Kerala News
Kerala News
പെൺവാണിഭ കേസ്: പ്രതിയായ പൊലീസുകാരന്റെ പാസ്പോർർട്ട് പിടിച്ചെടുത്തു
കോഴിക്കോട് മലാപ്പറമ്പിൽ പെൺവാണിഭ കേസിൽ പ്രതിയായ പൊലീസ് ഡ്രൈവർ ഷൈജിത്തിന്റെ പാസ്പോർട്ട് പിടിച്ചെടുത്തു. ഇയാളുടെ വീട്ടിൽ നടത്തിയ പരിശോധനയിലാണ് പാസ്പോർട്ട് കണ്ടെത്തിയത്. നിലവിൽ കേസിൽ പ്രതികളായ രണ്ടു പൊലിസുകാരും ഒളിവിലാണ്.
നിലമ്പൂരിൽ കോൺഗ്രസ് നേതാക്കളുടെ വാഹനത്തിൽ പരിശോധന
നിലമ്പൂരിൽ കോൺഗ്രസ് നേതാക്കളായ ഷാഫി പറമ്പിലിന്റെയും രാഹുൽ മാങ്കൂട്ടത്തിലിന്റെയും വാഹനങ്ങളിൽ പോലീസ് പരിശോധന നടത്തി. ഇന്നലെ രാത്രി 10 മണിയോടെയായിരുന്നു സംഭവം. തിരഞ്ഞെടുപ്പ് അടുത്തുവരുമ്പോഴുള്ള ഈ പരിശോധന രാഷ്ട്രീയ രംഗത്ത് ചർച്ചയായിരിക്കുകയാണ്.
എയർ ഇന്ത്യ വിമാനം തകർന്നുവീണപ്പോൾ പൈലറ്റ് വിളിച്ച ‘മെയ്ഡേ’ കോൾ; എന്താണ് ഇതിനർത്ഥം?
എയർ ഇന്ത്യ വിമാനം തകർന്നുവീണതിന് തൊട്ടുമുന്പ് പൈലറ്റ് എയർ ട്രാഫിക് കൺട്രോളിലേക്ക് മെയ്ഡേ കോൾ നൽകി. ജീവൻ അപകടത്തിലാകുന്ന സാഹചര്യങ്ങളിൽ പൈലറ്റുമാർ നൽകുന്ന അപകട സൂചനയാണ് ഈ വാക്ക്. "രക്ഷിക്കൂ" എന്ന് അർത്ഥം വരുന്ന ഫ്രഞ്ച് പദമായ "മെയ്ഡർ" എന്നതിൽ നിന്നാണ് ഈ വാക്കിന്റെ ഉത്ഭവം.
ദിയ കൃഷ്ണയുടെ സ്ഥാപനത്തിലെ സാമ്പത്തിക തട്ടിപ്പ്: ജീവനക്കാരുടെ അക്കൗണ്ടുകളിലേക്ക് 60 ലക്ഷം എത്തിയെന്ന് കണ്ടെത്തൽ
ദിയ കൃഷ്ണയുടെ സ്ഥാപനത്തിലെ സാമ്പത്തിക തട്ടിപ്പ് കേസിൽ കൂടുതൽ തെളിവുകൾ ലഭിച്ചതായി പൊലീസ്. ജീവനക്കാരായ വിനീത, ദിവ്യ എന്നിവരുടെ അക്കൗണ്ടിലേക്ക് ക്യുആർ കോഡ് വഴി 60 ലക്ഷം രൂപ എത്തിയതായി കണ്ടെത്തി. തുക വിവിധ അക്കൗണ്ടിലേക്ക് കൈമാറ്റം ചെയ്തതായും വ്യക്തമായി.
കൂരിയാട് തകർന്ന ദേശീയപാത രമേശ് ചെന്നിത്തല സന്ദർശിച്ചു; അദാനിക്കാണ് ലാഭമെന്ന് ആരോപണം
മലപ്പുറം കൂരിയാട് തകർന്ന ദേശീയപാത കോൺഗ്രസ് നേതാവ് രമേശ് ചെന്നിത്തല സന്ദർശിച്ചു. ദേശീയപാതയുടെ ശാസ്ത്രീയ പഠനം നടത്താത്തതാണ് ഇപ്പോളത്തെ സ്ഥിതിക്ക് കാരണമെന്ന് അദ്ദേഹം കുറ്റപ്പെടുത്തി. അഴിമതി ചെയ്ത കരാറുകാരെ സംരക്ഷിക്കുന്ന നിലപാട് സർക്കാർ തിരുത്തണമെന്നും ചെന്നിത്തല ആവശ്യപ്പെട്ടു.
ഉണ്ണി മുകുന്ദന്റെ മുൻ മാനേജർക്കെതിരെ ഫെഫ്കയുടെ നടപടി
ഉണ്ണി മുകുന്ദന്റെ മുൻ മാനേജർ വിപിൻ കുമാറിനെതിരെ ഫെഫ്ക നടപടി സ്വീകരിച്ചു. ചർച്ചയിലെ ധാരണകൾക്ക് വിരുദ്ധമായി പ്രവർത്തിച്ചതിനാണ് നടപടി. വിപിനുമായി സഹകരിക്കില്ലെന്നും അച്ചടക്ക നടപടി സ്വീകരിക്കുമെന്നും ഫെഫ്ക അറിയിച്ചു.
സിസിടിവിയിൽ പതിയാതെ മോഷണം; ക്ഷേത്രങ്ങളിൽ കവർച്ച നടത്തുന്ന തമിഴ്നാട് സംഘം പിടിയിൽ
സിസിടിവി ക്യാമറകളിൽ പതിയാതെ മോഷണം നടത്തുന്ന തമിഴ്നാട് സ്വദേശികളായ രണ്ട് അംഗ സംഘത്തെ പോലീസ് അറസ്റ്റ് ചെയ്തു. ക്ഷേത്രങ്ങൾ കേന്ദ്രീകരിച്ചാണ് ഇവരുടെ മോഷണം. മലയാലപ്പുഴ ദേവി ക്ഷേത്രത്തിൽ അഞ്ചു പവന്റെ മാല മോഷ്ടിച്ച കേസിലാണ് ഇവരെ പിടികൂടിയത്.
കൃഷ്ണകുമാറിനും മകൾ ദിയ കൃഷ്ണനുമെതിരെ ഗുരുതര ആരോപണവുമായി ജീവനക്കാർ
ബിജെപി നേതാവും നടനുമായ കൃഷ്ണകുമാറിനും മകൾ ദിയ കൃഷ്ണനുമെതിരെ ദിയയുടെ സ്ഥാപനത്തിലെ ജീവനക്കാർ രംഗത്ത്. തങ്ങളെ ജാതീയമായി അധിക്ഷേപിച്ചെന്നും ഭീഷണിപ്പെടുത്തി പണം തട്ടിയെടുത്തുവെന്നും ജീവനക്കാർ ആരോപിച്ചു. സംഭവത്തിൽ നിയമപരമായി മുന്നോട്ട് പോകാൻ തന്നെയാണ് ജീവനക്കാരുടെ തീരുമാനം.
ഭാര്യയെ കുത്തിക്കൊലപ്പെടുത്തിയ കേസിൽ ഭർത്താവ് കുറ്റം സമ്മതിച്ചു
ഭാര്യയെ കുത്തിക്കൊലപ്പെടുത്തിയ കേസിൽ ഭർത്താവ് കുറ്റം സമ്മതിച്ചു. കുൽസുമ അക്തർ കൊല്ലപ്പെട്ട സംഭവത്തിൽ ഭർത്താവ് ഹബീബുർ മാസ് കുറ്റം സമ്മതിച്ചു. ഇയാളെ കോടതി കസ്റ്റഡിയിൽ വിട്ടു.
കമൽഹാസനും മോഹൻലാലും വിസ്മയിപ്പിക്കുന്ന നടൻമാർ: രവി കെ ചന്ദ്രൻ
പ്രശസ്ത ഛായാഗ്രാഹകൻ രവി കെ ചന്ദ്രൻ, കമൽഹാസനുമായുള്ള തന്റെ സിനിമാനുഭവങ്ങൾ പങ്കുവെക്കുന്നു. കാമറ ഓൺ ചെയ്താൽ കമൽഹാസനിൽ നിന്ന് ആവശ്യമുള്ളത് കിട്ടുമെന്നാണ് അദ്ദേഹം പറയുന്നത്. ഇന്ത്യയിൽ ഇങ്ങനെയുള്ള രണ്ട് നടൻമാരെ മാത്രമേ കണ്ടിട്ടുള്ളൂ എന്നും രണ്ടാമത്തെ നടൻ മോഹൻലാൽ ആണെന്നും അദ്ദേഹം കൂട്ടിച്ചേർത്തു.
കാലടിയിൽ 100 ഗ്രാം എംഡിഎംഎയുമായി യുവതി അടക്കം രണ്ട് പേർ പിടിയിൽ
എറണാകുളം ജില്ലയിലെ കാലടിയിൽ 100 ഗ്രാം എംഡിഎംഎയുമായി യുവതി ഉൾപ്പെടെ രണ്ട് പേരെ പോലീസ് അറസ്റ്റ് ചെയ്തു. രഹസ്യവിവരത്തെ തുടർന്ന് നടത്തിയ അന്വേഷണത്തിലാണ് ഇവർ പിടിയിലായത്. ബെംഗളൂരുവിൽ നിന്നും മയക്കുമരുന്ന് എത്തിച്ച്, ചെറുപൊതികളാക്കി വിൽപ്പന നടത്തുകയായിരുന്നു ഇവരുടെ രീതി.
ഉണ്ണി മുകുന്ദനെതിരായ കേസിൽ വഴിത്തിരിവ്; മർദ്ദനത്തിന് തെളിവില്ലെന്ന് പൊലീസ്
ഉണ്ണി മുകുന്ദനെതിരെ മുൻ മാനേജർ നൽകിയ പരാതിയിൽ കഴമ്പില്ലെന്ന് പൊലീസ്. സിസിടിവി ദൃശ്യങ്ങളിൽ മർദ്ദനത്തിൻ്റെ ലക്ഷണങ്ങൾ കണ്ടെത്താനായില്ല. കേസിൽ കൂടുതൽ അന്വേഷണം പുരോഗമിക്കുകയാണ്.