Wayanad
വയനാട്ടിൽ യുഡിഎഫ് സ്ഥാനാർത്ഥിയുടെ വീട്ടിൽ നിന്ന് ഭക്ഷ്യക്കിറ്റുകൾ പിടികൂടി
വയനാട്ടിൽ യുഡിഎഫ് സ്ഥാനാർത്ഥിയുടെ വീട്ടിൽ നിന്ന് ഭക്ഷ്യക്കിറ്റുകൾ പിടികൂടി. കൽപ്പറ്റ നഗരസഭയിലെ അഞ്ചാം വാർഡ് സ്ഥാനാർത്ഥിയുടെ വീട്ടിൽ നിന്നാണ് കിറ്റുകൾ കണ്ടെത്തിയത്. ഭക്ഷ്യക്കിറ്റ് നൽകി വോട്ടർമാരെ സ്വാധീനിക്കാൻ ശ്രമിക്കുന്നുവെന്ന് എൽഡിഎഫ് ആരോപിച്ചു.
വയനാട്ടിൽ വനത്തിൽ അതിക്രമിച്ചു കയറിയ യൂട്യൂബർമാർക്കെതിരെ കേസ്
വയനാട്ടിലെ വനത്തിൽ അതിക്രമിച്ചു കയറിയ യൂട്യൂബർമാർക്കെതിരെ വനം വകുപ്പ് കേസെടുത്തു. അനുമതിയില്ലാതെ വന്യജീവികൾ നിറഞ്ഞ വനത്തിൽ വീഡിയോ ചിത്രീകരണം നടത്തിയതിനാണ് കേസ് എടുത്തത്. ഇത്തരം യാത്രകൾക്കെതിരെ കർശന നടപടിയെടുക്കുമെന്ന് സൗത്ത് വയനാട് ഡി.എഫ്.ഒ അറിയിച്ചു.
വയനാട്ടിൽ പറമ്പിൽ കോഴി കയറിയതിനെ ചൊല്ലി തർക്കം; വയോദമ്പതികൾക്ക് അയൽവാസിയുടെ മർദ്ദനം
വയനാട് കമ്പളക്കാട്, പറമ്പിൽ കോഴി കയറിയതിനെ ചൊല്ലിയുള്ള തർക്കത്തിൽ വയോദമ്പതികൾക്ക് അയൽവാസിയുടെ മർദ്ദനം. കമ്പളക്കാട് സ്വദേശികളായ ലാന്സി തോമസിനും ഭാര്യ അമ്മിണിക്കുമാണ് പരിക്കേറ്റത്. സംഭവത്തിൽ കമ്പളക്കാട് പോലീസ് കേസെടുത്ത് അന്വേഷണം ആരംഭിച്ചു.
വയനാട്ടിൽ യുവാവിനെ വെട്ടിക്കൊലപ്പെടുത്താൻ ശ്രമിച്ച പ്രതി പിടിയിൽ
വയനാട് ബത്തേരിയിൽ യുവാവിനെ വെട്ടിക്കൊലപ്പെടുത്താൻ ശ്രമിച്ച കേസിൽ ഒരാൾ അറസ്റ്റിലായി. ബത്തേരി പൊലീസ് നടത്തിയ അന്വേഷണത്തിലാണ് പ്രതി പിടിയിലായത്. ഇയാൾക്കെതിരെ കൊലപാതകശ്രമം ഉൾപ്പെടെ നിരവധി കേസുകൾ നിലവിലുണ്ട്.
വയനാട് വെള്ളമുണ്ടിൽ ആദിവാസി സ്ത്രീകൾക്ക് വെട്ടേറ്റ കേസിൽ പ്രതി പിടിയിൽ
വയനാട് വെള്ളമുണ്ടിൽ ആദിവാസി സ്ത്രീകൾക്ക് വെട്ടേറ്റ സംഭവത്തിൽ പ്രതിയായ രാജുവിനെ പോലീസ് പിടികൂടി. ഒളിവിൽ കഴിയുകയായിരുന്ന പ്രതിയെ പോലീസ് തിരച്ചിലിനൊടുവിൽ കണ്ടെത്തുകയായിരുന്നു. കുടുംബ പ്രശ്നങ്ങളാണ് അക്രമണത്തിലേക്ക് നയിച്ചതെന്ന് പോലീസ് പറയുന്നു.
വയനാട് പുൽപ്പള്ളിയിൽ സ്കൂൾ വിദ്യാർത്ഥികൾക്ക് ഭക്ഷ്യവിഷബാധ
വയനാട് പുൽപ്പള്ളി ചേകാടി ഗവ. എ.യു.പി സ്കൂളിലെ വിദ്യാർത്ഥികൾക്ക് ഭക്ഷ്യവിഷബാധ. കണ്ണൂരിൽ നിന്ന് വിനോദയാത്ര കഴിഞ്ഞ് മടങ്ങിയെത്തിയ 20 വിദ്യാർത്ഥികൾ ഉൾപ്പെടെ 38 പേർ ആശുപത്രിയിൽ ചികിത്സ തേടി. സ്കൂളിൽ നിന്ന് കൊണ്ടുപോയ ഭക്ഷണത്തിൽ നിന്നാണ് ഭക്ഷ്യവിഷബാധ ഉണ്ടായതെന്ന് സംശയം.
വയനാട്ടിൽ ആദിവാസി സ്ത്രീകൾക്ക് വെട്ടേറ്റു; ഭർത്താവ് രാജുവിനെതിരെ കേസ്
വയനാട്ടിൽ രണ്ട് ആദിവാസി സ്ത്രീകൾക്ക് വെട്ടേറ്റു. കൊച്ചാറ ആദിവാസി ഉന്നതിയിലെ മാധവിക്കും മകൾ ആതിരയ്ക്കുമാണ് വെട്ടേറ്റത്. ആതിരയുടെ ഭർത്താവായ രാജുവാണ് വെട്ടിയതെന്നാണ് സൂചന. ഇയാൾക്കെതിരെ നിരവധി ക്രിമിനൽ കേസുകളുണ്ട്.
വയനാട് ജില്ലാ പഞ്ചായത്ത് സ്ഥാനാർഥി നിർണയം; യൂത്ത് കോൺഗ്രസ്, കെഎസ്യു നേതാക്കൾക്ക് പരിഗണന
വയനാട് ജില്ലാ പഞ്ചായത്ത് സ്ഥാനാർഥി നിർണയത്തിൽ യൂത്ത് കോൺഗ്രസ്, കെ.എസ്.യു നേതാക്കൾക്ക് പരിഗണന നൽകാൻ കോൺഗ്രസ് തീരുമാനം. നിലവിലെ ജില്ലാ പഞ്ചായത്ത് പ്രസിഡന്റ് സംഷാദ് മരയ്ക്കാർ, കെ.എസ്.യു ജില്ലാ പ്രസിഡന്റ് ഗൗതം ഗോകുൽദാസ്, യൂത്ത് കോൺഗ്രസ് സംസ്ഥാന ജനറൽ സെക്രട്ടറി ജഷീർ പള്ളിവയൽ എന്നിവരെ സ്ഥാനാർഥികളാക്കും. പ്രതിഷേധങ്ങൾക്കിടയിലും യൂത്ത് കോൺഗ്രസ് നേതാക്കൾക്ക് പരിഗണന നൽകുന്നത് ശ്രദ്ധേയമാണ്.
വയനാട്ടിൽ കോൺഗ്രസ് സ്ഥാനാർത്ഥി നിർണയത്തിനെതിരെ യൂത്ത് കോൺഗ്രസ് നേതാവ്
വയനാട്ടിലെ കോൺഗ്രസ് സ്ഥാനാർത്ഥി നിർണയത്തിനെതിരെ യൂത്ത് കോൺഗ്രസ് സംസ്ഥാന ജനറൽ സെക്രട്ടറി ജഷീർ പള്ളിവയൽ വിമർശനവുമായി രംഗത്ത്. സ്ഥാനാർത്ഥി പ്രഖ്യാപനത്തിൽ യുവാക്കളെ അവഗണിച്ചെന്നും, അടിത്തട്ടിൽ പ്രവർത്തിച്ചാൽ കൂടെയുള്ളവർ ശത്രുക്കളാകുമെന്നും അദ്ദേഹം ഫേസ്ബുക്കിൽ കുറിച്ചു. യൂത്ത് കോൺഗ്രസ് ജില്ലാ അധ്യക്ഷൻ അമൽ ജോയ് അടക്കമുള്ളവർക്ക് സീറ്റ് ലഭിക്കാത്തതിലും പ്രതിഷേധമുണ്ട്.
വയനാട്ടിൽ ഗർഭിണിയായ ആദിവാസി യുവതിയെ കാണാതായി; വനത്തിൽ തിരച്ചിൽ ഊർജ്ജിതമാക്കി
വയനാട് അട്ടമലയിൽ എട്ടുമാസം ഗർഭിണിയായ ആദിവാസി യുവതിയെ കാണാതായി. ഏറാട്ടുകുണ്ട് ഉന്നതിയിലെ കൃഷ്ണന്റെ ഭാര്യ ലക്ഷ്മിയെയാണ് (ശാന്ത) കാണാതായത്. വനംവകുപ്പും പൊലീസും പട്ടികവർഗ്ഗ വകുപ്പും ചേർന്ന് നിലമ്പൂർ വനത്തിൽ തിരച്ചിൽ നടത്തുന്നു.
പുല്പ്പള്ളി സാമൂഹിക ആരോഗ്യ കേന്ദ്രത്തില് ഡോക്ടര്ക്ക് മര്ദ്ദനം; പോലീസ് അന്വേഷണം തുടങ്ങി
വയനാട് പുല്പ്പള്ളി സാമൂഹിക ആരോഗ്യ കേന്ദ്രത്തിലെ ഡോക്ടര്ക്ക് മര്ദ്ദനമേറ്റു. ജോലി കഴിഞ്ഞ് പുറത്തിറങ്ങിയ ഡോക്ടര് ജിതിന് രാജിനാണ് മര്ദ്ദനമേറ്റത്. സംഭവത്തില് പൊലീസ് അന്വേഷണം തുടങ്ങി.
മകന് ഇടതുപക്ഷ സ്ഥാനാര്ത്ഥിയായതിന് പിതാവിന് തൊഴില് വിലക്ക്; പ്രതിഷേധം കനക്കുന്നു
വയനാട് മുള്ളൻകൊല്ലിയിൽ മകനെ ഇടതുപക്ഷ സ്ഥാനാർത്ഥിയാക്കിയതിന്റെ പേരിൽ പിതാവിനെ ജോലിയിൽ നിന്ന് ഐഎൻടിയുസി നേതൃത്വം തടഞ്ഞുവെന്ന് ആരോപണം. ഐഎൻടിയുസി യൂണിയൻ തൊഴിലാളിയായ രാജനെയാണ് ജോലി ചെയ്യുന്നതിൽ നിന്നും വിലക്കിയതായി പറയുന്നത്. മുള്ളൻകൊല്ലി പഞ്ചായത്തിലെ 18-ാം വാർഡിലെ എൽഡിഎഫ് സ്ഥാനാർത്ഥിയാണ് രാജന്റെ മകൻ സി ആർ വിഷ്ണു.