Kerala News
Kerala News
ആശാ വർക്കർമാരുടെ സമരം തുടരും; മന്ത്രിയുമായുള്ള ചർച്ച പരാജയം
ആശാ വർക്കർമാരുടെ സമരം അമ്പത്തിമൂന്നാം ദിവസത്തിലേക്ക് കടന്നു. ആരോഗ്യമന്ത്രി വീണാ ജോർജുമായുള്ള ചർച്ചയിൽ തീരുമാനമായില്ല. ഓണറേറിയം വർധന, വിരമിക്കൽ ആനുകൂല്യങ്ങൾ എന്നിവയിൽ സർക്കാർ നിലപാട് അംഗീകരിക്കാൻ ആശാ വർക്കർമാർ തയ്യാറായില്ല.
കേരള ബ്ലാസ്റ്റേഴ്സ് മത്സരങ്ങൾ കോഴിക്കോട്ടും?; സിഇഒ നൽകി സൂചന
കേരള ബ്ലാസ്റ്റേഴ്സിന്റെ വരുന്ന സീസണിലെ ചില മത്സരങ്ങൾ കോഴിക്കോട് നടത്താൻ ആലോചനയുണ്ടെന്ന് ക്ലബ്ബ് സിഇഒ അഭിക് ചാറ്റർജി. ആരാധകരുടെ ആവശ്യങ്ങൾ കണക്കിലെടുത്താണ് ഈ തീരുമാനമെന്നും അദ്ദേഹം കൂട്ടിച്ചേർത്തു. ഏപ്രിൽ 20ന് ആരംഭിക്കുന്ന സൂപ്പർ കപ്പിൽ ഈസ്റ്റ് ബംഗാളാണ് ബ്ലാസ്റ്റേഴ്സിന്റെ എതിരാളികൾ.
757 കിലോ കഞ്ചാവ് കടത്ത്: മൂന്ന് പേർക്ക് ജീവപര്യന്തം തടവ്
പാലക്കാട് സെഷൻസ് കോടതിയാണ് ശിക്ഷ വിധിച്ചത്. 757 കിലോ കഞ്ചാവുമായി 2021 ൽ പ്രതികളെ വാളയാറിൽ വെച്ച് പിടികൂടിയിരുന്നു. പെരിന്തൽമണ്ണ സ്വദേശികളായ ബാദുഷ, മുഹമ്മദ് ഫായിസ്, ഇടുക്കി സ്വദേശി ജിഷ്ണു എന്നിവരാണ് ശിക്ഷിക്കപ്പെട്ടത്.
വഖഫ് ബില്ല് കേരള ജനതയെ കബളിപ്പിക്കൽ: കെ. സുധാകരൻ
വഖഫ് ബില്ലിലൂടെ മുനമ്പം വിഷയം പരിഹരിക്കാനാകില്ലെന്ന് വ്യക്തമായതോടെ ബിജെപി കേരള ജനതയെ കബളിപ്പിക്കുകയായിരുന്നുവെന്ന് കെപിസിസി പ്രസിഡന്റ് കെ. സുധാകരൻ എംപി. മുനമ്പം വിഷയത്തിൽ നിന്ന് മുഖ്യമന്ത്രി പിണറായി വിജയൻ ഒളിച്ചോടുകയാണെന്നും ബിജെപിയുടെ പ്രഭാരിയായി മാറിയെന്നും അദ്ദേഹം കുറ്റപ്പെടുത്തി. മുസ്ലിംകളുടെ സ്വത്തുക്കൾ പിടിച്ചെടുക്കുകയാണ് വഖഫ് ബില്ലിന്റെ ലക്ഷ്യമെന്നും കോൺഗ്രസ് നേരത്തെ ചൂണ്ടിക്കാട്ടിയിരുന്നതാണെന്നും അദ്ദേഹം പറഞ്ഞു.
വി.മധുസൂദനൻ നായർക്ക് സമസ്ത കേരള സാഹിത്യ പരിഷത്ത് പുരസ്കാരം
വി.മധുസൂദനൻ നായർക്ക് 2024-ലെ സമസ്ത കേരള സാഹിത്യ പരിഷത്തിന്റെ സമഗ്ര സംഭാവനാ പുരസ്കാരം. 2025 നവംബറിൽ സാഹിത്യ പരിഷത്തിന്റെ വാർഷികാഘോഷ പരിപാടികളുടെ ഭാഗമായി പുരസ്കാരം സമ്മാനിക്കും. പുരസ്കാരത്തിൽ അൻപതിനായിരം രൂപയും പ്രശസ്തിപത്രവും ഫലകവും ഉൾപ്പെടുന്നു.
ഐ.ബി. ഉദ്യോഗസ്ഥയുടെ മരണം: സുകാന്തിന്റെ വാദങ്ങൾ കുടുംബം തള്ളി
തിരുവനന്തപുരം വിമാനത്താവളത്തിലെ ഐ.ബി. ഉദ്യോഗസ്ഥയുടെ ആത്മഹത്യയുമായി ബന്ധപ്പെട്ട് സുകാന്ത് സുരേഷിന്റെ മുൻകൂർ ജാമ്യാപേക്ഷയിലെ വാദങ്ങൾ കുടുംബം തള്ളിക്കളഞ്ഞു. യുവതിയെ വിവാഹം കഴിക്കാൻ ആഗ്രഹിച്ചിരുന്നെന്നും മരണത്തിൽ ഏറ്റവും ദുഃഖിതനായ വ്യക്തി താനാണെന്നും സുകാന്ത് അവകാശപ്പെട്ടിരുന്നു. എന്നാൽ, ഈ വാദങ്ങളെല്ലാം കുടുംബം നിരാകരിച്ചു.
സിഎംആർഎൽ മാസപ്പടി കേസ്: വാദം കേൾക്കൽ ജൂലൈയിലേക്ക് മാറ്റി
സിഎംആർഎൽ- എക്സാലോജിക് മാസപ്പടി കേസിൽ വീണ്ടും വാദം കേൾക്കുന്നത് ജൂലൈയിലേക്ക് മാറ്റി. ജസ്റ്റിസ് ഗിരീഷ് കത്പാലിയുടെ ബെഞ്ചാണ് കേസ് പരിഗണിക്കുക. എസ്എഫ്ഐഒ അന്വേഷണത്തിനെതിരെയാണ് സിഎംആർഎൽ ഹൈക്കോടതിയെ സമീപിച്ചത്.
ഹാർബർ എഞ്ചിനീയറിങ് വകുപ്പിൽ ഗ്രാജ്വേറ്റ് ഇന്റേൺഷിപ്പ്: അപേക്ഷ ക്ഷണിച്ചു
ഹാർബർ എഞ്ചിനീയറിങ് വകുപ്പിൽ ഗ്രാജ്വേറ്റ് ഇന്റേൺഷിപ്പിന് അപേക്ഷ ക്ഷണിച്ചു. ബന്ധപ്പെട്ട വിഭാഗത്തിൽ 70% മാർക്കോടെ ബിരുദധാരികളിൽ നിന്നാണ് അപേക്ഷ സ്വീകരിക്കുന്നത്. കൂടുതൽ വിവരങ്ങൾക്ക് 0471 2459365, 2459159 എന്നീ നമ്പറുകളിൽ ബന്ധപ്പെടുക.
ആലപ്പുഴ ഹൈബ്രിഡ് കഞ്ചാവ് കേസ്: ശ്രീനാഥ് ഭാസിക്കും ഷൈൻ ടോം ചാക്കോക്കും എക്സൈസ് നോട്ടീസ്
സിനിമാ താരങ്ങൾക്ക് ലഹരിമരുന്ന് നൽകിയെന്ന മുഖ്യപ്രതിയുടെ മൊഴിയെത്തുടർന്ന് ശ്രീനാഥ് ഭാസിക്കും ഷൈൻ ടോം ചാക്കോക്കും എക്സൈസ് നോട്ടീസ്. രണ്ട് കോടി രൂപ വിലമതിക്കുന്ന ഹൈബ്രിഡ് കഞ്ചാവ് പിടികൂടി. ലഹരിമരുന്ന് കേസിനു പുറമേ സെക്സ് റാക്കറ്റുമായി ബന്ധപ്പെട്ട വിവരങ്ങളും പുറത്ത്.
കോഴിക്കോട് ലീഗൽ സർവീസ് അതോറിറ്റിയിൽ ഫാമിലി കൗൺസിലർ ഒഴിവുകൾ
കോഴിക്കോട് ജില്ലാ ലീഗൽ സർവീസ് അതോറിറ്റി ഫാമിലി കൗൺസിലർ നിയമനത്തിന് അപേക്ഷ ക്ഷണിച്ചു. ഏപ്രിൽ ഏഴിന് രാവിലെ 10 മുതൽ 1 മണി വരെയാണ് ഇന്റർവ്യൂ. യോഗ്യതയുള്ളവർ അപേക്ഷിക്കുക.
ഐ.ബി. ഉദ്യോഗസ്ഥയുടെ മരണം: യുവാവിന്റെ മുൻകൂർ ജാമ്യ ഹർജി
തിരുവനന്തപുരം വിമാനത്താവളത്തിലെ ഐ.ബി. ഉദ്യോഗസ്ഥയുടെ മരണവുമായി ബന്ധപ്പെട്ട് യുവതിയുടെ കുടുംബത്തിനെതിരെ ആരോപണവുമായി യുവാവ്. മുൻകൂർ ജാമ്യാപേക്ഷയുമായി യുവാവ് ഹൈക്കോടതിയെ സമീപിച്ചു. യുവതിയുടെ മരണത്തിന് കാരണം കുടുംബത്തിന്റെ സമ്മർദ്ദമാണെന്നാണ് യുവാവിന്റെ വാദം.
വഖഫ് ഭേദഗതി ബില്ല്: സുപ്രിം കോടതിയെ സമീപിക്കുമെന്ന് എം.കെ. സ്റ്റാലിൻ
വഖഫ് ഭേദഗതി ബില്ലിനെതിരെ സുപ്രിം കോടതിയെ സമീപിക്കുമെന്ന് തമിഴ്നാട് മുഖ്യമന്ത്രി എം.കെ. സ്റ്റാലിൻ. രാത്രി രണ്ടുമണിക്ക് ബില്ല് പാസാക്കിയതിനെ സ്റ്റാലിൻ വിമർശിച്ചു. ഒരു വിഭാഗത്തിന്റെയും അവകാശങ്ങൾ ഹനിക്കാൻ പാടില്ലെന്നും അദ്ദേഹം പറഞ്ഞു.