Politics
ആഗോള അയ്യപ്പ സംഗമത്തിൽ പങ്കെടുക്കില്ലെന്ന് അഖില ഭാരത അയ്യപ്പ സേവാ സംഘം; ഹൈക്കോടതി വിശദീകരണം തേടി
തിരുവിതാംകൂർ ദേവസ്വം ബോർഡ് സംഘടിപ്പിക്കുന്ന ആഗോള അയ്യപ്പ സംഗമത്തിൽ പങ്കെടുക്കില്ലെന്ന് അഖില ഭാരത അയ്യപ്പ സേവാ സംഘം അറിയിച്ചു. ക്ഷണിച്ചാൽ പോലും പരിപാടിയിൽ പങ്കെടുക്കില്ലെന്നും സേവാസംഘം വ്യക്തമാക്കി. ആഗോള അയ്യപ്പ സംഗമം ചോദ്യം ചെയ്ത ഹർജിയിൽ ഹൈക്കോടതി സർക്കാരിനോടും ദേവസ്വം ബോർഡിനോടും വിശദീകരണം തേടിയിട്ടുണ്ട്.
ബീഡി-ബിഹാർ വിവാദം: വി.ടി. ബൽറാം സ്ഥാനമൊഴിയും; കോൺഗ്രസ് സോഷ്യൽ മീഡിയ വിങ് പുനഃസംഘടിപ്പിക്കും
വിവാദമായ ബീഡി-ബിഹാർ പരാമർശത്തെ തുടർന്ന് വി.ടി. ബൽറാം കോൺഗ്രസ് സോഷ്യൽ മീഡിയ വിങ് സ്ഥാനമൊഴിയും. കെ.പി.സി.സി സോഷ്യൽ മീഡിയ വിങ് പുനഃസംഘടിപ്പിക്കാൻ തീരുമാനിച്ചു. കോൺഗ്രസ് കേരളയുടെ എക്സിൽ വന്ന പോസ്റ്റ് പിൻവലിക്കുകയും ഖേദം പ്രകടിപ്പിക്കുകയും ചെയ്തു.
യൂത്ത് കോൺഗ്രസ് നേതാവിനെ മർദിച്ച സംഭവം; മുഖ്യമന്ത്രി ഈ നിമിഷം അവരെ പിരിച്ചുവിടണമെന്ന് ഷാഫി പറമ്പിൽ
കുന്നംകുളം പോലീസ് സ്റ്റേഷനിൽ യൂത്ത് കോൺഗ്രസ് നേതാവിനെ മർദിച്ച സംഭവത്തിൽ ഷാഫി പറമ്പിൽ എം.പി.യുടെ പ്രതികരണം. ആഭ്യന്തര വകുപ്പിന് തലവനുണ്ടെങ്കിൽ മുഖ്യമന്ത്രി ഈ നിമിഷം തന്നെ ആ ഉദ്യോഗസ്ഥരെ പിരിച്ചുവിടണമെന്ന് അദ്ദേഹം ആവശ്യപ്പെട്ടു. കോൺഗ്രസ് പ്രവർത്തകനോട് കാണിച്ച ക്രൂരതയെ സംരക്ഷിക്കാൻ ശ്രമിച്ചാൽ എല്ലാ കാലത്തും പിണറായി വിജയൻ മുഖ്യമന്ത്രിയായിരിക്കില്ലെന്നും ഷാഫി മുന്നറിയിപ്പ് നൽകി.
കൊല്ലം ജില്ലാ ആശുപത്രിയിൽ DYFIയുടെ ഉത്രാടസദ്യ
കൊല്ലം ജില്ലാ ആശുപത്രിയിൽ DYFIയുടെ നേതൃത്വത്തിൽ രോഗികൾക്കും കൂട്ടിരിപ്പുകാർക്കും ഉത്രാടസദ്യ നൽകി. DYFIയുടെ ഹൃദയപൂർവം പദ്ധതിയുടെ ഭാഗമായാണ് സദ്യ ഒരുക്കിയത്. എറണാകുളം മെഡിക്കൽ കോളേജിലും DYFI ഓണസദ്യ വിളമ്പി.
കുന്നംകുളത്ത് യൂത്ത് കോൺഗ്രസ് നേതാവിനെ മർദിച്ച സംഭവം; ശക്തമായ നടപടിയാവശ്യപ്പെട്ട് വി.എം.സുധീരൻ
യൂത്ത് കോൺഗ്രസ് നേതാവ് സുജിത്ത് വിഎസിനെ കുന്നംകുളം പൊലീസ് സ്റ്റേഷനിൽ മർദിച്ച സംഭവത്തിൽ ശക്തമായ നടപടി ആവശ്യപ്പെട്ട് വി.എം.സുധീരൻ മുഖ്യമന്ത്രിക്ക് കത്തയച്ചു. കേസിൽ ഉൾപ്പെട്ട ഉദ്യോഗസ്ഥർക്കെതിരെ മാതൃകാപരമായ നടപടി സ്വീകരിക്കണമെന്നും സുധീരൻ ആവശ്യപ്പെട്ടു. സുജിത്തിനെ മർദിച്ച എസ്.ഐ. നുഹ്മാൻ, സിവിൽ പൊലീസ് ഓഫീസർമാരായ ശശിന്ദ്രൻ, സന്ദീപ്, സജീവൻ എന്നിവർക്കെതിരെ നടപടി വേണമെന്നും കത്തിൽ പറയുന്നു.
കുന്നംകുളം പൊലീസ് മർദനം: നിയമസഭയിൽ ഉന്നയിക്കുമെന്ന് കുഞ്ഞാലിക്കുട്ടി; എല്ലാ പൊലീസുകാർക്കുമെതിരെ കേസെടുത്തില്ലെന്ന് സുജിത്ത്
കുന്നംകുളത്ത് യൂത്ത് കോൺഗ്രസ് നേതാവിനെ പൊലീസ് മർദിച്ച സംഭവം നിയമസഭയിൽ ഉന്നയിക്കുമെന്ന് കുഞ്ഞാലിക്കുട്ടി. തന്നെ മർദിച്ച എല്ലാ പൊലീസുകാർക്കുമെതിരെ കേസെടുത്തിട്ടില്ലെന്ന് സുജിത്ത് വി.എസ്. ആരോപിച്ചു. പരാതിയിൽ നിന്ന് പിന്മാറാൻ പൊലീസുകാർ പണം വാഗ്ദാനം ചെയ്തെന്നും സുജിത്ത് വെളിപ്പെടുത്തി.
പൊലീസ് സേനയിലെ ക്രിമിനലുകളെ നിയന്ത്രിക്കാൻ മുഖ്യമന്ത്രി തയ്യാറാകണം: കെ.സി. വേണുഗോപാൽ
യൂത്ത് കോൺഗ്രസ് നേതാവിനെ പൊലീസ് സ്റ്റേഷനിൽ മർദ്ദിച്ച സംഭവത്തിൽ ആഭ്യന്തര വകുപ്പ് ഭരിക്കുന്ന മുഖ്യമന്ത്രി മൗനം വെടിയണമെന്ന് എഐസിസി ജനറൽ സെക്രട്ടറി കെ.സി. വേണുഗോപാൽ എംപി ആവശ്യപ്പെട്ടു. കുറ്റക്കാരായ പൊലീസ് ഉദ്യോഗസ്ഥരെ സർവീസിൽ നിന്ന് പുറത്താക്കാൻ മുഖ്യമന്ത്രി തയ്യാറാകണമെന്നും അദ്ദേഹം കൂട്ടിച്ചേർത്തു. വീഴ്ച വരുത്തുന്ന പക്ഷം കോൺഗ്രസ് ശക്തമായ പ്രതിഷേധം സംഘടിപ്പിക്കുമെന്നും കെ.സി. വേണുഗോപാൽ മുന്നറിയിപ്പ് നൽകി.
യൂത്ത് കോൺഗ്രസ് അധ്യക്ഷനെ പ്രഖ്യാപിക്കാത്തതിൽ പ്രതിഷേധം; പരസ്യ പ്രതികരണവുമായി ജഷീർ പള്ളിവയൽ
യൂത്ത് കോൺഗ്രസ് സംസ്ഥാന അധ്യക്ഷനെ പ്രഖ്യാപിക്കാത്തതിൽ സംസ്ഥാന ജനറൽ സെക്രട്ടറി ജഷീർ പള്ളിവയലിന്റെ പരസ്യ പ്രതിഷേധം. കുന്നംകുളത്ത് യൂത്ത് കോൺഗ്രസ് നേതാവിനെ പോലീസ് മർദ്ദിച്ച സംഭവത്തിൽ വിമർശനം ഉന്നയിച്ചാണ് പ്രതികരണം. എത്രയും പെട്ടെന്ന് അധ്യക്ഷനെ പ്രഖ്യാപിക്കണമെന്നും അല്ലെങ്കിൽ സംഘടന പിരിച്ചുവിടണമെന്നും ആവശ്യം.
രാഹുലിനെ ആരും രക്ഷിക്കില്ല, കുറ്റം ചെയ്തവർ ശിക്ഷ അനുഭവിക്കണം: രാജ്മോഹൻ ഉണ്ണിത്താൻ
രാഹുൽ മാങ്കൂട്ടത്തിൽ വിഷയത്തിൽ പ്രതികരണവുമായി രാജ്മോഹൻ ഉണ്ണിത്താൻ എം.പി. കുറ്റം ചെയ്തവർ ശിക്ഷ അനുഭവിക്കണമെന്നും രാഹുലിനെ ആരും സംരക്ഷിക്കില്ലെന്നും അദ്ദേഹം വ്യക്തമാക്കി. ആഗോള അയ്യപ്പ സംഗമത്തെയും രാജ്മോഹൻ ഉണ്ണിത്താൻ വിമർശിച്ചു. ശബരിമലയിലെ ആചാരങ്ങളും അനുഷ്ഠാനങ്ങളും നിലനിൽക്കണം.
വി.എസ്സിന് ക്യാപിറ്റൽ പണിഷ്മെന്റ് നൽകണമെന്ന് സമ്മേളനത്തിൽ ആവശ്യമുയർന്നു: പിരപ്പൻകോട് മുരളിയുടെ വെളിപ്പെടുത്തൽ
സി.പി.ഐ.എം. സംസ്ഥാന സമ്മേളനത്തിൽ വി.എസ്. അച്യുതാനന്ദന് ക്യാപിറ്റൽ പണിഷ്മെന്റ് നൽകണമെന്ന് ഒരു യുവ നേതാവ് ആവശ്യപ്പെട്ടെന്ന വാദം ആവർത്തിച്ച് പിരപ്പൻകോട് മുരളി. വി.എസ്സിനെ പിന്നിൽ നിന്ന് കുത്തിയവരും ഒറ്റപ്പെടുത്തിയവരും ഇന്ന് അദ്ദേഹത്തിന്റെ രക്ഷകരായി ചമയുന്നുവെന്നും അദ്ദേഹം വിമർശിച്ചു. ‘വി.എസ്. കമ്മ്യൂണിസ്റ്റ് മനുഷ്യാവതാരം’ എന്ന പുസ്തകത്തിലാണ് ഈ വെളിപ്പെടുത്തലുകൾ നടത്തിയിരിക്കുന്നത്.
ആഗോള അയ്യപ്പ സംഗമത്തിലെ വിവാദങ്ങളിൽ ദേവസ്വം ബോർഡിന് അതൃപ്തി
ആഗോള അയ്യപ്പ സംഗമത്തിലെ വിവാദങ്ങളിൽ തിരുവിതാംകൂർ ദേവസ്വം ബോർഡ് അതൃപ്തി അറിയിച്ചു. സംഗമത്തെ മനഃപൂർവം വിവാദങ്ങളിലേക്ക് വലിച്ചിഴക്കാൻ ശ്രമം നടക്കുന്നുവെന്ന് ദേവസ്വം ബോർഡ് അംഗം അഡ്വ. അജികുമാർ ആരോപിച്ചു. ശബരിമലയെ ആഗോള തീർത്ഥാടന കേന്ദ്രമാക്കി മാറ്റുകയാണ് ലക്ഷ്യമെന്നും അദ്ദേഹം പറഞ്ഞു.
രാഹുൽ മാങ്കൂട്ടത്തിൽ രാജി വെക്കണം; ഖുശ്ബുവിന്റെ ആവശ്യം
രാഹുൽ മാങ്കൂട്ടത്തിൽ എംഎൽഎ സ്ഥാനം രാജി വെക്കാത്തതിനെതിരെ ബിജെപി തമിഴ്നാട് വൈസ് പ്രസിഡന്റ് ഖുശ്ബു രംഗത്ത്. രാഹുൽ മാങ്കൂട്ടത്തിലിനെ കോൺഗ്രസ്സ് പുറത്താക്കി എന്ന് പറയുന്നത് ജനങ്ങളെ പറ്റിക്കാനാണ്. സ്ത്രീകളോട് അതിക്രമം കാണിക്കുന്നവർ പൊതു പദവിയിൽ ഇരിക്കരുതെന്നും ഖുശ്ബു പറഞ്ഞു.