Voter List Issue
പത്തനംതിട്ട നഗരസഭയിൽ ഒരു വീട്ടിൽ 226 വോട്ടർമാരെന്ന് സിപിഐഎം; തിരഞ്ഞെടുപ്പ് കമ്മീഷന് പരാതി നൽകും
പത്തനംതിട്ട നഗരസഭയിലെ ഒന്നാം വാർഡിൽ ഒരു വീട്ടിൽ 226 പേർക്ക് വോട്ട് എന്ന ആരോപണവുമായി സിപിഐഎം. നഗരസഭയിലെ വോട്ടർ പട്ടികയിൽ വ്യാപക ക്രമക്കേട് നടന്നുവെന്നും, ഇതിനെതിരെ തിരഞ്ഞെടുപ്പ് കമ്മീഷന് പരാതി നൽകുമെന്നും സിപിഐഎം അറിയിച്ചു. ഒന്നാം വാർഡിലെ ഒന്നാം നമ്പർ വീട്ടിലാണ് ഇത്രയധികം വോട്ടർമാരുള്ളതെന്നാണ് കണ്ടെത്തൽ.
തദ്ദേശ തിരഞ്ഞെടുപ്പ്: നാമനിർദ്ദേശ പത്രിക സമർപ്പിക്കാനുള്ള അവസാന തീയതി ഇന്ന്; വോട്ടർ പട്ടിക കേസിൽ സുപ്രീം കോടതി ഇന്ന് വാദം കേൾക്കും
തദ്ദേശ തിരഞ്ഞെടുപ്പിൽ മത്സരിക്കുന്നതിനുള്ള നാമനിർദ്ദേശ പത്രികകൾ സമർപ്പിക്കാനുള്ള അവസാന തീയതി ഇന്നാണ്. വൈകിട്ട് മൂന്ന് മണി വരെ സ്ഥാനാർത്ഥികൾക്ക് പത്രിക സമർപ്പിക്കാം. കൂടാതെ, കേരളത്തിലെ വോട്ടർ പട്ടികയിലെ ക്രമക്കേടുകൾക്കെതിരായ ഹർജികൾ ഇന്ന് സുപ്രീം കോടതി പരിഗണിക്കും. തിരഞ്ഞെടുപ്പ് പൂർത്തിയാകുന്നതുവരെ സ്റ്റേ ചെയ്യണമെന്നാണ് സംസ്ഥാന സർക്കാരിന്റെ ആവശ്യം.
വൈഷ്ണ സുരേഷിന്റെ വോട്ട് നീക്കം ചെയ്യാൻ സി.പി.ഐ.എം ഗൂഢാലോചന നടത്തിയെന്ന് വി.ഡി. സതീശൻ
തിരുവനന്തപുരം കോർപ്പറേഷൻ മുട്ടട വാർഡിലെ യു.ഡി.എഫ് സ്ഥാനാർത്ഥി വൈഷ്ണ സുരേഷിന്റെ പേര് വോട്ടർപട്ടികയിൽ നിന്ന് നീക്കം ചെയ്യാൻ സി.പി.ഐ.എം ക്രിമിനൽ ഗൂഢാലോചന നടത്തിയെന്ന് പ്രതിപക്ഷ നേതാവ് വി.ഡി. സതീശൻ ആരോപിച്ചു. തിരുവനന്തപുരത്തെ രണ്ട് പ്രധാന സി.പി.ഐ.എം നേതാക്കൾക്ക് ഗൂഢാലോചനയിൽ നേരിട്ട് പങ്കുണ്ട്. തിരഞ്ഞെടുപ്പ് കമ്മീഷൻ ഈ വിഷയത്തിൽ സമഗ്രമായ അന്വേഷണം നടത്തണമെന്നും അദ്ദേഹം ആവശ്യപ്പെട്ടു.
വോട്ടർ പട്ടികാ ക്രമക്കേട്: ബംഗാളിൽ തൃണമൂൽ കോൺഗ്രസ് പ്രതിഷേധം ശക്തമാക്കുന്നു
വോട്ടർ പട്ടികയിലെ ക്രമക്കേടുകൾക്കെതിരെ തൃണമൂൽ കോൺഗ്രസ് പ്രതിഷേധം ശക്തമാക്കുന്നു. മുഖ്യമന്ത്രി മമത ബാനർജിയും എംപി അഭിഷേക് ബാനർജിയും നാളെ കൊൽക്കത്തയിൽ പ്രതിഷേധിക്കും. പ്രതിപക്ഷ നേതാവ് ബിഎൽഒമാരെ ഭീഷണിപ്പെടുത്തിയെന്ന് തൃണമൂൽ കോൺഗ്രസ് ആരോപിച്ചു.
കാസർഗോഡ് ചെമ്മനാട്, ഉദുമ: വോട്ടർ പട്ടികയിൽ ക്രമക്കേടെന്ന് പരാതി
കാസർഗോഡ് ജില്ലയിലെ ചെമ്മനാട്, ഉദുമ എന്നിവിടങ്ങളിൽ വോട്ടർ പട്ടികയിൽ ക്രമക്കേടുകളുണ്ടെന്ന് പരാതി. ഉദുമ പഞ്ചായത്തിലെ ഒരു വീട്ടിൽ ഉടമസ്ഥൻ അറിയാതെ ഏഴ് പേരെ വോട്ടർ പട്ടികയിൽ ചേർത്തതായി ആരോപണമുണ്ട്. ചെമ്മനാട് പഞ്ചായത്തിൽ ചില രാഷ്ട്രീയ പാർട്ടികൾക്ക് താൽപ്പര്യമുള്ള വാർഡുകളിൽ കൂട്ടത്തോടെ ആളുകളെ ചേർക്കുന്നുവെന്നും പരാതിയുണ്ട്.
രാഹുൽ ഗാന്ധിയുടെ ആരോപണങ്ങൾ അടിസ്ഥാനരഹിതമെന്ന് തിരഞ്ഞെടുപ്പ് കമ്മീഷൻ
രാഹുൽ ഗാന്ധിയുടെ ആരോപണങ്ങൾ തള്ളി തിരഞ്ഞെടുപ്പ് കമ്മീഷൻ രംഗത്ത്. രാഹുൽ ഗാന്ധി പരാമർശിച്ച കേസിൽ തിരഞ്ഞെടുപ്പ് കമ്മീഷൻ തന്നെയാണ് എഫ്ഐആർ ഫയൽ ചെയ്തതെന്ന് കമ്മീഷൻ അറിയിച്ചു. പൊതുജനങ്ങളിൽ ആർക്കും ഓൺലൈനായി വോട്ട് നീക്കം ചെയ്യാനാകില്ലെന്നും കമ്മീഷൻ വ്യക്തമാക്കി.
തൃശ്ശൂരിലെ വോട്ടർപട്ടിക ക്രമക്കേട്; ടി.എൻ. പ്രതാപന് മറുപടിയുമായി തിരഞ്ഞെടുപ്പ് കമ്മീഷൻ
തൃശ്ശൂരിലെ വോട്ടർ പട്ടിക ക്രമക്കേട് ആരോപണത്തിൽ ടി.എൻ. പ്രതാപന് മറുപടിയുമായി തിരഞ്ഞെടുപ്പ് കമ്മീഷൻ രംഗത്ത്. സുരേഷ് ഗോപി വ്യാജ രേഖകൾ ഉപയോഗിച്ച് വോട്ട് ചേർക്കാൻ ശ്രമിച്ചു എന്നായിരുന്നു ടി.എൻ. പ്രതാപന്റെ പ്രധാന ആരോപണം. പരാതികൾ ഉണ്ടെങ്കിൽ ഹൈക്കോടതിയെ സമീപിക്കാമെന്നും തിരഞ്ഞെടുപ്പ് കമ്മീഷൻ അറിയിച്ചു.
വോട്ടർപട്ടിക ക്രമക്കേട്: ആരോപണം സർക്കാരിന്റെ ശ്രദ്ധ തിരിക്കാനുള്ള ശ്രമമെന്ന് രാജീവ് ചന്ദ്രശേഖർ
തൃശ്ശൂരിലെ വോട്ടർപട്ടിക ക്രമക്കേട് വിവാദത്തിൽ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ പ്രതികരിച്ചു. ഇത് സർക്കാരിന്റെ ശ്രദ്ധ തിരിക്കാനുള്ള ശ്രമമാണെന്ന് അദ്ദേഹം ആരോപിച്ചു. തിരഞ്ഞെടുപ്പ് കമ്മീഷനിലോ കോടതിയിലോ പരാതി നൽകാതെ ജനങ്ങളെ വിഡ്ഢികളാക്കാൻ ശ്രമിക്കരുതെന്നും അദ്ദേഹം പറഞ്ഞു.
തൃശൂരിലെ വോട്ടർ പട്ടിക ക്രമക്കേടിൽ സുരേഷ് ഗോപി രാജി വെക്കുന്നതിനെക്കുറിച്ച് ആലോചിക്കണമെന്ന് കെ. സുധാകരൻ
തൃശൂരിലെ വോട്ടർപട്ടിക ക്രമക്കേടിൽ സുരേഷ് ഗോപി രാജി വെക്കുന്നതിനെക്കുറിച്ച് ആലോചിക്കണമെന്ന് കെ. സുധാകരൻ അഭിപ്രായപ്പെട്ടു. സുരേഷ് ഗോപിക്ക് വേണ്ടി ബിജെപി വ്യാജ വോട്ട് ചേർത്തെന്നും സുധാകരൻ ആരോപിച്ചു. നാണംകെട്ട വഴിയിലൂടെ എംപി ആകുന്നതിലും നല്ലത് ആത്മഹത്യ ചെയ്യുന്നതാണെന്നും അദ്ദേഹം കൂട്ടിച്ചേർത്തു
വോട്ടർപട്ടിക ക്രമക്കേട്: പ്രതിപക്ഷ എംപിമാരുടെ കൂടിക്കാഴ്ചയ്ക്ക് സമയം അനുവദിച്ച് തെരഞ്ഞെടുപ്പ് കമ്മീഷൻ
വോട്ടർപട്ടിക ക്രമക്കേടുമായി ബന്ധപ്പെട്ട് പ്രതിപക്ഷ എംപിമാർക്ക് തെരഞ്ഞെടുപ്പ് കമ്മീഷൻ കൂടിക്കാഴ്ചയ്ക്ക് സമയം അനുവദിച്ചു. ഉച്ചയ്ക്ക് 12 മണിക്കാണ് കൂടിക്കാഴ്ച. ലോക്സഭാ പ്രതിപക്ഷനേതാവ് രാഹുൽ ഗാന്ധിയുടെ നേതൃത്വത്തിൽ ഇന്ന് പാർലമെന്റിലേക്ക് പ്രതിഷേധ മാർച്ചും സംഘടിപ്പിക്കും.