Kerala News
Kerala News
ഐഎസ്എസിലേക്ക് ആദ്യ ഇന്ത്യൻ യാത്രികൻ; ശുഭാൻഷു ശുക്ലയുടെ ചരിത്ര ദൗത്യം മെയ് 29ന്
ഇന്ത്യൻ വ്യോമസേനയിലെ ഗ്രൂപ്പ് ക്യാപ്റ്റൻ ശുഭാൻഷു ശുക്ല അന്താരാഷ്ട്ര ബഹിരാകാശ നിലയത്തിലേക്ക് പോകുന്നു. ആക്സിയോം-4 ദൗത്യത്തിന്റെ ഭാഗമായാണ് ശുക്ലയുടെ യാത്ര. മെയ് 29ന് ഫ്ലോറിഡയിലെ കെന്നഡി സ്പേസ് സെന്ററിൽ നിന്നാണ് വിക്ഷേപണം.
വിഴിഞ്ഞം ഉദ്ഘാടനത്തിന് വി.ഡി. സതീശൻ പോകില്ല; യുഡിഎഫ് യോഗം ചേരും
വിഴിഞ്ഞം തുറമുഖ ഉദ്ഘാടന ചടങ്ങിൽ പ്രതിപക്ഷ നേതാവ് വി.ഡി. സതീശൻ പങ്കെടുക്കില്ല. മെയ് രണ്ടിന് കോഴിക്കോട് ചേരുന്ന യുഡിഎഫ് യോഗത്തിൽ പങ്കെടുക്കുന്നതിനാലാണ് അദ്ദേഹം ചടങ്ങിൽ നിന്ന് വിട്ടുനിൽക്കുന്നത്. യുഡിഎഫ് കൺവീനർ എം.എം. ഹസ്സനാണ് ഈ വിവരം അറിയിച്ചത്.
എച്ച് വെങ്കിടേഷിന് ക്രമസമാധാന ചുമതല
എഡിജിപി എച്ച് വെങ്കിടേഷിനാണ് സംസ്ഥാനത്തിന്റെ പുതിയ ക്രമസമാധാന ചുമതല. മനോജ് എബ്രഹാം ഒഴിയുന്ന സ്ഥാനത്തേക്കാണ് നിയമനം. മെയ് ഒന്നിന് മനോജ് എബ്രഹാം ഫയർഫോഴ്സ് മേധാവിയായി ചുമതലയേൽക്കും.
പ്രധാനമന്ത്രിയുടെ സന്ദർശനത്തിന് മുന്നോടിയായി തിരുവനന്തപുരം വിമാനത്താവളത്തിൽ ബോംബ് ഭീഷണി
തിരുവനന്തപുരം അന്താരാഷ്ട്ര വിമാനത്താവളത്തിൽ ബോംബ് ഭീഷണി ലഭിച്ചു. 24 മണിക്കൂറിനുള്ളിൽ സ്ഫോടനം നടത്തുമെന്നായിരുന്നു ഭീഷണി സന്ദേശം. ഹിസ്ബുൾ മുജാഹിദീൻ എന്ന സംഘടനയാണ് സ്ഫോടനത്തിന്റെ ഉത്തരവാദിത്വം ഏറ്റെടുത്തത്.
കൊൽക്കത്തയിലെ ഹോട്ടൽ തീപിടുത്തം: 14 മരണം
കൊൽക്കത്തയിലെ സ്വകാര്യ ഹോട്ടലിൽ ഉണ്ടായ തീപിടുത്തത്തിൽ 14 പേർ മരിച്ചു. റിതുരാജ് ഹോട്ടലിലാണ് ദുരന്തം നടന്നത്. ഷോർട് സർക്യൂട്ടാണ് കാരണമെന്നാണ് പ്രാഥമിക നിഗമനം.
അഭിഭാഷകയുടെയും മക്കളുടെയും ആത്മഹത്യ: ഭർത്താവും ഭർതൃപിതാവും കസ്റ്റഡിയിൽ
ഏറ്റുമാനൂർ സ്വദേശിനിയായ അഭിഭാഷക ജിസ്മോളും രണ്ട് മക്കളും മീനച്ചിലാറ്റിൽ ചാടി ജീവനൊടുക്കി. ഭർത്താവ് ജിമ്മിയെയും ഭർതൃപിതാവിനെയും പോലീസ് കസ്റ്റഡിയിലെടുത്തു. ഗാർഹിക പീഡനമാണ് ആത്മഹത്യയ്ക്ക് കാരണമെന്ന് പോലീസ് സംശയിക്കുന്നു.
കർഷക മിത്രമായ ചേരയെ സംസ്ഥാന ഉരഗമാക്കാൻ നിർദേശം
കാർഷിക വിളകൾ നശിപ്പിക്കുന്ന എലികളെ നിയന്ത്രിക്കുന്ന ചേരയെ സംസ്ഥാന ഉരഗമായി പ്രഖ്യാപിക്കണമെന്ന് നിർദേശം. വനം വകുപ്പാണ് ഈ നിർദേശം മുന്നോട്ടുവച്ചിരിക്കുന്നത്. സംസ്ഥാന വന്യജീവി ബോർഡിന്റെ അഞ്ചാമത് യോഗത്തിന്റെ അജണ്ടയിലാണ് ഈ നിർദേശമുള്ളത്.
പേവിഷബാധ: അഞ്ചുവയസ്സുകാരിയുടെ മരണം; മെഡിക്കൽ കോളേജിനെതിരെ കുടുംബം
പേവിഷബാധയേറ്റ് അഞ്ചുവയസ്സുകാരി മരിച്ച സംഭവത്തിൽ കോഴിക്കോട് മെഡിക്കൽ കോളേജിനെതിരെ കുടുംബം ആരോപണവുമായി രംഗത്ത്. കുട്ടിയുടെ തലയിലെ മുറിവുകൾക്ക് ആദ്യഘട്ടത്തിൽ കാര്യമായ ചികിത്സ നൽകിയില്ലെന്ന് പിതാവ് ആരോപിച്ചു. പ്രതിരോധ വാക്സിൻ മൂന്ന് ഡോസ് എടുത്തിട്ടും പേവിഷബാധയേറ്റാണ് കുട്ടി മരിച്ചത്.
57 തവണ സ്ഥലം മാറ്റപ്പെട്ട ഐഎഎസ് ഉദ്യോഗസ്ഥൻ അശോക് ഖേമക ഇന്ന് വിരമിക്കുന്നു
34 വർഷത്തെ സർവീസിന് ശേഷം മുതിർന്ന ഐഎഎസ് ഉദ്യോഗസ്ഥൻ അശോക് ഖേമക ഇന്ന് വിരമിക്കുന്നു. ഈ കാലയളവിൽ 57 തവണ സ്ഥലംമാറ്റത്തിന് വിധേയനായ അദ്ദേഹം തന്റെ സത്യസന്ധതയ്ക്ക് പേരുകേട്ടയാളാണ്. 1991 ബാച്ച് ഹരിയാന കേഡർ ഐഎഎസ് ഓഫീസറായ അദ്ദേഹം അഡീഷണൽ ചീഫ് സെക്രട്ടറി പദവിയിൽ നിന്നാണ് വിരമിക്കുന്നത്.
പാകിസ്ഥാൻ അതിർത്തിയിൽ ആന്റി ഡ്രോൺ സംവിധാനം വിന്യസിക്കാൻ പഞ്ചാബ്
പാകിസ്ഥാൻ അതിർത്തിയിൽ ആന്റി ഡ്രോൺ സംവിധാനം വിന്യസിക്കാൻ പഞ്ചാബ് ഒരുങ്ങുന്നു. മയക്കുമരുന്ന്, ആയുധ കടത്ത് തടയുകയാണ് ലക്ഷ്യം. സെപ്റ്റംബർ, ഒക്ടോബർ മാസങ്ങളിലാകും വിന്യാസം പൂർത്തിയാകുക.
അഡ്വ. ബി.എ. ആളൂർ അന്തരിച്ചു
പ്രമുഖ ക്രിമിനൽ അഭിഭാഷകൻ അഡ്വ. ബി.എ. ആളൂർ അന്തരിച്ചു. വൃക്ക സംബന്ധമായ അസുഖങ്ങൾക്ക് ചികിത്സയിലിരിക്കെ കൊച്ചിയിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം. ജിഷ വധക്കേസ്, നടി ആക്രമിക്കപ്പെട്ട കേസ് തുടങ്ങി നിരവധി പ്രധാന കേസുകളിൽ പ്രതിഭാഗത്തിനു വേണ്ടി ഹാജരായിട്ടുണ്ട്.
പോത്തൻകോട് കൊലപാതകം: പ്രതികൾക്ക് ജീവപര്യന്തം
പോത്തൻകോട്ട് യുവാവിനെ കൊലപ്പെടുത്തി കാലുകൾ വെട്ടിയെറിഞ്ഞ കേസിലെ 11 പ്രതികൾക്കും ജീവപര്യന്തം തടവ്. 2021 ഡിസംബർ 11നാണ് സുധീഷിനെ ക്രൂരമായി കൊലപ്പെടുത്തിയത്. നെടുമങ്ങാട് എസ്.സി/എസ്.ടി. കോടതിയാണ് ശിക്ഷ വിധിച്ചത്.