Kerala News
Kerala News
ഡിജിറ്റൽ തട്ടിപ്പ്: ദമ്പതികളിൽ നിന്ന് തട്ടിയെടുത്ത 50 ലക്ഷം രൂപ തിരികെ പിടിച്ച് കാസർഗോഡ് സൈബർ പോലീസ്
കാഞ്ഞങ്ങാട് സ്വദേശികളായ ദമ്പതികളിൽ നിന്ന് ഡിജിറ്റൽ അറസ്റ്റ് എന്ന സൈബർ തട്ടിപ്പിലൂടെ തട്ടിയെടുത്ത 2 കോടി 40 ലക്ഷം രൂപയിൽ നിന്ന് 50 ലക്ഷം രൂപ കാസർഗോഡ് സൈബർ പോലീസ് തിരിച്ചുപിടിച്ചു. തട്ടിപ്പ് മനസ്സിലാക്കിയ ഉടൻ തന്നെ 1930 എന്ന സൈബർ ക്രൈം പോർട്ടലിൽ വിളിച്ച് പരാതി അറിയിക്കുകയും കാസർഗോഡ് സൈബർ പോലീസിന്റെ സഹായം തേടുകയും ചെയ്തു. ജില്ലാ പോലീസ് മേധാവി ബി വി വിജയ ഭരത് റെഡ്ഡി ഐപിഎസിന്റെ നിർദ്ദേശപ്രകാരം കാസർഗോഡ് സൈബർ പൊലീസ് സ്റ്റേഷൻ എസ് എച്ച് ഒ വിപിൻ യു പിയുടെ മേൽനോട്ടത്തിലാണ് അന്വേഷണം നടന്നത്.
ഷാഫി പറമ്പിലിനെ പരിഹസിച്ച് വി വസീഫ്; ‘തോർത്തുമായി ഫോറൻസിക്കിലേക്ക് പോകേണ്ടി വരുമെന്ന്’
പേരാമ്പ്രയിൽ യുഡിഎഫ്-സിപിഐഎം പ്രതിഷേധ പ്രകടനങ്ങൾക്കിടെ പോലീസ് ലാത്തിച്ചാർജിൽ പരിക്കേറ്റ ഷാഫി പറമ്പിൽ എം.എൽ.എയെ അടിയന്തര ശസ്ത്രക്രിയക്ക് വിധേയനാക്കിയതിനു പിന്നാലെ, ഡിവൈഎഫ്ഐ സംസ്ഥാന പ്രസിഡന്റ് വി. വസീഫ് അദ്ദേഹത്തെ പരിഹസിച്ച് രംഗത്തെത്തി. ഷാഫി മൂക്കുമായി ആശുപത്രിയിലേക്ക് പോവുകയല്ല, തോർത്തുമായി ഫോറൻസിക്കിലേക്കാണ് പോകേണ്ടതെന്ന് വസീഫ് പരിഹസിച്ചു. വയനാട് ഫണ്ടിലും രാഹുൽ മാങ്കൂട്ടത്തിൽ വിഷയങ്ങളിലും ഷാഫി പ്രതിസന്ധിയിലായ സമയത്ത് ഇമേജ് ബിൽഡിങ്ങിനുള്ള ശ്രമമാണ് പേരാമ്പ്രയിൽ കണ്ടതെന്നും വി. വസീഫ് ആരോപിച്ചു.
ഷാഫി പറമ്പിലിന്റെ ആരോഗ്യനിലയിൽ പുരോഗതി; സംസ്ഥാനത്ത് കോൺഗ്രസ് പ്രതിഷേധം ശക്തം
ഷാഫി പറമ്പിൽ എം.പി.യുടെ മൂക്കിന്റെ ഇരുവശത്തെയും എല്ലുകൾക്ക് പൊട്ടലുണ്ട്. അദ്ദേഹത്തെ ഐ.സി.യുവിൽ പ്രവേശിപ്പിച്ച് നിരീക്ഷിച്ചു വരികയാണ്. ഷാഫി പറമ്പിലിനെതിരായ പൊലീസ് നടപടിയിൽ പ്രതിഷേധിച്ച് സംസ്ഥാന വ്യാപകമായി കോൺഗ്രസ് പ്രതിഷേധം ശക്തമാക്കിയിട്ടുണ്ട്.
മുഖ്യമന്ത്രിക്കെതിരെ എറണാകുളത്ത് യൂത്ത് കോൺഗ്രസ് പ്രതിഷേധം; പ്രവർത്തകർ അറസ്റ്റിൽ
ഷാഫി പറമ്പിലിനെതിരായ പോലീസ് നടപടിയിൽ പ്രതിഷേധിച്ച് എറണാകുളത്ത് യൂത്ത് കോൺഗ്രസ് മുഖ്യമന്ത്രി പിണറായി വിജയനെതിരെ പ്രതിഷേധം നടത്തി. വാട്ടർ മെട്രോയുടെ ഉദ്ഘാടനം കഴിഞ്ഞു മടങ്ങുകയായിരുന്ന മുഖ്യമന്ത്രിക്ക് നേരെയായിരുന്നു പ്രതിഷേധം. പ്രതിഷേധവുമായി എത്തിയ മൂന്ന് യൂത്ത് കോൺഗ്രസ് പ്രവർത്തകരെ പോലീസ് അറസ്റ്റ് ചെയ്തു നീക്കി.
ഷാഫി പറമ്പിലിനെ പ്രിയങ്ക ഗാന്ധി ഫോണിൽ വിളിച്ചു; ആരോഗ്യവിവരങ്ങൾ ആരാഞ്ഞു
പേരാമ്പ്രയിലെ സംഘർഷത്തിൽ പരിക്കേറ്റ ഷാഫി പറമ്പിൽ എം.പി.യെ പ്രിയങ്ക ഗാന്ധി എം.പി. ഫോണിൽ വിളിച്ചു. അദ്ദേഹത്തിന്റെ ആരോഗ്യനിലയിൽ പുരോഗതിയുണ്ടെന്നും ഇന്ന് വാർഡിലേക്ക് മാറ്റുമെന്നും ആശുപത്രി അധികൃതർ അറിയിച്ചു. അതേസമയം, ഷാഫി പറമ്പിലിന് നേരെ പോലീസ് ലാത്തിച്ചാർജ് നടത്തിയിട്ടില്ലെന്ന എസ്.പി.യുടെ വാദം തെറ്റാണെന്ന് തെളിയിക്കുന്ന ദൃശ്യങ്ങൾ പുറത്തുവന്നിട്ടുണ്ട്.
ഷാഫി പറമ്പിലിന്റേത് ഷോ; പൊലീസ് മർദിക്കുമെന്ന് ആരും വിശ്വസിക്കില്ലെന്ന് വി കെ സനോജ്
ഷാഫി പറമ്പിലിനെ പൊലീസ് മർദിക്കുമെന്നാരും വിശ്വസിക്കില്ലെന്നും ഇതെല്ലാം അദ്ദേഹത്തിന്റെ ഷോയാണെന്നും ഡിവൈഎഫ്ഐ സംസ്ഥാന സെക്രട്ടറി വി കെ സനോജ്. കോൺഗ്രസ് അകപ്പെട്ടിട്ടുള്ള പ്രതിസന്ധിയിൽ നിന്നും രക്ഷിക്കാനുള്ള ശ്രമമാണ് ഷാഫി നടത്തുന്നതെന്നും അദ്ദേഹം കൂട്ടിച്ചേർത്തു. വയനാട് ദുരിതബാധിതരെ മുൻനിർത്തി പിരിച്ച പണം ഏത് വഴിക്ക് പോയെന്ന് വ്യക്തമാക്കണമെന്നും വി കെ സനോജ് ആവശ്യപ്പെട്ടു.
കാരുണ്യ KR-723 ലോട്ടറി ഫലം ഇന്ന്: ഒന്നാം സമ്മാനം ഒരു കോടി രൂപ
കേരള സംസ്ഥാന ഭാഗ്യക്കുറി വകുപ്പിന്റെ കാരുണ്യ KR-723 ലോട്ടറിയുടെ ഫലം ഇന്ന് പ്രഖ്യാപിക്കും. എല്ലാ ശനിയാഴ്ചകളിലും ഉച്ചയ്ക്ക് 3 മണിക്കാണ് നറുക്കെടുപ്പ് നടക്കുന്നത്. ഒന്നാം സമ്മാനം ഒരു കോടി രൂപയാണ്.
ഷാഫി പറമ്പിലിന് പരുക്കേറ്റ സംഭവം: ഇന്ന് കോൺഗ്രസ് പ്രതിഷേധ ദിനം; സംസ്ഥാന വ്യാപകമായി പ്രകടനങ്ങൾ
ഷാഫി പറമ്പിലിന് പരുക്കേറ്റ സംഭവത്തിൽ കോൺഗ്രസ് ഇന്ന് പ്രതിഷേധ ദിനം ആചരിക്കുന്നു. ഇതിന്റെ ഭാഗമായി ബ്ലോക്ക് തലങ്ങളിൽ പ്രതിഷേധം സംഘടിപ്പിക്കാൻ കെപിസിസി ആഹ്വാനം ചെയ്തിട്ടുണ്ട്. പരുക്കേറ്റ ഷാഫി പറമ്പിൽ എം.പി കോഴിക്കോട് ബേബി മെമ്മോറിയൽ ആശുപത്രിയിൽ ചികിത്സയിൽ തുടരുകയാണ്. മുഖ്യമന്ത്രി പിണറായി വിജയൻ ഇന്ന് ജില്ലയിലെത്തുന്ന സാഹചര്യത്തിൽ പ്രതിഷേധം ശക്തമാക്കാനാണ് കോൺഗ്രസിന്റെയും യൂത്ത് കോൺഗ്രസിന്റെയും തീരുമാനം.
പേരാമ്പ്രയിൽ യുഡിഎഫ്-എൽഡിഎഫ് സംഘർഷം; ഷാഫി പറമ്പിലിന് പരിക്ക്
പേരാമ്പ്രയിൽ യുഡിഎഫ്-എൽഡിഎഫ് സംഘർഷം ഉടലെടുത്തു. ഈ സംഘർഷത്തിൽ ഷാഫി പറമ്പിൽ എം.പിക്ക് പരിക്കേറ്റു. തുടർന്ന് പോലീസ് ലാത്തിച്ചാർജ് നടത്തുകയും കണ്ണീർവാതകം പ്രയോഗിക്കുകയും ചെയ്തു.
തിരുവനന്തപുരം ഇക്ബാൽ കോളേജിൽ എസ്എഫ്ഐ-കെഎസ്യു സംഘർഷം; ലാത്തിച്ചാർജിൽ നിരവധി വിദ്യാർത്ഥികൾക്ക് പരിക്ക്
തിരുവനന്തപുരം പെരിങ്ങമ്മല ഇക്ബാൽ കോളേജിൽ യൂണിയൻ തിരഞ്ഞെടുപ്പ് ഫലപ്രഖ്യാപനത്തിന് മുന്നോടിയായി എസ്.എഫ്.ഐ-കെ.എസ്.യു വിദ്യാർഥികൾ തമ്മിൽ സംഘർഷമുണ്ടായി. കെ.എസ്.യുവിന്റെ വിജയാഹ്ലാദത്തിനിടെ പ്രകോപനപരമായ മുദ്രാവാക്യം വിളികളുണ്ടായതാണ് സംഘർഷത്തിന് കാരണം. പോലീസ് ലാത്തിച്ചാർജ്ജ് നടത്തി സ്ഥിതിഗതികൾ നിയന്ത്രിച്ചു.
ശബരിമലയിലെ തീവെട്ടിക്കൊള്ള: പിണറായിക്കെതിരെ കെ.സി. വേണുഗോപാൽ
കോൺഗ്രസിൻ്റെ വിശ്വാസ സംഗമം കെ.സി. വേണുഗോപാൽ ശരണം വിളിയോടെ ഉദ്ഘാടനം ചെയ്തു. ശബരിമലയിൽ നടന്നത് തീവെട്ടിക്കൊള്ളയാണെന്നും ഈങ്ക്വിലാബ് വിളിക്കും പോലെ ശരണം വിളിക്കുന്നവരിൽ നിന്നും കൂടുതൽ പ്രതീക്ഷിക്കാനില്ലെന്നും അദ്ദേഹം വിമർശിച്ചു. പിണറായി വിജയൻ ദൈവങ്ങളോട് കളിച്ചാൽ അത് അവസാന കളിയായിരിക്കുമെന്നും അയ്യപ്പന്റെ സ്വത്തിൽ കണ്ണ് വെച്ചതിൻ്റെ പരിണിതഫലങ്ങളാണ് ഇപ്പോഴത്തേതെന്നും വേണുഗോപാൽ കൂട്ടിച്ചേർത്തു.
സംസ്ഥാന ചലച്ചിത്ര പുരസ്കാരം: 128 സിനിമകൾ മത്സര രംഗത്ത്
2024-ലെ സംസ്ഥാന ചലച്ചിത്ര പുരസ്കാരത്തിനുള്ള 128 സിനിമകൾ നിർണയ കമ്മിറ്റിക്ക് ലഭിച്ചു. മോഹൻലാലും ജോജു ജോർജും ഇത്തവണ നവാഗത സംവിധായകരായി മത്സര രംഗത്തുണ്ട്. പ്രകാശ് രാജ് അധ്യക്ഷനായ അന്തിമ ജൂറിയാണ് വിജയികളെ കണ്ടെത്തുന്നത്.