Kerala News
Kerala News
കോട്ടയത്ത് ഭാര്യയെയും അമ്മായിയമ്മയെയും യുവാവ് വെട്ടിക്കൊന്നു; പ്രതി കസ്റ്റഡിയിൽ
കോട്ടയം മറവൻതുരുത്തിൽ യുവാവ് ഭാര്യയെയും ഭാര്യയുടെ അമ്മയെയും വെട്ടിക്കൊന്നു. കുടുംബ പ്രശ്നങ്ങളാണ് കൊലപാതകത്തിന് കാരണമെന്ന് പൊലീസ്. പ്രതിയെ പൊലീസ് കസ്റ്റഡിയിലെടുത്തു.
തൃശ്ശിവപേരൂർ എക്സ്പ്രസ് എക്സിക്യൂട്ടീവ് ഡയറക്ടർ ജോജു തേയ്ക്കാനത്ത് അന്തരിച്ചു
സാമൂഹ്യ, സാംസ്കാരിക, രാഷ്ട്രീയ, വ്യാപാര രംഗങ്ങളിൽ സജീവമായിരുന്ന ജോജു തേയ്ക്കാനത്ത് (61) അന്തരിച്ചു. തൃശൂരിലെ സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. തൃശ്ശിവപേരൂർ എക്സ്പ്രസ് സായാഹ്ന പത്രത്തിന്റെ എക്സിക്യൂട്ടീവ് ഡയറക്ടറായിരുന്നു അദ്ദേഹം.
ഉത്തർപ്രദേശിൽ എസി വെള്ളം ‘അമൃത്’ എന്ന് കരുതി കുടിച്ച തീർഥാടകർ
ഉത്തർപ്രദേശിലെ ബങ്കേ ബിഹാരി ക്ഷേത്രത്തിൽ എസി വെള്ളം 'അമൃത്' എന്ന് തെറ്റിദ്ധരിച്ച് തീർഥാടകർ കുടിച്ചു. നൂറുകണക്കിന് ആളുകൾ ഈ വെള്ളം കുടിച്ചതായി റിപ്പോർട്ട്. സംഭവം സോഷ്യൽ മീഡിയയിൽ വ്യാപകമായി പ്രചരിച്ചതോടെ വിമർശനങ്ങൾ ഉയർന്നു.
മാവേലിക്കരയിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച സംഘപരിവാർ പ്രവർത്തകൻ അറസ്റ്റിൽ
മാവേലിക്കരയിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച സംഭവത്തിൽ സംഘപരിവാർ പ്രവർത്തകൻ അറസ്റ്റിലായി. ചെറിയനാട് സ്വദേശി വിഷ്ണു എന്ന സഞ്ജുവാണ് (39) പിടിയിലായത്. പെൺകുട്ടിയുടെ പരാതിയുടെ അടിസ്ഥാനത്തിൽ ചെങ്ങന്നൂർ പൊലീസാണ് അറസ്റ്റ് രേഖപ്പെടുത്തിയത്.
കെഎസ്ആർടിസി യാത്രക്കാർക്കായി അംഗീകൃത ഭക്ഷണശാലകളുടെ പട്ടിക പുറത്തിറക്കി
കെഎസ്ആർടിസി യാത്രക്കാർക്കായി അംഗീകൃത ഹോട്ടലുകളുടെ പട്ടിക പ്രസിദ്ധീകരിച്ചു. ഗതാഗത മന്ത്രിയുടെ നിർദേശപ്രകാരം 24 ഹോട്ടലുകളിൽ ഭക്ഷണത്തിനായി വാഹനം നിർത്താൻ അനുമതി നൽകി. ഭക്ഷണത്തിന്റെ ഗുണനിലവാരം, വില, സൗകര്യങ്ങൾ എന്നിവ പരിഗണിച്ചാണ് പട്ടിക തയ്യാറാക്കിയത്.
വടകരയിൽ 14 കടകളിൽ മോഷണം; സിസിടിവി ദൃശ്യങ്ങൾ പുറത്ത്
കോഴിക്കോട് വടകരയിൽ 14 കടകളിൽ രാത്രി മോഷണം നടന്നു. പൂട്ട് പൊളിച്ചാണ് മോഷ്ടാവ് കടന്നത്. മോഷ്ടാവിന്റെ സിസിടിവി ദൃശ്യങ്ങൾ പുറത്തുവന്നു. പോലീസ് അന്വേഷണം ആരംഭിച്ചു.
ചേർത്തലയിൽ ക്രിമിനൽ സംഘങ്ങൾ ഏറ്റുമുട്ടി; ആറ് പേർക്ക് പരിക്ക്
ചേർത്തല വാരനാട് ക്രിമിനൽ സംഘങ്ങൾ തമ്മിൽ ഏറ്റുമുട്ടി. ആറ് പേർക്ക് പരിക്കേറ്റു. ആർഎസ്എസ്-ബിജെപി പ്രവർത്തകർ ഉൾപ്പെട്ടിരിക്കാമെന്ന് സൂചന.
നെയ്യാറ്റിൻകര ജനറൽ ആശുപത്രിയിൽ വെള്ളം കയറി; ഓപ്പറേഷൻ തീയറ്റർ പ്രവർത്തനം തടസ്സപ്പെട്ടു
തിരുവനന്തപുരം നെയ്യാറ്റിൻകര ജനറൽ ആശുപത്രിയിൽ കനത്ത മഴയെ തുടർന്ന് വെള്ളം കയറി. ഓപ്പറേഷൻ തീയറ്ററിലും വെയ്റ്റിംഗ് ഏരിയയിലും വെള്ളം കയറിയതിനാൽ പ്രവർത്തനം തടസ്സപ്പെട്ടു. ഓപ്പറേഷൻ തിയേറ്റർ പ്രവർത്തന സജ്ജമാകാൻ ദിവസങ്ങളെടുക്കുമെന്ന് അധികൃതർ അറിയിച്ചു.
മോഷണക്കുറ്റം ആരോപിച്ച് കുട്ടിയെ ക്രൂരമായി പീഡിപ്പിച്ചു; മൂന്നു പേര് അറസ്റ്റില്
മധ്യപ്രദേശിലെ മോഹ്ഗാവില് പ്രായപൂര്ത്തിയാകാത്ത കുട്ടിയെ മോഷണക്കുറ്റം ആരോപിച്ച് ക്രൂരമായി പീഡിപ്പിച്ചു. കുട്ടിയെ കനല്നിറഞ്ഞ കല്ക്കരിക്ക് മുകളില് തലകീഴായി കെട്ടിതൂക്കി. സംഭവത്തില് മൂന്നു പേരെ പൊലീസ് അറസ്റ്റ് ചെയ്തു.
കേരളത്തിൽ ശക്തമായ മഴയ്ക്ക് സാധ്യത; 9 ജില്ലകളിൽ മുന്നറിയിപ്പ്
കേരളത്തിൽ ഇന്ന് വ്യാപകമായി ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നൽകി. തിരുവനന്തപുരത്ത് ഓറഞ്ച് അലർട്ടും മറ്റ് 8 ജില്ലകളിൽ യെല്ലോ അലർട്ടും പ്രഖ്യാപിച്ചു. അടുത്ത 5 ദിവസം ഇടിമിന്നലോടു കൂടിയ നേരിയ ഇടത്തരം മഴയ്ക്ക് സാധ്യതയുണ്ട്.
തൃശൂർ പൂരം കലക്കം: തിരുവമ്പാടി ദേവസ്വം ഭാരവാഹികളെ അന്വേഷണസംഘം ചോദ്യം ചെയ്തു
തൃശൂർ പൂരം കലങ്ങിയതിനെ കുറിച്ചുള്ള സർക്കാർ പ്രഖ്യാപിച്ച ത്രിതല അന്വേഷണത്തിന്റെ ഭാഗമായി തിരുവമ്പാടി ദേവസ്വത്തിന്റെ ഭാരവാഹികളെ അന്വേഷണസംഘം ചോദ്യം ചെയ്തു. പൂരം നിർത്തിവെക്കേണ്ട സാഹചര്യമെന്തായിരുന്നു എന്നതാണ് ആദ്യഘട്ട ചോദ്യം ചെയ്യലിൽ ആരാഞ്ഞത്. സുരേഷ് ഗോപിയുടെ ആംബുലൻസ് യാത്രയും ദേവസ്വം ഭാരവാഹികൾ സുരേഷ് ഗോപിയെ ബന്ധപ്പെട്ടിരുന്നോയെന്ന കാര്യവും അന്വേഷണസംഘം പ്രാഥമികമായി ആരാഞ്ഞു.
ഓൺലൈൻ തട്ടിപ്പുകൾ തടയാൻ ‘സൈബർ വാൾ’ ആപ്പുമായി കേരള പൊലീസ്
കേരള പൊലീസ് ഓൺലൈൻ തട്ടിപ്പുകൾ തടയാൻ 'സൈബർ വാൾ' എന്ന പ്രത്യേക ആപ്പ് വികസിപ്പിക്കുന്നു. ഒരു വർഷത്തിനുള്ളിൽ ആപ്പ് പൊതുജനങ്ങൾക്ക് ലഭ്യമാക്കും. ഫോൺ നമ്പറുകൾ, വെബ്സൈറ്റുകൾ എന്നിവയുടെ ആധികാരികത പരിശോധിക്കാൻ ആപ്പ് സഹായിക്കും.