Accidents
കോട്ടയം മെഡിക്കൽ കോളജ് അപകടം: മരിച്ച ബിന്ദുവിന്റെ കുടുംബത്തിന് ധനസഹായം കൈമാറി
കോട്ടയം മെഡിക്കൽ കോളജിൽ കെട്ടിടം തകർന്ന് മരിച്ച ബിന്ദുവിന്റെ കുടുംബത്തിന് സർക്കാർ പ്രഖ്യാപിച്ച 10 ലക്ഷം രൂപയുടെ ധനസഹായം മന്ത്രി വി.എൻ. വാസവൻ കൈമാറി. ബിന്ദുവിന്റെ ഭർത്താവ് വിശ്രുതൻ, അമ്മ സീതാലക്ഷ്മി, മകൻ നവനീത് എന്നിവരെ മന്ത്രി നേരിൽ കണ്ടു. ജൂലൈ മൂന്നിനാണ് മെഡിക്കൽ കോളജ് വാർഡിലെ പഴയ ശുചിമുറി കെട്ടിടം ഇടിഞ്ഞുവീണ് അപകടമുണ്ടായത്.
ആലുവയിൽ അറ്റകുറ്റപ്പണി: ട്രെയിൻ ഗതാഗതത്തിന് നിയന്ത്രണം
ആലുവയിൽ അറ്റകുറ്റപ്പണി നടക്കുന്നതിനാൽ ട്രെയിൻ ഗതാഗതത്തിന് നിയന്ത്രണം ഏർപ്പെടുത്തി. പാലക്കാട് എറണാകുളം മെമു, എറണാകുളം പാലക്കാട് മെമു ട്രെയിനുകൾ പൂർണമായും റദ്ദാക്കി. മംഗളൂരു-തിരുവനന്തപുരം വന്ദേഭാരത്, സെക്കന്തരാബാദ്- തിരുവനന്തപുരം ശബരി എക്സ്പ്രസ് ഉൾപ്പെടെ അഞ്ച് ട്രെയിനുകൾ വൈകിയോടുന്നു.
സംസ്ഥാനത്ത് വൈദ്യുതി സുരക്ഷ ശക്തമാക്കുന്നു; ജില്ലാതല കമ്മിറ്റികൾ ഉടൻ
സംസ്ഥാനത്ത് തുടർച്ചയായി ഉണ്ടാകുന്ന വൈദ്യുതി അപകടങ്ങൾ ഒഴിവാക്കാൻ സംസ്ഥാന, ജില്ലാതല കമ്മിറ്റികൾ വിളിച്ചുചേർക്കാൻ തീരുമാനിച്ചു. അടുത്ത മാസം 15-നകം കമ്മിറ്റികൾ വിളിച്ചുചേർക്കാൻ വൈദ്യുതി മന്ത്രി നിർദ്ദേശം നൽകി. ഓഗസ്റ്റ് 15-ന് മുമ്പ് സുരക്ഷാ പരിശോധനകൾ പൂർത്തിയാക്കാനും നിർദേശമുണ്ട്.
വയനാട്ടിൽ കോഴിഫാമിൽ ഷോക്കേറ്റ് സഹോദരങ്ങൾ മരിച്ചു
വയനാട് വാഴവറ്റയിൽ കോഴിഫാമിൽ ഷോക്കേറ്റ് രണ്ട് സഹോദരങ്ങൾ മരിച്ചു. മൃഗങ്ങളെ തടയാൻ സ്ഥാപിച്ച വൈദ്യുതി വേലിയിൽ നിന്നാണ് ഷോക്കേറ്റത്. കൽപ്പറ്റയിലെ ആശുപത്രിയിലേക്ക് മാറ്റിയ മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് കൈമാറും.
തേവലക്കര ദുരന്തം: അധ്യാപകർക്ക് വീഴ്ച പറ്റിയെന്ന് മന്ത്രി വി. ശിവൻകുട്ടി
കൊല്ലം തേവലക്കര ബോയ്സ് സ്കൂളിൽ വിദ്യാർത്ഥി ഷോക്കേറ്റ് മരിച്ച സംഭവത്തിൽ അധ്യാപകരെ വിമർശിച്ച് വിദ്യാഭ്യാസ മന്ത്രി വി. ശിവൻകുട്ടി. സ്കൂളിന് വീഴ്ച സംഭവിച്ചെന്നും അന്തിമ റിപ്പോർട്ട് ലഭിച്ച ശേഷം വിദ്യാഭ്യാസ വകുപ്പ് നടപടിയെടുക്കുമെന്നും മന്ത്രി വ്യക്തമാക്കി. സംഭവത്തിൽ മരിച്ച വിദ്യാർത്ഥിയെ കുറ്റപ്പെടുത്തിയ മന്ത്രി ജെ. ചിഞ്ചുറാണിക്ക് മന്ത്രി മറുപടി നൽകി.
കൊണ്ടോട്ടിയിൽ സ്കൂളുകളിൽ മിന്നൽ പരിശോധന; പ്രായപൂർത്തിയാകാത്ത കുട്ടികൾ ഓടിച്ച 20 ഇരുചക്രവാഹനങ്ങൾ പിടിച്ചെടുത്തു
മലപ്പുറം കൊണ്ടോട്ടിയില് സ്കൂളുകളില് നടത്തിയ മിന്നല് പരിശോധനയില് പ്രായപൂര്ത്തിയാകാത്ത കുട്ടികള് ഓടിച്ച ഇരുപതോളം ഇരുചക്ര വാഹനങ്ങള് പിടിച്ചെടുത്തു. കൊണ്ടോട്ടി സ്റ്റേഷന് പരിധിയിലെ വിവിധ സ്കൂളുകളില് പൊലീസ് മഫ്തിയില് നടത്തിയ പരിശോധനയിലാണ് വാഹനങ്ങള് പിടിച്ചെടുത്തത്. കുട്ടികള് ഓടിച്ച വാഹനങ്ങളുടെ ഉടമസ്ഥര്ക്കെതിരെ നിയമനടപടി സ്വീകരിക്കുമെന്നും പൊലീസ് അറിയിച്ചു.
മലപ്പുറത്ത് അധ്യാപികയുടെ കാറിടിച്ച് വിദ്യാർത്ഥിക്ക് പരിക്ക്; വിദ്യാർത്ഥികളുടെ പ്രതിഷേധം കനക്കുന്നു
മലപ്പുറം എംഎസ്പി ഹയർസെക്കൻഡറി സ്കൂളിൽ അധ്യാപികയുടെ കാറിടിച്ച് വിദ്യാർത്ഥിക്ക് പരുക്കേറ്റു. പരുക്കേറ്റ വിദ്യാർത്ഥിയെ ആശുപത്രിയിൽ എത്തിക്കാൻ വൈകിയെന്നും, കേസ് ഒതുക്കി തീർക്കാൻ ശ്രമിച്ചെന്നും വിദ്യാർത്ഥികൾ ആരോപിച്ചു. സംഭവത്തിൽ പ്രതിഷേധിച്ച് വിദ്യാർത്ഥികൾ ക്ലാസ്സുകൾ ബഹിഷ്കരിച്ച് പ്രതിഷേധം നടത്തുകയാണ്.
തെരുവ് വിളക്കിൽ നിന്ന് വീണ സോളാർ പാനൽ: വിദ്യാർത്ഥി മരിച്ചു
കണ്ണൂർ വെള്ളിക്കീലിൽ തെരുവ് വിളക്കിൽ നിന്ന് വീണ സോളാർ പാനൽ ഏറ്റ ബൈക്ക് യാത്രികൻ മരിച്ചു. കീഴറ സ്വദേശി ആദിത്യൻ ഇ.പി (19) ആണ് മരിച്ചത്. തലയ്ക്ക് ഗുരുതരമായി പരിക്കേറ്റ ആദിത്യനെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
കോഴിക്കോട് മെഡിക്കൽ കോളജിൽ തീപിടുത്തം: അട്ടിമറിയില്ലെന്ന് പ്രാഥമിക റിപ്പോർട്ട്
കോഴിക്കോട് മെഡിക്കൽ കോളജിലെ അത്യാഹിത വിഭാഗത്തിൽ തീപിടുത്തമുണ്ടായി. പ്രാഥമിക അന്വേഷണത്തിൽ അട്ടിമറി സാധ്യതയില്ലെന്ന് പോലീസ് അറിയിച്ചു. എന്നാൽ, പരിശോധന പൂർത്തിയാകാത്ത ബ്ലോക്കിൽ രോഗികളെ പ്രവേശിപ്പിച്ചതിൽ ആരോഗ്യമന്ത്രി വിശദീകരണം തേടി.
കോഴിക്കോട് മെഡിക്കൽ കോളേജിൽ വീണ്ടും തീപിടുത്തം; രോഗികൾ ഓടി രക്ഷപ്പെട്ടു
കോഴിക്കോട് മെഡിക്കൽ കോളേജിൽ വീണ്ടും തീപിടുത്തമുണ്ടായി. ഓപ്പറേഷൻ തീയറ്റർ സജ്ജമാക്കുന്നതിനിടെയാണ് തീപിടുത്തമുണ്ടായത്. നിരവധി രോഗികളെ മാറ്റിപ്പാർപ്പിച്ചു.
കോഴിക്കോട് മെഡിക്കൽ കോളേജിൽ വീണ്ടും പുക: കെ.എം. അഭിജിത്ത് അധികൃതരെ രൂക്ഷമായി വിമർശിച്ചു
കോഴിക്കോട് മെഡിക്കൽ കോളേജ് ആറാം നിലയിൽ നിന്ന് പുക ഉയർന്ന സംഭവത്തിൽ അധികൃതരുടെ വീഴ്ചയെന്ന് കെ.എം. അഭിജിത്ത്. രോഗികളെ പ്രവേശിപ്പിച്ച നടപടി അപലപനീയമെന്നും ജനങ്ങളുടെ ജീവന് സംരക്ഷണം നൽകണമെന്നും അദ്ദേഹം ആവശ്യപ്പെട്ടു. ജില്ലാ കളക്ടർ മറുപടി പറയണമെന്നും അദ്ദേഹം ആവശ്യപ്പെട്ടു.
ആനമലൈയിൽ ട്രക്കിംഗിനിടെ മലയാളി ഡോക്ടർ മരിച്ചു
ആനമലൈ കടുവാ സങ്കേതത്തിൽ ട്രക്കിംഗിനിടെ മലയാളി ഡോക്ടർ കുഴഞ്ഞുവീണ് മരിച്ചു. തിരുവനന്തപുരം കല്ലമ്പലം സ്വദേശിയായ 26-കാരനായ അജ്സലാണ് മരിച്ചത്. പോസ്റ്റ്മോർട്ടം നാളെ നടക്കും.