Cinema
സിനിമയിൽ നിന്ന് ബ്രേക്കെടുത്തു ധ്യാൻ ശ്രീനിവാസൻ; കാരണം ഇതാണ്
സിനിമയിൽ നിന്ന് താൽക്കാലികമായി ഇടവേളയെടുക്കുന്നതായി നടൻ ധ്യാൻ ശ്രീനിവാസൻ അറിയിച്ചു. ഈ വർഷം സിനിമകളൊന്നും ചെയ്യുന്നില്ലെന്നും സംവിധാനത്തിൽ ശ്രദ്ധ കേന്ദ്രീകരിക്കുമെന്നും അദ്ദേഹം വ്യക്തമാക്കി. തിരയുടെ രണ്ടാം ഭാഗം ഉൾപ്പെടെ പുതിയ സിനിമകളുടെ എഴുത്ത് പുരോഗമിക്കുകയാണെന്നും ധ്യാൻ കൂട്ടിച്ചേർത്തു.
ദുൽഖർ എനിക്ക് ഡ്രസ് വാങ്ങി തരുമായിരുന്നു; പഴയ ഓർമ്മകൾ പങ്കുവെച്ച് മമ്മൂട്ടി
മലയാളികളുടെ പ്രിയ നടൻ മമ്മൂട്ടി ഫാഷൻ ലോകത്തും തന്റേതായ വ്യക്തിമുദ്ര പതിപ്പിച്ച താരമാണ്. ഇപ്പോഴിതാ മമ്മൂക്കയുടെ ഒരു പഴയകാല അഭിമുഖമാണ് സോഷ്യൽ മീഡിയയിൽ ശ്രദ്ധ നേടുന്നത്. വിദേശത്ത് പഠിക്കുന്ന സമയത്ത് ദുൽഖർ എനിക്ക് ഡ്രസ് വാങ്ങി നൽകാറുണ്ടെന്ന് മമ്മൂട്ടി ഓർത്തെടുത്തു.
കമൽ ഹാസനുമായി വീണ്ടും ഒന്നിക്കുന്നു; രജനീകാന്തിന്റെ പ്രഖ്യാപനം
സൂപ്പർ താരങ്ങളായ രജനീകാന്തും കമൽ ഹാസനും വീണ്ടും ഒന്നിക്കുന്നു. രാജ് കമൽ ഫിലിംസ് ഇന്റർനാഷണൽ റെഡ് ജയന്റ് മൂവീസുമായി സഹകരിച്ചാണ് സിനിമ നിർമ്മിക്കുന്നത്. സിനിമയുടെ സംവിധായകനെ ഇതുവരെ തീരുമാനിച്ചിട്ടില്ലെന്നും രജനീകാന്ത് അറിയിച്ചു. ഒരുമിച്ചൊരു സിനിമ ചെയ്യണമെന്നത് തങ്ങളുടെ ഏറെക്കാലത്തെ ആഗ്രഹമായിരുന്നുവെന്നും അദ്ദേഹം കൂട്ടിച്ചേർത്തു.
ബാറ്റ്മാൻ 2: ചിത്രീകരണം 2026ൽ ആരംഭിക്കുമെന്ന് മാറ്റ് റീവ്സ്
ബാറ്റ്മാൻ ഫാൻസുകൾക്ക് സന്തോഷം നൽകുന്ന വാർത്തകളുമായി സംവിധായകൻ മാറ്റ് റീവ്സ്. ദി ബാറ്റ്മാൻ രണ്ടാം ഭാഗത്തിന്റെ ചിത്രീകരണം 2026 ഏപ്രിൽ മാസത്തിൽ ആരംഭിക്കും. തിരക്കഥ പൂർത്തിയായെന്നും, റോബർട്ട് പാറ്റിൻസണുമായി തിരക്കഥ പങ്കുവെച്ചുവെന്നും മാറ്റ് റീവ്സ് അറിയിച്ചു.
രാജ്യാന്തര ചലച്ചിത്രമേള: സിനിമകൾ സമർപ്പിക്കാനുള്ള അവസാന തീയതി നീട്ടി
കേരള രാജ്യാന്തര ചലച്ചിത്രമേളയുടെ 30-ാമത് പതിപ്പിലേക്ക് സിനിമകൾ സമർപ്പിക്കാനുള്ള അവസാന തീയതി സെപ്റ്റംബർ 17 വരെ നീട്ടി. 2024 സെപ്റ്റംബർ 1 മുതൽ 2025 ഓഗസ്റ്റ് 31 വരെ പൂർത്തിയാക്കിയ സിനിമകൾക്ക് മേളയിൽ എൻട്രി ലഭിക്കും. കൂടുതൽ വിവരങ്ങൾക്കും എൻട്രികൾ സമർപ്പിക്കുന്നതിനും www.iffk.in സന്ദർശിക്കുക.
മഞ്ഞുമ്മൽ ബോയ്സ് സാമ്പത്തിക തട്ടിപ്പ് കേസ്: അന്വേഷണത്തിന് പ്രത്യേക സംഘം
മഞ്ഞുമ്മൽ ബോയ്സ് സിനിമയുമായി ബന്ധപ്പെട്ട സാമ്പത്തിക തട്ടിപ്പ് കേസ് അന്വേഷിക്കാൻ പ്രത്യേക സംഘത്തെ നിയോഗിച്ചു. എറണാകുളം ഡി സി പി വിനോദ് പിള്ളയുടെ മേൽനോട്ടത്തിൽ ക്രൈംബ്രാഞ്ച് ഡിവൈഎസ്പി ലത്തീഫ് ആണ് കേസ് അന്വേഷിക്കുന്നത്. സിനിമയുടെ ലാഭവിഹിതം നൽകാതെ കബളിപ്പിച്ചുവെന്ന സിറാജിൻ്റെ പരാതിയിലാണ് കേസ്.
നവ്യയും സൗബിനും ഒന്നിക്കുന്ന ‘പാതിരാത്രി’ ഒക്ടോബറിൽ
നവ്യ നായരെയും സൗബിൻ ഷാഹിറിനെയും കേന്ദ്ര കഥാപാത്രങ്ങളാക്കി രതീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ഫസ്റ്റ് ലുക്ക് പുറത്തിറങ്ങി. കെ വി അബ്ദുൾ നാസർ, ആഷിയ നാസർ എന്നിവർ ചേർന്നാണ് ചിത്രം നിർമ്മിക്കുന്നത്. ചിത്രം കേരളത്തിൽ വിതരണം ചെയ്യുന്നത് ഡ്രീം ബിഗ് ഫിലിംസ് ആണ്. ഒക്ടോബറിൽ ചിത്രം പ്രദർശനത്തിനെത്തും.
ഡെമൺ സ്ലേയർ: ഇൻഫിനിറ്റി കാസിൽ സെപ്റ്റംബർ 12-ന് തിയേറ്ററുകളിൽ
ഇന്ത്യയിലെ അനിമേ ആരാധകർ കാത്തിരിക്കുന്ന ഡെമൺ സ്ലേയർ: കിമെറ്റ്സു നോ യയ്ബ – ദി മൂവി: ഇൻഫിനിറ്റി കാസിൽ സെപ്റ്റംബർ 12-ന് തിയേറ്ററുകളിൽ റിലീസ് ചെയ്യുന്നു. ഇന്ത്യയിൽ പുലർച്ചെ അഞ്ച് മണിക്ക് പ്രദർശനം ആരംഭിക്കുന്ന ആദ്യ ജാപ്പനീസ് ആനിമേഷൻ ചിത്രമാണിത്. ആഗോളതലത്തിൽ ശ്രദ്ധ നേടിയ അനിമേയുടെ ഇൻഫിനിറ്റി കാസിൽ ആർക്കിനെ അടിസ്ഥാനമാക്കിയുള്ള ഈ സിനിമ, ആരാധകർ ഏറെ കാത്തിരിക്കുന്ന ട്രയോളജിയുടെ ആദ്യ ഭാഗമാണ്.
ചന്ദനക്കാടുകളിലെ പോരാട്ടം; ‘വിലായത്ത് ബുദ്ധ’ ടീസർ പുറത്തിറങ്ങി
പൃഥ്വിരാജിന്റെ പുതിയ സിനിമ 'വിലായത്ത് ബുദ്ധ'യുടെ ടീസർ പുറത്തിറങ്ങി. മറയൂരിലെ ചന്ദനമലമടക്കുകളിൽ ഒരു ചന്ദനമരത്തെച്ചൊല്ലി ഗുരുവും ശിഷ്യനും തമ്മിൽ നടക്കുന്ന പോരാട്ടമാണ് സിനിമയുടെ ഇതിവൃത്തം. ചിത്രത്തിൽ ഡബിൾ മോഹൻ എന്ന കഥാപാത്രത്തെ പൃഥ്വിരാജ് അവതരിപ്പിക്കുന്നു.
കന്നഡ വികാരം വ്രണപ്പെടുത്തിയെന്നാരോപണം: ‘ലോക: ചാപ്റ്റർ വൺ’ സിനിമയിലെ ഡയലോഗ് മാറ്റും
കന്നഡ വികാരം വ്രണപ്പെടുത്തിയെന്ന ആരോപണത്തെത്തുടർന്ന് ‘ലോക: ചാപ്റ്റർ വൺ’ എന്ന സിനിമയിലെ വിവാദപരമായ സംഭാഷണത്തിൽ മാറ്റം വരുത്താൻ നിർമ്മാതാക്കൾ തീരുമാനിച്ചു. ദുല്ഖര് സല്മാന്റെ ഉടമസ്ഥതയിലുള്ള വേഫെറര് ഫിലിംസ് തങ്ങളുടെ സോഷ്യല് മീഡിയ അക്കൗണ്ടിലൂടെയാണ് ഇക്കാര്യം അറിയിച്ചത്. കന്നഡക്കാരുടെ വികാരത്തെ മാനിക്കുന്നുവെന്നും, സംഭവിച്ച വീഴ്ചയിൽ ഖേദം പ്രകടിപ്പിക്കുന്നുവെന്നും വേഫെറര് ഫിലിംസ് അറിയിച്ചു.
സിനിമാ നിർമ്മാണം അവസാനിപ്പിച്ച് വെട്രിമാരൻ; കാരണം ഇതാണ്
പ്രശസ്ത തമിഴ് സംവിധായകൻ വെട്രിമാരൻ സിനിമാ നിർമ്മാണ രംഗത്ത് നിന്ന് പിന്മാറുന്നു. സാമ്പത്തിക സമ്മർദ്ദങ്ങളും സെൻസർ ബോർഡുമായുള്ള പ്രശ്നങ്ങളുമാണ് ഈ തീരുമാനത്തിന് പിന്നിൽ. ഗ്രാസ് റൂട്ട് ഫിലിംസ് നിർമ്മിക്കുന്ന അവസാന സിനിമ "ബാഡ് ഗേൾ" ആണ്.
ലോകേഷിന്റെ സിനിമകളിലെ ഹൈസൻബർഗ് താനല്ലെന്ന് നെൽസൺ
തമിഴ് സിനിമാലോകത്ത് ഏറെ ചർച്ച ചെയ്യപ്പെട്ട പേരാണ് ഹൈസൻബർഗ്. ലോകേഷ് സിനിമകളിലെ ഗാനങ്ങൾക്ക് വരികൾ എഴുതുന്ന ഹൈസൻബർഗ് ആരാണെന്നറിയാൻ സിനിമാലോകം ആകാംഷയോടെ കാത്തിരിക്കുകയായിരുന്നു. നെൽസൺ അല്ല ഹൈസൻബർഗ് എന്ന് വ്യക്തമാക്കിയതോടെ അഭ്യൂഹങ്ങൾക്ക് വിരാമമായി. നന്നായി ഗാനങ്ങൾ രചിക്കാൻ അറിയാവുന്ന ആരോ ഒരാൾ ആണ് ഹൈസൻബർഗ് എന്നും അത് മിക്കവാറും ലോകേഷ് തന്നെയായിരിക്കുമെന്നുമാണ് നെൽസൺ പറയുന്നത്.