Kerala News
Kerala News
വെള്ളാപ്പള്ളിയെ വെള്ളപൂശാൻ ശ്രമം: കെ.എം. ഷാജി മുഖ്യമന്ത്രിക്കെതിരെ
വെള്ളാപ്പള്ളി നടേശന്റെ പ്രസ്താവനയെ ന്യായീകരിച്ച മുഖ്യമന്ത്രി പിണറായി വിജയനെതിരെ രൂക്ഷവിമർശനവുമായി മുസ്ലീം ലീഗ് നേതാവ് കെ.എം. ഷാജി. മുസ്ലീം ലീഗിനെയായിരുന്നു വെള്ളാപ്പള്ളി ലക്ഷ്യമിട്ടതെന്ന മുഖ്യമന്ത്രിയുടെ വാദം വെള്ളാപ്പള്ളിയെ വെള്ളപൂശാനുള്ള ശ്രമമാണെന്ന് ഷാജി ആരോപിച്ചു. വോട്ട് ബാങ്ക് രാഷ്ട്രീയം ലീഗ് കളിക്കില്ലെന്നും അദ്ദേഹം കൂട്ടിച്ചേർത്തു.
മുംബൈ ഭീകരാക്രമണം: തഹാവൂർ റാണയുടെ കേരള ബന്ധം അന്വേഷിക്കുന്നു
മുംബൈ ഭീകരാക്രമണക്കേസിലെ മുഖ്യ സൂത്രധാരൻ തഹാവൂർ റാണയുടെ കേരള ബന്ധം എൻഐഎ അന്വേഷിക്കുന്നു. യുവാക്കളെ റിക്രൂട്ട് ചെയ്യാനാണ് റാണ കേരളത്തിലെത്തിയതെന്നാണ് വിവരം. റാണയെ സഹായിച്ച ഒരാളെ എൻഐഎ കസ്റ്റഡിയിലെടുത്തു.
എൻ. പ്രശാന്ത് വീണ്ടും പരിഹാസ പോസ്റ്റുമായി രംഗത്ത്
ഐ.എ.എസ്. ഉദ്യോഗസ്ഥൻ എൻ. പ്രശാന്ത് വീണ്ടും പരിഹാസ ഫേസ്ബുക്ക് പോസ്റ്റുമായി രംഗത്തെത്തി. ഗോഡ്ഫാദറോ വരവിൽ കവിഞ്ഞ സ്വത്തോ ഇല്ലെന്നും തെറ്റു ചെയ്തിട്ടില്ലാത്തതിനാൽ അടിമക്കണ്ണാകാനില്ലെന്നുമാണ് പോസ്റ്റിലെ പ്രധാന ആരോപണം. ചീഫ് സെക്രട്ടറി വിളിച്ച ഹിയറിങ്ങിൽ ലൈവ് സ്ട്രീമിങ് വേണമെന്ന പ്രശാന്തിന്റെ ആവശ്യം തള്ളി.
എറണാകുളത്ത് അഭിഭാഷക-വിദ്യാർത്ഥി സംഘർഷം: പത്തോളം പേർക്കെതിരെ കേസ്
എറണാകുളം ജില്ലാ കോടതിയും മഹാരാജാസ് കോളേജും കേന്ദ്രീകരിച്ച് അഭിഭാഷകരും വിദ്യാർത്ഥികളും തമ്മിൽ സംഘർഷം. പോലീസിനെ മർദിച്ചതിനെ തുടർന്ന് പത്തോളം പേർക്കെതിരെ കേസെടുത്തു. ഇരുവിഭാഗത്തിന്റെയും പരാതിയിൽ കേസെടുത്തു.
കാനഡയിൽ കാണാതായ മലയാളി ഫിന്റോ ആന്റണിയെ മരിച്ച നിലയിൽ കണ്ടെത്തി
കാനഡയിൽ കാണാതായ മലയാളി ഫിന്റോ ആൻറണിയെ മരിച്ച നിലയിൽ കണ്ടെത്തി. കാറിനുള്ളിൽ ആണ് മൃതദേഹം കണ്ടെത്തിയത്. മലയാറ്റൂർ നീലീശ്വരം സ്വദേശിയാണ് ഫിന്റോ.
കേരളത്തിൽ ഇടിമിന്നലോട് കൂടിയ മഴയ്ക്ക് സാധ്യത; ആറ് ജില്ലകളിൽ ജാഗ്രതാ നിർദേശം
കേരളത്തിൽ അടുത്ത മൂന്ന് മണിക്കൂറിൽ ശക്തമായ മഴയ്ക്കും ഇടിമിന്നലിനും സാധ്യത. ആറ് ജില്ലകളിൽ ജാഗ്രതാ നിർദേശം നൽകിയിട്ടുണ്ട്. കടലാക്രമണത്തിനും സാധ്യതയുള്ളതിനാൽ തീരദേശവാസികളും മത്സ്യത്തൊഴിലാളികളും ജാഗ്രത പാലിക്കണം.
ആശ വർക്കേഴ്സിന്റെ സമരം ശക്തമാകുന്നു; ഇന്ന് പൗരസംഗമം
സെക്രട്ടേറിയറ്റിന് മുന്നിൽ ആശ വർക്കേഴ്സിന്റെ അനിശ്ചിതകാല സമരം തുടരുന്നു. ഓണറേറിയം വർധിപ്പിക്കുക, വിരമിക്കൽ ആനുകൂല്യം നൽകുക തുടങ്ങിയ ആവശ്യങ്ങൾ ഉന്നയിച്ച് ഇന്ന് പൗരസംഗമം സംഘടിപ്പിക്കും. സാംസ്കാരിക നേതാക്കളും പൊതുജനങ്ങളും പരിപാടിയിൽ പങ്കെടുക്കും.
സ്ത്രീധന പീഡനം: യുവതിയെ ഭർതൃവീട്ടിൽ മർദ്ദിച്ചതായി പരാതി
തൃശ്ശൂർ സ്വദേശിനിയായ യുവതിക്ക് സ്ത്രീധന പീഡനം നേരിടേണ്ടി വന്നതായി പരാതി. മാസങ്ങളോളം ഭർതൃവീട്ടിൽ ക്രൂര പീഡനങ്ങൾക്ക് ഇരയായെന്ന് യുവതി പോലീസിൽ പറഞ്ഞു. കോഴിക്കോട് പേരാമ്പ്ര പോലീസ് കേസെടുത്ത് അന്വേഷണം ആരംഭിച്ചു.
മുണ്ടക്കൈ-ചൂരൽമല ഉരുൾപൊട്ടൽ ദുരിതബാധിതർക്ക് ആശ്വാസം; മാതൃകാ ടൗൺഷിപ്പിന്റെ നിർമാണം ഇന്ന് ആരംഭിക്കും
മുണ്ടക്കൈ-ചൂരൽമല ഉരുൾപൊട്ടൽ ദുരന്തബാധിതർക്കായുള്ള മാതൃകാ ടൗൺഷിപ്പിന്റെ നിർമ്മാണ പ്രവർത്തനങ്ങൾ ഇന്ന് ആരംഭിക്കും. കൽപറ്റ എൽസ്റ്റൺ എസ്റ്റേറ്റിന്റെ ഭൂമി ഇന്നലെ സർക്കാർ ഏറ്റെടുത്തു. ഊരാളുങ്കൽ ലേബർ സൊസൈറ്റിയാണ് നിർമ്മാണ കരാർ ഏറ്റെടുത്തിരിക്കുന്നത്.
സിഎംആർഎൽ – എക്സാലോജിക് കരാർ: കുറ്റകൃത്യമായി പരിഗണിക്കാൻ തെളിവുണ്ടെന്ന് കോടതി
സിഎംആർഎൽ - എക്സാലോജിക് കരാറുമായി ബന്ധപ്പെട്ട് എസ്എഫ്ഐഒ സമർപ്പിച്ച റിപ്പോർട്ടിൽ കുറ്റകൃത്യമായി പരിഗണിക്കാൻ മതിയായ തെളിവുകളുണ്ടെന്ന് കോടതി. കമ്പനി നിയമത്തിലെ 129, 134, 447 വകുപ്പുകൾ പ്രകാരമുള്ള കുറ്റങ്ങൾ നിലനിൽക്കുമെന്നും കോടതി ചൂണ്ടിക്കാട്ടി. പതിനൊന്ന് പ്രതികൾക്കും നോട്ടീസ് അയയ്ക്കും.
തത്കാൽ ടിക്കറ്റ് ബുക്കിംഗ് സമയത്തിൽ മാറ്റമില്ലെന്ന് റെയിൽവേ
തത്കാൽ ടിക്കറ്റ് ബുക്കിംഗ് സമയക്രമത്തിൽ മാറ്റമില്ലെന്ന് ഇന്ത്യൻ റെയിൽവേ വ്യക്തമാക്കി. എസി ക്ലാസുകൾക്ക് രാവിലെ 10 മണിക്കും സ്ലീപ്പർ ക്ലാസുകൾക്ക് 11 മണിക്കും ബുക്കിംഗ് ആരംഭിക്കും. സാമൂഹ്യമാധ്യമങ്ങളിലെ വ്യാജപ്രചാരണങ്ങളിൽ വീഴരുതെന്ന് റെയിൽവേ യാത്രക്കാരോട് അഭ്യർത്ഥിച്ചു.
നിഷ് കന്യാകുമാരി കൾച്ചറൽ ഫെസ്റ്റ്”പ്രവാഹ 2025″: ധ്യാൻ ശ്രീനിവാസൻ ഉദ്ഘാടനം ചെയ്തു
നിഷ് കന്യാകുമാരിയിൽ പ്രവാഹ 2025 കലോത്സവം സംഘടിപ്പിച്ചു. ധ്യാൻ ശ്രീനിവാസൻ ഉദ്ഘാടനം ചെയ്തു. വിവിധ മത്സരങ്ങളിൽ വിജയികളായവർക്ക് സമ്മാനങ്ങൾ വിതരണം ചെയ്തു.