Veena George
ആരോഗ്യ മന്ത്രി രാജി വെക്കണം; രൂക്ഷ വിമർശനവുമായി രമേശ് ചെന്നിത്തല
ആരോഗ്യ വകുപ്പിനെതിരെ മുൻ പ്രതിപക്ഷ നേതാവ് രമേശ് ചെന്നിത്തല രംഗത്ത്. ആരോഗ്യ മന്ത്രി വീണാ ജോർജ് രാജി വെക്കണമെന്നും, മന്ത്രിക്ക് അധികാരത്തിൽ തുടരാൻ ധാർമികതയില്ലെന്നും അദ്ദേഹം പറഞ്ഞു. കള്ളങ്ങൾ തുടർന്ന് പറഞ്ഞതിന് ശേഷം ഒടുവിൽ മാപ്പ് പറഞ്ഞു രക്ഷപ്പെടാൻ ശ്രമിക്കുന്നുവെന്നും അദ്ദേഹം കുറ്റപ്പെടുത്തി.
അംഗനവാടിയിൽ പ്രഖ്യാപിച്ച ബിരിയാണി ഇതുവരെ കിട്ടിയോ? മന്ത്രിയുടെ പ്രഖ്യാപനം വെറും വാഗ്ദാനമോ?
അംഗനവാടി കുട്ടികൾക്ക് പോഷകാഹാരം ലഭ്യമാക്കുന്നതിന് വേണ്ടി പ്രഖ്യാപിച്ച ഏകീകൃത മെനുവിൽ ബിരിയാണി ഉൾപ്പെടുത്തിയിരുന്നു. എന്നാൽ, മന്ത്രിയുടെ പ്രഖ്യാപനം കഴിഞ്ഞ് നാളുകൾ കഴിഞ്ഞിട്ടും കുട്ടികൾക്ക് ബിരിയാണി ലഭിച്ചിട്ടില്ല. നിലവിലെ ഫണ്ട് ഉപയോഗിച്ച് ബിരിയാണി വിളമ്പാൻ സാധിക്കാത്ത സാഹചര്യമാണുള്ളതെന്ന് ജീവനക്കാർ പറയുന്നു.
അങ്കണവാടി കുട്ടികൾക്ക് ബിരിയാണി നൽകാനുള്ള പ്രഖ്യാപനം നടപ്പായില്ല; ആശങ്കയിൽ അധ്യാപകർ
സംസ്ഥാനത്ത് അങ്കണവാടി കുട്ടികൾക്ക് ബിരിയാണി നൽകാനുള്ള പ്രഖ്യാപനം ഇതുവരെ നടപ്പിലായിട്ടില്ല. ഭക്ഷണ മെനു പരിഷ്കരിച്ച് മന്ത്രി വീണാ ജോർജ് പ്രഖ്യാപനം നടത്തി രണ്ട് മാസമായിട്ടും കുട്ടികൾക്ക് ബിരിയാണി ലഭ്യമല്ല. നിലവിൽ പഴയ രീതിയിലുള്ള ഫണ്ട് മാത്രമാണ് ലഭിക്കുന്നതെന്ന് അധ്യാപകർ പറയുന്നു.
മെഡിക്കൽ കോളേജിൽ ഉപകരണം കാണാതായ സംഭവം: ആരോഗ്യമന്ത്രിയുടെ ആരോപണം തള്ളി ഡോ.ഹാരിസ്
തിരുവനന്തപുരം മെഡിക്കൽ കോളേജിൽ നിന്ന് ഉപകരണം കാണാതായ സംഭവത്തിൽ ഡോ.ഹാരിസിനെതിരെ ആരോഗ്യമന്ത്രി വീണാ ജോർജ് ആരോപണം ഉന്നയിച്ചു. എന്നാൽ, ആരോഗ്യമന്ത്രിയുടെ ആരോപണങ്ങളെ ഡോ. ഹാരിസ് തള്ളി. പരിചയക്കുറവ് മൂലം മാറ്റിവെച്ചതാണെന്നും എല്ലാ അന്വേഷണവും സ്വാഗതം ചെയ്യുന്നതായും അദ്ദേഹം പറഞ്ഞു.
സംസ്ഥാനത്തെ മുലപ്പാൽ ബാങ്കുകൾ വൻ വിജയമെന്ന് മന്ത്രി വീണാ ജോർജ്
സംസ്ഥാനത്ത് സ്ഥാപിച്ച മുലപ്പാൽ ബാങ്കുകൾ വൻ വിജയമാണെന്ന് ആരോഗ്യ വകുപ്പ് മന്ത്രി വീണാ ജോർജ് പറഞ്ഞു. ഇതുവരെ 17,307 കുഞ്ഞുങ്ങൾക്ക് മുലപ്പാൽ നൽകി. കൂടുതൽ ആശുപത്രികളിൽ മുലപ്പാൽ ബാങ്കുകൾ സ്ഥാപിക്കുമെന്നും മന്ത്രി അറിയിച്ചു.
ശ്രീചിത്ര ഹോമിൽ കുട്ടികൾ ആത്മഹത്യക്ക് ശ്രമിച്ചത് വീടുകളിലേക്ക് പോകാൻ വേണ്ടി; റിപ്പോർട്ട് തേടി മന്ത്രി
ശ്രീചിത്ര ഹോമിൽ ആത്മഹത്യക്ക് ശ്രമിച്ച കുട്ടികളെ വീടുകളിലേക്ക് അയക്കാൻ സാധിക്കാത്ത സാഹചര്യമാണുള്ളതെന്ന് ജില്ലാ വനിത ശിശു സംരക്ഷണ ഡയറക്ടർ റിപ്പോർട്ട് നൽകി. കുട്ടികളുടെ സുരക്ഷ ഉറപ്പാക്കേണ്ടത് ജില്ലാ കളക്ടർ ചെയർപേഴ്സണായ മേൽനോട്ടസമിതിയാണെന്നും മന്ത്രി അറിയിച്ചു. കുട്ടികളുടെ ഇപ്പോഴത്തെ സാഹചര്യത്തിൽ സിഡബ്ല്യുസി വിശദമായ കൂടിയാലോചനകൾ നടത്തേണ്ടതുണ്ട്.
ഓരോ കുട്ടിയുടെയും കഴിവുകൾ തിരിച്ചറിയണം: മന്ത്രി വീണാ ജോർജ്
ആരോഗ്യ വനിത ശിശു വികസന വകുപ്പ് മന്ത്രി വീണാ ജോർജ്, ഓരോ കുട്ടിയുടെയും കഴിവുകൾ തിരിച്ചറിയേണ്ടതിൻ്റെ പ്രാധാന്യം എടുത്തുപറഞ്ഞു. ബാലഭിക്ഷാടനവും ബാലവേലയും ഇല്ലാതാക്കാൻ വനിതാ ശിശു വികസന വകുപ്പ് വിവിധ പദ്ധതികൾ നടപ്പാക്കുന്നുണ്ടെന്നും മന്ത്രി അറിയിച്ചു. ഉജ്ജ്വല ബാല്യം പുരസ്കാര വിതരണ ചടങ്ങിൽ സംസാരിക്കുകയായിരുന്നു മന്ത്രി.
നിപ്പ: സംസ്ഥാനത്ത് 648 പേർ നിരീക്ഷണത്തിൽ; സ്ഥിതിഗതികൾ വിലയിരുത്തി
സംസ്ഥാനത്ത് നിപ്പ വൈറസ് ബാധയുടെ പശ്ചാത്തലത്തിൽ 648 പേരാണ് നിലവിൽ നിരീക്ഷണത്തിലുള്ളത്. മലപ്പുറത്ത് 13 പേരും പാലക്കാട് 17 പേരും ഐസൊലേഷനിൽ ചികിത്സയിലാണ്. മന്ത്രി വീണാ ജോർജിന്റെ നേതൃത്വത്തിൽ ചേർന്ന ഉന്നതതല യോഗം സംസ്ഥാനത്തെ നിപ്പ സ്ഥിതിഗതികൾ വിലയിരുത്തി.
ആരോഗ്യമന്ത്രി രാജി വെച്ച് വാർത്ത വായിക്കാൻ പോകണം; കെ.മുരളീധരൻ
ആരോഗ്യമന്ത്രി വീണാ ജോർജിനെതിരെ രൂക്ഷ വിമർശനവുമായി കോൺഗ്രസ് നേതാവ് കെ. മുരളീധരൻ. വീണാ ജോർജ് കോട്ടയത്ത് ഇല്ലായിരുന്നെങ്കിൽ മരണപ്പെട്ട ബിന്ദു രക്ഷപ്പെട്ടേനെ. വീട്ടമ്മയെ കൊന്ന കേസിൽ പ്രതി ചേർക്കപ്പെടേണ്ട സ്ത്രീയാണ് ആരോഗ്യമന്ത്രിയെന്നും കെ മുരളീധരൻ ആരോപിച്ചു.
സംസ്ഥാനത്ത് 498 പേർ നിരീക്ഷണത്തിൽ; പ്രതിരോധ പ്രവർത്തനങ്ങൾ ശക്തമാക്കി ആരോഗ്യവകുപ്പ്
സംസ്ഥാനത്ത് നിപ വൈറസ് ബാധ സ്ഥിരീകരിച്ച സാഹചര്യത്തിൽ ആരോഗ്യവകുപ്പ് പ്രതിരോധ പ്രവർത്തനങ്ങൾ ശക്തമാക്കി. ആകെ 498 പേരാണ് നിപ സമ്പര്ക്കപ്പട്ടികയിലുള്ളത്. പ്രതിരോധ പ്രവർത്തനങ്ങൾ സെപ്റ്റംബർ മാസം വരെ ശക്തമായി തുടരുമെന്ന് മന്ത്രി അറിയിച്ചു.
സർക്കാർ ആശുപത്രിയിൽ ദുരനുഭവം; മന്ത്രിയെ പരിഹസിച്ച് പുത്തൂർ റഹ്മാൻ
കേരളത്തിലെ സർക്കാർ ആശുപത്രികളുടെ ഗുണനിലവാരത്തെക്കുറിച്ചുള്ള ചർച്ചകൾക്കിടെ, തനിക്കുണ്ടായ അനുഭവം പങ്കുവെച്ച് യുഎഇ കെഎംസിസി പ്രസിഡന്റ് പുത്തൂർ റഹ്മാൻ. സർക്കാർ ആശുപത്രിയിൽ തനിക്ക് മോശം അനുഭവമാണ് ഉണ്ടായതെന്നും ഒടുവിൽ സ്വകാര്യ ആശുപത്രിയെ ആശ്രയിക്കേണ്ടി വന്നെന്നും അദ്ദേഹം പറയുന്നു. ആരോഗ്യമന്ത്രി വീണാ ജോർജിനെയും അദ്ദേഹം വിമർശിച്ചു.
ആരോഗ്യമേഖലയെ തകർക്കാൻ ശ്രമം; പ്രതിപക്ഷ നേതാവുമായി തുറന്ന ചർച്ചയ്ക്ക് തയ്യാറെന്ന് മന്ത്രി വീണാ ജോർജ്
ആരോഗ്യമേഖലയെ മനഃപൂർവം മോശമായി ചിത്രീകരിക്കുന്നുവെന്ന് ആരോഗ്യമന്ത്രി വീണാ ജോർജ്. പ്രതിപക്ഷ നേതാവ് ഇതിന് നേതൃത്വം നൽകുന്നുവെന്നും ചില മാധ്യമങ്ങൾ ഇതിന് കൂട്ടുനിൽക്കുന്നുവെന്നും മന്ത്രി കുറ്റപ്പെടുത്തി. ഈ വിഷയത്തിൽ പ്രതിപക്ഷ നേതാവുമായി തുറന്ന ചർച്ചയ്ക്ക് തയ്യാറാണെന്നും മന്ത്രി അറിയിച്ചു.