Crime News
കഞ്ചാവ് ഉപയോഗം റിപ്പോർട്ട് ചെയ്തതിന് വിദ്യാർത്ഥിയെ തട്ടിക്കൊണ്ടുപോകാൻ ശ്രമം
സ്കൂളിൽ കഞ്ചാവ് ഉപയോഗം റിപ്പോർട്ട് ചെയ്തതിന് പ്ലസ് ടു വിദ്യാർത്ഥിയെ തട്ടിക്കൊണ്ടുപോകാൻ ശ്രമം. പൂവച്ചൽ സ്വദേശിയായ ഫഹദിനെയാണ് ആറംഗ സംഘം കാറിൽ കയറ്റിക്കൊണ്ടുപോകാൻ ശ്രമിച്ചത്. കാട്ടാക്കട പൊലീസ് കേസെടുത്ത് അന്വേഷണം ആരംഭിച്ചു.
മുംബൈ ഭീകരാക്രമണം: തഹാവൂർ റാണയെ ചോദ്യം ചെയ്യൽ തുടരുന്നു
മുംബൈ ഭീകരാക്രമണ കേസിലെ പ്രതി തഹാവൂർ റാണയുടെ ചോദ്യം ചെയ്യൽ തുടരുന്നു. ഡേവിഡ് ഹെഡ്ലിയുമായുള്ള ബന്ധത്തെക്കുറിച്ചും എംപ്ലോയി ബി എന്ന ജീവനക്കാരനെക്കുറിച്ചും വിവരങ്ങൾ തേടി. റാണയുടെ ശബ്ദ സാമ്പിളുകളും എൻഐഎ ശേഖരിച്ചു.
വയനാട്ടില് ലഹരിയിലായ പിതാവും മകനും ചേര്ന്ന് വാഹനങ്ങള്ക്ക് നേരെ അക്രമം
വയനാട് നൂല്പ്പുഴയില് ലഹരിമരുന്ന് ഉപയോഗിച്ച പിതാവും മകനും ചേര്ന്ന് വാഹനങ്ങള്ക്ക് നേരെ അക്രമം അഴിച്ചുവിട്ടു. പോലീസ് വാഹനത്തിന്റേതടക്കം നിരവധി വാഹനങ്ങളുടെ ചില്ലുകള് തകര്ത്തു. പൊലീസും നാട്ടുകാരും ചേര്ന്ന് ഇരുവരെയും കീഴ്പ്പെടുത്തി.
മഞ്ചേശ്വരം ഓട്ടോ ഡ്രൈവറുടെ കൊലപാതകം: കേരള-കർണാടക പോലീസ് സംയുക്ത അന്വേഷണം
മഞ്ചേശ്വരത്ത് കിണറ്റിൽ കൊല്ലപ്പെട്ട നിലയിൽ കണ്ടെത്തിയ ഓട്ടോ ഡ്രൈവറുടെ കേസിൽ കേരള-കർണാടക പോലീസ് സംയുക്ത അന്വേഷണം ആരംഭിച്ചു. മുഹമ്മദ് ഷെരീഫിന്റെ ബന്ധുക്കളുടെ പരാതിയിലാണ് കർണാടക പോലീസ് അന്വേഷണം നടത്തുന്നത്. കൊലപാതകത്തിന് പിന്നിലെ കാരണം കണ്ടെത്താനുള്ള അന്വേഷണം ഊർജിതമാക്കി.
വയനാട്ടിൽ പൊലീസിന് നേരെ ആക്രമണം; പിതാവും പുത്രനും അറസ്റ്റിൽ
വയനാട് നമ്പിക്കൊല്ലിയിൽ പൊലീസിന് നേരെ അതിക്രമണം. പിതാവും പുത്രനും ചേർന്നാണ് പോലീസിനെ ആക്രമിച്ചത്. ലഹരിയുടെ സ്വാധീനത്തിലായിരുന്നു ആക്രമണമെന്നാണ് പ്രാഥമിക നിഗമനം.
അട്ടപ്പാടിയിൽ കാണാതായ കുഞ്ഞ് കണ്ടെത്തി
അട്ടപ്പാടി കോട്ടത്തറ ആശുപത്രിയിൽ നിന്ന് കാണാതായ നാലുമാസം പ്രായമുള്ള പെൺകുഞ്ഞിനെ കണ്ടെത്തി. മറ്റൊരു രോഗിയുടെ കൂട്ടിരിപ്പുകാരിയാണ് കുഞ്ഞിനെ കൊണ്ടുപോയത്. അട്ടപ്പാടി ആനക്കൽ ഭാഗത്ത് നിന്നാണ് കുഞ്ഞിനെയും കൂട്ടിരിപ്പുകാരിയെയും കണ്ടെത്തിയത്.
ജാർഖണ്ഡിൽ ഭൂമി തർക്കം: സഹോദരങ്ങൾ ബന്ധുവിനെ കൊലപ്പെടുത്തി
ജാർഖണ്ഡിലെ ഖുന്തി ജില്ലയിൽ ഭൂമി തർക്കത്തെ തുടർന്ന് സഹോദരങ്ങൾ ബന്ധുവിനെ കൊലപ്പെടുത്തി. കൊലപാതകത്തിന് ശേഷം പ്രതികളിലൊരാൾ പൊലീസിന് മുന്നിൽ കീഴടങ്ങി. മരിച്ചയാളുടെ കഴുത്തിലും നെറ്റിയിലും നിരവധി മുറിവുകൾ കണ്ടെത്തി.
നാഷണൽ ഹെറാൾഡ് കേസ്: എജെഎൽ കെട്ടിടത്തിലെ സ്ഥാപനങ്ങൾക്ക് ഇഡി നോട്ടീസ്
നാഷണൽ ഹെറാൾഡ് കേസിൽ കണ്ടുകെട്ടിയ സ്വത്തുക്കളിൽ തുടർ നടപടിയുമായി ഇഡി. എജെഎൽ കെട്ടിടത്തിൽ പ്രവർത്തിക്കുന്ന സ്ഥാപനങ്ങൾ ഒഴിയണമെന്ന് ഇഡി. 700 കോടി രൂപയുടെ സ്വത്തുക്കൾ കണ്ടുകെട്ടി.
ഗുരുവായൂർ ക്ഷേത്രത്തിൽ വീഡിയോ ചിത്രീകരിച്ചതിന് യുവതിക്കെതിരെ കേസ്
ഗുരുവായൂർ ക്ഷേത്ര പരിസരത്ത് വീഡിയോ ചിത്രീകരിച്ചതിന് ജസ്ന സലീമിനെതിരെ കേസെടുത്തു. ഹൈക്കോടതി ഉത്തരവ് ലംഘിച്ചാണ് ചിത്രീകരണം നടത്തിയതെന്നാണ് പരാതി. ഗുരുവായൂർ ടെമ്പിൾ പൊലീസാണ് കേസെടുത്തത്.
ഓൺലൈൻ ലോൺ തട്ടിപ്പ്; ജാഗ്രത പാലിക്കണമെന്ന് കേരള പോലീസ്
സാമൂഹ്യമാധ്യമങ്ങളിലൂടെ വ്യാപകമാകുന്ന ലോൺ തട്ടിപ്പിനെതിരെ കേരള പോലീസ് മുന്നറിയിപ്പ് നൽകി. ബ്ലാക്ക് ലൈൻ എന്ന കമ്പനിയുടെ പേരിൽ പ്രവർത്തിക്കുന്ന തട്ടിപ്പ് സംഘങ്ങൾ പണം തട്ടിയെടുക്കുന്നതായി പോലീസ് അറിയിച്ചു. സംശയാസ്പദമായ ലോൺ ആപ്പുകൾ ശ്രദ്ധയിൽപ്പെട്ടാൽ 1930 ൽ വിവരം അറിയിക്കണമെന്നും പോലീസ് അഭ്യർത്ഥിച്ചു.
മുംബൈ ഭീകരാക്രമണം: തഹാവൂർ റാണയുടെ ശബ്ദസാമ്പിളുകൾ ശേഖരിക്കാൻ എൻഐഎ
മുംബൈ ഭീകരാക്രമണക്കേസിലെ മുഖ്യ സൂത്രധാരൻ തഹാവൂർ റാണയുടെ ശബ്ദസാമ്പിളുകൾ എൻഐഎ ശേഖരിക്കും. അന്വേഷണ സംഘത്തിന്റെ പക്കലുള്ള ഓഡിയോ റാണയുടേത് തന്നെയാണോ എന്ന് ഉറപ്പാക്കാനാണ് ഈ നടപടി. മുംബൈക്ക് പുറമെ മറ്റ് ഇന്ത്യൻ നഗരങ്ങളെയും റാണ ലക്ഷ്യമിട്ടിരുന്നതായി എൻഐഎ കണ്ടെത്തി.
തൊടുപുഴ കൊലപാതകം: ഒരാളെക്കൂടി അറസ്റ്റ് ചെയ്തു
തൊടുപുഴയിൽ ബിസിനസ് തർക്കത്തിൽ മുൻ പങ്കാളിയെ കൊലപ്പെടുത്തിയ കേസിൽ ഒരാളെക്കൂടി പോലീസ് അറസ്റ്റ് ചെയ്തു. ജോമോൻ ജോസഫിന്റെ ബന്ധുവായ എബിൻ തോമസ് ആണ് അറസ്റ്റിലായത്. കൊലപാതക വിവരങ്ങൾ എബിന് നേരത്തെ അറിയാമായിരുന്നുവെന്നും പോലീസ് പറഞ്ഞു.