികളും വലിയ പിന്തുണ നല്‍കി. മലയാളത്തിന്റെ പ്രിയതാരം മോഹന്‍ലാലിന്റെ ജന്മനാടായ ഇലന്തൂരിലും യാത്ര എത്തിച്ചേര്‍ന്നു.
പത്തനംതിട്ടയിലെ ഇലന്തൂരിലുള്ള മോഹന്‍ലാലിന്റെ പുന്നയ്ക്കല്‍ തറവാടിനെ കേരള യാത്രയില്‍ പരിചയപ്പെടുത്തി. മോഹന്‍ലാല്‍ ഇടയ്ക്കൊക്കെ തന്റെ നാടായ ഇലന്തൂരില്‍ വരണമെന്ന് നാട്ടുകാര്‍ ആഗ്രഹം പ്രകടിപ്പിച്ചു. 1960 മെയ് 21ന് പത്തനംതിട്ടയിലെ ഇലന്തൂരിലാണ് മോഹന്‍ലാല്‍ ജനിച്ചത്. തിരുവനന്തപുരത്തായിരുന്നു പിന്നീടുള്ള പഠനവും വളര്‍ച്ചയും. എന്നാല്‍ കാലം എത്ര കടന്നുപോയാലും മോഹന്‍ലാലിന്റെ ജന്മനാട് എന്ന പെരുമ ഇലന്തൂരിന് എന്നും അഭിമാനമായി നിലനില്‍ക്കും.
ഇലന്തൂരിലെ ഈ പഴമ നിറഞ്ഞ വീട് മലയാളികള്‍ക്കും ഏറെ പ്രിയപ്പെട്ടതാണ്. പരമ്പരാഗത ശൈലിയില്‍ നിര്‍മ്മിച്ച ഓടിട്ട ഒറ്റനില വീടാണിത്. പഴമയുടെ സൗന്ദര്യം വിളിച്ചോതുന്ന ജനാലകളും റെഡ് ഓക്സൈഡ് പാകിയ നിലവുമെല്ലാം നൊസ്റ്റാള്‍ജിയ നിറയ്ക്കുന്നു. മോഹന്‍ലാലിന്റെ അമ്മ ശാന്തകുമാരിയമ്മയുടെ വീടാണ് ഇലന്തൂരിലേത്.
പുന്നയ്ക്കല്‍ തറവാട് ഇന്നും മനോഹരമായി സംരക്ഷിക്കപ്പെട്ടിരിക്കുന്നു. കൊച്ചിയിലും തിരുവനന്തപുരത്തും ഊട്ടിയിലുമൊക്കെ വീടുകളുണ്ടെങ്കിലും മോഹന്‍ലാലിന്റെ മനസ്സിനോട് ചേര്‍ന്നുനില്‍ക്കുന്ന വീടുകളിലൊന്നാണിത്. അച്ഛന്റെ ജോലിയുമായി ബന്ധപ്പെട്ട് മോഹന്‍ലാലും അമ്മയും സഹോദരനുമൊക്കെ പിന്നീട് തിരുവനന്തപുരത്തേക്ക് താമസം മാറ്റി.
താരത്തിന് അഞ്ച് വയസ്സുള്ളപ്പോള്‍ അച്ഛന്‍ വിശ്വനാഥന്‍ നായര്‍ തിരുവനന്തപുരം മുടവന്‍മുകളിലെ കേശവദേവ് റോഡില്‍ പുതിയ വീട് പണിതു. ഹില്‍വ്യൂ എന്ന ഈ വീട്ടിലാണ് പിന്നീട് മോഹന്‍ലാല്‍ തന്റെ ബാല്യം, കൗമാരം, യൗവ്വനം എന്നിവ ചെലവഴിച്ചത്. മോഹന്‍ലാലിന്റെ സിനിമാ ജീവിതത്തിലും ഹില്‍വ്യൂ എന്ന വീടിന് വലിയ പ്രാധാന്യമുണ്ട്.
താരത്തിന്റെ സിനിമാ ജീവിതം ആരംഭിക്കുന്നതും ഈ വീട്ടില്‍ നിന്നാണ്. 1978ല്‍ ‘തിരനോട്ടം’ എന്ന സിനിമയുടെ ചില ഭാഗങ്ങള്‍ ചിത്രീകരിച്ചതും ഇവിടെയാണ്. സ്വന്തം ലാലേട്ടന്റെ വരവിനായി ഇലന്തൂര്‍ നിവാസികള്‍ കാത്തിരിക്കുകയാണ്. ലഹരി വിരുദ്ധ ബോധവല്‍ക്കരണവുമായി ആര്‍ ശ്രീകണ്ഠന്‍ നായര്‍ നയിക്കുന്ന കേരള യാത്രയെ ഇലന്തൂരും ഹൃദയപൂര്‍വ്വം സ്വീകരിച്ചു.
Story Highlights: Twentyfour Chief Editor R Sreekandan Nair’s Kerala Yatra received a grand welcome in Pathanamthitta, visiting Mohanlal’s birthplace in Elanthoor.
തെലുങ്ക് മാധ്യമങ്ങളിലെ 'എമ്പുരാൻ' ചിത്രത്തിന്റെ പ്രചാരണത്തെക്കുറിച്ചുള്ള ചോദ്യത്തിന് മോഹൻലാലും പൃഥ്വിരാജും മറുപടി നൽകി. Read more
ട്വന്റിഫോർ ചീഫ് എഡിറ്റർ ആർ. ശ്രീകണ്ഠൻ നായർ നയിക്കുന്ന എസ്\u200cകെ\u200cഎൻ 40 കേരള Read more
ബുക്ക് മൈ ഷോയിൽ ആദ്യ മണിക്കൂറിൽ ഏറ്റവും കൂടുതൽ ടിക്കറ്റുകൾ വിറ്റഴിച്ച ഇന്ത്യൻ Read more
ലഹരിവിരുദ്ധ പോരാട്ടത്തിന്റെ രണ്ടാം ദിനത്തിൽ കൊല്ലത്ത് പ്രൗഢഗംഭീരമായ വരവേൽപ്പാണ് ട്വന്റിഫോർ ചീഫ് എഡിറ്റർ Read more
മോഹൻലാലിന്റെ ലൂസിഫറിന്റെ രണ്ടാം ഭാഗമായ എമ്പുരാന്റെ ട്രെയിലർ മുംബൈയിൽ ലോഞ്ച് ചെയ്തു. മാർച്ച് Read more
മുംബൈയിൽ നടന്ന എമ്പുരാന്റെ ഐമാക്സ് ട്രെയിലർ ലോഞ്ചിൽ മോഹൻലാൽ പങ്കെടുത്തു. പൃഥ്വിരാജിന് നന്ദി Read more
എം.എ. ബേബിയുടെ സഹായത്താൽ റഷ്യൻ വിസ 24 മണിക്കൂറിനുള്ളിൽ ലഭിച്ചെന്ന് പൃഥ്വിരാജ്. ആന്റണി Read more
മോഹൻലാൽ നായകനായ എമ്പുരാന്റെ ട്രെയിലർ പുറത്തിറങ്ങി. ആശിർവാദ് സിനിമാസിന്റെ യൂട്യൂബ് ചാനലിലൂടെയാണ് ട്രെയിലർ Read more
മോഹൻലാൽ നായകനായ എമ്പുരാന്റെ ട്രെയിലർ റിലീസ് ചെയ്തു. മാർച്ച് 27ന് ചിത്രം തിയേറ്ററുകളിലെത്തും. Read more
ശബരിമലയിൽ മമ്മൂട്ടിയുടെ പേരിൽ മോഹൻലാൽ ഉഷപൂജ നടത്തി. ഭാര്യ സുചിത്രയുടെ പേരിലും മോഹൻലാൽ Read more
