Vietnamese Cinema

30-ാമത് ഐ.എഫ്.എഫ്.കെയിൽ വിയറ്റ്നാമീസ് ചിത്രങ്ങൾ പ്രദർശിപ്പിക്കും

കേരള സംസ്ഥാന ചലച്ചിത്ര അക്കാദമി ഡിസംബർ 12 മുതൽ 19 വരെ തിരുവനന്തപുരത്ത് സംഘടിപ്പിക്കുന്ന 30-ാമത് ഐ.എഫ്.എഫ്.കെയിൽ കൺട്രി ഫോക്കസ് വിഭാഗത്തിൽ വിയറ്റ്നാമിൽ നിന്നുള്ള അഞ്ച് മികച്ച ചിത്രങ്ങൾ പ്രദർശിപ്പിക്കും. വിയറ്റ്നാമിന്റെ സാംസ്കാരികവും വൈകാരികവും രാഷ്ട്രീയപരവുമായ തലങ്ങളെ അനാവരണം ചെയ്യുന്ന ചിത്രങ്ങളാണ് ഈ മേളയിൽ ഉൾപ്പെടുത്തിയിരിക്കുന്നത്. ചരിത്രപരമായ ചെറുത്തുനിൽപ്പ്, സാംസ്കാരിക അതിജീവനം, യുദ്ധം മനുഷ്യരിൽ വരുത്തുന്ന ആഘാതം എന്നിങ്ങനെ വൈവിധ്യമാർന്ന കാഴ്ചകൾ ഈ സിനിമകൾ പങ്കുവെക്കുന്നു.