Wayanad
ചൂരൽമല ദുരന്തഭൂമിയിലെ തരം മാറ്റം; കേസെടുക്കാൻ ലാൻഡ് ബോർഡ്
മുണ്ടക്കൈ ചൂരൽമല ദുരന്തബാധിതർക്കായി മുസ്ലീം ലീഗ് വാങ്ങിയ ഭൂമിയിൽ തരം മാറ്റം കണ്ടെത്തിയതിനെ തുടർന്ന് കേസെടുക്കാൻ ലാൻഡ് ബോർഡ് തീരുമാനിച്ചു. ഇതിനായുള്ള തുടർനടപടികൾക്കായി സോണൽ ലാൻഡ് ബോർഡ് സംസ്ഥാന ലാൻഡ് ബോർഡ് ചെയർമാന് കത്തയച്ചു. നിയമനടപടി ആരംഭിച്ചതോടെ ഭവന നിർമ്മാണ പദ്ധതി വൈകുമോ എന്ന ആശങ്കയിലാണ് ദുരന്തബാധിതർ.
ലീഗ് പാവങ്ങളെ പറ്റിക്കുന്നു; “കീടബാധയാകാൻ മടിയില്ലെന്ന്” കെ.ടി.ജലീൽ
മുസ്ലിം ലീഗ് വയനാട് ജില്ലാ നേതാക്കൾക്കെതിരെ കെ.ടി. ജലീൽ എം.എൽ.എ രംഗത്ത്. സമുദായത്തിൻ്റെ മറവിൽ പാവങ്ങളെ മുസ്ലിംലീഗ് ചൂഷണം ചെയ്യുമ്പോൾ അതിനെ നശിപ്പിക്കുന്ന കീടബാധയായി മാറാൻ തനിക്ക് മടിയില്ലെന്ന് കെ.ടി. ജലീൽ വ്യക്തമാക്കി. വയനാട് പുനരധിവാസത്തിൻ്റെ മറവിൽ പകൽക്കൊള്ള നടത്തിയ ലീഗ്-യൂത്ത് ലീഗ് നേതാക്കളെ വെള്ളപൂശാനുള്ള മുസ്ലിംലീഗിൻ്റെ ശ്രമം വിലപ്പോവില്ലെന്നും അദ്ദേഹം കൂട്ടിച്ചേർത്തു.
വയനാട്ടിൽ മണ്ണ് മാഫിയക്കെതിരെ നടപടിയെടുത്ത വില്ലേജ് ഓഫീസർക്ക് ഭീഷണി
വയനാട്ടിൽ മണ്ണ് മാഫിയക്കെതിരെ ശക്തമായ നടപടിയെടുത്തതിനെ തുടർന്ന് വില്ലേജ് ഓഫീസർക്ക് ഭീഷണി. ഭീഷണി സന്ദേശം അയച്ചയാൾക്കെതിരെ നടപടി ആവശ്യപ്പെട്ട് രാജേഷ് കുമാർ തഹസിൽദാർക്ക് പരാതി നൽകി. സംരക്ഷണം നൽകണമെന്നും അദ്ദേഹം ആവശ്യപ്പെട്ടിട്ടുണ്ട്.
കൈക്കൂലി വാങ്ങുന്നതിനിടെ വയനാട് പയ്യമ്പള്ളി വില്ലേജ് ഓഫീസർ പിടിയിൽ
വയനാട് പയ്യമ്പള്ളി വില്ലേജ് ഓഫീസർ കെ ടി ജോസ് കൈക്കൂലി വാങ്ങുന്നതിനിടെ പിടിയിലായി. തണ്ടപ്പേർ സർട്ടിഫിക്കറ്റ് നൽകാനായി 50,000 രൂപയാണ് ഇയാൾ ആവശ്യപ്പെട്ടത്. വിജിലൻസ് ഡിവൈഎസ്പി ഷാജി വർഗീസിൻ്റെ നേതൃത്വത്തിലായിരുന്നു അറസ്റ്റ്.
കാട്ടാന ശല്യം: ചൂരാൽമലയിൽ നാട്ടുകാരുടെ പ്രതിഷേധം
വയനാട് ചൂരാൽമലയിൽ കാട്ടാന ശല്യം രൂക്ഷമായതിനെ തുടർന്ന് നാട്ടുകാർ മുണ്ടക്കൈ ഫോറസ്റ്റ് സ്റ്റേഷൻ ഉപരോധിച്ചു. കാട്ടാനകൾ കൃഷിയിടങ്ങളിൽ നാശനഷ്ടം വരുത്തുന്നതിൽ പ്രതിഷേധിച്ചാണ് സമരം. ജനങ്ങളുടെ പങ്കാളിത്തത്തോടെ ഒരു വൈദ്യുത വേലി നിർമ്മിക്കാമെന്ന് ഉറപ്പ് നൽകിയതിനെ തുടർന്ന് സമരം താൽക്കാലികമായി പിൻവലിച്ചു.
വയനാട് ചീരാലിൽ വീണ്ടും കടുവാ ഭീതി; കടുവയെ പിടികൂടാൻ തിരച്ചിൽ തുടങ്ങി
വയനാട് ജില്ലയിലെ ചീരാലിൽ ജനവാസ കേന്ദ്രത്തിൽ കടുവയെ കണ്ടതിനെ തുടർന്ന് നാട്ടുകാർ ആശങ്കയിലാണ്. ചീരാൽ പഴൂർ റോഡിൽ പണിക്കരുപടിയിൽ വെച്ച് ഇന്ന് രാവിലെ 9 മണിയോടെയാണ് കടുവയെ കണ്ടത്. കടുവയെ പിടികൂടാനുള്ള ശ്രമങ്ങൾ അധികൃതർ ഊർജ്ജിതമാക്കിയിട്ടുണ്ട്.
തേൻ ശേഖരിക്കാൻ പോയ ആൾക്ക് കരടിയുടെ ആക്രമണം; വയനാട്ടിൽ സംഭവം
വയനാട്ടിൽ തേൻ ശേഖരിക്കാൻ പോയ മധ്യവയസ്കന് കരടിയുടെ ആക്രമണത്തിൽ പരിക്കേറ്റു. തിരുനെല്ലി ബേഗൂർ കാട്ടുനായ്ക്കൻ ഊരിലെ കുമാരനാണ് (50) പരിക്കേറ്റത്. അദ്ദേഹത്തെ വയനാട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ച് പിന്നീട് കോഴിക്കോട് മെഡിക്കൽ കോളേജിലേക്ക് മാറ്റി.
വയനാട്ടിൽ പാസ്റ്ററെ ഭീഷണിപ്പെടുത്തിയ കേസിൽ ബജ്റംഗ്ദൾ പ്രവർത്തകർക്കെതിരെ കേസ്
വയനാട്ടിൽ ഹിന്ദു വീടുകളിൽ കയറിയാൽ കാൽ വെട്ടുമെന്ന് പാസ്റ്റർക്ക് നേരെ ഭീഷണി മുഴക്കിയ ബജ്റംഗ്ദൾ പ്രവർത്തകർക്കെതിരെ പോലീസ് കേസെടുത്തു. ബത്തേരി ടൗണിൽ വെച്ച് പാസ്റ്ററുടെ വാഹനം തടഞ്ഞ് ബജ്റംഗ്ദൾ പ്രവർത്തകർ കയ്യേറ്റം ചെയ്യാൻ ശ്രമിക്കുന്ന ദൃശ്യങ്ങൾ പുറത്തുവന്നിരുന്നു. ഭീഷണി, തടഞ്ഞു വെക്കൽ, കലാപശ്രമം എന്നീ വകുപ്പുകൾ പ്രകാരമാണ് കേസ് രജിസ്റ്റർ ചെയ്തിരിക്കുന്നത്.
വയനാട്ടിൽ പാസ്റ്ററെ ഭീഷണിപ്പെടുത്തി ബജ്റംഗ്ദൾ; കാൽ വെട്ടുമെന്ന് കൊലവിളി
വയനാട്ടിൽ ബജ്റംഗ്ദൾ പ്രവർത്തകർ പാസ്റ്ററെ ഭീഷണിപ്പെടുത്തി. ഹിന്ദു വീടുകളിൽ കയറിയാൽ കാൽ വെട്ടുമെന്ന് ഭീഷണി മുഴക്കി. ബത്തേരി ടൗണിൽ വെച്ച് പാസ്റ്ററുടെ വാഹനം തടഞ്ഞ് കയ്യേറ്റം ചെയ്യാൻ ശ്രമിച്ചു.
മുണ്ടക്കൈ ദുരന്തം: വായ്പ എഴുതി തള്ളുന്നതിൽ തീരുമാനമായില്ലെന്ന് കേന്ദ്രം, ഹൈക്കോടതി വിമർശനം
വയനാട് മുണ്ടക്കൈ-ചൂരൽമല ദുരന്തബാധിതരുടെ വായ്പ എഴുതി തള്ളുന്ന വിഷയത്തിൽ കേന്ദ്രസർക്കാർ ഇതുവരെ തീരുമാനമെടുത്തിട്ടില്ലെന്ന് ഹൈക്കോടതിയിൽ അറിയിച്ചു. ദുരന്തം നടന്ന് ഒരു വർഷം കഴിഞ്ഞിട്ടും തീരുമാനമെടുക്കാത്തതിൽ കോടതി അതൃപ്തി അറിയിച്ചു. എത്രയും പെട്ടെന്ന് തീരുമാനമെടുക്കാൻ സംസ്ഥാന സർക്കാർ കേന്ദ്രത്തോട് ആവശ്യപ്പെട്ടിട്ടുണ്ട്.
വയനാട് ഭവന പദ്ധതിക്കെതിരെ രാഹുൽ മാങ്കൂട്ടത്തിൽ; സർക്കാർ ഒരു വീട് പോലും നൽകിയില്ല
വയനാട് ഭവന പദ്ധതിയിൽ സർക്കാരിനെതിരെ വിമർശനവുമായി രാഹുൽ മാങ്കൂട്ടത്തിൽ എംഎൽഎ. സർക്കാർ ഒരു വീട് പോലും നിർമ്മിച്ച് നൽകിയിട്ടില്ലെന്നും വീടുകൾ നിർമ്മിക്കുന്നത് ഊരാളുങ്കൽ സൊസൈറ്റിയാണെന്നും അദ്ദേഹം ആരോപിച്ചു. യൂത്ത് കോൺഗ്രസ് ഉടൻ തന്നെ ഭവന നിർമ്മാണം ആരംഭിക്കുമെന്നും അദ്ദേഹം കൂട്ടിച്ചേർത്തു. യൂത്ത് കോൺഗ്രസ് നിർമ്മിക്കുന്ന വീടുകൾക്ക് 8 ലക്ഷം രൂപയാണ് ചിലവ് പ്രതീക്ഷിക്കുന്നതെന്നും അദ്ദേഹം പറഞ്ഞു.
വയനാട് ദുരിതാശ്വാസ സഹായം ഡിസംബർ വരെ നീട്ടി; ഓണത്തിന് മുമ്പ് വീട് നൽകും: മന്ത്രി കെ. രാജൻ
വയനാട് ദുരന്തബാധിതർക്കുള്ള ചികിത്സാ സഹായം ഡിസംബർ വരെ നീട്ടിയതായി മന്ത്രി കെ. രാജൻ അറിയിച്ചു. ദുരന്തത്തിൽ കടകളും കച്ചവടവും നഷ്ടപ്പെട്ട വ്യാപാരികൾക്ക് നഷ്ടപരിഹാരം നൽകും. കൂടാതെ ദുരന്തത്തിൽ വീട് നഷ്ടപ്പെട്ടവർക്ക് ഓണത്തിന് മുമ്പ് വീട് നൽകുമെന്നും മന്ത്രി അറിയിച്ചു.