Zubeen Garg
സുബീൻ ഗാർഗിന്റെ മരണം കൊലപാതകമെന്ന് അസം മുഖ്യമന്ത്രി ഹിമന്ത ബിശ്വ ശർമ
പ്രശസ്ത ബോളിവുഡ് ഗായകൻ സുബീൻ ഗാർഗിന്റെ മരണം കൊലപാതകമാണെന്ന് അസം മുഖ്യമന്ത്രി ഹിമന്ത ബിശ്വ ശർമ പറഞ്ഞു. അസം നിയമസഭയുടെ ശൈത്യകാല സമ്മേളനത്തിൽ സംസാരിക്കവെയാണ് മുഖ്യമന്ത്രിയുടെ ഈ പരാമർശം. സിബിഐ അന്വേഷണം വേണ്ടെന്നും, SIT അന്വേഷണത്തിൽ വിശ്വാസമുണ്ടെന്നും അദ്ദേഹം കൂട്ടിച്ചേർത്തു.
സുബീൻ ഗാർഗിന്റെ മരണത്തിൽ അസമിൽ സംഘർഷം; പോലീസ് വാഹനം കത്തിച്ചു
പ്രമുഖ ഗായകൻ സുബീൻ ഗാർഗിന്റെ മരണവുമായി ബന്ധപ്പെട്ട് അസമിലെ ബക്സ ജില്ലാ ജയിലിന് മുന്നിൽ സംഘർഷം. അറസ്റ്റിലായ അഞ്ച് പ്രതികളെ ജുഡീഷ്യൽ കസ്റ്റഡിയിൽ വിട്ട കോടതിയുടെ തീരുമാനമാണ് പ്രതിഷേധത്തിനും സംഘർഷത്തിനും വഴി തെളിയിച്ചത്. സ്ഥിതിഗതികൾ നിയന്ത്രിക്കുന്നതിനായി പോലീസ് ആകാശത്തേക്ക് വെടിവയ്ക്കുകയും കണ്ണീർവാതകം പ്രയോഗിക്കുകയും ചെയ്തു.
സുബീൻ ഗാർഗിന്റെ മരണം: കൂടുതൽ അറസ്റ്റുകൾ, ദുരൂഹതകൾ ഏറുന്നു
പ്രശസ്ത ബോളിവുഡ് ഗായകൻ സുബീൻ ഗാർഗിന്റെ മരണവുമായി ബന്ധപ്പെട്ട് കൂടുതൽ അറസ്റ്റുകൾ രേഖപ്പെടുത്തി. സുബിന്റെ സഹഗായകരായ ശേഖർ ജ്യോതി ഗോസ്വാമിയെയും അമൃത്പ്രഭ മഹന്തയെയുമാണ് പ്രത്യേക അന്വേഷണസംഘം അറസ്റ്റ് ചെയ്തത്. സിംഗപ്പൂരിൽ വെച്ച് സ്കൂബ ഡൈവിംഗിനിടെയാണ് ഗായകൻ മരണപ്പെട്ടത്, മരണകാരണം ഇപ്പോഴും അവ്യക്തമായി തുടരുകയാണ്.
സുബിൻ ഗാർഗിന്റെ മരണം: മാനേജർക്കും സംഘാടകനുമെതിരെ കൊലക്കുറ്റം ചുമത്തി
ബോളിവുഡ് ഗായകൻ സുബിൻ ഗാർഗിന്റെ മരണത്തിൽ അദ്ദേഹത്തിന്റെ മാനേജർ സിദ്ധാർത്ഥ ശർമ്മയ്ക്കും, സിംഗപ്പൂരിലെ പരിപാടിയുടെ സംഘാടകനുമെതിരെ കൊലക്കുറ്റം ചുമത്തി. സിംഗപ്പൂരിൽ വെച്ച് സ്കൂബ ഡൈവിങ്ങിനിടെയാണ് സുബിൻ ഗാർഗ് മരിച്ചത്. കേസിൽ സ്പെഷ്യൽ ഡിജിപി എംപി ഗുപ്തയുടെ നേതൃത്വത്തിലുള്ള 10 അംഗ പ്രതേക അന്വേഷണ സംഘം അന്വേഷണം നടത്തും.