Kerala News
Kerala News
കൈക്കൂലി കേസ്: കൊച്ചി കോർപ്പറേഷൻ ഉദ്യോഗസ്ഥയെ സസ്പെൻഡ് ചെയ്തു
കൈക്കൂലി കേസിൽ കൊച്ചി കോർപ്പറേഷൻ ബിൽഡിംഗ് ഇൻസ്പെക്ടർ എ. സ്വപ്നയെ സസ്പെൻഡ് ചെയ്തു. 14 ദിവസത്തേക്ക് റിമാൻഡിലാണ് സ്വപ്ന. ഔദ്യോഗിക കാലയളവിൽ സ്വപ്ന അനധികൃതമായി സ്വത്ത് സമ്പാദിച്ചിട്ടുണ്ടോ എന്ന് വിജിലൻസ് അന്വേഷിക്കും.
സുവർണ കേരളം ലോട്ടറി: ആദ്യ നറുക്കെടുപ്പ് ഫലം പ്രഖ്യാപിച്ചു
സുവർണ കേരളം ലോട്ടറിയുടെ ആദ്യ നറുക്കെടുപ്പ് പൂർത്തിയായി. ഒരു കോടി രൂപ ഒന്നാം സമ്മാനം RF 726828 എന്ന ടിക്കറ്റിന്. 30 ലക്ഷം രൂപ രണ്ടാം സമ്മാനവും 25 ലക്ഷം രൂപ മൂന്നാം സമ്മാനവും നേടി.
മാസപ്പടി കേസ്: സിഎംആർഎല്ലിന്റെ ഹർജി വെള്ളിയാഴ്ച ഹൈക്കോടതി പരിഗണിക്കും
മാസപ്പടി വിവാദത്തിൽ എസ്എഫ്ഐഒയുടെ തുടർനടപടികൾ തടയണമെന്നാവശ്യപ്പെട്ട് സിഎംആർഎൽ നൽകിയ ഹർജി ഡൽഹി ഹൈക്കോടതി വെള്ളിയാഴ്ച പരിഗണിക്കും. ജസ്റ്റിസ് സുബ്രഹ്മണ്യം പ്രസാദിന്റെ ബെഞ്ചാണ് ഹർജി പരിഗണിക്കുന്നത്. സിഎംആർഎല്ലിന് വേണ്ടി ഹാജരായ മുതിർന്ന അഭിഭാഷകൻ കപിൽ സിബലിന്റെ ആവശ്യപ്രകാരമാണ് ഹർജി വെള്ളിയാഴ്ചത്തേക്ക് മാറ്റിയത്.
വിഴിഞ്ഞം: പ്രധാനമന്ത്രിയുടെ പ്രസംഗം പരിഹാസമെന്ന് തോമസ് ഐസക്
വിഴിഞ്ഞം തുറമുഖ ഉദ്ഘാടനത്തിൽ പ്രധാനമന്ത്രി നടത്തിയ പ്രസംഗം പരിഹാസമാണെന്ന് ഡോ. തോമസ് ഐസക്. മന്ത്രി വി.എൻ. വാസവൻ അദാനിയെ പാർട്ണർ എന്ന് വിളിച്ചതിനെ മോദി കമ്യൂണിസ്റ്റുകളിലെ മാറ്റമെന്ന നിലയിൽ വ്യാഖ്യാനിച്ചുവെന്നും ഐസക്. കേരളത്തിന്റെ വികസനത്തെ തടസപ്പെടുത്താനാണ് മോദിയുടെ ശ്രമമെന്നും ഐസക് ആരോപിച്ചു.
വികസിത കേരളത്തിന് മോദിയുടെ ദീർഘവീക്ഷണം പ്രചോദനമെന്ന് രാജീവ് ചന്ദ്രശേഖർ
വികസിത കേരളത്തിന്റെ അടിത്തറ പാകുന്നതിൽ പ്രധാനമന്ത്രി നരേന്ദ്ര മോദിയുടെ ദീർഘവീക്ഷണമുള്ള സമീപനത്തെ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ പ്രശംസിച്ചു. വിഴിഞ്ഞം അന്താരാഷ്ട്ര തുറമുഖം രാജ്യത്തിന് സമർപ്പിച്ച പ്രധാനമന്ത്രിയുടെ നടപടി കേരളത്തിന്റെ വികസന യാത്രയിലെ സുപ്രധാന നാഴികക്കല്ലാണെന്ന് അദ്ദേഹം അഭിപ്രായപ്പെട്ടു. കേരളത്തിൽ നിരവധി സാഗർമാല പദ്ധതികൾ നടപ്പാക്കിവരുന്നുണ്ടെന്നും അദ്ദേഹം പറഞ്ഞു.
പി.വി. അൻവറിന്റെ രാഷ്ട്രീയ നീക്കങ്ങൾ: നിലമ്പൂരിൽ മത്സരിക്കുമോ?
മമതാ ബാനർജിയുമായുള്ള കൂടിക്കാഴ്ചയ്ക്ക് ശേഷം പി.വി. അൻവർ നിലമ്പൂർ ഉപതിരഞ്ഞെടുപ്പിൽ മത്സരിക്കുമോ എന്ന കാര്യത്തിൽ ഇന്ന് വ്യക്തത വരും. യു.ഡി.എഫിനും എൽ.ഡി.എഫിനും വെല്ലുവിളിയാണ് അദ്ദേഹത്തിന്റെ നീക്കങ്ങൾ. കോൺഗ്രസിന് തിരിച്ചടിയാകുമെന്ന് യു.ഡി.എഫ്. വിലയിരുത്തുന്നു.
സുഹാസ് ഷെട്ടി കൊലപാതകം: മംഗളൂരുവിൽ സംഘർഷാവസ്ഥ തുടരുന്നു
ബജ്രംഗ്ദൾ മുൻ നേതാവ് സുഹാസ് ഷെട്ടിയുടെ കൊലപാതകത്തെ തുടർന്ന് മംഗളൂരുവിലും പരിസര പ്രദേശങ്ങളിലും സംഘർഷാവസ്ഥ നിലനിൽക്കുന്നു. മൂന്ന് പേർക്ക് വെട്ടേറ്റതായി റിപ്പോർട്ടുണ്ട്. കേസിന്റെ അന്വേഷണത്തിനായി പ്രത്യേക സംഘത്തെ നിയോഗിച്ചിട്ടുണ്ട്.
വിഴിഞ്ഞം: കരുണാകരനെ മറക്കുന്നവർ സ്വയം വിലയിരുത്തണം – പത്മജ വേണുഗോപാൽ
വിഴിഞ്ഞം തുറമുഖ പദ്ധതിയുടെ ഉദ്ഘാടന വേളയിൽ കോൺഗ്രസും സിപിഐഎമ്മും കെ. കരുണാകരനെ മനഃപൂർവ്വം മറക്കുന്നുവെന്ന് ബിജെപി നേതാവ് പത്മജ വേണുഗോപാൽ ആരോപിച്ചു. 1991-95 കാലഘട്ടത്തിൽ കരുണാകരൻ മന്ത്രിസഭയാണ് വിഴിഞ്ഞം തുറമുഖത്തിന്റെ സാധ്യതകൾ തിരിച്ചറിഞ്ഞ് വികസനത്തിന് തുടക്കമിട്ടതെന്ന് പത്മജ ഫേസ്ബുക്ക് പോസ്റ്റിൽ കുറിച്ചു. കരുണാകരൻ ആവിഷ്കരിച്ച പദ്ധതികൾക്ക് തുരങ്കം വയ്ക്കാൻ ശ്രമിച്ചവർ പിന്നീട് അതിന്റെ ക്രെഡിറ്റ് അടിച്ചുമാറ്റാൻ ശ്രമിക്കുന്നത് ശരിയല്ലെന്നും പത്മജ പറഞ്ഞു.
വിഴിഞ്ഞം ചടങ്ങിൽ മോദിയുടെ പ്രസംഗം രാഷ്ട്രീയമായിരുന്നു: കോൺഗ്രസ്
വിഴിഞ്ഞം തുറമുഖ കമ്മീഷനിങ് ചടങ്ങിൽ പ്രധാനമന്ത്രി നരേന്ദ്ര മോദി നടത്തിയ പ്രസംഗം രാഷ്ട്രീയ പ്രസംഗമായിരുന്നുവെന്ന് കോൺഗ്രസ് ആരോപിച്ചു. മന്ത്രിയുടെ പ്രസംഗത്തിനിടെ പ്രധാനമന്ത്രി രാഷ്ട്രീയ പ്രസംഗം നടത്തരുതായിരുന്നുവെന്ന് കെ.സി. വേണുഗോപാൽ പറഞ്ഞു. പരിപാടിയുടെ അവസാനം ദേശീയഗാനം പോലും ആലപിച്ചില്ലെന്നും കോൺഗ്രസ് കുറ്റപ്പെടുത്തി.
വിഴിഞ്ഞം തുറമുഖ കമ്മീഷനിങ്: ദേശീയഗാനം ആലപിച്ചില്ലെന്ന് എം. വിൻസെന്റ് എംഎൽഎ
വിഴിഞ്ഞം തുറമുഖ കമ്മീഷനിങ് ചടങ്ങ് പ്രതീക്ഷിച്ച വിജയമായിരുന്നില്ലെന്ന് എം. വിൻസെന്റ് എംഎൽഎ. പ്രധാനമന്ത്രിയുടെയും മുഖ്യമന്ത്രിയുടെയും പ്രസംഗങ്ങൾ പക്വതയില്ലാത്ത രാഷ്ട്രീയ പ്രസംഗങ്ങളായിരുന്നു. ദേശീയഗാനം പോലും ആലപിക്കാതെ ചടങ്ങിന്റെ മാറ്റുകുറച്ചു.
ബോണക്കാട് പാണ്ടിപ്പത്തിനു സമീപം കുട്ടിയാനയുടെ ജഡം കണ്ടെത്തി
തിരുവനന്തപുരം ജില്ലയിലെ ബോണക്കാട് വനമേഖലയിൽ നവജാത കുട്ടിയാന ചരിഞ്ഞ നിലയിൽ കണ്ടെത്തി. പ്രസവിച്ച് മണിക്കൂറുകൾ മാത്രം പ്രായമുള്ള കുട്ടിയാനയെയാണ് ചൊവ്വാഴ്ച രാത്രിയിൽ ചരിഞ്ഞ നിലയിൽ കണ്ടെത്തിയത്. മാസം തികയാതെയുള്ള പ്രസവമാണ് മരണകാരണമെന്നാണ് പ്രാഥമിക നിഗമനം.
വിഴിഞ്ഞം ഉദ്ഘാടനം: പ്രതിപക്ഷത്തിന്റെ ഉറക്കം കെടുത്തുമെന്ന് മോദി
വിഴിഞ്ഞം തുറമുഖ കമ്മീഷനിങ് ചടങ്ങിൽ പ്രധാനമന്ത്രി നരേന്ദ്ര മോദി ഇന്ത്യാ മുന്നണിക്കെതിരെ രൂക്ഷ വിമർശനം ഉന്നയിച്ചു. മുഖ്യമന്ത്രി പിണറായി വിജയൻ, ശശി തരൂർ എന്നിവരുടെ പേരുകൾ എടുത്തുപറഞ്ഞായിരുന്നു വിമർശനം. അദാനിയെ മന്ത്രി വി.എൻ. വാസവൻ പങ്കാളിയെന്ന് വിശേഷിപ്പിച്ചതും മോദി പരാമർശിച്ചു.