Kerala News
Kerala News
കേരളത്തിന്റെ ചരിത്രത്തോളം പ്രായമുള്ള മറ്റൊരു ചരിത്രം; ആദ്യ കമ്മ്യൂണിസ്റ്റ് സർക്കാർ അധികാരമേറ്റിട്ട് 68 വർഷം
1957 ഏപ്രിൽ 5ന് ഇ.എം.എസ് നമ്പൂതിരിപ്പാടിന്റെ നേതൃത്വത്തിൽ കേരളത്തിൽ അധികാരത്തിലെത്തിയ കമ്മ്യൂണിസ്റ്റ് സർക്കാരിന്റെ 68-ാം വാർഷികമാണ് ഇന്ന്. ജനാധിപത്യ വഴി തിരഞ്ഞെടുക്കപ്പെട്ട ആദ്യത്തെ കമ്മ്യൂണിസ്റ്റ് സർക്കാർ എന്ന നിലയിൽ ചരിത്രത്തിൽ ഇടം നേടിയ സർക്കാരിന്റെ വാർഷികമാണിത്. ഭൂപരിഷ്കരണം, വിദ്യാഭ്യാസ പരിഷ്കരണം തുടങ്ങിയ നിരവധി പരിഷ്കാരങ്ങൾക്ക് തുടക്കം കുറിച്ച സർക്കാരിനെ 1959 ജൂലൈ 31ന് പിരിച്ചുവിട്ടു.
റാന്നി താലൂക്ക് ആശുപത്രിയിൽ ചികിത്സാ പിഴവ്: മുറിവിൽ ഉറുമ്പുകളെ കണ്ടെത്തിയെന്ന് രോഗിയുടെ പരാതി
റാന്നി താലൂക്ക് ആശുപത്രിയിൽ ചികിത്സാ പിഴവെന്ന് രോഗിയുടെ പരാതി. മുറിവിൽ ഉറുമ്പുകളെ കണ്ടെത്തിയെന്നാണ് ആരോപണം. ആരോഗ്യ മന്ത്രിയെ ഉൾപ്പെടെ സമീപിക്കാനാണ് കുടുംബത്തിന്റെ തീരുമാനം.
കൊച്ചിയിൽ ഞെട്ടിക്കുന്ന തൊഴിൽ ചൂഷണം; ടാർഗറ്റ് പൂർത്തിയാക്കാത്തവരെ കഴുത്തിൽ നായ്ക്കളുടെ ബെൽറ്റ് ഇട്ട് നടത്തിച്ചു
കൊച്ചിയിലെ സ്ഥാപനത്തിൽ ടാർഗറ്റ് പൂർത്തിയാക്കാത്ത ജീവനക്കാരെ കഴുത്തിൽ നായ്ക്കളുടെ ബെൽറ്റ് ഇട്ട് നടത്തിച്ചു. നിലത്ത് തുപ്പിയ പഴം ചവർ എടുപ്പിക്കുന്നതും ഉൾപ്പെടെ ഞെട്ടിക്കുന്ന ദൃശ്യങ്ങൾ പുറത്ത്. സ്ഥാപന ഉടമ ഉബൈദിനെതിരെയാണ് പരാതി.
കാത്തോലിക്ക സഭയെ ലക്ഷ്യമിടുന്നത് സംഘപരിവാർ: മുഖ്യമന്ത്രി
വഖഫ് നിയമ ഭേദഗതിക്ക് ശേഷം കാത്തോലിക്ക സഭയെ ലക്ഷ്യമിടുന്നതായി മുഖ്യമന്ത്രി പിണറായി വിജയൻ. ഓർഗനൈസറിലെ ലേഖനം സംഘപരിവാറിന്റെ ദുരുദ്ദേശ്യം വെളിപ്പെടുത്തുന്നുവെന്ന് മുഖ്യമന്ത്രി. ന്യൂനപക്ഷ വിഭാഗങ്ങളെ തകർക്കാനുള്ള പദ്ധതിയുടെ ഭാഗമാണിതെന്നും ആരോപണം.
യുവതിയുടെ പരിശോധനാ ഫലം വന്നു, ‘നിപ’യല്ല; മസ്തിഷ്ക ജ്വരമെന്നു സ്ഥിരീകരണം
കോഴിക്കോട് മെഡിക്കൽ കോളേജിൽ ചികിത്സയിലുള്ള നാൽപ്പത്തിയൊന്നുകാരിക്ക് നിപയല്ലെന്ന് സ്ഥിരീകരണം. മസ്തിഷ്കജ്വരമാണ് ബാധിച്ചതെന്നും ആരോഗ്യ വകുപ്പ് അറിയിച്ചു. യുവതിയുമായി സമ്പർക്കം പുലർത്തിയവർക്ക് ആശങ്ക വേണ്ട.
ആശാ വർക്കേഴ്സ് സമരം: ഐ.എൻ.ടി.യു.സി നേതാവിന്റെ വിമർശനത്തിന് മറുപടി
കൂലി വർധനവിനായുള്ള സമരത്തിൽ ഉറച്ചുനിൽക്കുമെന്ന് ആശാ വർക്കേഴ്സ് സമരസമിതി. ഐ.എൻ.ടി.യു.സി സംസ്ഥാന പ്രസിഡന്റ് ആർ. ചന്ദ്രശേഖരന്റെ വിമർശനങ്ങൾ അപമാനകരമെന്ന് സമര നേതാക്കൾ. തൊഴിലാളികളെ വഞ്ചിക്കില്ലെന്നും സമരത്തിൽ നിന്ന് പിന്മാറില്ലെന്നും സമരസമിതി.
ഗുണ്ടാ നേതാവിന്റെ ലഹരിക്കേസ് അട്ടിമറി; തിരുവല്ലം എസ്ഐക്ക് സ്ഥലംമാറ്റം
തിരുവനന്തപുരത്ത് ഗുണ്ടാ നേതാവിന്റെ ലഹരിമരുന്ന് കേസ് അട്ടിമറിച്ച തിരുവല്ലം എസ്ഐയെ സ്ഥലം മാറ്റി. ഷാഡോ പോലീസ് പിടികൂടിയ തൊണ്ടിമുതൽ മഹസറിൽ ഉൾപ്പെടുത്തിയില്ലെന്ന് സ്പെഷ്യൽ ബ്രാഞ്ച് റിപ്പോർട്ട്. എസ്ഐയ്ക്കെതിരെ വകുപ്പുതല അന്വേഷണത്തിന് സിറ്റി പൊലീസ് കമ്മീഷണർ ഉത്തരവിട്ടു.
ആശാ വർക്കേഴ്സ് സമരം: സമരക്കാർ പിടിവാശി ഉപേക്ഷിക്കണമെന്ന് ഐഎൻടിയുസി
ആശാ വർക്കേഴ്സിന്റെ സമരത്തിൽ സമരക്കാർക്കെതിരെ രൂക്ഷവിമർശനവുമായി ഐഎൻടിയുസി സംസ്ഥാന പ്രസിഡന്റ് ആർ. ചന്ദ്രശേഖരൻ. സമരക്കാരുടെ പിടിവാശിയും ദുർവാശിയും അവസാനിപ്പിക്കണമെന്നും സമരം വഷളാക്കുന്നതിന്റെ ആവശ്യകത മനസ്സിലാകുന്നില്ലെന്നും അദ്ദേഹം പറഞ്ഞു. കൂലി വർധനവ് എന്ന ആവശ്യത്തിൽ ഉറച്ചുനിൽക്കുമെന്നും ഏത് തൊഴിലാളി സംഘടന എതിർത്താലും സമരവുമായി മുന്നോട്ടുപോകുമെന്നും ആശാ വർക്കേഴ്സ് സമരസമിതി നേതാവ് എസ്. മിനി പ്രതികരിച്ചു.
കാനഡയിൽ ഇന്ത്യൻ പൗരൻ കുത്തേറ്റു മരിച്ചു
കാനഡയിലെ റോക്ക്ലാൻഡിൽ ശനിയാഴ്ച രാവിലെ ഇന്ത്യൻ പൗരൻ കുത്തേറ്റു മരിച്ചു. സംഭവത്തിൽ ഒരാളെ പോലീസ് കസ്റ്റഡിയിലെടുത്തു. മരിച്ചയാളുടെ പേര് പുറത്തുവിട്ടിട്ടില്ല.
വനിതാ സിവിൽ പൊലീസ് റാങ്ക് ലിസ്റ്റ്: കാലാവധി നീട്ടണമെന്ന് ആവശ്യപ്പെട്ട് സമരം ശക്തം
വനിതാ സിവിൽ പൊലീസ് റാങ്ക് ലിസ്റ്റിന്റെ കാലാവധി നീട്ടണമെന്നാവശ്യപ്പെട്ട് ഉദ്യോഗാർത്ഥികൾ സെക്രട്ടേറിയറ്റ് പരിസരത്ത് നിരാഹാര സമരം തുടരുന്നു. റാങ്ക് ലിസ്റ്റിൽ ഉൾപ്പെട്ട 964 പേരിൽ 235 പേർക്ക് മാത്രമാണ് നിയമനം ലഭിച്ചത്. സർക്കാർ ചർച്ചയ്ക്ക് തയ്യാറാകാത്തതിൽ പ്രതിഷേധിച്ച് ക്ഷയനപ്രദക്ഷിണവും നടത്തി.
എറണാകുളം ഗസ്റ്റ് ഹൗസിൽ മാധ്യമപ്രവർത്തകർക്ക് വിലക്ക്; കേന്ദ്രമന്ത്രി സുരേഷ് ഗോപിയുടെ നടപടി വിവാദത്തിൽ
എറണാകുളം ഗസ്റ്റ് ഹൗസിൽ മാധ്യമപ്രവർത്തകരെ കേന്ദ്രമന്ത്രി സുരേഷ് ഗോപി വിലക്കി. മുനമ്പം വിഷയത്തിൽ പ്രതികരണം തേടിയെത്തിയ മാധ്യമപ്രവർത്തകരോടാണ് മന്ത്രി രോഷം പ്രകടിപ്പിച്ചത്. മന്ത്രിയുടെ ഗൺമാൻ മാധ്യമപ്രവർത്തകരെ പുറത്താക്കാൻ നിർദ്ദേശം നൽകിയതായി ജീവനക്കാർ വെളിപ്പെടുത്തി.
കാശ്മീരിലെ അർദ്ധവിധവകളുടെ കഥ പറഞ്ഞ് രോഹിണിയുടെ ഏകാങ്ക നാടകം ‘ഹാഫ് വിഡോസ്’
കാശ്മീരിലെ അർദ്ധവിധവകളുടെ കഥ പറയുന്ന ഏകാങ്ക നാടകമാണ് 'ഹാഫ് വിഡോസ്'. നടി രോഹിണിയാണ് നാടകത്തിൽ പ്രധാന കഥാപാത്രത്തെ അവതരിപ്പിച്ചത്. സിപിഎം പാർട്ടി കോൺഗ്രസിന്റെ ഭാഗമായി കണ്ണൂരിൽ നടന്ന സാംസ്കാരിക പരിപാടികളിലാണ് നാടകം അരങ്ങേറിയത്.