ക്രിസ്തുമസ് ദിനത്തിൽ വയനാട് മേപ്പാടി കുടുംബാരോഗ്യ കേന്ദ്രത്തിലെ ആരോഗ്യ പ്രവർത്തകർക്ക് അപ്രതീക്ഷിത സന്ദർശനവുമായി എത്തിയത് ആരോഗ്യ വകുപ്പ് മന്ത്രി വീണാ ജോർജ് ആയിരുന്നു. മന്ത്രിയുടെ ഈ സന്ദർശനം ആരോഗ്യ പ്രവർത്തകരെ അമ്പരപ്പിച്ചു. വയനാട്ടിലേക്കുള്ള യാത്രയ്ക്കിടെയാണ് മന്ത്രി എംഎൽഎ ടി. സിദ്ദിഖ്, ഡി.എം.ഒ. ദിനീഷ്, ഡി.പി.എം. ഡോ. സമീഹ എന്നിവരെ വിളിച്ചത്. പെട്ടെന്നുള്ള ക്ഷണത്തിനും അവരെല്ലാം ഒപ്പം ചേർന്നു. മുൻ പഞ്ചായത്ത് പ്രസിഡന്റ് സഹദും എത്തിച്ചേർന്നു.
നൂറിലധികം മൃതദേഹങ്ങൾ തിരിച്ചറിഞ്ഞ ആശാ പ്രവർത്തകയും കേരള ശ്രീ പുരസ്കാര ജേതാവുമായ ഷൈജാ ബേബി, ആശാ പ്രവർത്തക സുബൈദ, സ്റ്റാഫ് നഴ്സ് സഫ്വാന എന്നിവരെ മന്ത്രി നേരിട്ട് കണ്ടു. കോഴിക്കോട് മെഡിക്കൽ കോളേജിൽ ആഴ്ചകളോളം വെന്റിലേറ്ററിൽ കിടന്ന് ഗുരുതരാവസ്ഥയിൽ നിന്നും ജീവിതത്തിലേക്ക് തിരിച്ചുവന്ന അവ്യുക്ത, അമ്മ രമ്യ എന്നിവരെയും മന്ത്രി വീട്ടിലെത്തി സന്ദർശിച്ചു. സുബൈർ, ഹോസ്പിറ്റൽ അറ്റൻഡർ ഫൈസൽ തുടങ്ങിയവരെ ആരോഗ്യ കേന്ദ്രത്തിൽ വച്ച് കണ്ടു. ദുരന്ത സമയത്തും മനസാന്നിധ്യത്തോടെ സേവനമനുഷ്ഠിച്ച എല്ലാവരെയും മന്ത്രി അഭിനന്ദിച്ചു.
ഉരുൾപൊട്ടലിന്റെ രക്ഷാപ്രവർത്തനത്തിനിടയിൽ മേപ്പാടി ആരോഗ്യ കേന്ദ്രത്തിൽ ഇൻക്വസ്റ്റിനും പോസ്റ്റ്മോർട്ടത്തിനും മൃതദേഹം എത്തിക്കുന്നിടത്ത് കർമ്മനിരതയായിരുന്നു ഷൈജാ ബേബി. എല്ലാം നഷ്ടപ്പെട്ട് ഉയർന്ന സ്ഥലത്തേയ്ക്ക് പോയപ്പോൾ ചെളിയിൽ താഴ്ന്നുപോയിരുന്ന ഏഴു വയസ്സുകാരിയെ ചെറിയ ചലനം കണ്ട് കുട്ടിയാണെന്ന് മനസിലാക്കി പ്രാഥമിക ശുശ്രൂഷ നൽകി രക്ഷിച്ച ആശാ പ്രവർത്തകയാണ് സുബൈദ. അടുത്ത ബന്ധുക്കളെ ദുരന്തത്തിൽ നഷ്ടപ്പെട്ടെങ്കിലും രാപ്പകലില്ലാതെ പ്രവർത്തിച്ചയാളാണ് ഫൈസൽ. ഒൻപത് ബന്ധുക്കൾ മരണമടഞ്ഞിട്ടും മറ്റുള്ളവർക്കായി സേവനമനുഷ്ഠിച്ച സ്റ്റാഫ് നഴ്സാണ് സഫ്വാന.
ക്രിസ്തുമസ് ദിനത്തിൽ തങ്ങളെ തേടി മന്ത്രി എത്തിയപ്പോൾ ആരോഗ്യ പ്രവർത്തകർക്ക് ഏറെ സന്തോഷവും ആശ്വാസവുമായി. രണ്ട് കുട്ടികളെയും നഷ്ടപ്പെട്ട സുബൈറിന്റെ ഭാര്യ ഗുരുതരാവസ്ഥയിൽ നിന്നും ജീവിതത്തിലേക്ക് തിരിച്ചുവരുന്നതായും മന്ത്രി അറിയിച്ചു. ദുരന്തത്തിന്റെ നടുവിലും മനോധൈര്യത്തോടെ പ്രവർത്തിച്ച എല്ലാ ആരോഗ്യ പ്രവർത്തകരെയും മന്ത്രി പ്രത്യേകം അഭിനന്ദിച്ചു.
Story Highlights: Health Minister Veena George makes surprise Christmas visit to Meppadi Family Health Centre, meets disaster relief workers
കേരളത്തിൽ എച്ച്.എം.പി.വി. റിപ്പോർട്ട് ചെയ്തതിൽ ആശങ്കപ്പെടേണ്ടതില്ലെന്ന് ആരോഗ്യ മന്ത്രി വീണാ ജോർജ് അറിയിച്ചു. Read more
മലപ്പുറം ജില്ലയില്‍ നൂറുദിന ക്ഷയരോഗ നിര്‍മ്മാര്‍ജ്ജന ക്യാമ്പയിനിടെ ആരോഗ്യ പ്രവര്‍ത്തകര്‍ ഒരു വയോധികനെ Read more
രാജ്യാന്തര തലത്തിൽ വൈറൽ പനിയും ശ്വാസകോശ ഇൻഫെക്ഷനും പടരുന്ന സാഹചര്യത്തിൽ കേരളം സ്ഥിതിഗതികൾ Read more
കേരളത്തിൽ സൗജന്യ ആരോഗ്യ പരിരക്ഷ ലഭിക്കുന്നവരുടെ എണ്ണം 2.5 ലക്ഷത്തിൽ നിന്ന് 6.5 Read more
സംസ്ഥാനത്തെ 190 ആശുപത്രികൾക്ക് നാഷണൽ ക്വാളിറ്റി അഷുറൻസ് സ്റ്റാൻഡേർഡ് (എൻ.ക്യു.എ.എസ്.) അംഗീകാരം ലഭിച്ചതായി Read more
ആന്റിബയോട്ടിക്കുകളുടെ അനാവശ്യ ഉപയോഗം തടയാനുള്ള നടപടികള്‍ ഫലം കണ്ടതായി ആരോഗ്യ മന്ത്രി വീണാ Read more
പത്തനംതിട്ടയിലെ നഴ്‌സിംഗ് വിദ്യാര്‍ത്ഥി അമ്മു സജീവന്റെ മരണത്തില്‍ ആരോഗ്യ മന്ത്രി വീണാ ജോര്‍ജ് Read more
ശബരിമല തീര്‍ത്ഥാടന കാലത്ത് സന്നദ്ധ സേവനം അനുഷ്ഠിക്കാന്‍ ആരോഗ്യ പ്രവര്‍ത്തകരെ ക്ഷണിക്കുന്നതായി മന്ത്രി Read more
സംസ്ഥാനത്തെ സര്‍ക്കാര്‍ മെഡിക്കല്‍ കോളജുകളില്‍ പത്താമത്തെ കരള്‍ മാറ്റിവയ്ക്കല്‍ ശസ്ത്രക്രിയ വിജയകരമായി പൂര്‍ത്തിയായി. Read more
സംസ്ഥാനത്തെ ആദിവാസി മേഖലകളിലെ ജനങ്ങളുടെ ആരോഗ്യ പരിരക്ഷയ്ക്കായി ആക്ഷൻ പ്ലാൻ രൂപീകരിക്കുമെന്ന് ആരോഗ്യ Read more
Related posts:
സ്കൂൾ ആരോഗ്യ പരിശോധന രക്ഷിച്ച ജീവിതം: സാക്രൽ എജെനെസിസ് ബാധിച്ച 14 കാരിക്ക് പുതുജീവൻ
എച്ച്എംപിവി: ഭയപ്പെടേണ്ടതില്ലെന്ന് കേന്ദ്ര-സംസ്ഥാന സർക്കാരുകൾ
എച്ച്.എം.പി.വി. റിപ്പോർട്ടിൽ ആശങ്കയ്ക്ക് വകയില്ല; മുൻകരുതൽ നടപടികൾ സ്വീകരിച്ചതായി മന്ത്രി വീണാ ജോർജ്
യു പ്രതിഭ എംഎൽഎയുടെ മകന്റെ കേസ്: എക്സൈസിനെതിരെ മന്ത്രി സജി ചെറിയാൻ
