National
കത്വയിലെ ഏറ്റുമുട്ടൽ: നാല് സുരക്ഷാ ഉദ്യോഗസ്ഥർ വീരമൃത്യു
ജമ്മു കശ്മീരിലെ കത്വയിൽ നടന്ന ഏറ്റുമുട്ടലിൽ നാല് സുരക്ഷാ ഉദ്യോഗസ്ഥർ വീരമൃത്യു വരിച്ചു. ഏറ്റുമുട്ടലിൽ മൂന്ന് ഭീകരരെയും സുരക്ഷാ സേന വധിച്ചു. കഴിഞ്ഞ ഞായറാഴ്ച കത്വയിലെ വനമേഖലയിൽ ഭീകരസാന്നിധ്യം തിരിച്ചറിഞ്ഞതിനെ തുടർന്നാണ് സംഘർഷം ആരംഭിച്ചത്.
ബലൂൺ പൊട്ടി എട്ടുവയസ്സുകാരിക്ക് ദാരുണാന്ത്യം
മഹാരാഷ്ട്രയിലെ യശ്വന്ത് നഗറിൽ എട്ടു വയസ്സുകാരി ബലൂൺ വീർപ്പിക്കുന്നതിനിടെ ദാരുണമായി മരിച്ചു. ഡിംപിൾ വാങ്കെഡെ എന്ന കുട്ടിയാണ് മരിച്ചത്. ബലൂൺ പൊട്ടി ശ്വാസനാളത്തിൽ കുടുങ്ങിയതാണ് മരണകാരണം.
കനയ്യ കുമാറിന്റെ ക്ഷേത്ര സന്ദർശനം: ശുദ്ധീകരണ ചടങ്ങ് വിവാദമായി
ബിഹാറിലെ ക്ഷേത്രത്തിൽ കനയ്യ കുമാർ സന്ദർശനം നടത്തിയതിനു ശേഷം ശുദ്ധീകരണ ചടങ്ങുകൾ നടത്തിയത് വിവാദമായി. കോൺഗ്രസ് വിമർശനവുമായി രംഗത്തെത്തി. ബിജെപി ആരോപണങ്ങൾ നിഷേധിച്ചു.
ഗാസിയാബാദിലെ ഫാക്ടറിയിൽ ബോയിലർ പൊട്ടിത്തെറി: മൂന്ന് തൊഴിലാളികൾ മരിച്ചു
ഗാസിയാബാദിലെ മോഡിനഗർ പ്രദേശത്തുള്ള ഒരു റോളർ ഫാക്ടറിയിൽ ബോയിലർ പൊട്ടിത്തെറിയിൽ മൂന്ന് തൊഴിലാളികൾ മരിച്ചു. 2025 മാർച്ച് 28ന് പുലർച്ചെയാണ് ദാരുണ സംഭവം നടന്നത്. അപകടത്തിൽ മൂന്ന് തൊഴിലാളികൾ സംഭവസ്ഥലത്ത് തന്നെ മരിച്ചു.
ഇമിഗ്രേഷൻ ആൻഡ് ഫോറിനേഴ്സ് ബിൽ 2025 ലോക്സഭ പാസാക്കി
അനധികൃത കുടിയേറ്റം നിയന്ത്രിക്കുന്നതിനുള്ള ഇമിഗ്രേഷൻ ആൻഡ് ഫോറിനേഴ്സ് ബിൽ 2025 ലോക്സഭ പാസാക്കി. രാജ്യസുരക്ഷയെ ബാധിക്കുന്ന വിഷയങ്ങളിൽ വിട്ടുവീഴ്ചയില്ലെന്ന് ആഭ്യന്തര മന്ത്രി അമിത് ഷാ വ്യക്തമാക്കി. ബംഗ്ലാദേശ് അതിർത്തിയിൽ വേലി നിർമ്മിക്കാൻ സ്ഥലം വിട്ടുനൽകാത്ത ബംഗാൾ സർക്കാരിനെതിരെ അമിത് ഷാ രൂക്ഷ വിമർശനം ഉന്നയിച്ചു.
കൊച്ചിയുടെ മാതൃകയിൽ മുംബൈയിലും വാട്ടർ മെട്രോ; 2026ഓടെ സർവ്വീസ് ആരംഭിക്കും
കൊച്ചി വാട്ടർ മെട്രോയുടെ മാതൃകയിൽ മുംബൈയിലും വാട്ടർ മെട്രോ പദ്ധതി യാഥാർത്ഥ്യമാകുന്നു. 2026 ആദ്യത്തോടെ മുംബൈ മെട്രോപൊളിറ്റൻ മേഖലയിൽ പദ്ധതി ആരംഭിക്കാൻ ലക്ഷ്യമിടുന്നു. കൊച്ചി വാട്ടർ മെട്രോ അതോറിറ്റിയാണ് ഡിപിആർ തയ്യാറാക്കുക.
വിദേശ വാഹനങ്ങൾക്ക് 25% തീരുവ ഏർപ്പെടുത്തി ട്രംപ്
അമേരിക്കയിലേക്ക് ഇറക്കുമതി ചെയ്യുന്ന എല്ലാ വിദേശ വാഹനങ്ങൾക്കും 25% തീരുവ ഏർപ്പെടുത്തുമെന്ന് പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചു. ഏപ്രിൽ രണ്ട് മുതൽ ഉത്തരവ് പ്രാബല്യത്തിൽ വരും. യുഎസ് വ്യാവസായിക മേഖലയെ പുനരുജ്ജീവിപ്പിക്കുന്നതിനും വരുമാനം ഉണ്ടാക്കുന്നതിനുമാണ് ഈ നടപടി.
ഷമിയുടെ സഹോദരിയും ഭർത്താവും തൊഴിലുറപ്പ് പദ്ധതിയിൽ
ഇന്ത്യൻ ക്രിക്കറ്റ് താരം മുഹമ്മദ് ഷമിയുടെ സഹോദരിയും ഭർത്താവും മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ രജിസ്റ്റർ ചെയ്ത് വേതനം സ്വീകരിക്കുന്നതായി റിപ്പോർട്ട്. ഉത്തർപ്രദേശിലെ അമ്രോഹയിലാണ് ഇവർ രജിസ്റ്റർ ചെയ്തിരിക്കുന്നത്. 2021 മുതൽ 2024 വരെ പണം സ്വീകരിച്ചിട്ടുണ്ടെന്നും റിപ്പോർട്ടിൽ പറയുന്നു.
പാമ്പൻ റെയിൽ പാലം ഉദ്ഘാടനം ഏപ്രിൽ 6ന്; പ്രധാനമന്ത്രി നരേന്ദ്ര മോദി നിർവഹിക്കും
ഏപ്രിൽ 6ന് പാമ്പൻ റെയിൽ പാലം പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യും. 535 കോടി രൂപ ചെലവിൽ നിർമ്മിച്ച പാലം ഇന്ത്യയിലെ ആദ്യത്തെ വെർട്ടിക്കൽ ലിഫ്റ്റ് കടൽപ്പാലമാണ്. ശ്രീലങ്ക സന്ദർശനത്തിന് ശേഷം മടങ്ങിയെത്തുന്ന പ്രധാനമന്ത്രി രാമേശ്വരം രാമസ്വാമി ക്ഷേത്രത്തിലും സന്ദർശനം നടത്തും.
വിവാഹിതയായ സ്ത്രീയുടെ ഫോട്ടോ ഷെയർ ചെയ്തതിന് ഫോട്ടോഗ്രാഫറെ കൊലപ്പെടുത്തി
ഉത്തർപ്രദേശിൽ വിവാഹിതയായ സ്ത്രീയുടെ ഫോട്ടോ ഇൻസ്റ്റാഗ്രാമിൽ പങ്കുവെച്ചതിന് ഫോട്ടോഗ്രാഫറെ ക്രൂരമായി കൊലപ്പെടുത്തി. സ്ത്രീയുടെ സഹോദരനും ബന്ധുവും ചേർന്നാണ് കൊലപാതകം നടത്തിയത്. പ്രതികളെ അറസ്റ്റ് ചെയ്തിട്ടുണ്ട്.
ഇന്ത്യ-ചൈന അതിർത്തി ചർച്ച: നയതന്ത്ര ബന്ധം ശക്തിപ്പെടുത്താൻ ധാരണ
അതിർത്തി സഹകരണം, കൈലാസ്-മാനസരോവർ തീർത്ഥാടനം തുടങ്ങിയ വിഷയങ്ങളിൽ ഇന്ത്യയും ചൈനയും ചർച്ച നടത്തി. ബന്ധം പുനഃസ്ഥാപിക്കാനുള്ള ശ്രമങ്ങളുടെ ഭാഗമായി ബെയ്ജിംഗിൽ വെച്ച് നടന്ന യോഗത്തിൽ നയതന്ത്ര സൈനിക സംവിധാനങ്ങൾ ശക്തിപ്പെടുത്തുന്നതിന് ധാരണയായി. ഈ വർഷം പ്രത്യേക പ്രതിനിധികളായ അജിത്ത് ഡോവലും വാങ് യിയും തമ്മിൽ നിർണായക ചർച്ച നടത്താനും ധാരണയായി.
സോനു നിഗമിന് നേരെ കല്ലേറ്; ഡി.ടി.യുവിലെ പരിപാടി പാതിവഴിയിൽ അവസാനിപ്പിച്ചു
ഡൽഹി ടെക്നോളജിക്കൽ യൂണിവേഴ്സിറ്റിയിൽ നടന്ന പരിപാടിക്കിടെ ഗായകൻ സോനു നിഗമിന് നേരെ കാണികൾ കല്ലേറ്. കല്ലേറിൽ സോനു നിഗത്തിന്റെ ടീമംഗത്തിന് പരിക്കേറ്റു. സംഭവത്തെത്തുടർന്ന് പരിപാടി പാതിവഴിയിൽ അവസാനിപ്പിച്ചു.