Wayanad
വയനാട്ടിൽ കോൺഗ്രസ് മണ്ഡലം പ്രസിഡന്റിനെതിരെ ജാതി അധിക്ഷേപ പരാതി
വയനാട് മുള്ളൻകൊല്ലി മണ്ഡലം കോൺഗ്രസ് പ്രസിഡന്റിനെതിരെ മഹിളാ കോൺഗ്രസ് നേതാവ് നന്ദിനി സുരേന്ദ്രൻ ജാതി അധിക്ഷേപം നടത്തിയെന്നും മാനസികമായി പീഡിപ്പിച്ചെന്നും പരാതി നൽകി. കെപിസിസിക്കും ഡിസിസിക്കും പരാതി നൽകിയിട്ടും നടപടിയെടുത്തില്ലെന്നും ആരോപണമുണ്ട്. ജെബി മേത്തർ എംപിയുടെ പരിപാടിയിൽ സ്റ്റേജിൽ കയറാൻ അനുവദിക്കാതെ ജാതി അധിക്ഷേപം നടത്തിയെന്നും അശ്ലീല പ്രയോഗങ്ങൾ നടത്തിയെന്നും പരാതിയിൽ പറയുന്നു.
വയനാട്ടിൽ തെരുവുനായ്ക്കൾക്ക് വിഷം കലർത്തിയ ഇറച്ചി നൽകി; രണ്ട് നായ്ക്കൾ ചത്തു
വയനാട് ചൂരൽമലയിൽ തെരുവുനായ്ക്കൾക്ക് ഇറച്ചിയിൽ വിഷം കലർത്തി നൽകി. ഇന്ന് രാവിലെ ഭക്ഷണവുമായി എത്തിയവരാണ് നായ്ക്കൾ പിടയുന്നത് കണ്ടത്. ഈ സംഭവത്തിൽ രണ്ട് നായ്ക്കൾ ചത്തു.
വയനാട് തുരങ്കപാതയ്ക്ക് കേന്ദ്രാനുമതി; ഉടൻ വിജ്ഞാപനം
വയനാട് തുരങ്കപാതയ്ക്ക് കേന്ദ്ര പരിസ്ഥിതി മന്ത്രാലയത്തിന്റെ അനുമതി ലഭിച്ചു. 60 ഉപാധികളോടെയാണ് അനുമതി നൽകിയിരിക്കുന്നത്. ഇതോടെ തുരങ്കപാതയുടെ നിർമ്മാണ പ്രവർത്തനങ്ങൾ ആരംഭിക്കാനാകും.
വയനാട്ടിൽ മഴ കുറഞ്ഞു; താഴ്ന്ന പ്രദേശങ്ങളിൽ വെള്ളക്കെട്ട് ഒഴിഞ്ഞുപോവുന്നു
റെഡ് അലർട്ട് നിലനിന്നിരുന്ന വയനാട്ടിൽ മഴയുടെ ശക്തി കുറഞ്ഞു. ജില്ലയിൽ 242 ഹെക്ടർ കൃഷിനാശം സംഭവിച്ചു. 18 ദുരിതാശ്വാസ ക്യാമ്പുകളിലായി 700-ഓളം ആളുകൾ കഴിയുന്നു.
വയനാട് ജില്ലയിൽ നാളെ വിദ്യാഭ്യാസ സ്ഥാപനങ്ങൾക്ക് അവധി
വയനാട് ജില്ലയിൽ കാലാവസ്ഥാ നിരീക്ഷണ വകുപ്പ് റെഡ് അലർട്ട് പ്രഖ്യാപിച്ചതിനെ തുടർന്ന് നാളെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു. ട്യൂഷൻ സെന്ററുകൾ, മദ്രസകൾ, അങ്കണവാടികൾ, പ്രൊഫഷണൽ കോളേജുകൾ എന്നിവയുൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണ്. റെസിഡൻഷ്യൽ സ്കൂളുകൾ, റെസിഡൻഷ്യൽ കോളേജുകൾ, സർവ്വകലാശാല പരീക്ഷകൾ, പി എസ് സി പരീക്ഷകൾ എന്നിവയ്ക്ക് അവധി ബാധകമല്ല.
വയനാട് തിരുനെല്ലിയിൽ യുവതി വെട്ടേറ്റു മരിച്ചു; പോലീസ് അന്വേഷണം തുടങ്ങി
വയനാട് തിരുനെല്ലി അപ്പപ്പാറയിൽ യുവതി വെട്ടേറ്റു മരിച്ച നിലയിൽ കണ്ടെത്തി. വാകേരി സ്വദേശി പ്രവീണയാണ് മരിച്ചത്. ഭർത്താവുമായി അകന്ന് ദിലീഷ് എന്നൊരാൾക്കൊപ്പം താമസിച്ചു വരികയായിരുന്നു പ്രവീണ. സംഭവത്തിൽ പോലീസ് അന്വേഷണം ആരംഭിച്ചു.
ബത്തേരി ആയുധ കടത്ത് കേസ്: ഒളിവിൽ കഴിഞ്ഞിരുന്ന പ്രതിയും പിടിയിൽ
ബത്തേരിയിൽ ലൈസൻസില്ലാതെ ആയുധം കടത്തിയ കേസിൽ ഒളിവിൽ കഴിഞ്ഞിരുന്ന ഒരാളെക്കൂടി പോലീസ് പിടികൂടി. മാനന്തവാടിയിൽ നിന്നാണ് ബത്തേരി പോലീസ് ഇൻസ്പെക്ടർ രാഘവന്റെ നേതൃത്വത്തിലുള്ള സംഘം ഇയാളെ പിടികൂടിയത്. ഇതോടെ ഈ കേസുമായി ബന്ധപ്പെട്ട് നാല് പ്രതികളും അറസ്റ്റിലായി.
വയനാട്ടിൽ വീണ്ടും പുലി ആക്രമണം; ഒരാടിനെ കൂടി കൊന്നു
വയനാട്ടിൽ പുലി ശല്യം രൂക്ഷമായി തുടരുന്നു. പുല്പ്പള്ളി മുള്ളൻകൊല്ലി കബനിഗിരിയിൽ ഒരാടിനെ പുലി കൊന്നു. ബത്തേരിയിൽ കാർ യാത്രികന്റെ മുന്നിൽ പുലി പ്രത്യക്ഷപ്പെട്ടു. പ്രദേശവാസികൾ ഭീതിയിലാണ്.
ചൂരൽമല ദുരന്തം: അടിയന്തര സഹായം നൽകണമെന്ന് പ്രിയങ്ക ഗാന്ധി
വയനാട് ചൂരൽമലയിലെ ഉരുൾപൊട്ടൽ ദുരിതബാധിതർക്ക് അടിയന്തര സഹായം നൽകണമെന്ന് ആവശ്യപ്പെട്ട് പ്രിയങ്ക ഗാന്ധി മുഖ്യമന്ത്രിക്ക് കത്തയച്ചു. ദുരിതബാധിതരുടെ വായ്പകൾ എഴുതി തള്ളുന്നതിനും, ആനുകൂല്യങ്ങൾ കൃത്യ സമയത്ത് വിതരണം ചെയ്യണമെന്നും കത്തിൽ ആവശ്യപ്പെട്ടിട്ടുണ്ട്. വീട് നഷ്ടപ്പെട്ടവരുടെ അന്തിമപട്ടിക പ്രസിദ്ധീകരിക്കാത്തത് ആശങ്ക വർദ്ധിപ്പിക്കുന്നുവെന്നും കത്തിൽ പറയുന്നു.
വയനാട്ടിൽ വിനോദ സഞ്ചാര കേന്ദ്രങ്ങളിൽ നിയന്ത്രണം; കണ്ണൂർ പഴശ്ശി അണക്കെട്ട് തുറക്കുന്നു
വയനാട് ജില്ലയിൽ റെഡ് അലർട്ട് പ്രഖ്യാപിച്ച സാഹചര്യത്തിൽ വിനോദ സഞ്ചാര കേന്ദ്രങ്ങളിൽ നിയന്ത്രണം ഏർപ്പെടുത്തി. എടക്കൽ ഗുഹയിലേക്കുള്ള പ്രവേശനം നിരോധിച്ചു, ബോട്ടിങ് നിർത്തിവെച്ചു. കണ്ണൂർ പഴശ്ശി അണക്കെട്ടിന്റെ ഷട്ടറുകൾ ബുധനാഴ്ച തുറക്കും.
വയനാട് റിസോർട്ട് ദുരന്തം: മനുഷ്യാവകാശ കമ്മീഷൻ കേസെടുത്തു, റിപ്പോർട്ട് തേടി
വയനാട് 900 കണ്ടിയിലെ റിസോർട്ടിൽ താൽക്കാലിക ഷെൽട്ടർ തകർന്ന് യുവതി മരിച്ച സംഭവത്തിൽ മനുഷ്യാവകാശ കമ്മീഷൻ കേസെടുത്തു. ജില്ലാ കളക്ടറും ജില്ലാ പൊലീസ് മേധാവിയും 15 ദിവസത്തിനകം റിപ്പോർട്ട് സമർപ്പിക്കാൻ കമ്മീഷൻ ആവശ്യപ്പെട്ടു. റിസോർട്ട് മാനേജർ ഉൾപ്പെടെ രണ്ടുപേരെ പൊലീസ് അറസ്റ്റ് ചെയ്തിട്ടുണ്ട്.
മേപ്പാടി റിസോർട്ട് ദുരന്തം: ദുരൂഹതയുണ്ടെന്ന് കുടുംബം, അന്വേഷണം ആവശ്യപ്പെട്ട് അമ്മ
വയനാട് മേപ്പാടിയിൽ റിസോർട്ടിൽ ഹട്ട് തകർന്ന് യുവതി മരിച്ച സംഭവത്തിൽ ദുരൂഹതയുണ്ടെന്ന് കുടുംബം ആരോപിക്കുന്നു. അപകടത്തിൽ പരുക്കേറ്റത് നിഷ്മയ്ക്ക് മാത്രമായിരുന്നുവെന്നും കൂടെയുണ്ടായിരുന്ന മറ്റാർക്കും പരുക്കുകളില്ലെന്നും അവർ പറയുന്നു. സംഭവത്തിൽ ദുരൂഹത നീക്കാൻ പ്രത്യേക അന്വേഷണം വേണമെന്ന് നിഷ്മയുടെ മാതാവ് ആവശ്യപ്പെട്ടു.